42010X0824(01)

EUR-Lex

Access to European Union law

This document is an excerpt from the EUR-Lex website

EUROPA
EUR-Lex home
EUR-Lex - 42010X0824(01) - EN

Help

Search tips

Need more search options? Use the Advanced search

Document 42010X0824(01)

Ir-Regolament Nru 123 tal-Kummissjoni Ekonomika Ewropea tan-Nazzjonijiet Uniti (NU/KEE) — dwar proposta ta’ proġett ġdid ta’ Regolament: miżuri uniformi dwar l-omologazzjoni tas-sistemi adattivi ta’ dwal ta’ quddiem (adaptive front-lighting system — (AFS)) għall-vetturi bil-mutur

ĠU L 222, 24.8.2010, p. 1–61 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

(HR)
⏵Dan id-dokument ġie ppubblikat f’edizzjoni(jiet) speċjali (HR)
Edizzjoni speċjali bil-Kroat: Kapitolu 11 Volum 065 P. 254 - 314

Legal status of the document In force

ELI: http://data.europa.eu/eli/reg/2010/123(2)/oj

HTML

PDF

Official Journal

24.8.2010

Il-Ġurnal Uffiċjali tal-Unjoni Ewropea

L 222/1

It-testi oriġinali NU/KEE biss għandhom effett legali skont il-liġi internazzjonali pubblika. L-istatus u d-data tad-dħul fis-seħħ ta’ dan ir-Regolament għandhom jiġu verifikati fl-aħħar verżjoni tad-dokument tal-istatus NU/KEE TRANS/WP.29/343, disponibbli fuq:

http://www.unece.org/trans/main/wp29/wp29wgs/wp29gen/wp29fdocstts.html

Tinkorpora t-test validu kollu sa:

Is-Suppliment 4 tal-verżjoni oriġinali tar-Regolament — Data tad-dħul fis-seħħ: Id-19 ta’ Awwissu 2010

WERREJ

REGOLAMENT

A. DISPOŻIZZJONIJIET AMMINISTRATTIVI

Kamp ta’ applikazzjoni

Definizzjonijiet

Applikazzjoni għal approvazzjoni ta’ sistema

Marki

Approvazzjoni

B. REKWIŻITI TEKNIĊI GĦAS-SISTEMI

Speċifikazzjonijiet ġenerali

Illuminazzjoni

6.1.

Dispożizzjonijiet ġenerali

6.2.

Id-dispożizzjonijiet dwar ir-raġġi għaddiena

6.3.

Dispożizzonijiet dwar raġġi għas-sewqan

6.4.

Dispożizzjonijiet oħra

Kulur

C. DISPOŻIZZJONIJIET AMMINISTRATTIVI ADDIZZJONALI

Il-modifika tat-tip tas-sistema u l-estensjoni tal-approvazzjoni

Konformità tal-produzzjoni

10.

Sanzjonijiet għal nuqqas ta’ konformità tal-produzzjoni

11.

Produzzjoni mwaqqfa għal kollox

12.

L-ismijiet u l-indirizzi tas-servizzi tekniċi

ANNESSI

Anness 1 —

Komunikazzjoni

Anness 2 —

Eżempji tal-arranġament ta’ marki tal-approvazzjoni

Anness 3 —

Karatteristiċi fotometriċi applikabbli għar-raġġ baxx

Anness 4 —

Testijiet tal-istabbiltà tal-prestazzjoni fotometrika ta’ sistemi waqt li qed jitħaddmu

Anness 5 —

Rekwiżiti minimi għall-konformità tal-proċeduri tal-kontroll tal-produzzjoni

Anness 6 —

Rekwiżiti għal sistemi li għandhom lenti ta’ materjal plastiku — Testijiet ta’ lentijiet jew ta’ kampjuni ta’ materjal u ta’ sistemi sħaħ jew ta’ parti jew partijiet tagħhom

Appendiċi 1 —

Ordni kronoloġika ta’ testijiet tal-approvazzjoni

Appendiċi 2 —

Metodu tal-kejl tat-tixrid u t-trażmissjoni tad-dawl

Appendiċi 3 —

Metodu tal-ittestjar tal-isprej

Appendiċi 4 —

Test tat-twaħħil tat-tejp adeżiv

Anness 7 —

Rekwiżiti minimi għal teħid ta’ kampjuni minn spettur

Anness 8 —

Dispożizzjonijiet relatati mal-aġġustament tal-cut-off u tal-orjentazzjoni tar-raġġ baxx

Anness 9 —

Dispożizzjonijiet dwar il-qisien fotometriċi

Anness 10 —

Formoli ta’ deskrizzjoni

Anness 11 —

Rekwiżiti għal moduli LED u AFS li jinkludu moduli LED

A. MIŻURI AMMINISTRATTIVI

0. QASAM TA’ APPLIKAZZJONI

Ir-Regolament preżenti japplika għas-sistemi adattivi tad-dwal ta’ quddiem (AFS) għall-vetturi bil-mutur tal-kategoriji M u N (1).

1. DEFINIZZJONIJIET

Għall-finijiet tar-Regolament preżenti,

1.1	Id-definizzjonijiet li jidhru fir-Regolament Nru 48 u s-sensiela ta’ emendi tagħha fis-seħħ fil-mument tat-talba ta’ omologazzjoni tat-tip iridu japplikaw;

1.2

“Sistema adattiva ta’ dwal ta’ quddiem” (jew “sistema”) hija sistema ta’ dwal li tarmi raġġi ta’ liema l-karatteristiċi jadattaw ruħhom awtomatikament għall-kundizzjonijiet varjabbli ta’ użu tar-raġġ baxxi u, jekk jinqala’ l-każ, tar-raġġ qawwi b’kontenut minimu ta’ funzjoni, kif indikat fil-paragrafu 6.1.1; din is-sistema tinkludi “l-kontroll tas-sistema”, waħda jew aktar “sistemi ta’ provvista u ta’ tħaddim”, jekk jinqala’ l-każ, u tal-unitajiet ta’ installazzjoni mqiegħda fuq il-lemin u fuq ix-xellug tal-vettura;

1.3	“Klassi” ta’ raġġ baxx (C, V, E jew W) hija raġġ baxx li għandu l-karatteristiċi msemmija fir-Regolament preżenti u fir-Regolament Nru 48 (2);

1.4

“Mod” ta’ funzjoni tad-dwal ta’ quddiem żgurata minn sistema hija raġġ konformi mal-paragrafi 6.2 u 6.3 tar-Regolament preżenti, kemm għall-waħda mill-klassijiet ta’ raġġ baxx kemm għar-raġġ qawwi, maħsub mill-manifattur biex jiġi użat fuq ċerti vetturi u f’ċerti kundizzjonijiet ta’ madwarhom;

1.4.1

“Mod ta’ dwal fil-liwja” hija funzjoni ta’ dwal ta’ quddiem li tagħhom id-dawl ikun imressaq lateralment jew modifikat (sabiex jinkiseb l-istess riżultat), maħsuba għall-kantunieri, il-liwjiet jew l-intersezzjonijiet tat-triq, u li għandha karatteristiċi fotometriċi tagħha;

1.4.2

“Mod ta’ dwal fil-liwja tal-kategorija 1” hija mod ta’ dwal fil-liwja permezz ta’ ċaqliq orizzontali tal-liwja tal-qtugħ;

1.4.3

“Mod ta’ dwal fil-liwja tal-kategorija 2” hija mod ta’ dwal fil-liwja mingħajr ċaqliq orizzontali tal-liwja tal-qtugħ;

1.5	“Unità ta’ dawl” hija parti mis-sistema li tarmi d-dawl, li tista’ tkun magħmula minn elementi ottiċi, mekkaniċi jew elettriċi, maħsuba biex tiżgura b’mod totali jew parzjali r-raġġ ta’ waħda jew ta’ aktar funzjonijiet tad-dwal ta’ quddiem prodotta(i) mis-sistema;

1.6	“Unità ta’ installazzjoni” hija kejsing li ma jistax jinqasam (il-bodi tal-fanal) li għandu waħda jew ħafna unitajiet ta’ dawl;

1.7	In-“Naħa leminija” jew in-“naħa xellugija” hija t-totalità tal-unitajiet tad-dwal bil-ħsieb li jiġu mmuntati fuq in-naħa inkwistjoni tal-pjan lonġitudinali medjan tal-vettura relatata mal-fus ta’ ċaqliq tagħha ’l quddiem;

1.8	“Kontroll ta’ sistema” hija l-parti jew il-partijiet tas-sistema li jirċievu s-sinjali li ġejjin mill-vettura u li jikkontrollaw awtomatikament it-tħaddim tal-unitajiet tad-dwal;

1.9	L-“Istat newtrali” huwa l-istat tas-sistema meta mod definit tar-raġġ baxx ta’ klassi C (“raġġ baxx bażiku”) jew tar-raġġ qawwi, jekk jinqala’ l-każ, jintrema u ebda sinjal ta’ kontroll AFS ma jiġi applikat;

1.10	“Sinjal” huwa kull sinjal ta’ kontroll AFS kif definit fir-Regolament Nru 48 jew kull sinjal ta’ kontroll supplimentari ta’ dħul tas-sistema, jew ukoll kontroll ta’ ħruġ tas-sistema lejn il-vettura;

1.11	“Ġeneratur ta’ sinjal” huwa mezz kapaċi li jipproduċi mill-ġdid wieħed jew aktar sinjali għat-testijiet tas-sistema;

1.12

“Sistemi ta’ provvista u ta’ taħdim” hija wieħed jew aktar elementi ta’ sistema li tipprovdi f’enerġija waħda jew ħafna partijiet ta’ din is-sistema, bħal regolatur ta’ provvista u/jew ta’ tensjoni għal wieħed jew aktar sorsi ta’ dawl, per eżempju tagħmir ta’ kontroll elettroniku tas-sorsi tad-dawl;

1.13	Il-“Fus ta’ referenza tas-sistema” hija l-linja ta’ intersezzjoni tal-pjan lonġitudinali medjan tal-vetturi mal-pjan orizzontali fejn l-ebda punt ma jgħaddi miċ-ċentru ta’ referenza ta’ waħda mill-unitajiet ta’ dwal li jidhru fid-dijagrammi speċifikati fil-paragrafu 2.2.1 t’hawn taħt;

1.14	Il-“Lenti” hija l-element li qiegħda l-aktar ’il barra f’unità ta’ installazzjoni, li tittrasmetti d-dawl permezz tal-wiċċ li jillumina;

1.15	“Kisja” hija kull prodott applikat f’passata waħda jew aktar fuq in-naħa ta’ barra ta’ lenti;

1.16

Sistemi ta’ “tip” differenti huma sistemi li jippreżentaw bejniethom differenzi essenzjali, bħal:

1.16.1

It-trejdmark jew il marka tal-fabbrika;

1.16.2

L-inklużjoni jew it-tneħħija ta’ elementi suxxettibbli li jalteraw il-karatteristiċi ottiċi jew fotometriċi tas-sistema;

1.16.3

L-adattament għat-traffiku fuq il-lemin jew għat-traffiku fuq ix-xellug jew għat-tnejn;

1.16.4

Il-funzjoni jew il-funzjonijiet tad-dwal, il-mod jew il-modi u l-klassijiet prodotti;

1.16.5

Il-materjali li bihom jagħmlu l-lentijiet u l-kisja tagħhom, jekk ikun il-każ;

1.16.6

Il-karatteristika jew il-karatteristiċi tas-sinjal(i) definit(i) għas-sistema;

1.17	L-“Orjentazzjoni” hija l-pożizzjonament tar-raġġ jew ta’ waħda mill-partijiet tiegħu fuq skrin ta’ kejl konformi mal-preskrizzjonijiet;

1.18	L-“Issettjar” huwa l-użu ta’ mezzi maħsuba mis-sistema għall-orjentazzjoni vertikali u/jew orizzontali tar-raġġ;

1.19

“Funzjoni għat-tibdil ta’ direzzjoni ta’ traffiku” hija kull funzjoni tad-dwal ta’ quddiem, jew waħda mill-modi tagħha jew unikament waħda jew għadd ta’ partijiet tagħha, jew inkella kull tagħqid ta’ dawn l-elementi, maħsuba biex jiġi evitat kull dawl qawwi u jiżgura dawl biżżejjed meta vettura mgħammra b’sistema magħmula biex tiċċirkola fuq naħa tat-triq tkun użata provviżorjament f’pajjiż fejn it-traffiku jsuq fuq in-naħa l-oħra;

1.20

“Funzjoni ta’ sostituzzjoni” hija kull funzjoni ta’ dwal u/jew ta’ sinjalazzjoni ta’ quddiem, jew waħda mill-modi tagħha jew unikament waħda jew għadd ta’ partijiet tagħha, jew inkella kull tagħqid ta’ dawn l-elementi, maħsuba biex jissostitwixxu funzjoni jew mod ta’ dwal ta’ quddiem f’każ ta’ falliment.

