EUR-Lex Access to European Union law
This document is an excerpt from the EUR-Lex website
Document 52006PC0517
Communication from the Commission to the European Parliament pursuant to the second subparagraph of Article 251 (2) of the EC Treaty concerning the common position of the Council on the adoption of a Regulation of the European Parliament and of the Council on international rail passengers’ rights and obligations
Komunikazzjoni mill-Kummissjoni lill-Parlament Ewropew skond it-tieni subparagrafu ta' l-Artikolu 251 (2) tat-Trattat tal-KE dwar il-pożizzjoni komuni tal-Kunsill dwar l-adozzjoni ta' regolament tal-Parlament Ewropew u tal-Kunsill dwar id-drittijiet u l-obbligi tal-passiġġieri tat-trasport ferrovjarju internazzjonali
Komunikazzjoni mill-Kummissjoni lill-Parlament Ewropew skond it-tieni subparagrafu ta' l-Artikolu 251 (2) tat-Trattat tal-KE dwar il-pożizzjoni komuni tal-Kunsill dwar l-adozzjoni ta' regolament tal-Parlament Ewropew u tal-Kunsill dwar id-drittijiet u l-obbligi tal-passiġġieri tat-trasport ferrovjarju internazzjonali
/* KUMM/2006/0517 finali - COD 2004/0049 */
Komunikazzjoni mill-Kummissjoni lill-Parlament Ewropew skond it-tieni subparagrafu ta' l-Artikolu 251 (2) tat-Trattat tal-KE dwar il-pożizzjoni komuni tal-Kunsill dwar l-adozzjoni ta' regolament tal-Parlament ewropew u tal-Kunsill dwar id-drittijiet u l-obbligi tal-passiġġieri tat-trasport ferrovjarju internazzjonali /* KUMM/2006/0517 finali - COD 2004/0049 */
[pic] | KUMMISSJONI TAL-KOMUNITAJIET EWROPEJ | Brussel 18.09.2006 KUMM(2006) 517 finali 2004/0049 (COD) KOMUNIKAZZJONI MILL-KUMMISSJONI LILL-PARLAMENT EWROPEW skond it-tieni subparagrafu ta' l-Artikolu 251 (2) tat-Trattat tal-KE dwar il-pożizzjoni komuni tal-Kunsill dwar l-adozzjoni ta' regolament tal-Parlament Ewropew u tal-Kunsill dwar id-drittijiet u l-obbligi tal-passiġġieri tat-trasport ferrovjarju internazzjonali 2004/0049 (COD) KOMUNIKAZZJONI MILL-KUMMISSJONI LILL-PARLAMENT EWROPEW skond it-tieni subparagrafu ta' l-Artikolu 251 (2) tat-Trattat tal-KE dwar il-pożizzjoni komuni tal-Kunsill dwar l-adozzjoni ta' regolament tal-Parlament Ewropew u tal-Kunsill dwar id-drittijiet u l-obbligi tal-passiġġieri tat-trasport ferrovjarju internazzjonali 1- KUNTEST Data ta' trażmissjoni tal-proposta lill-PE u lill-Kunsill (dokument COM(2004)143 finali - 2004/0049 (COD)): | it-3 ta' Marzu 2004 | Data ta' l-opinjoni tal-Kumitat Ekonomiku u Soċjali Ewropew: | id-9 ta' Frar 2005 | Data ta' l-opinjoni tal-Parlament Ewropew, l-ewwel qari: A6 – 0123/2005 | it-28 ta' Settembru 2005 | Data ta' l-adozzjoni tal-pożizzjoni komuni: | l-24 ta' Lulju 2006 | 2- L-GĦAN TAL-PROPOSTA TAL-KUMMISSJONI Il-proposta tad-drittijiet tal-passiġġieri tat-trasport ferrovjarju internazzjonali hija waħda mill-erba' miżuri proposti fil-kuntest tat-tielet pakkett ferrovjarju (il-miżuri l-oħra huma maħsuba biex jistabbilixxu sistema ta' ċertifikazzjoni għas-sewwieqa tat-tren, itejbu l-kwalità tas-servizzi ferrovjarji tat-trasport tal-merkanzija u jiftħu s-suq tat-trasport ferrovjarju internazzjonali ta' passiġġieri ta' l-1 ta' Jannar 2010.) Din il-proposta għandha l-għan li tistabbilixxi drittijiet u obbligi għal passiġġieri sabiex ittejjeb l-effikaċja u l-kapaċità ta' attrazzjoni tat-trasport ferrovjarju internazzjonali ta' passiġġieri. Hija tiffissa dispożizzjonijiet dwar ir-rekwiżiti minimi għall-informazzjoni li għandha tkun provduta lill-passiġġieri qabel, waqt u wara l-vjaġġ tagħhom; il-kundizzjonijiet kuntrattwali; ir-responsabilità ta' l-impriżi ferrovjarji f'każijiet ta' inċidenti, ir-responsabilità u konsegwenzi oħra għad-dewmien jew kanċellazzjonijiet ta' servizzi; il-kundizzjonijiet għall-assistenza għal persuni b'mobilità mnaqqsa, l-istandards tal-kwalità kif ukoll il-ġestjoni tar-riskji u, fl-aħħar, il-kundizzjonijiet li fihom l-impriżi ferrovjarji jikkooperaw biex jilħqu l-għanijiet tar-Regolament. Fil-biċċa l-kbira tagħhom, id-drittijiet tal-passiġġieri bil-ferrovija jissejsu fuq sistemi eżistenti tad-dritt internazzjonali fis-suġġett u partikolarment, fuq