52006DC0140

[pic] | KUMMISSJONI TAL-KOMUNITAJIET EWROPEJ |

Brussel 27.3.2006

KUMM(2006) 140 finali

KOMUNIKAZZJONI MILL-KUMMISSJONI LILL-KUNSILL U L-PARLAMENT EWROPEW

dwar l-implimentazzjoni tal-programm ENERGY STAR fil-Komunità Ewropea matul il-perjodu 2001 - 2005

KOMUNIKAZZJONI MILL-KUMMISSJONI LILL-KUNSILL U L-PARLAMENT EWROPEW

dwar l-implimentazzjoni tal-programm ENERGY STAR fil-Komunità Ewropea matul il-perjodu 2001 - 2005

1. Introduzzjoni

It-tagħmir ta’ l-uffiċċju – i.e. komputers, printers, copiers, eċċ. – huma responsabbli għall-biċċa l-kbira tal-konsum ta’ l-elettriku fis-setturi terzjarji u residenzjali fi ħdan l-Unjoni Ewropea. Dan is-sehem qed jiżdied minħabba l-penetrazzjoni mgħaġġla tat-teknoloġija ta’ l-informazzjoni u l-komunikazzjoni in ġenerali u t-tagħmir ta’ l-uffiċċju b’mod partikolari fis-setturi kollha tas-soċjetà u ż-żieda kontinwa fil-prestazzjoni ta' tagħmir bħal dan.

Minħabba li t-tagħmir ta’ l-uffiċċju jinbiegħ mad-dinja kollha, f'Diċembru ta' l-2000 ġie ffirmat "Ftehim bejn l-Istati Uniti ta' l-Amerika u l-Komunità Ewropea dwar il-koordinament tal-programmi effiċjenti tat-tikketjar għat-tagħmir għall-uffiċċju”[1] L-għan kien li l-programmi tat-tikkettjar jiġu kkordinati għal tagħmir ta’ l-uffiċċju li jkun effiċjenti fl-enerġija fi tnejn mis-swieq ewlenin globali għal prodotti bħal dawn. Il-programm ENERGY STAR li jappartjeni għall-US EPA huwa implimentat ukoll fi sħab tal-kummerċ ewlenin oħra mad-dinja kollha. Il-Ftehim huwa maħsub biex jistimola l-kummerċ internazzjonali tat-tagħmir għall-uffiċċju billi jiffaċilità l-proċeduri tal-protagonisti tas-suq tat-tagħmir ta’ l-uffiċċju biex jipparteċipaw fil-programm ENERGY STAR. Il-Ftehim jiskadi f’Ġunju ta' l-2006.

Fuq is-sisien tal-Ftehim, l-Aġenzija għall-Protezzjoni ta’ l-Ambjent ta’ l-Istati Uniti (US EPA) u l-Kummissjoni Ewropea flimkien imexxu l-programm ENERGY STAR għat-tagħmir ta’ l-uffiċċju. Dan il-programm twettaq mill-UE bid-“Deċiżjoni tat-8 ta’ April 2003 dwar il-konklużjoni min-naħa tal-Komunità tal-Ftehim bejn il-Gvern ta’ l-Istati Uniti ta’ l-Amerika u l-Komunità Ewropea dwar il-koordinament tal-programmi tat-tikkettjar għat-tagħmir ta’ l-uffiċċju effiċjenti fl-enerġija (2003/269/KE)[2], u bir-Regolament (KE) Nru 2422/2001 tal-Parlament Ewropew u tal-Kunsill tas-6 ta’ Novembru 2001 programm Ewropew tat-tikkettjar effiċjenti fl-enerġija għat-tagħmir ta’ l-uffiċċju” [3].

