52006PC0001

[pic] | KUMMISSJONI TAL-KOMUNITAJIET EWROPEJ |

Brussel 13.1.2006

KUMM(2006) 1 finali

2003/0262 (COD)

KOMUNIKAZZJONI MILL-KUMISSJONI LILL-PARLAMENT EWROPEW skond it-tieni subparagrafu ta’ l-Artikolu 251 (2) tat-Trattat tal-KE dwar

il-pożizzjoni komuni tal-Kunsill rigward l-adozzjoni ta’ Regolament tal-Parlament Ewropew u tal-Kunsill dwar iż-żieda fl-ikel ta’ vitamini u minerali u ta' ċerti sustanzi oħra

2003/0262 (COD)

KOMUNIKAZZJONI MILL-KUMISSJONI LILL-PARLAMENT EWROPEW skond it-tieni subparagrafu ta’ l-Artikolu 251 (2) tat-Trattat tal-KE dwar

il-pożizzjoni komuni tal-Kunsill rigward l-adozzjoni ta’ Regolament tal-Parlament Ewropew u tal-Kunsill dwar iż-żieda fl-ikel ta’ vitamini u minerali u ta' ċerti sustanzi oħra

1- SFOND

Data tat-tressiq tal-proposta lill-Parlament Ewropew u lill-Kunsill (dokument COM(2003) 671 finali – 2003/0262 (COD): | 10 ta’ Novembru 2003 |

Data ta' l-opinjoni tal-Kumitat Ekonomiku u Soċjali Ewropew: | 31 ta’ Marzu 2004 |

Data ta' l-opinjoni tal-Parlament Ewropew, l-ewwel qari: | 26 ta’ Mejju 2005 |

Data ta' l-adozzjoni tal-pożizzjoni komuni: | 8 ta’ Diċembru 2005. |

2- GĦAN TAL-PROPOSTA TAL-KUMMISSJONI

Ir-Regolament propost ikopri iż-żieda fl-ikel ta’ vitamini u minerali u ta’ ċerti sustanzi oħra.

L-għanijiet ewlenin tal-proposta huma:

- biex jittejjeb il-moviment liberu tal-merkanzija fis-suq intern

- biex tikkontribwixxu lejn livell għoli ta’ ħarsien tas-saħħa tal-bniedem

- biex iżżid is-sigurtà legali għall-operaturi u, permezz ta’ miżuri proporzjonati, tippromwovi l-innovazzjoni

- biex tiżgura l-kompetizzjoni ġusta fil-qasam ta’ l-ikel.

Ir-Regolament propost:

- fl-Anness I jelenka l-vitamini u l-minerali li jistgħu jiżdiedu u fl-Anness II jelenka l-preparazzjonijiet ta' vitamini u mluħ minerali li jistgħu jintużaw

- jipprevedi ċerti restrizzjonijiet dwar it-tipi ta’ ikel differenti li jistgħu jiżdidulhom il-vitamini u l-minerali

- jistipula l-kriterji għall-istabbiliment ta’ livelli massimi ta’ vitamini u minerali fl-ikel permezz tal-proċedura tal-Kumitat Permanenti tal-Katina Alimentari u s-Saħħa ta' l-Annimali

- jipprevedi għall-istabbiliment ta’ livelli minimi ta’ vitamini u minerali permezz tal-proċedura tal-Kumitat Permanenti tal-Katina Alimentari u s-Saħħa ta' l-Annimali

- jipprevedi għal regoli speċifiċi xierqa dwar it-tikkettar, il-preżentazzjoni u r-reklamar ta' prodotti li għandhom vitamini u minerali miżjuda minbarra, jew b’deroga għal, regoli orizzontali oħra applikabbli għat-tipi kollha ta’ ikel

- jippermetti lill-Istati Membri li jesiġu li t-tqegħid fis-suq ta' dawn il-prodotti jiġi nnotifikat sabiex tkun iffaċilitata s-sorveljanza tagħhom

- jipprovdi l-bażi għall-iskrutinju u, kulfejn meħtieġ, ir-regolazzjoni taż-żieda fl-ikel ta’ ċerti sustanzi li mhumiex vitamini jew minerali.