il-Konvenzjoni dwar it-Trasport Internazzjonali bil-Ferrovija ( Convention relative aux transports internationaux ferroviaires , COTIF/CIV) u fuq ir-regoli Komunitarji adottati għall-passiġġieri bl-ajru. 3- KUMMENTI DWAR IL-POŻIZZJONI KOMUNI Il-Kunsill għamel xi modifiki ġenerali b'mod unanimu tal-proposta tal-Kummissjoni li huma aċċetabbli minħabba li jkunu jassiguraw li jintlaħaq l-għan tagħha. L-ewwelnett, il-Kunsill irreveda l- istruttura tar-regolament u jiddistingwi biċ-ċar tmien kapitoli (I – Dispożizzjonijiet ġenerali, II – Kuntratt ta' trasport, informazzjoni u biljetti, III – Responsabilità ta' l-impriżi ferrovjarji għall-passiġġieri u l-bagalji tagħhom, V – Dewmien, kunnessjonijiet mhux milħuqa u kanċellazzjonijiet, V – Persuni b'mobilità mnaqqsa, VI – Sigurtà, ilmenti u kwalità tas-servizz, VII – Infurzar u VIII – Dispożizzjonijiet finali). L-għadd ta' annessi ġie mnaqqas minn erbgħa għal tlieta, fejn l-Anness I u II tal-proposta tal-Kummissjoni ġew xi ftit adattati u magħquda fi II, l-Anness II huwa inkorporat fit-test (kumpens għad-dewmien) u d-dispożizzjonijiet tal-COTIF/CIV li jikkonċernaw il-kapitoli II, III u V saru l-Anness I. Parti kbira tal-Kunsill ikkonferma l-ambitu ta' applikazzjoni propost mill-Kummissjoni ("il-vjaġġi internazzjonali", li jikkonsistu minn wieħed jew bosta servizzi bil-ferrovija, li minnhom talanqas wieħed irid ikun internazzjonali, operat skond kuntratt ta' trasport wieħed), filwaqt li l-applikazzjoni tal-Kapitolu IV dwar dewmien huwa limitat għal servizzi internazzjonali u l-Kapitolu V dwar persuni b'mobilità mnaqqsa għandu ambitu mwessa' li jkopri vjaġġi interni fuq servizzi internazzjonali. Għaldaqstant, il-Kunsill aġġusta l-ambitu ta' applikazzjoni tal-kapitoli differenti skond il-ħtiġijiet rispettivi tagħhom. Bil-maqlub tal-proposta tal-Kummissjoni, il-Kunsill, kif ukoll il-Parlament Ewropew, jillimita d-dmir ta' l-operaturi ferrovjarji biex jipprovdu biljetti , biljetti integrati globali ( through-tickets ) u l-informazzjoni rispettiva dwar il-vjaġġ madwar ix-xibka ferrovjarja ta' l-UE, għall-każijiet fejn din l-informazzjoni jew dawn il-biljetti huma disponibbli għall-operatur ferrovjarju li jirċievi t-talba. Il-Kunsill u l-Parlament Ewropew madankollu jirrikjedu li titwaqqaf sistema kompjuterizzata ta' riservazzjoni u ta' informazzjoni għall-vjaġġi bil-ferrovija madwar l-UE, li se tgħin biex tagħmel l-aċċess għall-informazzjoni, il-biljetti u riservazzjonijiet fuq servizzi internazzjonali iktar faċli għall-konsumatur. Il-miżura leġiżlattiva rilevanti se tkun suġġetta għal proċedura ta' komitoloġija mnedija fi proposta li għandha tkun elaborata bl-assistenza ta' l-Aġenzija Ferrovjarja Ewropea. Il-Kunsill, konformement ma' talba simili mill-Parlament Ewropew, f'ħafna mill-aspetti ssostitwixxa l-proposta tal-Kummissjoni fir-rigward tar-responsabilità ta' impriżi ferrovjarji għall-passiġġieri u l-bagalji f'każ ta' inċidenti jew danni minħabba dewmien, kunnessjonijiet mhux milħuqa jew kanċellazzjonijiet mill-qafas tal-COTIF/CIV. Minkejja din l-istrateġija se tillimita konsiderevolment id-drittijiet tal-passiġġieri għall-kumpens għad-danni, il-Kummissjoni tista' taċċetta din il-modifika. Ladarba tinkiseb l-esperjenza bl-applikazzjoni ta' dan ir-regolament, il-Kummissjoni tista' mill-ġdid tqis il-kwistjoni. B'differenza mill-Parlament Ewropew, il-Kunsill idgħajjef it-talba għal livell minimu tal-kopertura obbligatorja ta' l-assigurazzjoni għar-responsabilità f'każ ta' inċidenti. Il-Kunsill jipproponi simplifikazzjoni, ibbażata fuq talba simili mill-Parlament Ewropew, tal-qafas oriġinarjament propost mill-Kummissjoni għal kumpens u assistenza ad hoc f'każ ta' dewmien, kunnessjonijiet mhux milħuqa jew kanċellazzjoni , sabiex tkun permessa applikazzjoni korretta u ċara għall-vantaġġ tal-passiġġieri. Il-Kummissjoni taqbel totalment ma' din is-simplifikazzjoni. F'termini ġenerali, il-Kunsill jappoġġja ħafna d-drittijiet ta' persuni b'mobilità mnaqqsa . It-tentattivi biex jitwessa' l-ambitu tagħhom u l-applikazzjoni tagħhom