1.21.

Referenzi magħmula f’dan ir-Regolament għal bozza (bozoz) tal-filament standard (étalon) u sors(i) tad-dawl li jitfgħu l-gass għandhom jirreferu għar-Regolamenti Nru 37 u 99 rispettivament, u għas-serje ta’ emendi tagħhom fis-seħħ fiż-żmien tal-applikazzjoni għall-approvazzjoni tat-tip.

2. TALBA GĦAL OMOLOGAZZJONI TA’ SISTEMA

2.1

It-talba għal omologazzjoni trid tiġi sottomessa minn min għandu t-trejdmark jew il-marka tal-fabbrika tas-sistema jew mir-rappreżentant tiegħu li jkun akkreditat kif suppost.

Din trid tippreċiża:

2.1.1

Il-funzjonijiet tad-dwal ta’ quddiem li trid tiżgura s-sistema li għalihom qiegħda tintalab l-omologazzjoni konformi mar-Regolament preżenti;

2.1.1.1

Kull funzjoni oħra ta’ dwal jew ta’ sinjalazzjoni ta’ quddiem, iggarantiti minn fanal wieħed jew aktar, sew jekk ikunu fi gruppi, kkombinati jew inkorporati ta’ wieħed lill-ieħor jew unitajiet ta’ dwal tas-sistema li jkunu s-suġġett għat-talba ta’ omologazzjoni b’dettalji biżżejjed biex jippermettu l-identifikazzjoni tal-fanal jew ta’ dawn il-fanali kif ukoll ir-Regolamenti skont liema jridu jiġu omologati (separatament);

2.1.2

Jekk ir-raġġ baxx huwiex maħsub kemm għat-traffiku fuq ix-xellug jew fuq il-lemin jew jekk huwiex maħsub b’mod esklussivament għat-traffiku fuq naħa jew oħra;

2.1.3

Jekk is-sistema hijiex mgħammra b’unità jew aktar ta’ dwal regolabbli:

2.1.3.1

Il-pożizzjoni jew il-pożizzjonijiet ta’ muntaġġ ta’ kull unità tad-dwal b’relazzjoni mal-art u mal-pjan lonġitudinali medjan tal-vettura;

2.1.3.2

L-angoli massimi ’l fuq jew ’l isfel mill-pożizzjoni jew il-pożizzjonijiet normali li l-miżura jew il-miżuri ta’ regolazzjoni vertikali jistgħu jilħqu;

2.1.4.

il-kategorija, kif elenkata fir-Regolament Nru 37 jew 99 u s-serje ta’ emendi tagħhom fis-seħħ fil-waqt tal-applikazzjoni għall-approvazzjoni tat-tip, tas-sors jew is-sorsi tad-dawl użati sostitwibbli jew mhux sostitwibbli tal-filament jew tal-emissjoni tal-gass u/jew il-kodiċi(jiet) tal-identifikazzjoni speċifiku/speċifiċi għall-modulu tas-sors tad-dawl għall-moduli LED, jekk disponibbli;

2.1.5

Jekk is-sistema hijiex mgħammra b’sors jew aktar ta’ dawl mhux sostitwibbli:

2.1.5.1

l-identifikazzjoni tal-unità jew l-unitajiet tad-dwal ta’ liema dawn is-sorsi ta’ dawl imsemmija m’humiex sostitwibbli;

2.1.6

Il-kundizzjonijiet ta’ taħdim, jiġifieri t-tensjonijiet differenti ta’ provvista definit fil-miżuri tal-Anness 9 tar-Regolament preżenti, jekk jingħata l-każ.

2.2

Kull talba ta’ omologazzjoni jrid ikollha magħha:

2.2.1

Dijagrammi bi tliet kopji dettaljati biżżejjed biex jippermettu l-identifikazzjoni tat-tip, li juru t-tqegħid tan-numru jew tan-numri ta’ omologazzjoni kif ukoll is-simboli supplimentari b’relazzjoni maċ-ċirku ta’ madwar il-marka jew il-marki ta’ omologazzjoni, u li jindikaw f’liema pożizzjoni ġeometrika l-unitajiet ta’ dwal iridu jiġu mmuntati fuq il-vettura b’relazzjoni mal-art u mal-pjan lonġitudinali medjan tal-vettura u juru wkoll kull wieħed minnhom f’sezzjoni vertikali (tal-assi) u minn quddiem, b’indikazzjoni tad-dettalji ewlenija tal-karatteristiċi ottiċi, notevolment l-assi jew l-assijiet ta’ referenza u l-punt jew il-punti li jridu jiġu kkunsidrati bħala ċentru ta’ referenza waqt it-testijiet kif ukoll il-karatteristiċi ottiċi tal-lentijiet, jekk jingħata l-każ u fil-każ ta’ modulu/moduli LED l-ispazju/spazji riservati għall-kodiċi(jiet) tal-identifikazzjoni speċifiku/speċifiċi tal-modulu/moduli wkoll;

2.2.2

Deskrizzjoni teknika konċiża tas-sistema li tippreċiża:

a)	Il-funzjoni jew il-funzjonijiet tad-dwal kif ukoll il-modi tagħhom żgurati mis-sistema (3);

b)	L-unitajiet tad-dwal li jikkontribwixxu għal kull waħda minnhom (3) kif ukoll is-sinjali (4) flimkien mal-karatteristiċi tekniċi tat-taħdim tagħhom;

c)	Il-kategoriji (3) tal-mod tad-dwal fil-liwja, jekk jingħata l-każ;

d)	Il-ġabra jew il-ġabriet ta’ fatti supplimentari li jiġbru l-miżuri applikabbli għar-raġġi baxxi ta’ klassi E f’konformità mat-tabella 6 tal-Anness 3 tar-Regolament preżenti, jekk jingħata l-każ;

e)	Il-ġabra jew il-ġabriet ta’ miżuri applikabbli għar-raġġi baxxi ta’ klassi W f’konformità mal-Anness 3 tar-Regolament preżenti, jekk jingħata l-każ;

f)	L-unitajiet tad-dwal (4) li jipproduċu qtugħ jew aktar tar-raġġi baxxi jew jikkontribwixxu għalihom;

g)	L-indikazzjoni jew l-indikazzjonijiet (3) f’konformità mal-miżuri tal-paragrafu 6.4.6 tar-Regolament preżenti f’dak li għandu x’jaqsam mal-paragrafi 6.22.6.1.2.1 u 6.22.6.1.3 tar-Regolament Nru 48;

h)	L-unitajiet tad-dwal maħsuba biex jiżguraw id-dawl minimu tal-fanali baxxi f’konformità mal-paragrafi 6.2.9.1 tar-Regolament preżenti;

i)	Il-preskrizzjonijiet ta’ muntaġġ u ta’ tħaddim għall-finijiet tat-testijiet;

j)	Kull informazzjoni oħra rilevanti;

Fil-każ ta’ modulu(moduli) LED dan għandu jinkludi:

(i)	Speċifikazzjoni teknika fil-qosor tal-modulu(moduli) LED;

(ii)	Tpinġija bid-dimensjonijiet u l-valuri elettriċi u fotometriċibażiċi u l-fluss illuminanti oġġettiv;

(iii)

Fil-każ ta’ sistema li tuża ger ta’ kontroll tas-sors tad-dawl, l-informazzjoni dwarl-interkonnessjonielettrika hija meħtieġa għall-ittestjar tal-approvazzjoni;

2.2.2.1

Il-kunċett ta’ sikurezza bħal ma’ huwa definit fid-dokumentazzjoni li għandha, għas-sodisfazzjoni tas-servizz tekniku inkarigat mit-testijiet ta’ omologazzjoni:

i)	Tiddeskrivi l-miżuri integrati fis-sistema biex jiżguraw il-konformità tagħha mal-miżuri fil-paragrafi 5.7.3, 5.9 u 6.2.6.4 ta’ hawn taħt;

ii)	Tindika l-istruzzjonijiet relatati mal-verifika tagħhom konformi mal-paragrafu 6.2.7 ta’ hawn taħt; u/jew

iii)

Tagħti aċċess għad-dokumenti rilevanti li juru l-effikaċja tas-sistema minħabba l-fatt tal-kredibbiltà u tat-tħaddim tajjeb tal-miżuri definiti f’konformità mal-paragrafi 2.2.2.1 i) ta’ hawn fuq, per eżempju l-analiżi tal-modi ta’ falliment u l-effetti tagħhom (FMEA) u l-analiżi skont il-kawża tad-difetti (FTA), jew kull proċess ieħor adattat għall-kundizzjonijiet ta’ sikurezza.

2.2.2.2

Il-marka u t-tip tal-miżura jew tal-miżuri ta’ provvista u ta’ taħdim, jekk jinqala’ l-każ, bil-kundizzjoni li ma jagħmlux parti minn unità ta’ installazzjoni;

2.2.3

Sett wieħed ta’ kampjuni tat-tip ta’ sistema li għaliha qiegħda tintalab l-omologazzjoni, inklużi l-miżuri ta’ muntaġġ, il-miżuri ta’ provvista u ta’ tħaddim u l-ġeneraturi ta’ sinjali, jekk jinqala’ l-każ;

2.2.4

Għat-test tal-materjal plastiku li jikkostitwixxi l-lentijiet:

2.2.4.1

Erbatax-il lenti;

2.2.4.1.1

Għaxra minn dawn il-lentijiet jistgħu jkunu sostitwiti minn 10 kampjuni ta’ materjal plastiku ta’ mill-inqas 60 × 80 mm, li jkollhom naħa ta’ barra ċatta jew konvessa u, fin-nofs, żona prattikament ċatta ta’ mill-inqas 15 × 15 mm (b’raġġ ta’ kurvatura ta’ mill-inqas 300 mm);

2.2.4.1.2

Kull lenti jew kampjun ta’ materjal plastiku trid tkun prodotta skont il-proċeduri applikati fil-fabbrikazzjoni ta’ serje;

2.2.4.2

Ta’ element ta’ dawl jew ta’ ġabra ottika, jekk jingħata l-każ, għal-liema l-lentijiet jistgħu jitwaħħlu f’konformità mal-istruzzjonijiet tal-manifattur;

2.2.5

Għat-test ta’ reżistenza l-elementi ta’ trasmissjoni tad-dawl b’materjal plastiku għar-raġġi ultra-vjola suxxettibbli li jintremew mis-sors jew is-sorsi illuminanti li jagħmlu parti mis-sistema, per eżempju fil-każ ta’ lampi li jiddisċarġjaw, moduli tal-LED, f’konformità mal-paragrafu 2.2.4 tal-Anness 6 tar-Regolament preżenti:

Kampjun ta’ kull materjal użat fis-sistema, jew ukoll sistema sħiħa jew parti tagħha jew aktar li għandhom dawn il-materjali. Il-kampjuni kollha ta’ materjal irid ikollhom l-istess dehra u jridu jkunu għaddew mill-istess trattament tal-wiċċ, jekk jingħata l-każ, daqs li kieku kienu maħsuba biex jiġu użati fis-sistema sottomessa għall-omologazzjoni;

2.2.6

Il-materjali li jikkostitwixxu l-lentijiet u l-kisjiet, jekk jingħata l-każ, irid ikollhom magħhom rapport miktub ta’ test tal-karatteristiċi ta’ dawn il-materjali u l-kisjiet jekk dawn kienu diġà sottomessi għal testijiet;

2.2.7

Jekk din hija sistema f’konformità mal-paragrafu 4.1.7 ta’ hawn taħt, vettura li tirrappreżenta l-vettura jew il-vetturi speċifikati fil-paragrafu 4.1.6 ta’ hawn taħt.

3. MARKI TAT-TOROQ

3.1

L-unitajiet ta’ installazzjoni ta’ sistema ppreżentata għall-omologazzjoni jrid ikollhom it-trejdmark jew il-marka tal-fabbrika ta’ min qiegħed jagħmel it-talba.

3.2

Irid ikollhom, fuq il-lenti tagħhom u l-kejsing tagħhom, spazji kbar biżżejjed biex jitqiegħdu l-marki ta’ omologazzjoni u s-simboli addizzjonali preskritti fil-paragrafu 4; dawn l-ispazji jridu jiġu indikati fuq id-dijagrammi msemmija fil-paragrafu 2.2.1 ta’ hawn fuq.