3- KUMMENTI DWAR IL-POŻIZZJONI KOMUNI

3.1 SOMMARJU TAL-POżIZZJONI TAL-KUMMISSJONI

Il-Kummissjoni tappoġġa l-pożizzjoni komuni adottata mill-Kunsill b’maġġoranza kwalifikata. din hija konformi ma’ l-għanijiet u l-approċċ meħud mill-proposta oriġinali tal-Kummissjoni u tqis l-emendi diversi proposti mill-Parlament Ewropew.

3.2 EMENDI LI SARU MILL-PARLAMENT EWROPEW FL-EWWEL QARI LI ġEW AċċETTATI MILL-KUMMISSJONI U MDAħħLA FIL-POżIZZJONI KOMUNI

Il-pożizzjoni komuni tirrifletti l-ispirtu tas-17-il emenda kollha, jew ta' parti minnhom, li ġew aċċettati mill-Kummissjoni bis-sħiħ, parzjalment, fil-prinċipju jew soġġetti għal tibdiliet fid-diċitura, u 3 emendi li l-Kummissjoni oriġinalment kienet uriet li ma setgħetx taċċetta.

Restrizzjoni fuq iż-żieda ta’ vitamini u minerali

Il-pożizzjoni komuni tinkludi fl-Artikolu 4 l- Emendi 49/rev u 54/rev , u b’hekk tintroduċi deroga għaż-żieda ta’ vitamini u minerali f'xarbiet alkoħoliċi tradizzjonali speċifikati sewwa li fihom iktar minn 1.2% ta’ alkoħol bil-volum.

Sustanzi oħrajn

Il-pożizzjoni komuni għaqqdet l-Artikolu 10 u 11 tal-proposta oriġinali tal-Kummissjoni dwar iż-żieda ta’ ċerti sustanzi oħrajn fl-ikel fl-Artikolu 8 filwaqt li ssimplifikat it-test u speċifikat il-proċedura għall-evalwazzjoni ta’ dawk is-sustanzi skond it-talbiet ta’ l- Emendi 34, 35 u 55 .

Anness II

Il-pożizzjoni komuni żiedet is-sulfat tal-kalċju ma’ l-Anness II tar-Regolament, bħal sors permissibbli ta’ minerali, filwaqt li qieset l- Emenda 44 . Barra minn hekk, fl-istess Anness żammet l-imluħ tas-sodju u l-potassju ta’ l-aċidu ortofosforiku u l- pyridoxine dipalmitate bħala sors tal-vitamina B6. Iż-żamma tagħhom għandha l-istess effett ta' l- Emendi 45 u 46 .

Oħrajn

L- Emenda 1 (l-aħħar parti) tqieset fid-diċitura l-ġdida tal-premessa 8 tal-pożizzjoni komuni. Il-Kummissjoni, anki jekk oriġinarjament indikat li ma tistax taċċetta l-Emenda 1, lesta li tappoġġa dan l-abbozzar mill-ġdid marbut ma’ l-isforz ta’ simplifikazzjoni tat-test ta’ l-Artikoli 2 u 3 (it-tneħħija tal-kunċetti ta’ “restorazzjoni”, “ikel sostitut” u “ekwivalenza nutrittiva”).

L-Emenda 2 (l-ewwel parti) ddaħħlet fil-pożizzjoni komuni fil-premessa 10.

L- Emenda 3 ddaħħlet parzjalment u fil-prinċipju fil-Premessa 2 u fl-Artikolu 11, paragrafu 2, it-tieni parti.