issir iktar prattika u prevedibbli, filwaqt li madankollu, tillimita fl-istess ħin, xi dmirijiet għal min imexxi l-istazzjonijiet u l-impriżi ferrovjarji. Il-Kummissjoni ġeneralment taqbel ma' din il-modifika. Madankollu, hija tqis bħala sfortunata waħda mill-modifiki proposti, dik dwar l-aħħar sentenza ta' l-Artikolu 19(1) li tagħti l-possibilità għal min imexxi l-istazzjonijiet li jillimita l-assistenza diġà konfermata f'każ ta' impedimenti purament kummerċjali. Il-Parlament Ewropew ressaq emendi li jmorru lil hinn mill-ambitu ta' din il-proposta, eż. l-obbligi maħsuba biex tiżdied l-aċċessibilità tal-materja tal-ferrovija li tiċċaqlaq ( rolling stock ) u l-istazzjonijiet tal-ferrovija, li madankollu se jkunu riflessi fil-futur fi Speċifikazzjoni Teknika għall-Interoperabilità għal Persuni b'Mobilità Mnaqqsa, li l-Kummissjoni se teżamina aktar fid-dettall din il-kwistjoni. B'differenza mill-Parlament Ewropew, il-Kunsill ikkonferma l-obbligi dwar id-definizzjoni u l-monitoraġġ ta' l-istandards tal-kwalità. 4- KUMMENTI DETTALJATI TAL-KUMMISSJONI Minn 122 emenda adottata fl-ewwel qari tal-Parlament, 63 intlaqgħu bi sħiħ mill-Kunsill fil-pożizzjoni komuni tiegħu u 9 parzjalment, li minnhom il-Kummissjoni rrifjutat 12 fl-intier tagħhom u 3 parzjalment. Il-pożizzjoni komuni rrifjutat 25 emenda fl-intier tagħhom u 4 parzjalment, li l-Kummissjoni kienet aċċettat. Il-pożizzjoni komuni ma laqgħetx 26 emenda fl-intier tagħhom u 3 parzjalment, li l-Kummissjoni kienet irrifjutat. L-emenda prinċipali tal-Parlament Ewropew hija dwar it-twessigħ ta' l-ambitu ta' applikazzjoni biex ikopri mhux biss il-vjaġġi internazzjonali iżda wkoll dawk kollha nazzjonali. Emendi importanti oħra proposti kkonċernaw l-iskema ta' , reviżjoni tal-livelli ta' u l-kundizzjonijiet għal kumpens proposti f'każ ta' dewmien jew kanċellazzjoni u, fl-aħħar, limitazzjoni ta' l-obbligi fuq impriżi ferrovjarji biex joffru biljetti u informazzjoni dwar it-trasport fuq is-sevizzi ewlenin kollha fi ħdan l-UE. Il-Kummissjoni rreaġiet għall-opinjoni tal-Parlament Ewropew fl-ewwel qari billi aċċettat 19-il emenda fl-intier tagħhom, 49 fil-prinċipju u 16 parzjalment. Hija rrifjutat kompletament 38 emenda. 4.1 Emendi aċċettati mill-Kummissjoni u inkorporati fl-intier tagħhom jew parzjalment fil-pożizzjoni komuni Ir-referenzi ta' hawn taħt huma premessi u artikoli tal-pożizzjoni komuni. Parti mill-emenda 3 u l-emendi 10, 23, 27, 44, 45, 46, 49, 50, 51, 52, 53, 54, 56, 57, 59, u sa ċertu punt 64, 77, 78, 80, 81, 82 u 83, jeħtieġu l-allinjament tan- normi dwar ir-responsabilità li jirregolaw l-impriżi ferrovjarji mal-ftehim internazzjonali COTIF/CIV (protokoll ta' Vilnius ta' l-1999, li daħal fis-seħħ fl-2006) jew fihom sempliċement referenzi għall-COTIF/CIV. L-emendi għal dispożizzjonijiet speċifiċi jistgħu jitqiesu superfluwi minħabba li l-premessi 6 u 13, l-Artikolu 10 (responsabilità għal mewt u korriment ta' passiġġieri u ħsara għall-bagalji tagħhom), l-Artikolu 13 (responsabilità għal dewmien, kunnessjonijiet mhux milħuqa u kanċellazzjonijiet) u partikolarment l-Anness 1 tal-pożizzjoni komuni jintroduċu fir-regolament, f'forma sempliċi u konċiża, id-dispożizzjonijiet rilevanti tal-COTIF/CIV dwar ir-responsabilità. L-emendi 6 u 76 jipproponu dettalji rigward il-mod kif tiġi offruta l-assistenza lil Persuni b'mobilità mnaqqsa f'każ ta' dewmien. L-Artikolu 16(5) tal-pożizzjoni komuni tikkonferma d-dritt għal attenzjoni partikolari tal-ħtiġijiet tal-persuni b'mobilità mnaqqsa meta jirċievu assistenza f'każ ta' dewmien. Id-dettalji dwar il-mod kif għandha tiġi offruta l-assistenza huma msemmija fil-premessa 10 tal-pożizzjoni komuni. L-emenda 18 tipproponi modifiki għad-definizzjoni ta' "riservazzjoni" li l-pożizzjoni komuni mmodifikat b'mod iktar radikali fl-Artikolu 3(9). L-emendi 20, 61 u 120 jipproponu simplifikazzjoni ta' l-iskema ta' kumpens li tistabbilixxi rifużjoni tal-prezz tal-biljett f'każ ta' dewmien proposta mill-pożizzjoni komuni. L-Artikolu 15 tal-pożizzjoni komuni jilqa' l-istruttura prinċipali proposta