Il-programm ENERGY STAR jistabbilixxi programm ta’ qafas li jrawwem l-effiċjenza ta’ l-enerġija tat-tagħmir ta’ l-uffiċċju permezz ta’ koordinament ta’ l-iskemi tat-tikkettjar għal dawk il-prodotti fl-Istati Uniti ta’ l-Amerika u l-Unjoni Ewropea. Il-programm joffri l-possibilità lill-manifatturi tat-tagħmir ta’ l-uffiċċju biex jirreġistraw fuq bażi volontarja dawk il-prodotti li jikkonformaw ma ċerti rekwiżiti għall-effiċjenza ta’ l-enerġija ddefiniti fil-qafas tal-programm, u biex isir użu mit-tikketta ENERGY STAR u/jew il-logo għal għanijiet ta’ kummerċjalizzazzjoni. Barra minn hekk, jinħolqu u jiġu implimentati l-għodod għall-promozzjoni tat-tagħmir għall-uffiċċju li jkun effiċjenti fl-enerġija, għat-titjib fi-trasparenza fis-suq u biex jitjib l-għarfien ta’ l-utenti għall-effiċjenza ta’ l-enerġija. L-għan aħħari huwa li l-prokuraturi u l-konsumaturi jitħeġġu jixtru tagħmir li jkun effiċjenti f’dik li hija enerġija u biex jużaw t-tagħmir b’mod effiċjenti.

Il-Kummissjoni ingħatat l-inkarigu biex timplimenta l-programm bħala entità maniġerjali bl-appoġġ ta’ korp konsultattiv, il-Bord ta’ l-Energy Star tal-KE (ECESB; “Id-Deċiżjoni tal-Kummissjoni ta' l-11 ta' Marzu 2003 li tistabbilixxi l-Bord ta' l-Energy Star tal-Komunità Ewropea”[4] F’kooperazzjoni ma’ l-ECESB, il-Kummissjoni wettqet attivitajiet biex iġġedded l-ispeċifikazzjonijiet tekniċi għall-prodotti li jikkwalifikaw għall-ENERGY STAR, prodotti rreġistrat u ppromwoviet informazzjoni għall-pubbliku dwar l-użu effiċjenti tat-tagħmir għall-uffiċċju. Fir-rapport li ġej hija ppreżentata ħarsa ġenerali ta’ dawn l-attivitajiet:

- il-qagħda ġenerali attwali ta’ l-isforzi biex jiġġeddu l-ispeċifikazzjonijiet tekniċi hija ippreżentata fit-taqsima 2;

- ħarsa ġenerali ta’ attivitajiet li jippromwovu l-programm ENERGY STAR hija pprovduta fit-taqsima 3;

- sommarju tar-riżultati tad-diskussjonijiet ta’ l-ECESB u l-esperjenzi miksuba waqt l-implimentazzjoni tal-programm ta’ l-ENERGY STAR fil-UE waqt is-snin 2001-2005 hija ppreżentata fit-taqsima 4;

- il-konklużjonijiet tal-Kummissjoni għal tiġdid possibbli tal-Ftehim wara l-konsultazzjonijiet ma' l-ECESB u mal- US EPA huma ppreżentati fit-taqsima 5.

2. IL-QAGĦDA ATTWALI TAR-REVIŻJONI TA’ L-ISPEĊIFIKAZZJONIJIET TEKNIĊI

Il-programm ta’ l-ENERGY STAR għandu l-għan li juża fl-aħjar mod l-enerġija tat-tagħmir ta’ l-uffiċċju. Sabiex jintlaħaq dan il-għan l-ispeċifikazzjonijiet tekniċi għall-prodotti kkwalifikati ta’ l-ENERGY STAR għandhom ikunu ta’ natura dinamika, biex isegwu kemm l-evoluzzjoni mgħaġġla teknoloġika u kemm it-trasformazzjoni tas-suq ikkawżata mill-programm ta' l-ENERGY STAR innifsu.

L-ispeċifikazzjonijiet tekniċi kif qegħdin fil-Ftehim kienu qed jiffukaw fuq ir-rekwiżiti dwar is- sleep mode , i.e. mode b’inqas konsum ta’ enerġja li t-tagħmir “ enabled ” jiswiċċja awtomatikament fuqha wara ċertu perjodu ta’ inattività. Rekwiżiti bħal dawn, għalkemm huma meħtieġa, jindirizzaw parti waħda tal-konsum ta’ l-enerġija tat-tagħmir ta’ l-uffiċċju. Il-konsum ta’ l-enerġija meta jkun fuq l- on mode (il-mod attiv) dejjem qed isir iżjed importanti minħabba t-tagħmir iktar b'saħħtu li twassal fis-suq. Barra minn hekk, iktar użu ta' per eżempju l-internet jew l-applikazzjonijiet ta' komunikazzjoni jistgħu jimplikaw li t-tagħmir jibqa fuq on mode għal perjodi itwal. Dawn l-aspetti jwasslu għal iktar importanza ta' l-istatus on mode fil-konsum totali ta’ l-enerġija.