L- Emenda 5 u l-Emenda 25 iddaħħlu fil-prinċipju bit-tibdil fid-diċitura ta’ l-Artikolu 6, paragrafu 6. Il-Kummissjoni għarfet li l-Anness tad-Direttiva 90/496/KEE dwar l-ittikkettar tan-nutrizzjoni għall-oġġetti ta' l-ikel mhuwiex komplut u għalhekk tista' tappoġġa dan l-abbozzar mill-ġdid u impenjat ruħha permezz ta' Dikjarazzjoni sabiex tirrifletti dwar modifiki li jistgħu jiġu adottati f'reviżjoni futura tad-Direttiva msemmija hawn fuq fir-Regolament dwar iż-żieda fl-ikel ta' vitamini u minerali u ta' ċerti sustanzi oħra.

L- Emendi 13 u 41 ġew riflessi parzjalment fl-Artikolu 3, paragrafu 3 li jindika li l-modifika lill-Annessi I u II se jiġu adottati filwaqt li titqies l-opinjoni ta’ l-Awtorità.

L- Emenda 16 hija riflessa parzjalment fl-Artikolu 17, paragrafu 1(b) u fl-Artikolu 9, paragrafu 20(d); skond dawn waqt il-perjodu tranżizzjonali tal-bidu, l-Istati Membri jistgħu jippermettu, fit-territorju tagħhom, vitamini u minerali mhux imniżżla fl-annessi tar-Regolament sakemm id-dokumentazzjoni titressaq lill-Kummissjoni. Il-lista ta’ dawn is-sustanzi għandha mbagħad tiġi ppubblikata fir-reġistru Komunitarju li għandu jsir disponibbli għall-pubbliku.

L- Emenda 17 (l-ewwel parti) iddaħħlet fil-pożizzjoni komuni fil-premess 17, paragrafu 2.

L- Emenda 31 hija indirizzata mill-Artikolu 9, paragrafu 2(d) dwar il-pubblikazzjoni fir-Reġistru Komunitarju ta’ tagħrif dwar id-dispożizzjonijiet nazzjonali fuq iż-żieda obbligatorja ta’ vitamini u minerali.

L- Emenda 38 (l-ewwel parti) tqieset parzjalment fl-Artikolu 9, paragrafu 2(d) tal-pożizzjoni komuni. Fil-fatt, tagħrif dwar iż-żieda obbligatorja ta' vitamini u minerali għandha tiġi inkluża fir-Reġistru Komunitarju.

L- Emenda 39 tqieset parzjalment fl-Artikolu 11, paragrafu 2(b) tal-pożizzjoni komuni dwar in-notifika ta' projbizzjonijiet jew restrizzjonijiet nazzjonali ta’ l-użu ta' ċerti sustanzi oħrajn.

3.3 EMENDI LI SARU MILL-PARLAMENT EWROPEW FL-EWWEL QARI LI ġEW AċċETTATI MILL-KUMMISSJONI IżDA MHUX IMDAħħLA FIL-POżIZZJONI KOMUNI

Fid-dawl tal-livell sinifikanti ta’ qbil bejn l-Emendi tal-Parlament Ewropew aċċettabbli għall-Kummissjoni u l-pożizzjoni komuni, il-Kummissjoni aċċettat kompromess li ma jinkludix għadd żgħir ta' emendi li setgħet aċċettathom għallinqas parzjalment, ( l-Emenda 11 dwar il-bijodisponibbiltà ta' vitamini u minerali miżjuda, l-Emendi 12 u 28 dwar il-ħtieġa li t-tikkettar, il-preżentazzjoni u r-reklamar ma jqarrqux bil-konsumaturi, l-Emenda 22 li tipproponi li l-konsum ta’ vitamini u minerali minn supplimenti ta’ l-ikel jitqies meta jiġu ffissati l-livelli massimi, l-Emenda 40 li tesiġi l-konsultazzjoni tal-Kumitat Permanenti dwar il-Katina Alimentari u s-Saħħa ta’ l-Annimali meta l-Istati Membri jinnotifikaw lill-Kummissjoni bl-adozzjoni ta' dispożizzjonijiet ġodda u l-Emenda 42 li tipproponi l-komunikazzjoni lill-Kummissjoni u l-publikazzjoni ta’ notifiki tat-tqegħid fis-suq ta’ ikel kopert mir-Regolament ). Il-Kummissjoni tixtieq tiġbed l-attenzjoni lejn il-fatt li punti ta’ tħassib espressi fi wħud minn dawn l-Emendi huma indirizzati impliċitament mill-pożizzjoni komuni u speċifikament fil-premessa 10 għall-Emenda 11, fl-Artikolu 7, paragrafu 2 għall-Emendi 12 u 28 u fil-premess 15 u fl-Artikolu 6, paragrafu 3(b) għall-Emenda 22.