mill-Parlament Ewropew filwaqt li jillimita r-rifużjoni possibbli sa massimu ta' 50% tal-prezz tal-biljett L-emenda 24 dwar it- tħassir tad-definizzjoni ta' l-iskedi tax-xogħol intlaqgħet mill-pożizzjoni komuni. L-emendi 25, 36 u 42 jikkonċernaw l-organizzazzjoni ta' kif jiġu pprovduti l-informazzjoni u l-biljetti kif meħtieġ mir-regolament u l-użu possibbli ta' sistema kompjuterizzata Ewropea ta' riservazzjoni u ta' informazzjoni ( Computer Information and Reservation System [CIRS]). L-Artikolu 9 tal-pożizzjoni komuni jinkorpora t-talba biex titwaqqaf CIRS u jobbliga lill-Kummissjoni, l-Istati Membri u l-Aġenzija Ferrovjarja Ewropea biex jikkooperaw sabiex jiżviluppaw Speċifikazzjoni Teknika għall-Interoperabilità kif imsemmija fid-Direttiva 2001/16/KE dwar l-informazzjoni u l-biljetti. L-ambitu ta' applikazzjoni tal-bażi ġuridika msemmija jista' jeħtieġ aktar kunsiderazzjonijiet. L-emendi 32, 33 34, 35, 108 u, parzjalment, 138 jeħtieġu l-allinjament tad-dispożizzjonijiet dwar il-kuntratti ta' trasport u l-biljetti mal-ftehim internazzjonali COTIF/CIV (protokoll ta' Vilnius ta' l-1999, li daħal fis-seħħ fl-2006) jew fihom sempliċement referenzi għall-COTIF/CIV. L-emendi għal dispożizzjonijiet speċifiċi jistgħu jitqiesu superfluwi minħabba li l-premessa 6, l-Artikolu 4 (dispożizzjoni dwar kuntratti ta' trasport) u partikolarment l-Anness 1 tal-pożizzjoni komuni jintroduċu fir-regolament, f'forma sempliċi u konċiża, id-dispożizzjonijiet rilevanti tal-COTIF/CIV dwar ir-responsabilità. Parti mill-emenda 67, teħtieġ li passiġġieri li jġarrbu dewmien ikunu trasportati fil-pront lejn id-destinazzjoni finali tagħhom. L-Artikolu 14 tal-pożizzjoni komuni filwaqt li jinkorpora din l-idea, imur lil hinn minn hekk billi jeħtieġ li impriżi ferrovjarji joffru "immedjatament" lill-passiġġieri għażla bejn rotta alternattiva ( re-routing ) u rimbors tal-prezz tal-biljett , eċċ. L-emendi 70, 71, 72 (madankollu l-Kummissjoni m'aċċettatx il-limitazzjoni ta' dan l-obbligu bit-terminu "meta hu possibbli") u 73 jeħtieġu l-kunsens tal-passiġġieri għal azzjoni konsegwenzjali mill-impriżi ferrovjarji f'każ ta' rotta alternattiva u tkomplija tal-vjaġġ minħabba dewmien u jipproponu bosta kjarifiki dwar assistenza ad hoc li għandha tkun offruta f'każ ta' dewmien . L-Artikolu 14(1)c u 16(2) tal-pożizzjoni komuni jqisu dawn il-proposti. L-emenda 86 tipproponi limiti għall-assistenza offruta lil Persuni b'mobilità mnaqqsa rigward il-kapaċità disponibbli. L-Artikolu 17 tal-pożizzjoni komuni jippermetti li impriżi ferrovjarji jistabbilixxu minn qabel regoli għal aċċess mhux diskriminatorju għal Persuni b'mobilità mnaqqsa. Madankollu, il-pożizzjoni komuni ma tipprevedi l-ebda obbligu biex tiżdied il-kapaċità. L-emendi 87 u 126 jaġġustaw id- dmirijiet ta' min imexxi l-istazzjonijiet, impriżi ferrovjarji inkluż l-istaff ta' abbord il-ferroviji rigward l-assistenza li għandha tkun provduta lill-Persuni b'mobilità mnaqqsa . L-Artikoli 19, 20 u 21 tal-pożizzjoni komuni jiċċaraw, jissemplifikaw u jagħmlu iktar realistiċi d-dmirijiet tal-partijiet involuti, u partikolarment ta' l-impriżi ferrovjarji u min imexxi l-istazzjonijiet. L-Artikolu 18 tal-pożizzjoni komuni jassigura l-bejgħ ta' biljetti lil Persuni b'mobilità mnaqqsa għal ebda spejjeż żejda. L-emenda 92 tissimplifika d-dritt tal-persuna b'mobilità mnaqqsa għal assistenza f'nuqqas ta' notifika għaliha minn qabel. Għal każijiet bħal dawn, l-Artikolu 21 jassigura assistenza ad hoc ibbażata fuq l-aħjar sforz. L-emendi 99 u 100 huma riflessi fl-Artikolu 23 tal-pożizzjoni komuni bil-bdil tat-terminu "sigurtà" għal " sigurtà personali ". L-emendi 105 u 106 li jeħtieġu li jittaffa il-piż fuq l-impriżi ferrovjarji fir-rigward tat- trattament ta' l-ilmenti huma trasposti mill-Artikolu 24 tal-pożizzjoni komuni u jħallu fi ħdan qafas ġustifikat parti kbira mid-dettalji dwar il-mekkaniżmu tat-trattament ta' l-ilmenti li għandhom jiġu deċiżi mill-impriżi ferrovjarji nfushom. L-ewwel parti ta' l-emenda 109 tħassar l-obbligu li l-passiġġieri jkunu infurmati bi kwalunkwe pjan dwar il- waqfien jew tibdil fis-servizzi . L-Artikolu 6 tal-pożizzjoni komuni jipprevedi li l-obbligu ta' informazzjoni jirreferi għad-deċiżjonijiet minflok għall-pjanijiet. L-emenda 114, parti mill-emenda 115, 116, 117 jeħtieġu aġġustament għall-informazzjoni minima dwar il-vjaġġ offruta lill-passiġġieri minn impriżi ferrovjarji. L-Artikolu 7 u l-Anness II jiċċaraw il-kontenut ta' l-informazzjoni minima dwar is-servizzi proprji li għandha tiġi offruta lill-passiġġier. 