Sabiex jiġu addottati l-ispeċifikazzjonijiet tekniċi assoluti li jinsabu fil-Ftehim għall-iżviluppi teknoloġiċi riċenti u t-tibdil fit-tendenzi ta’ użu, il-Kummissjoni, bl-assistenza ta’ xi Stati Membri u partijiet interessati, tat kontribut attiv għar-reviżjoni ta’ l-ispeċifikazzjoni teknika għall-monitors tal-kompjuter, il-kompjuters u t-tagħmir ta’ l-immaġini. Għal dan il-għan, ġew organizzati ħafna laqgħat ta’ l-ECESB u s-subgrupp tiegħu ta’ esperti tekniċi. Ir-riżultati ġew approvati u użati mill-entitajiet maniġerjali. Il-Kummissjoni temmen li l-input ta’ l-esperti Ewropej huwa importanti għall-iżvilupp ta’ speċifikazzjonijiet tekniċi esiġenti u konsistenti.

Monitors tal-kompjuter

Ir-reviżjoni ta’ l-ispeċifikazzjonijiet tekniċi għall-monitors tal-kompjuter tlestiet fl-2004. L-imsieħba tal-programm Ewropej taw kontribut siewi għall-proċess ta’ reviżjoni. l-ispeċifikazzjonijiet tekniċi għall-monitors tal-kompjuter fihom – f’kuntrast ma’ l-ispeċifikazzjoni teknika li kiem hemm fis-seħħ qabel – dispożizzjonijiet dwar il-konsum ta’ l-enerġija fuq l- on-mode , u ma jħallux spazju għal klawsola li teżenta drittijiet akkwistati retroattivament . Ir-rekwiżiti għall-pilastru 1 qegħdin fis-seħħ sa mill-1 ta’ Jannar 2005. Ir-rekwiżiti iktar stretti tal-pilastru 2 huma applikabbli sa mill-1 ta’ Jannar 2006.

Il-Kompjuters

Bħalissa għaddej il-proċess għar-reviżjoni ta' l-ispeċifikazzjoni teknika għall- kompjuters. Waqt il-laqgħat tas-subgrupp tekniku ta' l-ECESB fil-15 ta' Frar u s-26 ta' Mejju 2005, l-esperti u l-partijiet interessati tal-KE ddiskutu r-rotta ’l quddiem għat-tiġdid mill-ġdid għall-ispeċifikazzjonijiet tekniċi għall-kompjuters. L-esperti tal-KE appoġġjaw l-EPA fit-twaqqif ta’ dokument ta'-ħidma ta' qafas li tiddefinixxi l-iskop għal speċifikazzjonijiet tekniċi rreveduti. Il-pass li jmiss huwa d-definizzjoni tal-livelli tal-konsum. Bħalissa qed tinġabar id-dejta u tiġi analizzata, b’mod partikolari dwar id-definizzjoni tal-livelli ta’ konsum ta’ enerġija fil-modi varji. Huwa previst li tiġi ffinaliżżata r-reviżjoni ta’ l-ispeċifikazzjoni teknika fit-tieni kwart ta’ l-2006. L-ewwel pilastru ta’ l-ispeċifikazzjonijiet tekniċi għall-kompjuters huwa skedat li jibda jaħdem mill-1 ta' Jannar 2007.

It-tagħmir ta’ l-immaġini

Ir-reviżjoni ta’ l-ispeċifikazzjoni teknika għat-tagħmir ta’ l-immaġini ( copiers , printers, tagħmir multifunzjonali, eċċ.) qed timxi ’lquddiem. Is-subgrupp tekniku ta’ l-ECESB iltaqgħa fil-15 ta’ Frar u s-26 ta’ Mejju, 2005. L-esperti tal-KE għenu lill-EPA fit-twaqqif tal-proċeduri għat-testijiet tal-“mod operattiv" (OM) u "il-konsum tipiku ta’ l-enerġija” (TEC) li sejrin jintużaw biex jiġi stabbilit il-konsum ta’ l-enerġija ta' tagħmir partikolari. Il-kundizzjonjiet tat-testijiet tfasslu. Bħalissa qed tinġabar u tiġi analizzata d-dejta sabiex il-kriterji għall-enerġija jiġu ddefiniti permezz ta’ l-applikazzjon ta’ kundizzjonijiet ġodda għat-testijiet. Huwa previst li fit-tieni kwart ta’ l-2006 tiġi ffinalizzata r-reviżjoni ta’ l-ispeċifikazzjoni teknika. L-ispeċifikazzjonijiet tekniċi rreveduti għat-tagħmir ta’ l-immaġini huma skedati li jibdew jaħdmu sa mill-1 ta’ Jannar 2007.