3.2.1

Sadanittant, jekk il-lenti ma tistax tiġi sseparata mill-bodi prinċipali tal-unità ta’ installazzjoni, tkun biżżejjed iskrizzjoni f’konformità mal-paragrafu 4.2.5.

3.3

L-unitajiet ta’ installazzjoni jew is-sistemi li ġew maħsuba biex jissodisfaw l-esiġenzi kemm tat-traffiku fuq il-lemin u tat-traffiku fuq ix-xellug irid ikollhom iskrizzjonijiet li jippreċiżaw iż-żewġ pożizzjonijiet ta’ muntaġġ tal-element jew l-elementi ottiċi tal-vettura jew tas-sors jew is-sorsi ta’ dawl tar-riflettur jew ir-rifletturi; dawn l-iskrizzjonijiet ikunu magħmula mill-ittri “R/D” għat-traffiku fuq il-lemin u “L/G” għat-traffiku fuq ix-xellug.

3.4

Fil-każ ta’ sistema maħsuba biex tissodisfa l-preskrizzjonijiet imsemmija fil-paragrafu 5.8.2 ta’ hawn taħt, mill-inqas, jekk jinqala’ l-każ tal-ħabi ta’ spazju supplimentari li qiegħed quddiem il-lenti tal-unità ta’ installazzjoni, l-ispazju msemmi jrid jiġi indikat b’mod indelibbli. Jekk l-ispazju huwa indikat b’mod ċar, ma hemmx bżonn ta’ din l-iskrizzjoni.

3.5.

Fil-każ ta’ AFS b’modulu(moduli) LED, l-unità ta’ installazzjoni korrispondenti għandu jkollha l-marka tal-vultaġġ stmat u l-wattage stmat u l-kodiċi tal-identifikazzjoni speċifika tal-modulu tas-sors tad-dawl.

3.6.

Modulu(moduli) LED sottomess(i) flimkien mal-approvazzjoni tal-AFS:

3.6.1.

Għandu jkollu(ikollhom) l-isem kummerċjali jew trejdmark tal-applikant. Din il-marka għandha tkun tinqara b’mod ċar u ma tkunx tista’ titħassar;

3.6.2.

Għandu jkollu(ikollhom) il-kodiċi tal-identifikazzjoni speċifika tal-modulu. Din il-marka għandha tkun tinqara b’mod ċar u ma tkunx tista’ titħassar.

Din il-kodiċi tal-identifikazzjoni speċifika għandha tinkludi l-ittri tal-bidu “MD” għal “MODULU” segwiti mill-marka tal-approvazzjoni mingħajr iċ-ċirku kif preskritt fl-Artikolu 4.2.1. isfel u f’każ li jintużaw diversi moduli tas-sors tad-dawl mhux identiċi, segwiti minn simboli jew karattri addizzjonali. Din il-kodiċi tal-identifikazzjoni speċifika għandha tintwera fl-illustrazzjonijiet imsemmija fl-Artikolu 2.2.1. imsemmi qabel. Il-marka tal-approvazzjoni m’għandhiex neċessarjament tkun l-istess bħal dik fuq il-bozza li fiha jintuża l-modulu, iżda ż-żewġ marki għandhom ikunu mill-istess applikant.

3.7.

Jekk ger tal-kontroll ta’ sors tad-dawl elettroniku li ma jkunx parti minn modulu LED jintuża biex iħaddem modulu(moduli) LED, għandu jiġi mmarkat bil-kodiċi(jiet) tal-identifikazzjoni speċifika(speċifiċi) tiegħu, il-vultaġġ tad-dħul u l-wattage stmati.

4. OMOLOGAZZJONI

4.1 Ġeneralitajiet

4.1.1

Jekk il-kampjuni kollha ta’ tip ta’ sistema sottomessi f’konformità mal-paragrafu 2 ta’ hawn fuq jissodisfaw il-preskrizzjonijiet tar-Regolament preżenti, l-omologazzjoni tingħata.

4.1.2

Meta fanali fi gruppi, ikkumbinati jew inkorporati wieħed ma’ ieħor mas-sistema jissodisfaw il-preskrizzjonijiet ta’ għadd ta’ regolamenti, wieħed jista’ jpoġġi marka internazzjonali ta’ omologazzjoni unika, bil-kundizzjoni li kull wieħed minnhom ikun issodisfa l-preskrizzjonijiet li jkunu applikabbli għalih.

4.1.3

Kull tip omologat jirċievi numru ta’ omologazzjoni, ta’ liema l-ewwel żewġ ċifri (attwalment 00) jindikaw is-serje ta’ emendi li jikkorrispondu għall-modifiki tekniċi maġġuri l-aktar reċenti magħmula skont ir-Regolament fid-data ta’ ħruġ tal-omologazzjoni. L-istess Parti kontraenti ma tistax tagħti dan l-istess numru lil tip ieħor ta’ sistema msemmija fir-Regolament preżenti.

4.1.4

L-omologazzjoni, l-estensjoni tal-omologazzjoni, ir-rifjut jew l-irtirar tal-omologazzjoni jew il-waqfa definittiva tal-produzzjoni ta’ tip ta’ sistema, fl-applikazzjoni tar-Regolament preżenti, iridu jiġu kkomunikati lill-Partijiet fil-Ftehim tal-1958 li japplikaw ir-Regolament preżenti, permezz ta’ formola konformi mal-eżempju li jidher fl-Anness 1 tar-Regolament preżenti u li tinkludi l-indikazzjonijiet preskritti fil-paragrafu 2.1.3.

4.1.4.1

Jekk l-unità jew l-unitajiet ta’ installazzjoni jkunu mgħammra b’riflettur regolabbli u dawn ikunu maħsuba esklussivament biex jiġu użati fil-pożizzjonijiet ta’ muntaġġ li jikkorrispondu għall-indikazzjonijiet tal-paragrafu 2.1.3, min qiegħed jagħmel it-talba huwa marbut, ladarba tinkiseb l-omologazzjoni, li jispjega korrettament lil min ser jużahom liema hi jew liema huma l-pożizzjonijiet tajbin għal muntaġġ.

4.1.5

Fuq kull unità ta’ installazzjoni ta’ sistema konformi għat-tip omologat skont ir-Regolament preżenti, fl-ispazji speċifikati fil-paragrafu 3.2 ta’ hawn fuq, barra mill-marka preskritta fil-paragrafu 3.1, titqiegħed marka ta’ omologazzjoni f’konformità ma’ dik deskritta fil-paragrafi 4.2 u 4.3 ta’ hawn taħt.

4.1.6

Min qiegħed jagħmel it-talba jrid jindika, fuq formola konformi mal-eżempju tal-Anness 1 tar-Regolament preżenti, il-vettura jew il-vetturi għal-liema s-sistema hija mmirata.

4.1.7

Jekk l-omologazzjoni tintalab għal sistema li m’hijiex immirata li tkun koperta mill-omologazzjoni ta’ tip ta’ vettura, f’konformità mar-Regolament Nru 48,

4.1.7.1

Min qiegħed jagħmel it-talba jrid jippreżenta dokument li jipprova biżżejjed li s-sistema tista’ tissodisfa l-preskrizzjonijiet tal-paragrafu 6.22 tar-Regolament Nru 48, meta din tkun immuntata korrettament, u

4.1.7.2

Is-sistema trid tkun omologata f’konformità mar-Regolament Nru 10.

4.2 Kompożizzjoni tal-marka ta’ omologazzjoni

Il-marka ta’ omologazzjoni hija komposta:

4.2.1

Minn marka ta’ omologazzjoni internazzjonali, li tinkludi:

4.2.1.1

Ċirku li ġo fih hemm l-ittra “E” segwita min-numru distintiv tal-pajjiż li ħareġ l-omologazzjoni (5);

4.2.1.2

In-numru ta’ omologazzjoni preskritt fil-paragrafu 4.1.3 ta’ hawn fuq;

4.2.2

Is-simbolu jew is-simboli addizzjonali li ġejjin:

4.2.2.1

Fuq is-sistema, l-ittra “X” u l-ittra jew l-ittri li jikkorrispondu għall-funzjonijiet żgurati mis-sistema:

“C”	għar-raġġ baxx ta’ klassi C, flimkien ma’ simboli ta’ klassijiet oħrajn rilevanti għal raġġ baxx,
“E”	għar-raġġ baxx ta’ klassi E,
“V”	għar-raġġ baxx ta’ klassi V,
“W”	għar-raġġ baxx ta’ klassi W,
“R”	għar-raġġ qawwi;

4.2.2.2

Linja orizzontali fuq kull simbolu, jekk il-funzjoni jew il-mod ta’ dawl ikun żgurat minn diversi unitajiet ta’ installazzjoni mqiegħda fuq naħa jew iż-żewġ naħat;

4.2.2.3

Is-simbolu “T”, imqiegħed wara s-simbolu tal-funzjonijiet kollha u/jew il-klassijiet ta’ dwal maħsuba biex jissodisfaw il-miżuri relatati mad-dwal fil-liwja, fejn dawn is-simboli ġew miġbura kollha fuq ix-xellug;

4.2.2.4

Fuq l-unitajiet ta’ installazzjoni distinti, l-ittra “X”, kif ukoll l-ittra jew l-ittri li jikkorrispondu għall-funzjonijiet żgurati mill-unità jew l-unitajiet tad-dwal li huma jinkludu;

4.2.2.5

Jekk l-unità ta’ installazzjoni mqiegħda fuq waħda min-naħat m’hijiex l-unika li tiżgura l-funzjoni tad-dwal jew il-mod tagħhom, is-simbolu tal-funzjoni irid ikollu fuqu linja orizzontali;

4.2.2.6

Fuq is-sistemi jew parti jew bosta mill-partijiet tagħhom, konformi unikament mal-preskrizzjonijiet applikabbli għat-traffiku fuq ix-xellug, vleġġa orizzontali li tħares lejn il-lemin meta wieħed qiegħed iħares minn quddiem l-unità ta’ installazzjoni, jiġifieri min-naħa tat-triq fejn jimxi t-traffiku;

4.2.2.7

Fuq is-sistemi jew parti jew bosta mill-partijiet tagħhom maħsuba biex jirrispondu għall-preskrizzjonijiet taż-żewġ direzzjonijiet ta’ traffiku, per eżempju permezz ta’ regolazzjoni tal-element ottiku jew tas-sors tad-dawl, vleġġa orizzontali li tipponta fl-istess ħin lejn ix-xellug u lejn il-lemin;

4.2.2.8

Fuq l-unitajiet ta’ installazzjoni li jinkludu lenti ta’ materjal plastiku, l-ittri “PL” jitqiegħdu viċin is-simboli preskritti fil-paragrafi 4.2.2.1 sa 4.2.2.7 ta’ hawn fuq;

4.2.2.9

Fuq l-unitajiet ta’ installazzjoni li jikkontribwixxu għall-esiġenzi tal-preskrizzjonijiet tar-Regolament preżenti għar-raġġ qawwi, indikazzjoni tal-intensità tad-dawl massima spjegata permezz ta’ marki definiti fil-paragrafu 6.3.2.1.3 ta’ hawn taħt imqiegħda viċin iċ-ċirku madwar l-ittra “E”;

4.2.3

Fil-każijiet kollha, il-mod ta’ installazzjoni applikat waqt il-proċedura ta’ test definit fil-paragrafu 1.1.1.1 tal-Anness 4 u t-tensjoni jew it-tensjonijiet awtorizzati f’konformità mal-paragrafu 1.1.1.2 tal-Anness 4 jridu jkunu indikati fuq iċ-ċertifikati ta’ omologazzjoni u fuq il-formoli kkomunikati lill-pajjiżi li huma parti mill-Ftehim li japplikaw għar-Regolament preżenti.

Fil-każijiet li huma kkunsidrati, is-sistemi jew parti jew partijiet tagħhom irid ikollhom l-iskrizzjonijiet li ġejjin:

4.2.3.1

Fuq l-unitajiet ta’ installazzjoni f’konformità mal-preskrizzjonijiet tar-Regolament preżenti maħsuba b’mod li jeskludi kull tqabbid simultanju tas-sors jew tas-sorsi tad-dawl tar-raġġ baxx u ta’ kull funzjoni oħra tad-dwal ma’ liema jista’ jiġi inkorporat wieħed lill-ieħor, tiżdied il-marka ta’ omologazzjoni b’linja djagonali (/) wara s-simbolu jew is-simboli tad-dawl baxx.