4.2 Emendi aċċettati mill-Kummissjoni u mhux inkorporati fil-pożizzjoni komuni L-emendi 5, 8, 9, 38 (parzjalment, ara hawn taħt ukoll), parti minn 67, 68, 79, 85, 90, 103 u 104 jeħtieġu t-tħassir tat-terminu "internazzjonali". Il-Kummissjoni hi tal-fehma li t-tħassir ta' dan it-terminu fid-dispożizzjonijiet rispettivi ma jippreġudikax il-kwistjoni ta' l- ambitu ta' applikazzjoni tar-regolament. Madankollu, il-pożizzjoni komuni, billi ma għandha ebda intenzjoni li twessa' l-ambitu ta' applikazzjoni tar-regolament għas-servizzi ferrovjarji kollha, inkluż dawk interni, bl-ebda mod ma ħassret sistematikament ir-referenzi għat-terminu "internazzjonali". L-emenda 15 teħtieġ kjarifika tad-definizzjoni ta' "impriża ferrovjarja" . Din l-emenda tista' titqies superfluwa minħabba li l-pożizzjoni komuni tirreferi għal-leġiżlazzjoni Komunitarja eżistenti: l-Artikolu 3, paragrafu 1 jiddefinixxi "impriża ferrovjarja" konformement mad-Direttiva 2001/14/KE, l-Artikolu 2 (Skop) jirreferi għad-definizzjoni fid-Direttiva 95/18/KE. L-emendi 21 u 22 jeħtieġu li d-dewmien u d-dewmien previst minħabba kanċellazzjoni, li tħabbar lill-passiġġieri 48 siegħa qabel. Il-pożizzjoni komuni ma tipprevedi l-ebda dispożizzjoni bħal din. Id-definizzjoni ta' "dewmien" fl-Artikolu 3(15) tista' tintuża għal kjarifika ta' dan is-suġġett. L-emenda 30 teħtieġ li tkun provduta informazzjoni f'format aċċessibbli għal Persuni b'mobilità mnaqqsa b'nuqqasijiet tal-vista u sensorjali. Il-pożizzjoni komuni ma tipprevedi ebda dispożizzjoni bħal din. Il-kontenut ta' l-Artikolu 7(3) tal-pożizzjoni komuni huwa iktar adatt minn dak previst mill-emendi msemmija hawn fuq. L-emenda 38 teħtieġ il- bejgħ ta' biljetti f'forma aċċessibbli . Minkejja li l-Artikolu 8 tal-pożizzjoni komuni dwar id-disponibilità ta' biljetti ma jirreflettix din l-idea, il-premessa (10) tal-pożizzjoni komuni tagħti d-dritt għall- Persuni b'mobilità mnaqqsa li jiksbu l-biljetti fuq il-ferrovija mingħajr ħlas żejjed. L-emendi 43, 48, 55 u 98 dwar it- titoli u l-istruttura tar-regolament ma ntlaqgħux mill-pożizzjoni komuni minħabba li din tipproponi struttura differenti (ara struttura tar-regolament ). L-emendi 47 u 58 jirrifjutaw jew jillimitaw id-dritt ta' ħlas minn qabel f'każ ta' mewt jew korriment tal-passiġġier. Madankollu, l-Artikolu 12 tal-pożizzjoni komuni tikkonferma dan id-dritt, propost mill-Kummissjoni, li jingħata wkoll lill-passiġġieri bl-ajru. L-emenda 66 teħtieġ l-applikazzjoni tal-konsegwenzi ġuridiċi dwar id-dewmien tas-servizzi ferrovjarji wkoll meta jkun hemm dewmien fl-għoti ta' assistenza konfermata għal persuna b'mobilità mnaqqsa . Il-pożizzjoni komuni ma tipprevedi ebda dispożizzjoni bħal din. Il-pożizzjoni komuni tirreferi biss għall-ħtiġijiet speċifiċi tal-persuni b'mobilità mnaqqsa rigward l-assistenza li tingħata f'każ ta' dewmien biss. L-emenda 69 teħtieġ li rotta alternattiva jew tkomplija tas-sevizzi jistgħu jinvolvu servizzi iktar għoljin fl-istess prezz oriġinali mħallas għall-biljett. Il-pożizzjoni komuni ma tipprevedix din il-possibilità iżda tirreferi għal "kundizzjonijiet komparabbli". L-emenda 75 teħtieġ li l-impriża ferrovjarja tiċċertifika dewmien imġarrab mill-passiġġieri. Il-pożizzjoni komuni ma tipprevedix dan id-dmir, li jista' jinkiseb faċilment permezz tat-tħassir ta' "fuq talba tal-passiġġier" mill-Artikolu 16(4). It-tieni u t-tielet parti ta' l-emenda 109 jeħtieġu li l-impriża ferrovjarja, min imexxi l-istazzjonijiet, it- tour operators u l-Kummissjoni sabiex jikkooperaw biex joffru l-informazzjoni dwar id-drittijiet