3. IL-PROMOZZJONI U R-REġISTRAZZJONI TA’ PRODOTTI

Il-Kumissjoni ħolqot il-portal ta’ l-internet www.eu-energystar.org li ilu online sa mill-ħarifa ta’ l-2003. Dan is-sit jiffaċilita l-aċċess għall-informazzjoni relevanti mfassla għall-atturi relevanti, li jinkludu p.eż. il-linjigwida għall-parteċipazzjoni fil-programm għall-manifatturi, searchable interface għad-dejtabejż ta’ l-ENERGY STAR irreġistrat prodotti disponibbli fuq is-suq tal-KE (ara hawn taħt), informazzjoni dwar żviluppi ġodda dwar il-programm ENERGY STAR, jagħtu parir fuq il-konfigurazzjoni proprja u l-użu ta' l-immaniġġjar ta' l-enerġija, il-każi tat-testijiet dwar il-konservazzjoni profitabbli ta’ l-enerġija, għodda ta’ kalkolu għall-konservazzjoni ta’ l-enerġija, l-informazzjoni teknika dwar l-imġiba speċifika u l-operat ta’ l-immaniġġjar ta’ l-enerġija fis-sistemi differenti operattivi, eċċ.

Il-portal huwa wkoll l-istrument ewlieni għall-aċċess pubbliku biex jiżgura t-trasparenza fl-attivitajiet imwettqa fil-qafas ta’ ħidma tal-Programm, li tinkudi informazzjoni dwar l-attivitajiet ta’ l-ECESB, l-ispeċifikazzjonijiet tekniċi rreveduti u l-aġġornamenti regolari tal-pjan ta’ ħidma annwali.

Il-portal se jinżamm u jiġi żviluppat iktar fil-fond. Xi partijiet tal-portal huma disponibbli fi 11-il lingwa Komunitarja, li jiġbor madwar 10,000 ħit u 600 viżitatur kull ġurnata (statistiċi għat-tieni kwart ta' l-2005).

Bil-ħsieb għar-rekwiżiti dwar ir-rapportaġġ dwar il-penetrazzjoni tas-suq ta’ prodotti li għandhom il-logo ENERGY STAR, l-EICTA pprovdiet dejta ta’ ħames kumpaniji dwar

Dejta 1. il-persentaġġ tal-mudelli rreġistrati bħala proporzjon tan-numru ta’ mudelli fis-suq inkluża l-Istati Uniti ta’ l-Amerika,

Dejta 2. il-persentaġġ tal-mudelli kolha rreġistrati fis-suq ta’ l-UE bħala proporzjon tan-numru ta’ mudelli fis-suq ta’ l-UE ,

Dejta 3 persentaġġ ta’ mudelli rreġistrati mill-UE bħala proporzjon tan-numru tal-mudelli kollha rreġistrati

Dejta 4. unità ta’ trasport bil-baħar (in-numru totali tat-tagħmir kkwalifikat)/persentaġġ tat-trasport bil-baħar ta’ unità li jikkwalifikaw:

Kumpanija | Dejta 1. | Dejta 2. | Dejta 3. | Dejta 4. |

1 | 98.20% | 100% | 96.30% | 127288 |

2 | 100% | 100% | 100% | /100% |

3 | 96% | 96% | 0 | 5488253/100% |

4 | 99.50% | 99.50% | 881764/ |

5 | 60% | 60% | /80% |

(Status: Ġunju 2005)