4.2.3.2

Fuq l-unitajiet ta’ installazzjoni li ma jissodisfawx l-ispeċifikazzjonijiet tal-Anness 4 tar-Regolament preżenti li filwaqt li jkunu taħt tensjoni ta’ 6 jew 12 V, simbolu magħmul miċ-ċifra 24 maqtugħa b’salib imxaqleb (X) irid jitqiegħed viċin ir-rifda tas-sors jew is-sorsi tad-dawl.

4.2.4

Iż-żewġ ċifri tan-numru ta’ omologazzjoni (attwalment 00) li jindikaw is-serje ta’ emendi li jikkorrispondu għall-modifiki tekniċi maġġuri l-aktar reċenti magħmula skont ir-Regolament fid-data tal-ħruġ tal-omologazzjoni u, skont il-bżonn, il-vleġġa speċifikata, jistgħu jidhru viċin is-simboli addizzjonali ta’ hawn fuq.

4.2.5

Il-marki u s-simboli msemmija fil-paragrafi 4.2.1 u 4.2.2 ta’ hawn fuq iridu jkunu jinqraw b’mod ċar u jkunu indelibbli. Jistgħu jitqiegħdu fuq ġewwa jew fuq barra (parti trasparenti jew le) tal-unitajiet ta’ installazzjoni mhux separati mill-wiċċ li jarmi d-dawl tagħhom. Fil-każijiet kollha, iridu jkunu jidhru meta l-unità ta’ installazzjoni tkun immuntata fuq il-vettura. Iċ-ċaqliq ta’ parti mobbli tal-vettura jkun awtorizzat biex din l-ispeċifikazzjoni tiġi sodisfatta.

4.3 Pożizzjoni tal-marka ta’ omologazzjoni

4.3.1 Fanali indipendenti

L-Anness 2, id-dijagrammi 1 sa 10, tar-Regolament preżenti jagħtu eżempji ta’ marka ta’ omologazzjoni u tas-simboli addizzjonali msemmija hawn fuq.

4.3.2 Fanali fi grupp, ikkombinati jew inkorporati reċiprokament

4.3.2.1

Meta fanali fi grupp, kombinati jew inkorporati reċiprokament flimkien mas-sistema jissodisfaw l-ispeċifikazzjonijiet ta’ bosta regolamenti, tista’ titqiegħed marka internazzjonali ta’ omologazzjoni unika, magħmula minn ċirku madwar l-ittra “E” segwit bin-numru distintiv tal-pajjiż li ħareġ l-omologazzjoni u bin-numru ta’ omologazzjoni. Din il-marka ta’ omologazzjoni tista’ titqiegħed fi kwalunkwe post tal-fanali raggruppati, kombinati jew inkorporati reċiprokament, b’kundizzjoni:

4.3.2.1.1

Li jkunu jidhru kif indikat fil-paragrafu 4.2.5;

4.3.2.1.2

Li ebda element tal-fanali fi grupp, ikkombinati jew inkorporati reċiprokament li jittrasmetti d-dawl ma jista’ jitneħħa mingħajr ma titneħħa fl-istess ħin il-marka ta’ omologazzjoni.

4.3.2.2

Is-simbolu ta’ identifikazzjoni ta’ kull fanal li jikkorrispondi għal kull regolament fl-applikazzjoni ta’ liema l-omologazzjoni tingħata kif ukoll is-serje ta’ emendi li tikkorrispondi għal modifiki tekniċi maġġuri l-aktar reċenti magħmula skont ir-Regolament fid-data tal-ħruġ tal-omologazzjoni, u jekk hemm bżonn, il-vleġġa adattata jridu jitqiegħdu

4.3.2.2.1

Kemm fuq il-wiċċ illuminanti adattat,

4.3.2.2.2

Kemm fi grupp, b’mod li kull wieħed mill-fanali raggruppati, kombinati jew inkorporati reċiprokament, jistgħu jingħarfu b’mod ċar (għall-eżempji possibbli, ara l-Anness 2).

4.3.2.3

Il-qisien tal-elementi ta’ marka ta’ omologazzjoni unika ma jistgħux ikunu inqas mill-qisien minimi meħtieġa għall-iċken iskrizzjoni skont ir-Regolament taħt liema titlu nħarġet l-omologazzjoni.

4.3.2.4

Kull tip approvat jirċievi numru ta’ omologazzjoni. L-istess parti kontraenti ma tistax tagħti dan l-istess numru lil tip ieħor ta’ fanali raggruppati, kombinati jew inkorporati reċiprokament, skont ir-Regolament preżenti.

4.3.2.5

Fl-Anness 2, id-dijagrammi 11 u 12, tar-Regolament preżenti jagħtu eżempji ta’ marka ta’ omologazzjoni għal fanali fi grupp, ikkombinati jew inkorporati reċiprokament, flimkien mas-simboli kollha addizzjonali msemmija hawn fuq, għas-sistemi li tagħhom il-funzjonijiet huma żgurati minn bosta unitajiet ta’ installazzjoni mal-ġenb tal-vettura.

4.3.2.6

Fl-Anness 2, id-dijagramma 13, tar-Regolament preżenti tagħti eżempji ta’ marka ta’ omologazzjoni li għandha x’taqsam mas-sistema sħiħa.

B. SPEĊIFIKAZZJONIJIET TEKNIĊI APPLIKABBLI GĦAS-SISTEMI TA’ WAĦDA JEW BOSTA MILL-PARTIJIET TAGĦHOM

Ħlief għal dispożizzjoni kuntrarja, il-pożizzjonijiet fotometriċi jridu jkunu effettwati f’konformità mad-dispożizzjonijiet imsemmija fl-Anness 9 tar-Regolament preżenti.

5. SPEĊIFIKAZZJONIJIET ĠENERALI

5.1

Il-kampjuni kollha, li tagħhom tintalab l-omologazzjoni unikament għat-traffiku fuq il-lemin, iridu jkunu konformi mal-ispeċifikazzjonijiet imsemmija fil-paragrafi 6 u 7 ta’ hawn taħt; jekk, min-naħa l-oħra, l-omologazzjoni tintalab għat-traffiku fuq ix-xellug, id-dispożizzjonijiet tal-paragrafu 6 ta’ hawn taħt, inklużi l-annessi rilevanti tar-Regolament preżenti, japplikaw billi jinqalbu x-xellug u l-lemin u viċeversa.

Bl-istess mod, wieħed ibiddel id-deskrizzjoni tal-pożizzjonijiet angulari u tal-elementi billi “R” titbiddel ma’ “L” u viċeversa.

5.1.2

Is-sistemi jew waħda jew bosta mill-partijiet tagħhom iridu jkunu maħsuba b’mod li jżommu l-karatteristiċi fotometriċi tagħhom u li jibqgħu jaħdmu tajjeb f’kundizzjonijiet ta’ użu normali, minkejja l-vibrazzjonijiet li għalihom jistgħu jkunu sottomessi.

5.2

Is-sistemi jew waħda jew bosta mill-partijiet tagħhom iridu jkollhom mezz li jippermetti l-kontroll tagħhom fil-vettura f’konformità mal-pożizzjonijiet li huma applikabbli għalihom.

5.2.1

Is-sistemi jew waħda jew bosta mill-partijiet tagħhom jistgħu jkunu eżentati minn dan, bil-kundizzjoni li l-użu ta’ dawn il-mezzi jkun limitat għall-vetturi li fuqhom il-kontroll ikun possibbli permezz ta’ mezzi oħra jew inutli, skont id-deskrizzjoni ta’ min qiegħed jagħmel it-talba.

5.3

Bl-eċċezzjoni tal-moduli LED is-sistemi ma jistgħux ikunu mgħammra b’sorsi illuminanti mhux omologati f’konformità mar-Regolamenti Nru 37 jew Nru 99 u s-serje ta’ emendi tagħhom fis-seħħ fil-waqt tal-applikazzjoni għall-approvazzjoni tat-tip u/jew li għalihom saret restrizzjoni fuq l-użu fir-Regolament Nru 37;

5.3.1

Jekk is-sors tad-dawl ikun sostitwibbli

5.3.1.1.

L-apparat tiegħu li jżomm il-bozza irid ikun konformi mal-karatteristiċi li jidhru fil-formola ta’ spjegazzjoni tal-pubblikazzjoni Nru 60061 tal-IEC kif indikat fir-Regolament rilevanti li għandu x’jaqsam mas-sorsi illuminanti;

5.3.1.2.

Id-disinn tal-apparat għandu jkun b’tali mod li l-bozza tal-filament ma tista’ titwaħħal fl-ebda pożizzjoni ħlief f’dik it-tajba.

5.3.2

Jekk sors illuminanti ma jinbidilx, dan m’għandux jagħmel parti minn unità ta’ dwal li tipproduċi r-raġġ baxx fi stat newtru.

5.4

Is-sistemi jew waħda jew bosta mill-partijiet mibnija b’mod li jissodisfaw l-ispeċifikazzjonijiet kemm tat-traffiku fuq il-lemin u kemm tat-traffiku fuq ix-xellug jistgħu jiġu adattati fid-direzzjoni jew l-oħra tat-traffiku kemm permezz ta’ kontroll inizjali adattat waqt l-immuntar fuq il-vettura, kemm permezz ta’ manuvra volontarja ta’ min qiegħed jużaha. Fil-każijiet kollha, huma biss żewġ kontrolli perfettament distinti, il-wieħed għat-traffiku fuq il-lemin u l-ieħor għat-traffiku fuq ix-xellug, li għandhom ikunu possibbli, u l-mogħdija bi żvista minn pożizzjoni għall-oħra kif ukoll il-waqfa fuq pożizzjoni intermedjarja għandhom ikunu magħmula impossibbli.

5.5

Għandhom isiru testijiet komplementari f’konformità mal-ispeċifikazzjonijiet tal-Anness 4 tar-Regolament preżenti biex jiġi żgurat li l-karatteristiċi fotometriċi ma jġarrbux varjazzjonijiet eċċessivi waqt l-użu

5.6

Jekk il-lenti ta’ unità tad-dwal hija ta’ materjal plastiku, it-testijiet iridu jsiru f’konformità mal-ispeċifikazzjonijiet tal-Anness 6 tar-Regolament preżenti.

5.7

Fuq is-sistemi jew waħda jew bosta mill-partijiet tagħhom maħsuba biex jarmu alternattivament raġġ baxx u raġġ qawwi, kull mezz mekkaniku, elettromekkaniku jew ieħor inkorporat mal-unità tad-dwal biex jgħaddi minn raġġ għall-ieħor irid jiġi maħsub b’tali mod:

5.7.1

Li jkun reżistenti biżżejjed biex jaħdem 50 000 darba mingħajr avariji, minkejja l-vibrazzjonijiet għal-liema hemm ir-riskju li jkun sottomess fl-użu normali;

5.7.2

Li dejjem jinkiseb kemm ir-raġġ baxx kif ukoll ir-raġġ qawwi, mingħajr possibbiltà ta’ pożizzjoni intermedjarja jew ta’ stat indefinit; fil-każ li jkun impossibbli, l-istat miksub irid ikun kopert mid-dispożizzjonijiet skont il-paragrafu 5.7.3 ta’ hawn taħt;

5.7.3

F’każ ta’ ħsara, is-sistema tmur awtomatikament fuq ir-raġġ baxx jew fi stat fejn il-valuri fotometriċi ma jkunux akbar minn 1,5 lx taż-żona IIIb definita fl-Anness 3 tar-Regolament preżenti u mhux inqas minn 4 lx f’punt tas-“parti Emax”, b’mezzi bħal, per eżempju, it-tifi, it-tnaqqis u l-baxxej tar-raġġ u/jew sostituzzjoni ta’ funzjoni;

5.7.4

Li jkun possibbli għal min jużah biex ibiddel, b’għodda komuni, il-forma jew il-pożizzjoni tal-elementi mobbli jew biex iqabbad l-iswiċċ.