tal-passiġġier rikonoxxuti fir-regolament. Il-Kummissjoni taqbel fil-prinċipju li l-passiġġieri jkunu infurmati bid-drittijiet tagħhom fl-ambitu tar-regolament f'forma xierqa u tirreferi għal azzjoni simili meħuda fir-rigward tad-drittijiet tal-passiġġieri fil-qasam tat-trasport bl-ajru (il-kartellun tad-Drittijiet tal-Passiġġieri ta' l-Ajru). L-emendi 110, 111 u 112 dwar il- korpi nazzjonali ta' nfurzar u l-pubbliċità ta' informazzjoni dwar dawn il-korpi huma inkorporati fil-biċċa l-kbira tagħhom fl-Artikolu 26 u l-Anness II tal-pożizzjoni komuni. Parti mill-emenda 124 ittawwal il- perjodu li fih għandu jitħallas il-kumpens ad hoc f'każ ta' dewmien għal xahar minflok 14-il ġurnata. Filwaqt li l-Kummissjoni kienet flessibbli dwar din il-kwistjoni, il-pożizzjoni komuni ma tbiddilx il-proposta tal-Kummissjoni għall-ħlas tal-kumpens fi żmien 14-il ġurnata wara li jasal l-ilment. Parti mill-emenda 138 teħtieġ obbligu ta' ġarr ta' roti mill-impriżi ferrovjarji. Billi ż-żewġ leġiżlaturi jaqblu li jressqu l-kontenut ta' kuntratt ta' trasport fil-prinċipju għar-regoli COTIF/CIV dwar is-suġġett, ġie abbandunat l-obbligu fir-rigward tal-ġarr ta' roti. 4.3 Emendi rrifjutati mill-Kummissjoni u mhux inkorporati fil-pożizzjoni komuni L-emendi 1, 2, parti mill-emenda 3, 11, 12 (parzjalment, ara wkoll hawn taħt), 13, 17 (parzjalment, ara wkoll hawn taħt) u 62 (parzjalment, ara wkoll hawn taħt), bi ħsiebhom jipproponu drittijiet u obbligi għall-passiġġier tal-ferroviji indipendentement mill-fatt li għamel vjaġġ nazzjonali jew internazzjonali. B'hekk, il-Parlament Ewropew jeħtieġ li jwessa' l- ambitu għas-servizzi kollha, kemm dawk internazzjonali kif ukoll interni . Din hija emenda li l-Kummissjoni tapprezza iżda għandha mnejn tkun prematura f'dan l-istadju. L-Artikolu 2, paragrafi 1 u 2 tal-pożizzjoni komuni, bil-maqlub tal-Parlament Ewropew, jikkonfermaw (għall-kwistjonijiet ġenerali u responsabilità ta' l-impriżi ferrovjarji) jew inaqqsu (għall-konsegwenzi minħabba dewmien, eċċ.) l-ambitu propost mill-Kummissjoni. L-Artikolu 2, paragrafu 3 jwessa' l-ambitu għall-vjaġġi interni fuq servizzi internazzjonali fir-rigward ta' persuni b'mobilità mnaqqsa biss. L-emendi 7 u 125 jipproponu l-obbligu, b'dan ir-regolament, għall-impriżi ferrovjarji u min imexxi l-istazzjonijiet biex il-materja tal-ferrovija li tiċċaqlaq ( rolling stock ) u l-istazzjonijiet isiru aċċessibbli għall-persuni b'mobilità mnaqqsa. Il-Kummissjoni tqis li obbligu bħal dan imur lil hinn mill-ambitu tal-proposta preżenti. L-emenda 12 u parti mill-emenda 39 li tirreferi għall- kuntratti ta' servizz pubbliku mhumiex meqjusa rilevanti. Is-servizzi internazzjonali (ara wkoll l- ambitu ta' applikazzjoni ) rarament huma suġġetti għal kuntratti ta' servizz pubbliku u għaldaqstant, il-pożizzjoni komuni ma ssemmix partikolarment it-terminu, mingħajr ma teskludi espliċitament l-obbligu ta' l-applikazzjoni tad-drittijiet tal-passiġġier għall-kuntratti ta' servizz pubbliku mill-ambitu tar-regolament. L-emenda 16 tipproponi modifiki għad-definizzjoni " stazzjon ewlieni tal-ferrovija ", terminu li ma għadux jintuża mir-regolament, li, fl-Artikolu 19 tal-pożizzjoni komuni, jorbot l-obbligi ta' min imexxi l-istazzjonijiet fir-rigward ta' l-assistenza għall-persuni b'mobilità mnaqqsa ma' "stazzjonijiet tal-ferrovija bl-istaff" Għaldaqstant, id-definizzjoni ta' "stazzjon ewlieni tal-ferrovija" jitlef l-użu tiegħu. L-emendi 17 u 62 li jirreferu għall- abbonamenti ma jitqisux rilevanti. L-abbonamenti qajla huma disponibbli għas-servizzi internazzjonali (ara wkoll l- ambitu ta' applikazzjoni ) u għaldaqstant il-pożizzjoni komuni ma tqisx neċessarju li jissemma partikorlament dan it-terminu, madankollu mingħajr ma teskludi espliċitament l-abbonamenti mill-ambitu ta' applikazzjoni tar-regolament. L-emenda 19 tallinja d-definizzjoni mal-COTIF/CIV. Din l-emenda tista' titqies superfluwa: l-Artikolu 3, paragrafi 11, 12, 13 u 14 tal-pożizzjoni komuni jiddefinixxu biċ-ċar il-vjaġġi u s-servizzi kemm dawk internazzjonali kif ukoll interni, rispettivament , b'mod ċar u konċiż mingħajr ma jikkontraddixxu l-COTIF/CIV. L-emenda 26 tipproponi modifiki lid-definizzjoni ta' " persuni b'mobilità mnaqqsa ". Sadanittant, tingħata definizzjoni mir- Regolament tal-Parlament Ewropew u tal-Kunsill dwar id-drittijiet ta' persuni b'mobilità mnaqqsa meta jivvjaġġaw bl-ajru (adottat fit-8 ta' Ġunju 2006, għadu mhux ippubblikat). L-Artikolu 3(17) tal-pożizzjoni komuni tilqa' din id-definizzjoni għal "persuni b'mobilità mnaqqsa" mill-avjazzjoni. L-emenda 31 teħtieġ li impriżi ferrovjarji u tour operators (punti ta' bejgħ ta' biljetti) jinżammu responsabbli għall- informazzjoni mhux eżatta . Xejn fir-regolament ma jxekkel li jiġu applikati prinċipji tad-dritt privat nazzjonali għal każijiet bħal dawn. L-emendi 60, 118 u 119 huma bbażati fuq it-talba li passiġġieri għandhom jiġu rimborsati mill-ħlas żejjed jekk is-servizz ma kienx tal-kwalità mixtieqa, għajr għad-dewmien fis-servizz. Id-drittijiet relatati ma' din it-talba qed jitqiesu eċċessivi u għaldaqstant ebda obbligu bħal dan ma ddaħħal fil-pożizzjoni komuni. Fil-biċċa l-kbira tagħha, l-emenda teħtieġ tnaqqis fil-kumpens tal-prezz ta' biljett (għal servizz inferjuri) minn kumpens ieħor, bħal ngħidu aħna, kumpens għad-danni f'każ ta' responsabilità għal dannu konsegwenzjali. Bil-maqlub ta' dan, l-Artikolu 15 tal-pożizzjoni komuni jikkonferma li l-kumpens ad hoc li jirrimborsa l-prezz tal-biljett f'każ ta' dewmien, kunnessjoni mhux milħuqa minħabba dewmien jew kanċellazzjoni, hija differenti minn kumpens għal dannu konsegwenzjali rregolat mill-Artikolu 13 tal-pożizzjoni komuni, li jirreferi għad-dispożizzjonijiet COTIF/CIV dwar is-suġġett. Għalhekk, it-tnaqqis propost ma kienx inkorporat fil-pożizzjoni komuni. L-emenda 65 tipproponi l-obbligu għall-impriżi ferrovjarji li jevitaw dewmien bil-mezzi kollha . Obbligu bħal dan ma jitqiesx preċiż biżżejjed u huwa diffiċili biex jiġi nfurzat. L-emenda 74 tillimita l-assistenza ad hoc għal passiġġier fuq ferroviji mblukkati barra mill-istazzjonijiet għal sitwazzjonijiet li ma jinvolvux ċirkostanzi eċċezzjonali. Minkejja li s-sitwazzjoni ma setgħetx ġiet ikkawżata mill-impriża ferrovjarja, din teħtieġ intervent favur il-passiġġier mingħajr ebda alternattiva oħra għall-assistenza. Għaldaqstant, il-pożizzjoni komuni tirrifjuta t-talba tal-Parlament Ewropew biex l-assistenza tkun limitata għal dawk il-każijiet fejn ikun fiżikament possibbli. L-emenda 84 teħtieġ kjarifika fir-rigward tad-dritt ta' l-impriża ferrovjarja li titlob kumpens, meta jkun rilevanti, mill-amministratur ta' l-infrastruttura. Xejn fil-pożizzjoni komuni ma jxekkel fi kwalunkwe forma kull dritt għal rimedju li l-impriża ferrovjarja jista' jkollha kontra terzi. Minbarra dan, il-pożizzjoni komuni teżonera fil-prinċipju l-impriża ferrovjarja mir-responsabilità f'każ ta' tort ta' terzi. L-emendi 101, 102, 107 u 121 jipproponu t-tħassir tal-valutazzjoni obbligatorja ta' l-istandards tal-kwalità iżda jdaħlu proċedura kemmxejn tqila li tinvolvi l-Aġenzija Ferrovjarja Ewropea. Il-pożizzjoni komuni tipproponi awtovalutazzjoni ta' l-istandards tal-kwalità mill-impriżi ferrovjarji nfushom filwaqt li fl-istess ħin teħtieġ kundizzjonijiet stretti dwar kif għandha titwettaq u tixxandar pubblikament l-awtovalutazzjoni. F'dan l-istadju, hija ma tqisx neċessarju l-involviment ta' l-Aġenzija Ferrovjarja Ewropea fil-monitoraġġ tal-kwalità. L-emenda 127 teħtieġ miżuri ta' taħriġ biex il-persuni b'mobilità mnaqqsa jiġu assistiti aħjar. Din il-proposta tmur ferm lil hinn mill-ambitu ta' applikazzjoni ta' dan ir-regolament. Fil-kuntest tat-tielet pakkett ferrovjarju, il-Kummissjoni, madankollu, ressqet proposta għal Direttiva biex titjib il-prestazzjoni ta' sikurezza ta' l-ekwipaġġ tal-ferroviji. L-emenda 123 twettaq aġġustamenti lid- dmirijiet ta' min imexxi l-istazzjonijiet fir-rigward tal-punti ta' kuntatt għall-persuni b'mobilità mnaqqsa . L-Artikolu 21 tal-pożizzjoni Komuni tikkonferma dan id-dmir ta' min imexxi l-istazzjonijiet kif propost mit-test oriġinali tal-Kummissjoni, filwaqt li jżid referenza għal korpi pubbliċi oħra li x'aktarx jaqsmu parti mir-responsabilità. 