Jista’ jiġi konkluż mid-dejta disponibbli li l-ispeċifikazzjonjiet ta’ l-ENERGY STAR s’issa qed jiġu ssodisfati minn kważi l-mudelli kollha ta’ dawk il-kumpaniji li ppreżentaw id-dejta. Dan juri l-ħtieġa għal tiġdid rapidu ta’ l-ispeċifikazzjonijiet tekniċi. Min-naħa l-oħra, wieħed jista' jistenna li wara ċertu perjodu l-ispeċifikazzjonijiet tekniċi mġedda esiġenti se jiġu ssodisfati minn parti kbira tas-suq. Dan huwa minnu l-iktar minħabba l-fatt li l-ispeċifikazzjonijiet tekniċi ta’ l-ENERGY STAR jintużaw bħala rekwiżit għal prokura pubblika fl-Istati Uniti ta’ l-Amerika. Għalhekk, id-definizzjoni ta' l-ispeċifikazzjonijiet tekniċi esiġenti jistgħu jiġu mistennija li jwasslu għal konservazzjoni sostanzjali ta’ enerġija.

Id-dejtabejż ta’ l-ENERGY STAR

Il-Kummissjoni kontinwament rreġistrat prodotti kkwalifikati mibjugħa fuq is-suq Ewropew (ŻEE). Din hija parti mir-responsabbilità tal-Kummissjoni bħala “entità maniġerjali” għall-KE, li hija aċċettat li testendi liż-ŻEE wara l-ftehim mall-pajjiżi ta' l-EFTA u l-US EPA. L-utenti jistgħu jaċċessaw id-dejtabejż tal-prodotti rreġistrati u l-manifatturi permezz tal-websajt. Minbarra l-prodotti rreġistrati tal-KE, il-prodotti li ġew irreġistrati mill-EPA għal bejgħ fuq is-suq tal-KE huma inklużi fid-dejtabejż ukoll. Għal dan il-għan, id-dejta dwar il-mudelli rreġistrati ma’ l-EPA qed tiġi ttrasferita, evalwata u – jekk il-mudelli huma għal bejgħ fil-KE – ppubblikata fil-websajt tal-KE. Id-dejtabejż tal-websajt ta’ l-ENERGY STAR tal-KE u l-lista ta’ kumpaniji u l-prodotti rreġistrati huma aġġornati skond dan fuq bażi permanenti.

Attwalment qed jinżammu madwar 10,000 mudell. Id-dejtabejż ġie rikonoxxut mill-ECESB bħala għodda siewja biex titrawwem it-trasparenza fis-suq. Minħabba li d-dejta hija dominju pubbliku, l-Istati Membri jistgħu jużaw id-dejtabejż ta’ l-ENERGY STAR bħala bażi għall-għodod li jippermettu l-identifikazzjoni ta’ prodotti partikolarment effiċjenti fl-enerġija.

4. TAGħLIMIET MIKSUBA MATUL IL-PERJODU 2001 SA L-2005

Kif meħtieġ, il-Kumissjoni ħolqot l-EC Energy Star Board (ECESB) biex jikkonsulta regolarment ir-rappreżentanti ta' l-Istati Membri u l-partijiet interessati bħall-manifatturi u l-assoċjazzjonijiet tat-tagħmir ta' l-uffiċċju, l-esperti dwar it-trasformazzjoni tas-suq (aġenziji ta’ l-enerġija mill-Istati Membri), NGOs ambjentali (p.eż. il-WWF) u l-organizzazzjonijiet tal-konsumatur (ANEC). L-ECESB tat kontribut attiv għar-reviżjoni ta’ l-ispeċifikazzjonijiet tekniċi (ara fuq). Il-Kummissjoni organizzat workshop ddedikat li għalih attendew il-partijiet interessati kbar kollha minn madwar id-dinja fejn ġiet diskussa l-linjabażi ġenerali tal-Programm ta' l-ENERGY STAR għat-tagħmir ta' l-uffiċċju (Frankfurt am Main, April 2004). Il-konklużjonijiet ewlenin huma dawn li ġejjin:

- Hemm appoġġ għall-Partijiet Interessati għal Ftehim ġdid ta’ l-Energy Star ma’ l-Istati Uniti ta’ l-Amerika bit-talba li l-programm jiġi implimentat b'iktar effikaċja fl-UE. B’mod partikolari, il-proċedura għall-aġġornament ta’ l-ispeċifikazzjonijiet tekniċi għandha titqassar. Dan huwa meħtieġ sabiex tlaħħaq mal-karattru ferm innovattiv u ċ-ċikli mgħaġġla ta' żvilupp tal-prodott fit-tagħmir ta’ l-uffiċċju.