5.8

Is-sistemi jridu jkunu mgħammra b’mezzi li jippermettu l-użu temporanju tagħhom f’pajjiżi fejn id-direzzjoni tat-traffiku hija bil-kontra ta’ dik għal liema qiegħda tintalab l-omologazzjoni, mingħajr ma toħloq wisq inkonvenjent għat-traffiku li ġej mid-direzzjoni kuntrarja. Għal dan il-għan, is-sistemi jew waħda jew bosta mill-partijiet tagħhom iridu:

5.8.1

Jippermettu lil min se jużahom biex jagħmel aġġustament f’konformità mal-paragrafu 5.4 ta’ hawn fuq, mingħajr għodod speċjali; jew

5.8.2

jipprovdu mezz biex tinkiseb funzjoni għat-tibdil ta’ direzzjoni tat-traffiku li tissodisfa l-valuri fit-tabella li ġejja meta t-testijiet isiru f’konformità mal-paragrafu 6.2 ta’ hawn taħt, mingħajr modifika ta’ aġġustament b’relazzjoni mad-direzzjoni tat-traffiku inizjali;

5.8.2.1.

Raġġ għaddieni ddisinjat għal traffiku fuq in-naħa tal-lemin u adattat għal traffiku fuq in-naħa tax-xellug:

b’0,86 D-1,72 L	mill-inqas 3 lux
b’0,57 U-3,43 R	mhux iktar minn 1,0 lux

5.8.2.2.

Raġġ għaddieni ddisinjat għal traffiku fuq in-naħa tax-xellug u adattat għal traffiku fuq in-naħa tal-lemin:

b’0,86 D-1,72 R	mill-inqas 3 lux
b’0,57 U-3,43 L	mhux iktar minn 1,0 lux

5.8.2.3.

il-ħabi ta’ żona adattata tal-lenti f’konformità mal-paragrafu 3.4 ta’ hawn fuq tista’ tkun soluzzjoni totali jew parzjali.

5.9

Is-sistemi jridu jkunu maħsuba b’tali mod li, f’każ ta’ falliment ta’ sors illuminanti u/jew modulu LED, jiġi attivat sinjal sabiex jissodisfa d-dispożizzjonijiet rilevanti tar-Regolament Nru 48.

5.10

L-element jew l-elementi li magħhom huwa mwaħħal is-sors illuminanti li jista’ jinbidel iridu jkunu maħsuba b’tali mod li s-sors illuminanti jkun faċli biex ikun immuntat, mingħajr ebda riskju li jsir żball, anke fid-dlam.

5.11

Fil-każ ta’ sistema f’konformità mal-paragrafu 4.1.7 ta’ hawn fuq:

5.11.1

Is-sistema jrid ikollha magħha eżempju tal-formola definita fil-paragrafu 4.1.4 ta’ hawn fuq u istruzzjonijiet li jippermettu l-muntaġġ tagħha f’konformità mad-dispożizzjonijiet tar-Regolament Nru 48.

5.11.2

Is-servizz tekniku responsabbli għall-omologazzjoni jrid jiżgura li:

a)	Is-sistema tista’ tkun immuntata korrettament f’konformità mal-istruzzjonijiet;

Is-sistema, ladarba mmuntata fuq il-vettura, tissodisfa d-dispożizzjonijiet tal-paragrafu 6.22 tar-Regolament Nru 48;

test ta’ sewqan fuq it-triq li jservi biex jikkonferma l-konformità mad-dispożizzjonijiet tal-paragrafu 6.22.7.4 tar-Regolament Nru 48 huwa obbligatorju, inkluż f’kull sitwazzjoni rilevanti relatata mal-kontroll tas-sistema, fuq il-bażi tad-deskrizzjoni magħmula minn min qiegħed jagħmel it-talba. Irid jiġi indikat jekk il-modi kollha humiex attivati, qegħdin jaħdmu jew inattivati f’konformità mad-deskrizzjoni magħmula minn min qiegħed jagħmel it-talba; kull falliment li jidher (angolu eċċessiv jew dija per eżempju) għandha tiġi mistħarrġa.

5.12.

L-AFS, jekk mgħammra b’moduli LED, u l-modulu(moduli) LED infushom għandhom ikunu konformi mar-rekwiżiti rilevanti speċifikati fl-Anness 11 ta’ dan ir-Regolament. Il-konformità mar-rekwiżiti għandha tiġi ttestjata.

5.13.

Fil-każ ta’ AFS li tinkorpora sorsi tad-dawl u/jew modulu(moduli) LED li jipproduċi r-raġġ għaddieni bażiku u jkollu fluss illuminanti oġġettiv totali tal-unitajiet tad-dawl kif indikat fil-punt 9.2.3 tal-formola ta’ komunikazzjoni konformi mal-mudell fl-Anness 1 li jeċċedi 2 000 lumen kull naħa, għandha ssir referenza fil-punt 9.2.4 tal-formola ta’ komunikazzjoni fl-Anness 1. Il-flus illuminanti oġġettiv tal-modulu (moduli) LED għandu jitkejjel kif deskritt fil-paragrafu 5 tal-Anness 11.

5.14.

Fil-każ li r-raġġ għaddieni bażiku fl-istat newtrali jkun prodott esklussivament minn moduli LED, il-fluss illuminanti oġġettivi totali ta’ dawn il-moduli LED għandhom ikunu daqs jew ikbar minn 1 000 lumen kull naħa, meta mkejjel kif deskritt fil-paragrafu 5 tal-Anness 11.

6. DWAL

6.1 Speċifikazzjonijiet ġenerali

6.1.1

Kull sistema għandha tarmi raġġ baxx ta’ klassi C f’konformità mal-paragrafu 6.2.5 ta’ hawn taħt u wieħed jew bosta raġġi baxxi ta’ waħda jew aktar klassijiet; tista’ tinkludi mod jew bosta modi oħrajn fuq ġewwa ta’ kull klassi ta’ raġġ baxx kif ukoll il-funzjonijiet ta’ dwal ta’ quddiem f’konformità mal-paragrafi 6.3 u/jew 2.1.1.1 tar-Regolament preżenti.

6.1.2

Is-sistema għandha tippermetti modifiki awtomatiċi b’mod li jinkiseb dawl tajjeb fuq it-triq mingħajr ebda inkonvenjent, la għas-sewwieq u lanqas għall-oħrajn li qegħdin jużawha.

6.1.3

Is-sistema tkun ikkunsidrata bħala aċċettabbli jekk tissodisfa l-ispeċifikazzjonijiet fotometriċi rilevanti tal-paragrafi 6.2 u 6.3.

6.1.4

Il-pożizzjonijiet fotometriċi jkunu effettwati f’konformità mal-indikazzjonijiet ta’ min qiegħed jagħmel it-talba:

6.1.4.1

Fi stat newtru bħal dak definit fil-paragrafu 1.9;

6.1.4.2

Fis-sinjal V, fis-sinjal W, fis-sinjal E jew fis-sinjal T, f’konformità mal-paragrafu 1.10, skont il-każ;

6.1.4.3

Jekk jingħata l-każ, f’kull sinjal ieħor f’konformità mal-paragrafu 1.10 jew taħlita ta’ dawn, f’konformità mal-indikazzjonijiet ta’ min qiegħed jagħmel it-talba.

6.2 Pożizzjonijiet applikabbli għar-raġġi baxxi

Qabel kull test skont il-paragrafi ta’ hawn taħt, is-sistema trid titqiegħed fl-istat newtru, jiġifieri tarmi raġġ baxx ta’ klassi C.

6.2.1

Fuq kull naħa tas-sistema (jiġifieri tal-vettura), ir-raġġ baxx fl-istat newtru jrid jipproduċi, permezz ta’ mill-inqas unità ta’ dwal, cut-off f’konformità mal-Anness 8 tar-Regolament preżenti jew,

6.2.1.1

is-sistema għandha toffri mezzi oħrajn, per eżempju mezzi ottiċi jew raġġi awżiljari proviżorji, li jippermettu orjentazzjoni ċara u korretta tar-raġġi.

6.2.1.2

L-Anness 8 ma japplikax għall-funzjoni ta’ tibdil tad-direzzjoni tat-traffiku bħal dak deskritt fil-paragrafi 5.8 sa 5.8.2.1 ta’ hawn fuq.

6.2.2

Is-sistema jew waħda jew bosta mill-partijiet tagħha trid tkun orjentata b’tali mod li l-pożizzjoni tal-cut-off tkun konformi mal-ispeċifikazzjonijiet speċifikati fit-Tabella 2 tal-Anness 3 tar-Regolament preżenti.

6.2.3

Meta tkun orjentata hekk, is-sistema jew waħda jew bosta mill-partijiet tagħha, fil-każ li l-omologazzjoni tagħha tiffoka esklussivament fuq ir-raġġ baxx, trid tissodisfa l-ispeċifikazzjonijiet speċifikati fil-paragrafi rilevanti ta’ hawn taħt; min-naħa l-oħra, jekk hija maħsuba biex tipprovdi dawl supplimentari jew funzjonijiet ta’ sinjalazzjoni illuminanti f’konformità mal-ambitu ta’ applikazzjoni tar-Regolament preżenti, għandha wkoll tissodisfa l-ispeċifikazzjonijiet speċifikati fil-paragrafi rilevanti ta’ hawn taħt. Bil-kundizzjoni li ma jistax ikun aġġustat separatament.

6.2.4

Meta sistema jew waħda jew bosta mill-partijiet tagħha hekk orjentati ma jissodisfawx l-ispeċifikazzjonijiet tal-paragrafu 6.2.3 ta’ hawn fuq, l-aġġustament tagħha jista’, f’konformità mal-istruzzjonijiet tal-manifattur, ikun modifikat sal-massimu ta’ 0,5 ta’ grad lejn il-lemin jew lejn ix-xellug u ta’ 0,2 ta’ grad ’l fuq jew ’l isfel, b’relazzjoni mal-aġġustament inizjali.

6.2.5

Meta tarmi ċertu mod ta’ raġġ baxx, is-sistema trid tkun konformi mal-ispeċifikazzjonijiet tas-sezzjoni rilevanti (C, V, E jew W) tal-parti A tat-Tabella 1 (valuri fotometriċi) u tat-Tabella 2 (Emax u tqegħid tal-cut-off) tal-Anness 3 tar-Regolament preżenti, kif ukoll is-sezzjoni 1 (speċifikazzjonijiet applikabbli għall-cut-off) tal-Anness 8 tar-Regolament preżenti.

6.2.6

Raġġ jista’ jintrema b’mod ta’ dwal fil-liwja, bil-kundizzjoni li:

6.2.6.1

Is-sistema tkun konformi mal-ispeċifikazzjonijiet rilevanti tal-parti B tat-Tabella 1 (valuri fotometriċi) u tal-punt 2 tat-Tabella 2 (speċifikazzjonijiet applikabbli għall-cut-off) tal-Anness 3 tar-Regolament preżenti meta l-valuri jitqiesu konformi mal-proċedura indikata fl-Anness 9, skont il-kategorija (1 jew 2) tal-mod ta’ dwal fil-liwja li għalih qiegħda tintalab l-omologazzjoni;

6.2.6.2

Il-punt Emax ma jitqiegħedx barra mir-rettanglu inkluż bejn il-pożizzjoni vertikali l-aktar għolja definita fit-Tabella 2 tal-Anness 3 tar-Regolament preżenti għall-klassi tar-raġġ baxx ikkonċernat u 2 gradi taħt il-linja H-H, u bejn 45 grad fuq ix-xellug u 45 grad fuq il-lemin tal-assi ta’ referenza tas-sistema;

6.2.6.3

Meta s-sinjal T jikkorrispondi għall-iżgħar turning radius tal-vettura lejn ix-xellug (jew lejn il-lemin), is-somma tal-valuri tal-illuminazzjoni pprovduti mill-kontributri kollha tan-naħa tal-lemin jew tax-xellug tas-sistema għandhom ikunu mill-inqas 3 lx f’punt wieħed jew iktar taż-żona inkluża bejn il-linja H-H u 2 gradi taħt H-H, u bejn 10 u 45 grad fuq ix-xellug jew (fuq il-lemin);

6.2.6.4

Jekk l-omologazzjoni tintalab għal mod ta’ liwja tal-kategorija 1, l-użu tas-sistema huwa limitat għall-vettura maħsuba b’tali mod li l-parti orizzontali tat-tarf tal-cut-off prodotta mis-sistema tkun konformi mad-dispożizzjonijiet rilevanti tal-paragrafu 6.22.7.4.5 i) tar-Regolament Nru 48;

6.2.6.5

Jekk l-omologazzjoni tintalab għal mod ta’ dawl fil-liwja tal-kategorija 1, is-sistema trid tkun maħsuba b’tali mod li, f’każ ta’ falliment tal-moviment laterali jew tal-modifika tad-dwal, ikun possibbli li jinkisbu awtomatikament kundizzjonijiet fotometriċi, kemm li jikkorrispondu għal dawk definiti fil-paragrafu 6.2.5 ta’ hawn fuq, kemm li jipproduċu valuri li ma jaqbżux 1,5 lx fiż-żona IIIb, bħal dawk definiti fl-Anness 3 tar-Regolament preżenti, u mill-inqas 4 lx f’punt tas-“parti Emax”;

6.2.6.5.1

sadanittant, dan ma jkunx meħtieġ jekk, għal pożizzjonijiet fuq ix-xellug tal-assi ta’ referenza tas-sistema, fuq il-linja 0,3o ’l fuq mil-linja HH sa 5o fuq ix-xellug u taħt il-linja sa 0,57o ’l isfel minn HH lil hinn minn 5o fuq ix-xellug, il-valur ta’ 1 lx ma jinqabeż fl-ebda post.