4.4 Emendi rrifjutati mill-Kummissjoni u inkorporati fl-intier tagħhom jew parzjalment fil-pożizzjoni komuni L-emendi 4, 14 u 37 jeħtieġu t-trażżin ta' l-obbligu li l-Kummissjoni pproponiet għall-impriżi ferrovjarji li jipprovdu biljetti, biljetti integrati globali u l-informazzjoni rispettiva dwar il-vjaġġ madwar ix-xibka ferrovjarja ta' l-UE. Il-Kummissjoni kienet tal-fehma li passiġġieri għandhom id-dritt jixtru biljetti integrati għal vjaġġi madwar ix-xibka ferrovjarja ta' l-UE u għalhekk għażlet li tobbliga lill-ferroviji joffru dan il-prodott billi s-suq ferrovjarju jidher li qed jirreaġixxi volontarjament. L-Artikolu 8 tal-pożizzjoni komuni tħalli l-għażla ta' l-offerta f'idejn l-impriżi ferrovjarji billi titlob li biljetti, biljetti integrati globali u riservazzjonijiet għandhom jinbiegħu, meta jkunu disponibbli, lill-passiġġieri . Sistema kompjuterizzata Ewropea ta' riservazzjoni u ta' informazzjoni (CIRS) għal servizzi ferrovjarji tkompli tipprovdi ġustifikazzjoni għal din it-talba (Artikolu 9) L-emendi 28, 29 u parti mill-emenda 115 jeħtieġu t-trażżin ta' l-obbligu li l-Kummissjoni pproponiet għall-impriżi ferrovjarji biex jipprovdu informazzjoni dwar il-vjaġġ . Il-Kummissjoni kienet tal-fehma li l-passiġġieri għandhom id-dritt li jirċievu l-informazzjoni rilevanti dwar il-vjaġġ kif ukoll informazzjoni dwar servizzi barra mix-xibka ferrovjarja ta' l-impriża għal vjaġġi madwar l-UE. Il-Kummissjoni għażlet li tobbliga l-impriżi ferrovjarji biex joffru informazzjoni dwar il-vjaġġ valida għat-territorju ta' l-UE kollu billi mhux dejjem arranġamenti volontarji jaqdu dan l-iskop. L-Artikolu 7 u l-Anness II jiċċaraw il-kontenut ta' l-informazzjoni minima dwar is-servizzi proprji li għandha tiġi offruta lill-passiġġier. Sistema kompjuterizzata Ewropea ta' riservazzjoni u ta' informazzjoni (CIRS) għal servizzi ferrovjarji tkompli ssostni din it-talba (Artikolu 9) Parti mill-emenda 39, l-emendi 40 u 123 jipproponu modifiki ta' kif jinbiegħu l-biljetti . L-Artikolu 8 tal-pożizzjoni komuni tagħti flessibilità kbira lill-impriżi ferrovjarji sabiex jagħżlu l-aktar mod ta' bejgħ ta' biljetti adatt. Il-bejgħ abbord għandu jingħata sakemm dan is-servizz huma limitat f'każijiet ġustifikati. Il-Kummissjoni ma riditx tikkomprometti iktar min-neċessarju x-xiri spontanju, inkluż ix-xiri fuq il-ferrovija. Hija ma qisitx neċessarju li tiddistingwi bejn punti ta' bejgħ għall-biljetti ta' servizz pubbliku u biljetti oħra. L-emenda 91, 95, 96, 97 jipproponu kjarifika tal- proċedura ta' notifika li tikkonċerna persuni b'mobilità mnaqqsa għal assistenza speċfika. L-emenda 21 tal-pożizzjoni komuni tissimplifika din il-proċedura u l-kundizzjonijiet li taħthom hija offruta l-assistenza lil persuni b'mobilità mnaqqsa li nnotifikaw il-ħtieġa għal assistenza minn talanqas 48 siegħa qabel. Il-Kummissjoni ma riditx tnaqqas bla bżonn id-drittijiet tal-persuni b'mobilità mnaqqsa u għaldaqstant ma qablitx maż-żieda proposta fil-perjodu ta' notifika minn qabel minn 24 għal 48 siegħa. L-emenda 113 teħtieġ perjodu ta' implimentazzjoni ta' sena qabel ma r-regolament jidħol fis-seħħ , filwaqt li l-Artkolu 33 tal-pożizzjoni komuni jagħti 18-il xahar żmien. Il-Kummissjoni ma tqisx neċessarju perjodu tranżitorju twil għall-implimentazzjoni tad-drittijiet tal-passiġġier proposti. Parti mill-emenda 124 teħtieġ kunsens mill-passiġġier biex iħallas il-kumpens b' vouchers , li hija trasposta mill-Artikolu 15(2), fl-aħħar sentenza tal-pożizzjoni komuni. 5- KONKLUŻJONI Minkejja li kienet tkun tippreferi obbligu għall-impriżi ferrovjarji biex joffru informazzjoni dwar l-iskedi u l-biljetti integrati globali madwar ix-xibka ferrovjarja Ewropea kif ukoll aktar impenn minn min imexxi l-istazzjonijiet u l-impriżi ferrovjarji fir-rigward ta' l-assistenza offruta lill-persuni b'mobilità mnaqqsa, il-Kummissjoni tqis li l-pożizzjoni komuni adottata unanimament fl-24 ta' Lulju 2006 ma tibdilx il-miri u l-istrateġiji tal-proposta tagħha.