- Ikun meħtieġ koordinament aħjar bejn il-US EPA u l-Kummissjoni tal-KE meta ssir il-konsultazzjoni tal-partijiet interessati fuq ir-reviżjoni ta’ l-ispeċifikazzjonijiet ġodda. Jinħtieġ ir-rinforz tar-riżorsi umani għall-gwida tal-proċess ta’ reviżjoni.

- L-effikaċja u l-kredibbilità tal-programm jiddependu l-biċċa l-kbira fuq il-livell ta’ ambizzjoni ta’ l-ispeċifikazzjonijiet tekniċi għall-prodotti li jikkwalifikaw għall-ENERGY STAR. Għalhekk il-partijiet interessati jikkunsidraw li fil-prinċipju l-ispeċifikazzjonijiet tekniċi għandhom jiġu stabbiliti sabiex fl-istess waqt tad-definizzjoni tal-kriterji madwar 25% tal-mudelli disponibbli fis-suq ikunu jikkwalifikaw li jingħataw it-tikketta.

- Il-Kummissjoni ilha tħares lejn xi modi kif tista tissimplifika/tqassar il-proċess sabiex l-ispeċifikazzjonijiet tekniċi rreveduti jinħadmu u jiġu miftehma. Għal raġunijiet fundamentali, għandha tissokta t-traduzzjoni fil-lingwi Komunitarji u l-pubblikazzjoni fil-Ġurnal Uffiċjali ta’ l-ispeċifikazzjonijiet tekniċi. Is-simplifikazzjoni ewlenija ssuġġeriet li l-kumitat speċjali “133” tal-Kunsill mhemmx għalfejn jiġi kkonsultat fuq l-aġġornament ta’ l-ispeċifikazzjonijiet tekniċi, meta jiġi kkunsidrat li d-delegazzjonijiet ta’ l-Istati Membri diġà ġew ikkonsultati madwar l-ECESB u fil-prattika il-kumitat speċjali “133” purament japprova il-fehmiet tar-rappreżentatnti tagħhom fil-Bord ta’ l-Energy Star. Min-naħa l-oħra, huwa ssuġġerit li bosta dazji ta’ rappurtaġġ inklużi fir-Regolament attwali li huma kkunsidrati tqal b’mod disproporzjonat meta mqabbla ma’ l-għan ta’ din l-iskema volontarja jistgħu jiġu rrevokati.

- Bil-ħsieb li jassiguraw l-Istati Membri li l-ispeċifikazzjonijiet tekniċi rreveduti huma esiġenti, se tkun inkluża dispożiżżjoni fi ftehim ġdid possibbli li timponi fuq iż-żewġ entitajiet maniġerjali (il-Kummissjoni u l-EPA) li l-ispeċifikazzjonijiet tekniċi ikunu definiti b’mod li fil-waqt li jiġu stabbiliti l-kriterji, madwar 25% biss tal-prodotti fuq is-suq jkunu jistgħu jilħqu l-kriterji. Bl-inklużjoni ta’ dispożizzjoni bħal din, il-Kunsill għandu jipprovdi mandat ċar lill-Kummissjoni għar-reviżjoni ta’ speċifikazzjonijiet tekniċi, li jiġġustifika iktar il-bżonn biex jiġi kkonsultat il-kumitat speċjali “133".

- Huwa propost li ma jeħtieġx li l-Istati Membri jippromwovu t-tagħmir bit-tikketta ENERGY STAR. Dan huwa minħabba l-fatt li t-tikketta ENERGY STAR hija għodda għall-manifatturi biex jippromwuovu t-tagħmir bit-tikketta. Għalhekk l-attivitajiet li jippromwovu t-tikketta għandhom isiru u jitħallsu mill-manifatturi.

- Id-dejtabejż pubblika ENERGY STAR tista’ tgħin lill-konsumaturi u l-awtoritajiet pubbliċi biex jiddefinixxu l-aħjar livelli ta’ prestazzjoni ta’ l-effiċjenza ta’ l-enerġija għall-prestazzjoni funzjonali mixtieqa, b’mod partikolari għall-għan ta' prokura pubblika.