6.2.7

Is-sistema trid tiġi verifikata f’konformità mal-istruzzjonijiet tal-manifattur, skont il-prinċipju ta’ sikurezza definit fil-paragrafu 2.2.2.1 ta’ hawn fuq.

6.2.8

Is-sistemi jew waħda jew bosta mill-partijiet tagħhom maħsuba kemm għat-traffiku fuq il-lemin u t-traffiku fuq ix-xellug iridu, f’kull waħda miż-żewġ pożizzjonijiet, f’konformità mal-paragrafu 5.4 ta’ hawn fuq, jissodisfaw l-ispeċifikazzjonijiet definiti għad-direzzjoni tat-traffiku kkonċernat.

6.2.9

Is-sistemi jridu jkunu maħsuba b’tali mod li:

6.2.9.1.

Kull mod ta’ raġġ baxx speċifikat jipproduċi mill-inqas 3 lx sal-punt 50V fuq kull naħa tas-sistema; il-mod jew il-modi ta’ raġġ baxx ta’ klassi V jitqassmu minn din l-ispeċifikazzjoni;

6.2.9.2

Erba’ sekondi wara li tinxtegħel is-sistema, li ma ħadmitx wara mill-inqas 30 minuta, ir-raġġ baxx ta’ klassi C irid jipproduċi mill-inqas 5 lx sal-punt 50V;

6.2.9.3

Modi oħrajn:

F’każ ta’ sinjali ta’ input definiti fil-paragrafu 6.1.4.3 tar-Regolament preżenti, l-ispeċifikazzjonijiet tal-paragrafu 6.2 iridu jinkisbu.

6.3 Pożizzjonijiet dwar ir-raġġ qawwi

Qabel kull test skont il-paragrafi ta’ hawn taħt, is-sistema trid titqiegħed fi stat newtru.

6.3.1

L-unità jew l-unitajiet ta’ dwal tas-sistema jridu jkunu kkontrollati f’konformità mal-istruzzjonijiet tal-manifattur, b’tali mod li ż-żona ta’ dawl massimu tkun iċċentrata fuq il-punt ta’ intersezzjoni (HV) tal-linji H-H u V-V;

6.3.1.1

Kull unità ta’ dawl li ma tistax tkun ikkontrollata separatament, jew li tagħha l-aġġustament sar wara l-pożizzjonijiet effettwati f’konformità mal-paragrafu 6.2, trid titqiegħed għal test ikkontrollat b’dan il-mod.

6.3.2

Meta jitqies b’mod konformi mal-pożizzjonijiet speċifikati fl-Anness 9 tar-Regolament preżenti, id-dawl irid ikun konformi mal-ispeċifikazzjonijiet li ġejjin:

6.3.2.1

Il-punt HV irid jitqiegħed fuq ġewwa tal-isolux li jirrappreżenta 80 % tal-illuminazzjoni massima tar-raġġ qawwi.

6.3.2.1.1

Il-valur massimu (EM) ma jistax ikun inqas minn 48 lx u fl-ebda ċirkostanza m’għandu jkun iktar minn 240 lx.

6.3.2.1.2

L-intensità massima (IM) ta’ kull unità ta’ installazzjoni li tagħmel sehem minn jew tikkontribwixxi għall-intensità massima tar-raġġ qawwi, imfissra f’eluf ta’ kandela, tiġi kkalkolata permezz tal-formula ta’ hawn taħt:

IM = 0,625 EM

6.3.2.1.3

Il-marka ta’ referenza (I’M) tal-intensità massima, definita fil-paragrafu 4.2.2.9 ta’ hawn fuq, tiġi kkalkolata permezz tal-formula:

Dan il-valur jinġieb sa l-eqreb valur 5 - 10 - 12,5 - 17,5 - 20 - 25 - 27,5 - 30 - 37,5 - 40 - 45 - 50.

6.3.2.2

Meta tibda mill-punt HV u timxi orizzontalment lejn il-lemin u x-xellug, l-illuminazzjoni tar-raġġ qawwi trid tkun mill-inqas daqs 24 lx sa 2,6 gradi u mill-inqas daqs 6 lx sa 5,2 gradi.

6.3.3

L-illuminazzjoni jew parti mill-illuminazzjoni li tintrema mis-sistema tista’ tiċċaqlaq lateralment b’mod awtomatiku (jew modifikata biex jinkiseb l-istess effett), b’kundizzjoni li:

6.3.3.1

Is-sistema tissodisfa l-ispeċifikazzjonijiet tal-paragrafi 6.3.2.1.1 u 6.3.2.2 ta’ hawn fuq, fejn kull unità ta’ dawl tkun imkejla f’konformità mal-proċedura speċifikata fl-Anness 9.

6.3.4

Is-sistema trid tkun maħsuba b’tali mod li:

6.3.4.1

L-unità jew l-unitajiet tad-dawl tan-naħa leminija u tan-naħa xellugija kull waħda jipprovdu mill-inqas in-nofs tal-illuminazzjoni minima tar-raġġ qawwi speċifikata fil-paragrafi 6.3.2.2 ta’ hawn fuq;

6.3.4.2

Erba’ sekondi wara li tinxtegħel is-sistema, li ma kienitx qiegħda taħdem għal mill-inqas 30 minuta, illuminazzjoni ta’ mill-inqas 42 lx trid tinkiseb sal-punt HV tar-raġġ qawwi;

6.3.4.3

Meta sinjali tal-input f’konformità mal-paragrafu 6.1.4.3 tar-Regolament preżenti, jiġu applikati, l-ispeċifikazzjonijiet tal-paragrafu 6.3 iridu jinkisbu.

6.3.5

Jekk l-ispeċifikazzjonijiet applikabbli għar-raġġ konċernat ma jinkisbux, wieħed jista’ jipproċedi għal orjentazzjoni mill-ġdid tar-raġġ ta’ 0,5 ta’ grad ’l fuq jew ’l isfel u/jew ta’ grad wieħed lejn il-lemin jew ix-xellug, b’relazzjoni tal-aġġustament inizjali tiegħu. F’din il-pożizzjoni ġdida, l-ispeċifikazzjonijiet fotometriċi jridu jinkisbu. Dawn il-pożizzjonijiet ma japplikawx għall-unitajiet ta’ dawl definiti fil-paragrafu 6.3.1.1 tar-Regolament preżenti.

6.4 Pożizzjonijiet oħrajn

Fil-każ ta’ sistema jew ta’ waħda jew bosta mill-partijiet tagħha mgħammra b’unitajiet ta’ dawl kontrollabbli, l-ispeċifikazzjonijiet tal-paragrafi 6.2 (raġġ baxx) u 6.3 (raġġ qawwi) japplikaw għal kull waħda mill-pożizzjonijiet ta’ muntaġġ definiti fil-paragrafu 2.1.3 (skala ta’ aġġustament). Il-proċedura li ġejja hija applikata għall-finijiet ta’ verifika:

6.4.1

Kull pożizzjoni indikata tinkiseb permezz tal-gonjometru ta’ test b’relazzjoni mal-linja dritta li torbot iċ-ċentru ta’ referenza u l-punt HV fuq l-iskrin ta’ kejl. Is-sistema aġġustabbli jew parti jew bosta mill-partijiet tagħha għalhekk jitqiegħdu f’pożizzjoni bħall-illuminazzjoni fuq l-iskrin ta’ kejl li jikkorrispondi għall-ispeċifikazzjonijiet ta’ orjentazzjoni rilevanti;

6.4.2

Is-sistema jew waħda jew bosta mill-partijiet tagħha li fil-bidu kienu mqiegħda f’konformità mal-pożizzjonijiet tal-paragrafu 6.4.1, il-mezz jew il-partijiet tiegħu jridu jissodisfaw l-ispeċifikazzjonijiet fotometriċi rilevanti tal-paragrafi 6.2 u 6.3;

6.4.3

Wieħed irid jipproċedi għal testijiet supplimentari wara li jkun tmexxa r-riflettur jew is-sistema jew parti jew bosta mill-partijiet tagħha vertikalment bi ftit jew wisq 2 gradi jew ikun imqiegħed għall-inqas fil-pożizzjoni massima tiegħu jekk din hija inqas minn 2 gradi, b’relazzjoni mal-pożizzjoni inizjali, bl-użu tal-mezz ta’ aġġustament tas-sistema jew ta’ waħda jew bosta mill-partijiet tagħha. Wara li s-sistema sħiħa jew parti jew bosta mill-partijiet tagħha tkun orjentata mill-ġdid (per eżempju permezz tal-gonjometru), fid-direzzjoni kuntrarja li tikkorrispondi, il-kwantità ta’ dawl mixħuta fid-direzzjonijiet li ġejjin iridu jkunu kkontrollati u jibqgħu fil-limiti speċifikati:

6.4.3.1

Raġġ baxx: il-punti HV u 75R, jew 50R jekk jingħata l-każ, u raġġ qawwi: IM u l-punt HV (f’persentaġġ ta’ IM);

6.4.4

Jekk min qiegħed jagħmel it-talba indika aktar minn pożizzjoni waħda għal muntaġġ, il-proċedura msemmija fil-paragrafi 6.4.1 sa 6.4.3 trid tiġi ripetuta għal kull waħda mill-pożizzjonijiet l-oħrajn;

6.4.5

Jekk min qiegħed jagħmel it-talba ma indikax pożizzjoni speċjali ta’ muntaġġ, is-sistema jew waħda jew bosta mill-partijiet tagħha trid tiġi orjentata skont il-pożizzjonijiet speċifikati fil-paragrafi 6.2 (raġġ baxx) u 6.3 (raġġ qawwi), li l-mezz ta’ aġġustament tas-sistema jew ta’ waħda jew bosta mill-partijiet tagħha titqiegħed f’pożizzjoni medja. It-testijiet supplimentari speċifikati fil-paragrafu 6.4.3 jridu jiġu effettwati wara li r-riflettur jew partijiet tiegħu jitqiegħdu fil-pożizzjoni massima (minflok ma jitmexxew b’2 gradi ftit jew wisq) bl-użu tal-mezz ta’ aġġustament tagħhom.

6.4.6

Irid jiġi indikat permezz ta’ formola f’konformità mal-eżempju tal-Anness 1 tar-Regolament preżenti liema unità jew unitajiet ta’ dawl jipproduċu cut-off bħal dak definit fl-Anness 8 tar-Regolament preżenti, li jipprojetta ruħu fuq żona inkluża bejn 6 gradi fuq ix-xellug u 4 gradi fuq il-lemin u fuq linja orizzontali mqiegħda 0,8 ta’ grad ’l isfel.

6.4.7

Irid jiġi indikat permezz ta’ formola f’konformità mal-eżempju tal-Anness 1 tar-Regolament preżenti liema mod(i) ta’ raġġ baxx ta’ klassi E, jekk jingħata l-każ, jissodisfa “l-fatti komuni” tat-Tabella 6 tal-Anness 3 tar-Regolament preżenti.

7. KULUR

7.1

Id-dawl mixħut irid ikun ta’ kulur abjad.

C. MIŻURI AMMINISTRATTIVI OĦRAJN

8. MODIFIKA TAT-TIP TAS-SISTEMA U ESTENSJONI TA’ OMOLOGAZZJONI

8.1

Kull modifika tat-tip tas-sistema trid tiġi notifikata lis-servizz amministrattiv li ta l-omologazzjoni, li jista’ mbagħad:

8.1.1

Kemm jikkunsidra li l-modifiki magħmula ma jkunux fil-periklu li jkollhom konsegwenzi koroh notevoli u li fil-każijiet kollha din is-sistema għadha tissodisfa l-ispeċifikazzjonijiet;

8.1.2

Kif ukoll jesiġi rapport ġdid ta’ test mis-servizz tekniku inkarigat li jagħmel it-testijiet.