Il-Kummissjoni tixtieq tiġbed l-attenzjoni wkoll lejn il-fatt li, dwar il-modifika ta’ l-elementi obbligatorji tat-tikkettar tan-nutrijenti, il-pożizzjoni komuni tagħmel referenza impliċita fl-Artikolu 6, paragrafu 6 dwar l-inkompletezza ta’ l-Anness tad-Direttiva 90/496/KEE. Barra minn hekk, tinkludi dikjarazzjoni mill-Kummissjoni li tindika l-ħsieb tagħha li tirrevedi l-Anness tad-Direttiva 90/496/KEE dwar it-tikkettar tan-nutrijenti u konsegwentement li dawn il-modifiki jiġu riflessi fir-Regolament dwar iż-żieda fl-ikel ta' vitamini u minerali u ta' ċerti sustanzi oħrajn. Il-Kummissjoni timpenja ruħha wkoll biex fi żmien sentejn wara l-adozzjoni tar-Regolament tressaq proposta għall-istabbiliment ta’ ammonti massimi/minimi ta’ vitamini u minerali u ta’ kull kundizzjoni relatata. Fil-fehma tal-Kummissjoni dan jirrispondi bi prinċipju għall-għan ta’ l- Emendi 21, 26 u 30 .

3.4 DISPOżIZZJONIJIET ġODDA MDAħħLA FIL-POżIZZJONI KOMUNI TAL-KUNSILL

Il-pożizzjoni komuni ħassret, fl-Artikolu 2, il-kunċetti ta’ “restorazzjoni”, “ikel sostitut” u “ekwivalenza nutrittiva” bħala skopijiet għaż-żieda f’oġġetti ta' l-ikel ta' vitamini u minerali u konsegwentement ir-rekwiżiti u l-kundizzjonijiet għaż-żieda ta' vitamini u minerali fl-ikel fl-Artikoli 3 u 6. Il-Kummissjoni tista’ taċċetta dawn it-tibdiliet fil-kuntest ta’ sforz ta’ simplifikazzjoni.

Għal skopijiet ta’ ċarezza il-Kummissjoni hija lesta li taċċetta li l-miżuri tranżizzjonali kollha jinġabru flimkien fl-Artikolu 17-il ġdid, bit-tneħħija konsegwenti ta’ l-Artikolu 4 tal-proposta oriġinali dwar il-miżuri tranżizzjonali għaż-żieda fl-ikel ta’ vitamini u minerali.

Sabiex tkun iffaċilitata s-sorveljanza tas-suq tagħhom, il-Kummissjoni tista’ taċċetta li l-Istati Membri jesiġu in-notifika kemm għat-tqegħid fis-suq tagħhom kif ukoll għall-irtirar minnu ta’ prodotti b’vitamini u minerali miżjuda (l-Artikolu 15).

Fl-aħħarnett, il-Kummissjoni tappoġġa t-tneħħija tal-klorur tas-sodju mill-Anness II flimkien mal-kjarifika fil-premessa 10 li din is-sustanza tista' tkompli tiġi użata bħala ingredjent fit-tħejjija ta’ oġġetti ta’ l-ikel.

4- KONKLUŻJONI

Fid-dawl tal-kummenti ta’ hawn fuq, il-Kummissjoni taqbel mal-pożizzjoni komuni tal-Kunsill bil-ħsieb ta’ adozzjoni ta’ Regolament tal-Parlament Ewropew u tal-Kunsill dwar iż-żieda fl-ikel ta’ vitamini u minerali u ta’ ċerti sustanzi oħra.