5. Konklużjoni: suġġeriment għal tiġdid tal-ftehim

Il-Ftehim attwalment fis-seħħ jiskadi f’Ġunju ta' l-2006. Ir-raġunament biex jiġi konkluż Ftehim ma’ l-Istati Uniti lura fl-aħħar tad-disgħinijiet huwa iktar b’saħħtu issa. Waqt li jitqiesu l-esperjenzi miksuba waqt l-ewwel perjodu ta’ implimentazzjoni tal-programm ENERGY STAR fl-UE, huwa ssuġġerit li titkompla l-parteċipazzjoni tal-KE fil-programm ENERGY STAR għat-tieni perjodu ta’ ħames snin minħabba r-raġunijiet li ġejjin:

- L-użu effiċjenti ta’ l-enerġija huwa wieħed mill-pilastri ewlenin għal enerġija sostenibbli fil-Komunità. Il- Green Paper tal-Kummissjoni dwar l-effiċjenza ta’ l-enerġija tidentifika il-benefiċċji li ġejjin ta' l-użu effiċjenti ta' l-enerġija: l-assigurazzjoni tal-kompetittività ta’ l-industrija Ewropea li tibbeneifika minn inqas infiq fuq l-enerġija, il-protezzjoni ambjentali minħabba t-tnaqqis ta' l-emissjonijiet tad-diossidu tal-karbonju kkawżati permezz ta’ l-użu ta’ l-enerġija, is-sigurtà tal-forniment ta’ l-enerġija minħabba t-tnaqqis tad-domanda għall-enerġija u għalhekk it-tnaqqis tad-dipendenza fuq l-importazzjonijiet ta’ l-enerġija.

- Il-konsum tat-tagħmir ta' l-uffiċċju għandu sehem importanti mill-konsum ta' l-elettriku fil-KE. Dan jista’ jiżdied p.eż. minħabba funzjonalità u prestazzjoni aħjar (p.eż l-ipproċessar tal-veloċità ta’ kompjuter) u minħabba iżjed stokk fl-użu privat u għan-negozju. Għalhekk il-prestazzjoni ta’ l-enerġija tat-tagħmir ta’ l-uffiċċju għandha tittejjeb aktar.

- Il-programm ta’ l-ENERGY STAR tal-KE jipprovdi il-ħidma ta’ qafas għall-koordinament ta’ l-Istati Membri u l-isforzi tal-Komunità biex ittejjeb l-effiċjenza ta’ l-enerġija tat-tagħmir għall-uffiċċju. Huwa meħtieġ approċċ ikkoordinat sabiex jitnaqqas l-impatt ħażin fuq l-industrija u l-kummerċ minħabba li r-rekwiżiti nazzjonali mhux koordinati jistgħu jimponu spejjeż żejda fuq il-manifatturi, il-kummerċ u b’konsegwenza x-xerrejja u l-utenti tat-tagħmir ta’ l-uffiċċju.

- Minħabba li t-tagħmir ta’ l-uffiċċju jinbiegħ mad-dinja kollha, miżuri biex tittejjeb l-effiċjenza ta' l-enerġija għandhom jiġu implimentati flimkien mas-sħab globali u dawk li jieħdu d-deċiżjonijiet. Il-programm ENERGY STAR jipprovdi ħidma ta' qafas għall-koordinament ta’ l-azzjonijiet bil-għan tat-titjib ta' l-effiċjenza ta' l-enerġija tat-tagħmir ta' l-uffiċċju ma' l-Istati Uniti, il-Ġappun, il-Korea u swieq oħra ewlenin.

- Il-Programm ENERGY STAR huwa aċċettat mill-biċċa l-kbira tal-manifatturi. Barra minn hekk, fl-Istati Uniti huwa importanti għall-prokura pubblika, minħabba li l-ispeċifikazzjonijiet tekniċi għandhom jiġu rrispettati mill-attivitajiet ta’ prokura pubblika, li jtejbu b’mod sinifikanti l-impatt tal-programm. Jekk l-awtoritajiet pubbliċi fil-Komunità jeħtieġu jixtru t-tagħmir li huwa effiċjenti fl-enerġija għallinqas kif stabbilit fl-ispeċifikazzjonijiet tekniċi tal-Programm ta’ l-ENERGY STAR, dan imexxi iktar lis-suq lejn tagħmir iktar effiċjenti. Dan idealment ikollu l-effett li l-ispeċifikazzjonijiet tekniċi ta’ l-ENERGY STAR jistgħu – wara ċertu perjodu – jiġu sodisfatti b’sehem kbir ta’ tagħmir disponibbli fuq is-suq. Għalhekk tista' tiġi ffrankata ħafna enerġija sakemm l-ispeċifikazzjonijiet tekniċi jkunu esiġenti (p.eż. li jkopru 25% tal-mudelli kif issuġġerit fl-abbozz tal-Ftehim ġdid) fl-istess waqt tad-definizzjoni tal-kriterji.