8.2

Il-konferma tal-omologazzjoni jew ukoll ir-rifjut tagħha, b’indikazzjoni tal-modifiki, trid tiġi notifikata lill-Partijiet kontraenti għall-Ftehim li japplikaw ir-Regolament preżenti, skont il-proċedura definita fil-paragrafu 4.1.4 ta’ hawn fuq.

8.3

L-awtorità kompetenti inkarigata li toħroġ l-estensjoni ta’ omologazzjoni talloka numru ta’ serje lil kull formola ta’ komunikazzjoni mwassla taħt it-titlu ta’ din l-estensjoni u tinnotifika b’dan lill-Partijiet l-oħrajn tal-Ftehim tal-1958 li japplikaw ir-Regolament preżenti, permezz ta’ formola ta’ komunikazzjoni f’konformità mal-eżempju tal-Anness 1 tar-Regolament preżenti.

9. KONFORMITÀ TAL-PRODUZZJONI

Il-proċeduri ta’ verifika tal-konformità tal-produzzjoni jridu jkunu konformi ma’ dawk speċifikati fil-Ftehim, fl-Appendiċi 2 (E/ECE/324-E/ECE/TRANS/505/Rev.2) u jissodisfaw l-ispeċifikazzjonijiet li ġejjin:

9.1	Is-sistemi omologati skont ir-Regolament preżenti jridu jkunu manifatturati b’mod li jkunu konformi għat-tip omologat u li jissodisfaw l-ispeċifikazzjonijiet speċifikati fil-paragrafi 6 u 7.

9.2	Iridu jissodisfaw l-ispeċifikazzjonijiet minimi ta’ konformità tal-proċeduri ta’ kontroll tal-produzzjoni speċifikati fl-Anness 5 tar-Regolament preżenti.

9.3	Iridu jissodisfaw l-ispeċifikazzjonijiet minimi ta’ kampjun magħmul minn spettur, speċifikati fl-Anness 7 tar-Regolament preżenti.

9.4	L-awtorità li ħarġet l-omologazzjoni tista’ f’kull ħin tivverifika l-metodi ta’ kontroll ta’ konformità applikati f’kull unità ta’ produzzjoni. Il-frekwenza normali ta’ dawn il-verifiki hija ta’ kontroll wieħed kull sentejn.

9.5	Ma jingħatax kas tas-sistemi jew ta’ waħda jew bosta mill-partijiet tagħha li jidhru difettużi.

9.6	Ma jingħatax kas tal-marka ta’ referenza.

10. SANZJONIJIET GĦAL NUQQAS TA’ KONFORMITÀ TAL-PRODUZZJONI

10.1

L-omologazzjoni maħruġa għal tip ta’ sistema bl-applikazzjoni tar-Regolament preżenti tista’ tiġi rtirata jekk l-ispeċifikazzjonijiet ma jiġux rispettati jew jekk sistema jew waħda jew bosta mill-partijiet tagħha li għandhom il-marka ta’ omologazzjoni m’hijiex konformi mat-tip omologat.

10.2

Fil-każ ta’ Parti kontraenti għall-Ftehim li japplika r-Regolament preżenti jirtira omologazzjoni li qabel kien ta, dan għandu jinforma b’dan minnufih lill-Partijiet l-oħrajn kontraenti li japplikaw ir-Regolament preżenti, permezz ta’ formola ta’ komunikazzjoni konformi mal-eżempju tal-Anness 1 tar-Regolament preżenti.

11. WAQFA DEFINITTIVA TAL-PRODUZZJONI

11.1

Jekk min għandu omologazzjoni jwaqqaf b’mod definittiv il-produzzjoni ta’ tip ta’ sistema omologata f’konformità mar-Regolament preżenti, huwa jinforma b’dan lill-awtorità li ħarġet l-omologazzjoni, li, min-naħa tagħha, tinnotifika b’dan lill-Partijiet l-oħrajn kontraenti għall-Ftehim tal-1958 li japplikaw ir-Regolament preżenti, permezz ta’ formola ta’ komunikazzjoni konformi mal-eżempju tal-Anness 1 tar-Regolament preżenti.

12. ISMIJIET U INDIRIZZI TAS-SERVIZZI TEKNIĊI INKARIGATI BIT-TESTIJIET TA’ OMOLOGAZZJONI U TAS-SERVIZZI AMMINISTRATTIVI

12.1

Il-Partijiet kontraenti għall-Ftehim tal-1958 li japplikaw ir-Regolament preżenti jridu jikkomunikaw lis-Segretarjat tal-Organizzazzjoni tan-Nazzjonijiet Uniti l-ismijiet u l-indirizzi tas-Servizzi Tekniċi inkarigati bit-testijiet ta’ omologazzjoni u dawk tas-servizzi amministrattivi li joħorġu l-omologazzjoni u li lilhom iridu jintbagħtu l-formoli ta’ omologazzjoni jew ta’ estensjoni jew ta’ rifjut jew ta’ irtirar ta’ omologazzjoni, jew il-waqfa definittiva tal-produzzjoni, maħruġin f’pajjiżi oħrajn.

(1) Kif definit fl-Anness 7 tar-Riżoluzzjoni Konsolidata dwar il-Bini tal-Vetturi (R.E.3), (dokument TRANS/WP.29/78/Rev.1/Amend.2 kif emendat l-aħħar mill-Emenda 4).

(2) Unikament għall-finijiet ta’ spjegazzjoni, il-klassi C tikkorrispondi għar-raġġ baxx bażiku, il-klassi V tikkorrispondi għar-raġġ baxx użat f’żoni mdawwla, per eżempju l-ibliet, il-klassi E tikkorrispondi għar-raġġ baxx użat fuq it-toroq jew l-awtostradi, u l-klassi W tikkorrispondi għar-raġġ baxx użat fil-maltemp, per eżempju fuq toroq imxarrbin.

(3) Irid jiġi indikat fil-formola konformi mal-eżempju tal-Anness 1.

(4) Irid jiġi indikat fil-formola konformi mal-eżempju tal-Anness 10.

(5) 1 għall-Ġermanja, 2 għal Franza, 3 għall-Italja, 4 għall-Olanda, 5 għall-Isvezja, 6 għall-Belġju, 7 għall-Ungerija, 8 għar-Repubblika Ċeka, 9 għal Spanja, 10 għas-Serbja, 11 għar-Renju Unit, 12 għall-Awstrija, 13 għal-Lussemburgu, 14 għall-Isvizzera, 15 (mhux allokat), 16 għan-Norveġja, 17 għall-Finlandja, 18 għad-Danimarka, 19 għar-Rumanija, 20 għall-Polonja, 21 għall-Portugall, 22 għall-Federazzjoni Russa, 23 għall-Greċja, 24 għall-Irlanda, 25 għall-Kroazja, 26 għas-Slovenja, 27 għall-Islovakkja, 28 għall-Belarus, 29 għall-Estonja, 30 (mhux allokat), 31 għall-Bosnija u Ħerżegovina, 32 għal-Litwanja, 33 (mhux allokat), 34 għall-Bulgarija, 35 (mhux allokat), 36 għal-Litwanja, 37 għat-Turkija, 38 (mhux allokat), 39 għall-Ażerbajġan, 40 dik li qabel kienet ir-Repubblika Jugoslava tal-Maċedonja, 41 (mhux allokat), 42 għall-Komunità Ewropea (l-omologazzjonijiet jingħataw mill-Istati Membri li jużaw il-marki tagħhom stess KEE), 43 għall-Ġappun, 44 (mhux allokat), 45 għall-Awstralja, 46 għall-Ukraina, 47 għall-Afrika t’Isfel, 48 għan-New Zealand, 49 għal Ċipru, 50 għal Malta, 51 għar-Repubblika tal-Korea, 52 għall-Malażja u 53 għat-Tajlandja. In-numri li ġejjin ser ikunu allokati lill-pajjiżi oħrajn skont l-ordni kronoloġiku ta’ ratifika tal-Ftehim Dwar l-Adozzjoni ta’ Preskrizzjonijiet Tekniċi Uniformi Applikabbli għall-Vetturi bir-Roti, għat-Tagħmir u għall-Biċċiet Suxxettibbli li jkunu Mmuntati jew Użati fuq Vettura bir-Roti u l-Kundizzjonijiet ta’ Għarfien Reċiproku ta’ Omologazzjonijiet Maħruġa Konformi ma’ dawn il-Preskrizzjonijiet, jew tal-Adeżjoni Tagħhom għal dan il-Ftehim, u ċ-ċifri hekk mogħtija jkunu kkomunikati mis-Segretarju Ġenerali tal-Organizzazzjoni tan-Nazzjonijiet Uniti lill-Partijiet kontraenti għall-Ftehim.

ANNESS 1

KOMUNIKAZZJONI

(format massimu: A4 (210 × 297 mm))

Test ta 'immaġni

Maħruġ minn:

Isem l-amministrazzjoni

cdwar (2):

ĦRUĠ TA’ OMOLOGAZZJONI

ESTENSJONI TA’ OMOLOGAZZJONI

RIFJUT TA’ OMOLOGAZZJONI

IRTIRAR TA’ OMOLOGAZZJONI

WAQFA DEFINITTIVA TAL-PRODUZZJONI

ta’ tip ta’ sistema applikata tar-Regolament Nru 123

Numru tal-Omolgazzjoni …

Numru tal-Estensjoni …

1. Trejdmark jew marka tal-fabbrika tas-sistema: …

2. Titlu tat-tip tas-sistema mill-manifattur: …

3. Isem u indirizz tal-manifattur: …

4. Isem u indirizz tar-rappreżentant tal-manifattur (jekk jingħata l-każ): …

5. Sistema sottomessa għall-omologazzjoni fi: …

6. Servizz Tekniku inkarigat mit-testijiet: …

7. Data tar-rapport maħruġ minn dan is-servizz: …

8. Numru tar-rapport maħruġ minn dan is-servizz: …

9. Deskrizzjoni konċiża:

9.1. Kategorija indikata bil-marka rilevanti (3): …

9.2. Numru u kategorija(i) ta’ sorsi illuminanti sostitwibbli: …

9.2.1. Numru u kodiċi(jiet) tal-identifikazzjoni speċifiku ta’ modulu(moduli) LED, jekk applikabbli:

9.2.2. Numru u kodiċi(jiet) tal-identifikazzjoni speċifiku ta’ ger(ijiet) tal-kontroll tas-sors tad-dawl elettroniku, jekk applikabbli:

9.2.3. Il-fluss illuminanti oġġettiv totali kif deskritt fil-paragrafu 5.13 jeċċedi 2000 lumen: iva/le (4)

9.3. Indikazzjonijiet konformi mal-paragrafu 6.4.6 tar-Regolament preżenti (liema unità jew unitajiet ta’ dawl jippreżentaw cut-off bħal dak definit fl-Anness 8 tar-Regolament preżenti, li jipprojetta ruħu f’żona inkluża bejn 6 gradi fuq ix-xellug u 4 gradi fuq il-lemin u ’l fuq minn linja orizzontali mqiegħda 0,8 ta’ grad ’l isfel): …

9.4. Il-vettura jew il-vetturi li għalihom is-sistema hija maħsuba bħal tagħmir oriġinali: …

9.5. L-omologazzjoni hija mitluba għal sistema li mhux suppost li tagħmel parti mill-omologazzjoni ta’ tip ta’ vettura konformi mar-Regolament Nru 48 … iva/le (4)

Test ta 'immaġni

ANNESS 2

EŻEMPJI TA’ MARKI TA’ OMOLOGAZZJONI

Eżempju 1

a ≥ 8 mm (lenti tal-ħġieġ)

a ≥ 5 mm (lenti tal-plastik)

Dijagramma 1

Dijagramma 2

L-unità ta’ installazzjoni ta’ sistema li għandha waħda mill-marki ta’ omologazzjoni ta’ hawn fuq kienet omologata fl-Olanda (E4) f’konformità mar-Regolament preżenti, taħt in-numru ta’ omologazzjoni 19243, u ssodisfat l-ispeċifikazzjonijiet tar-Regolament preżenti taħt il-forma inizjali tagħha (00). Ir-raġġ baxx huwa maħsub unikament għat-traffiku fuq il-lemin. L-ittri “CT” (Dijagramma 1) jindikaw li dan huwa raġġ baxx b’mod ta’ dawl fil-liwja, u l-ittri “CWR” (Dijagramma 2) jindikaw li dan huwa raġġ baxx ta’ klassi C, ta’ raġġ baxx ta’ klassi W u ta’ raġġ qawwi.

Iċ-ċifra 30 tindika li l-intensità massima tar-raġġ baxx hija bejn 86 250 u 101 250 kandela.