5- DIKJARAZZJONIJIET

Id-dikjarazzjonijiet tal-Kummissjoni għall-minuti tal-Kunsill huma mehmuża ma’ l-Anness għal din il-komunikazzjoni.

ANNESS

DIKJARAZZJONIJIET MILL-KUMMISSJONI

Dikjarazzjoni mill-Kummissjoni u l-Kunsill

“Il-Kunsill u l-Kummissjoni jiddikjaraw li kull stqarrija (messaġġ jew rappreżentazzjoni, li mhijiex obbligatorja taħt il-leġiżlazzjoni Komunitarja jew dik nazzjonali, inklużi rappreżentazzjonijiet bl-istampi, grafiċi jew simboliċi) marbuta maż-żieda ta' vitamini u minerali bħal: “bi...”, “irrestawrat fi...", "...miżjud", "arrikit..." għandhom jitqiesu daqslikieku għandhom l-istess tifsira għall-konsumaturi bħall-istqarrija "sors ta’...” kif definit fl-Anness tar-Regolament dwar in-nutrizzjoni u d-dikjarazzjonijiet tas-saħħa fuq oġġetti ta’ l-ikel.”

Dikjarazzjoni mill-Kummissjoni

“Fil-qafas ta’ l-Artikolu 4 dwar ir-Restrizzjonijiet fuq iż-żieda ta’ vitamini u minerali (it-tieni inċiż) il-Kummissjoni għandha teżamina l-possibbiltà taż-żieda ta’ kategoriji ta’ l-ikel, bħall-ħlewwiet.”

Dikjarazzjoni mill-Kummissjoni

“Fil-qafas tar-riflessjoni tagħha dwar ir-reviżjoni tad-Direttiva 90/496/KEE dwar l-ittikkettar tan-nutrizzjoni għall-oġġetti ta' l-ikel, il-Kummissjoni biħsiebha tqis l-elementi li ġejjin f'rabta mal-vitamini u l-minerali:

- ir-reviżjoni/l-aġġornar tal-valuri ta’ referenza inklużi fl-Anness tad-Direttiva 90/496/KEE u l-livelli li jistgħu jitqiesu bħala ammonti sinifikanti.

- l-istabbiliment ta’ livelli ta’ tolleranza għal varjazzjoni aċċettabbli mill-valur iddikjarat ta’ vitamini u minerali fuq it-tikketta tan-nutrizzjoni

Kull modifika lill-elementi obbligatorji ta’ tikkettar nutrizzjonali li jista’ jiġi adattat fir-reviżjoni futura tad-Direttiva dwar it-tikkettar nutrizzjonali għandu, konsegwenement, jiġi rifless fl-Artikolu 7, paragrafu 3 tar-Regolament dwar iż-żieda ta’ vitamini u minerali u ta’ ċerti sustanzi oħra fl-ikel.

Il-Kummissjoni biħsiebha tressaq, malajr kemm jista’ jkun, u jkun xi jkun il-każ, fi żmien sentejn wara l-adozzjoni tar-Regolament, proposta għall-istabbiliment ta’ ammonti massimi/minimi ta’ vitamini u minerali u kull kundizzjoni għaż-żieda tagħhom fl-ikel kif imsemmi fl-Artikolu 6, paragrafu 2.”

Dikjarazzjoni mill-Kummissjoni

“Il-Kummissjoni tikkonferma li kliem addizzjonali għat-tikkettar, maħsub biex jiġbed l-attenzjoni ta’ kategoriji partikolari ta’ konsumatur lejn ir-riskji speċifiċi li ċerti sustanzi jistgħu jippreċentawlhom, jista’ jiġi previst bħala kundizzjoni meta l-kontenut massimu għal ċerti sustanzi mniżżla fl-Anness I jiġi ffissat, sakemm kliem bħal dan ikun ġustifikat minn kunsiderazzjonijiet ta' ħarsien tas-saħħa pubblika."