- Il-Kummissjoni temmen li l-input ta’ l-esperti tal-KE huwa importanti u jikkontribwixxi għall-iżvilupp ta’ speċifikazzjonijiet tekniċi esiġenti u konsistenti. Minħabba li x'aktarx il-biċċa l-kbira tas-suq se tikkonforma wara ċertu perjodu ta' żmien ma' l-ispeċifikazzjonijiet tekniċi ta' l-ENERGY STAR, id-definizzjoni tar-rekwiżiti esiġenti tista twassal għal titjib sinifikanti tal-konsum ta’ l-enerġija tas-settur tat-tagħmir ta’ l-uffiċċju.

- Għalkemm mhuwiex possibbli li jiġi kkwantifikat sa fejn is-servizzi tal-Kummissjoni jikkunsidraw li l-Programm ta' l-ENERG STAR għat-tagħmir ta' l-uffiċċju kkontribwixxa għal titjib ta' l-effiċjenza ta' l-enerġija għat-tagħmir ta' l-uffiċċju. Min-naħa l-oħra, għadhom jeżistu potenzjali sinifikanti biex titjieb il-prestazzjoni ta' l-enerġija tat-tagħmir ta' l-uffiċċju b'mod ekonomikament effikaċi.

- Ir-rapidità ta’ l-innovazzjoni u taċ-ċikli ta’ żvilupp tal-prodotti jeħtieġu strumenti partikolarment flessibbli, bħal per eżempju programmi ta’ tikkettjar volontarji li jistgħu jiġu adattati iktar rapidament għall-iżviluppi tas-suq biex titjieb l-effiċjenza ta’ l-enerġija tat-tagħmir għall-uffiċċju. Il-Programm ENERGY STAR huwa kkunsidrat strument ta’ politika iktar adattat biex il-Komunità tisfrutta l-potenzjal ta’ konservazzjoni ta' l- enerġija meta mqabbel mat-tikkettjar obbligatorju ta’ l-enerġija skond il-ħidma ta’ qafas tad-Direttiva 92/75 KE. Huwa wkoll komplimentarju għad-Direttiva 2005/32/KE għat-twaqqif tar-rekwiżiti ta’ l-ekodisinn.

- Il-Programm ta’ l-Energy Star - b’mod partikolari d-dejtabejż tagħha mmaniġjata mill-Kummissjoni u mill-EPA – tista’ tintuża bħala bażi għal attivitajiet ta’ l-awtoritajiet nazzjonali, reġjunali u lokali biex jippromwovu b’mod partikolari t-tagħmir ta’ l-uffiċċju effiċjenti fl-enerġija. Il-Programm itejjeb it-trasparenza tas-suq fis-settur tat-tagħmir ta’ l-uffiċċju, b’mod partikolari dwar il-prestazzjoni ta’ l-enerġija tat-tagħmir ta’ l-uffiċċju. Dan huwa prerekwiżit għal attivitajiet li jimmiraw kemm biex jimmotivaw il-konsumaturi kif ukoll l-awtoritajiet terzjarji u tal-prokura pubblika sabiex jinkludu l-effiċjenza ta' l-enerġija u l-ispejjez totali tas-sjieda li jinkludu l-ispejjeż għall-konsum ta' l-elettriku fid-deċiżjoni tax-xiri.

Waqt il-laqgħa tat-2 ta’ Diċembru 2005, il-partijiet fi ħdan l-ECESB appoġġjaw din l-evalwazzjoni u approvaw il-prinċipju għall-konklużjoni ta' ftehim ġdid ma' l-Istati Uniti ta' l-Amerika bil-modifiki li ġejjin mill-esperjenza miksuba mill-ewwel perjodu.

[1] ĠU L 172, 26.06.2001, p. 3

[2] ĠU L 99, 17.4.2003, p. 47.

[3] ĠU L 332, 15.12.2001, p. 1.

[4] ĠU L 67, 12.3.2003, p. 22.