Nota: In-numru ta’ omologazzjoni u s-simboli addizzjonali jridu jitqiegħdu qrib taċ-ċirku ta’ madwar l-ittra “E”, ’l fuq jew ’l isfel ta’ din l-ittra jew inkella fuq il-lemin jew fuq ix-xellug tagħha. Iċ-ċifri tan-numru ta’ omologazzjoni jridu jkunu fuq l-istess naħa tal-ittra “E” u jkunu jħarsu lejn l-istess direzzjoni.

L-użu ta’ ċifri Rumani bħala numri ta’ omologazzjoni għandu jkun evitat sabiex tiġi eskluża kull konfużjoni ma’ simboli oħrajn.

Eżempju 2

Dijagramma 3

Dijagramma 4a

Dijagramma 4b

L-unità ta’ installazzjoni ta’ sistema li għandha l-marka ta’ omologazzjoni ta’ hawn fuq hija konformi mal-ispeċifikazzjonijiet tar-Regolament preżenti kif ukoll f’dak li għandu x’jaqsam mar-raġġ baxx u r-raġġ qawwi, u hija maħsuba:

Dijagramma 3: Raġġ baxx ta’ klassi C flimkien ma’ raġġ baxx ta’ klassi E, unikament għat-traffiku fuq ix-xellug.

Dijagrammi 4 a) u 4 b): Raġġ baxx ta’ klassi C u raġġ baxx ta’ klassi V, għaż-żewġ direzzjonijiet tat-traffiku bis-saħħa ta’ mekkaniżmu ta’ aġġustament tal-element ottiku jew tas-sors illuminanti, u raġġ qawwi. Ir-raġġ baxx ta’ klassi C, ir-raġġ baxx ta’ klassi V u r-raġġ qawwi jridu jissodisfaw il-pożizzjonijiet applikabbli għad-dawl fil-liwja, kif tindika l-ittra “T”. Il-linja fuq l-ittra “R” tindika li l-funzjoni ta’ raġġ qawwi hija żgurata minn bosta unitajiet ta’ installazzjoni fuq din in-naħa tas-sistema.

Eżempju 3

Dijagramma 5

Dijagramma 6

L-unità ta’ installazzjoni li għandha l-marka ta’ omologazzjoni ta’ hawn fuq tinkludi lenti ta’ materjal plastiku u hija konformi mal-ispeċifikazzjonijiet tar-Regolament preżenti unikament f’dak li għandu x’jaqsam mar-raġġ baxx, u hija maħsuba:

Dijagramma 5: Raġġ baxx ta’ klassi C u raġġ baxx ta’ klassi W, għaż-żewġ direzzjonijiet tat-traffiku.

Dijagramma 6: Raġġ baxx ta’ klassi C flimkien ma’ mod ta’ dawl fil-liwja, unikament għat-traffiku fuq il-lemin.

Eżempju 4

Dijagramma 7

Dijagramma 8

Dijagramma 7: L-unità ta’ installazzjoni li għandha l-marka ta’ omologazzjoni ta’ hawn fuqtissodisfa l-ispeċifikazzjonijiet tar-Regolament preżenti f’dak li għandu x’jaqsam mar-raġġ baxx ta’ klassi C u r-raġġ baxx ta’ klassi V, u hija unikament maħsuba għat-traffiku fuq ix-xellug.

Dijagramma 8: L-unità ta’ installazzjoni li għandha l-marka ta’ omologazzjoni ta’ hawn fuq hija unità ta’ installazzjoni (distintiva) li tagħmel parti minn sistema, u hija tissodisfa l-ispeċifikazzjonijiet tar-Regolament preżenti unikament għal dak li għandu x’jaqsam mar-raġġ qawwi.

Eżempju 5

Identifikazzjoni ta’ unità ta’ installazzjoni li tinkludi lenti ta’ materjal plastiku konformi mal-ispeċifikazzjonijiet tar-Regolament preżenti

Dijagramma 9

Dijagramma 10

Dijagramma 9: Raġġ baxx ta’ klassi C u raġġ baxx ta’ klassi W, it-tnejn li huma b’mod ta’ dawl fil-liwja u raġġ qawwi, unikament maħsubin għat-traffiku fuq il-lemin.

Ir-raġġ baxx u l-modi tiegħu m’għandhomx jaħdmu fl-istess ħin tar-raġġ qawwi f’projettur ieħor inkorporat reċiprokament.

Dijagramma 10: Raġġ baxx ta’ klassi E u raġġ baxx ta’ klassi W maħsuba unikament għat-traffiku fuq il-lemin, u raġġ qawwi. Il-linja mqiegħda fuq il-“E” u l-“W”’ tindika li dawn il-klassijiet ta’ raġġi baxxi huma żgurati min-naħa tas-sistema konċernata minn aktar minn unità ta’ installazzjoni waħda.

Eżempju 6

Immarkar semplifikat għal fanali raggruppati, kombinati jew inkorporati reċiprokament, omologati f’konformità ma’ regolament ieħor li m’huwiex dan (dijagramma 11) (il-linji vertikali u orizzontali ma jagħmlux parti mill-marka ta’ omologazzjoni u jservu sempliċement biex jissemplifikaw il-forma tal-mezz ta’ sinjalazzjoni illuminanti)

Dawn iż-żewġ eżempji jikkorrispondu għal żewġ unitajiet ta’ installazzjoni mqiegħda fuq l-istess naħa ta’ sistema u li għandhom marka ta’ omologazzjoni li tinkludi (Mudell A u Mudell B):

Unità ta’ installazzjoni Nru 1

Fanal ta’ quddiem omologat konformi mas-serje 02 ta’ emendi tar-Regolament Nru 7;

Waħda jew bosta unitajiet ta’ dawl li jarmu raġġ baxx ta’ klassi C fil-mod tal-liwja, maħsuba biex jaħdmu flimkien ma’ unità waħda jew bosta unitajiet ta’ installazzjoni fuq l-istess naħa tas-sistema (kif tindikah il-linja mqiegħda fuq iċ-“C”), u raġġ baxx ta’ klassi V, it-tnejn maħsuba għat-traffiku fuq il-lemin u fuq ix-xellug, kif ukoll raġġ qawwi li għandu intensità massima ta’ bejn 86 250 u 101 250 kandela (kif tindikah iċ-ċifra 30), omologat f’konformità mal-ispeċifikazzjonijiet tar-Regolament preżenti taħt il-forma inizjali tiegħu (00) u li jinkludi lenti b’materjal plastiku;

Fanal għat-traffiku ta’ bi nhar omologat konformi mas-serje 00 ta’ emendi tar-Regolament Nru 87;

Fanal tal-indikejter ta’ quddiem ta’ kategorija 1a omologat konformi mas-serje 01 ta’ emendi tar-Regolament Nru 6.

Unità ta’ installazzjoni Nru 3

Fanal ta’ quddiem taċ-ċpar omologat konformi mas-serje 02 ta’ emendi tar-Regolament Nru 19, jew raġġ baxx ta’ klassi C fil-mod ta’ dawl fil-liwja, maħsub għat-traffiku fuq il-lemin u fuq ix-xellug u biex jaħdem flimkien ma’ unità jew bosta unitajiet ta’ installazzjoni fuq l-istess naħa tas-sistema, kif tindikah il-linja fuq iċ-“C”.

Unità ta' installazzjoni 1 tas-sistema

Dijagramma 11

Unità ta' installazzjoni 3 tas-sistema

Eżempju 7

Pożizzjoni tal-marki ta’ omologazzjoni relatati ma’ sistema (dijagramma 12)

Dijagramma 12

Dawn iż-żewġ eżempji jikkorrispondu għal sistema adattiva ta’ dawl ta’ quddiem magħmula minn żewġ unitajiet ta’ installazzjoni (li jiżguraw l-istess funzjonijiet) man-naħa tas-sistema (l-unitajiet Nru 1 u Nru 3 għan-naħa xellugija, u l-unitajiet Nru 2 u Nru 4 għan-naħa leminija).

L-unità ta’ installazzjoni Nru 1 (jew Nru 2) tas-sistema li għandha n-numri ta’ omologazzjoni ta’ hawn fuq hija konformi mal-ispeċifikazzjonijiet tar-Regolament preżenti (is-serje 00 ta’ emendi) f’dak li għandu x’jaqsam kemm mar-raġġ baxx ta’ klassi C maħsub għat-traffiku fuq ix-xellug u raġġ qawwi li għandu intensità illuminanti ta’ bejn 86 250 u 101 250 kandela (indikata miċ-ċifra 30), raggruppati flimkien ma’ fanal ta’ quddiem tal-indikejter tal-kategorija 1a, omologat konformi mas-serje 01 ta’ emendi tar-Regolament Nru 6.

Fl-eżempju 7 a), l-unità ta’ installazzjoni Nru 1 (jew Nru 2) tas-sistema tinkludi raġġ baxx ta’ klassi C fil-mod ta’ dawl fil-liwja, raġġ baxx ta’ klassi W, raġġ baxx ta’ klassi V u raġġ baxx ta’ klassi E. Il-linja ta’ fuq iċ-“C” tindika li r-raġġ baxx ta’ klassi C jinkiseb biż-żewġ unitajiet ta’ installazzjoni tan-naħa kkonċernata tas-sistema.

L-unità ta’ installazzjoni Nru 3 (jew Nru 4 hija maħsuba biex tipproduċi t-tieni parti tar-raġġ baxx ta’ klassi C ma’ naħa tas-sistema, kif indikat mil-linja vertikali mqiegħda fuq iċ-“C”.

Fl-eżempju 7 b), l-unità ta’ installazzjoni Nru 1 (jew Nru 2) tas-sistema hija maħsuba biex tarmi raġġ baxx ta’ klassi C, raġġ baxx ta’ klassi W u raġġ baxx ta’ klassi E. Il-linja fuq il-“W” tindika li r-raġġ baxx ta’ klassi W jintrema miż-żewġ unitajiet ta’ installazzjoni tan-naħa kkonċernata tas-sistema. L-ittra “T”, imqiegħda fuq il-lemin wara l-lista tas-simboli (u fuq ix-xellug tan-numru ta’ omologazzjoni), tindika li kull wieħed mir-raġġi, jiġifieri r-raġġ baxx ta’ klassi “C”, ir-raġġ baxx ta’ klassi W, ir-raġġ baxx ta’ klassi E u r-raġġ qawwi, jinkludi mod ta’ dawl fil-liwja.

L-unità ta’ installazzjoni Nru 3 (jew Nru 4) tas-sistema hija maħsuba biex tipproduċi t-tieni parti tar-raġġ baxx ta’ klassi W tan-naħa kkonċernata tas-sistema (kif indikat mil-linja ta’ fuq il-“W”) u tar-raġġ baxx ta’ klassi V.

Eżempju 8

Pożizzjoni tal-marki ta’ omologazzjoni relatati maż-żewġ naħat ta’ sistema (dijagramma 13)

Dan l-eżempju juri sistema adattiva ta’ dawl ta’ quddiem magħmula minn żewġ unitajiet ta’ installazzjoni tan-naħa xellugija tal-vettura u minn unità ta’ installazzjoni tan-naħa leminija.

Dijagramma 13

In-naħa l-leminija tas-sistema/vettura	In-naħa xellugija tas-sistema/vettura

Is-sistema li għandha l-marki ta’ omologazzjoni ta’ hawn fuq hija konformi mal-ispeċifikazzjonijiet tar-Regolament preżenti (is-serje 00 ta’ emendi) f’dak li għandu x’jaqsam kemm ma’ raġġ baxx għat-traffiku fuq ix-xellug kif ukoll ma’ raġġ qawwi li tiegħu l-intensità massima hija bejn 86 250 u 101 250 kandela (kif tindikah iċ-ċifra 30), raggruppati flimkien ma’ fanal ta’ quddiem tal-indikejter ta’ kategorija 1a omologat konformi mas-serje 01 ta’ emendi għar-Regolament Nru 6 u fanal ta’ quddiem omologat konformi mas-serje 02 ta’ emendi għar-Regolament Nru 7.

L-unità ta’ installazzjoni Nru 1 tas-sistema (fuq ix-xellug) hija maħsuba biex tikkontribwixxi għar-raġġ baxx ta’ klassi C u għar-raġġ baxx ta’ klassi E. Il-linja mqiegħda fuq iċ-“C”’ tindika li, min-naħa kkonċernata, bosta unitajiet ta’ installazzjoni jikkontribwixxu għar-raġġ baxx ta’ klassi C. L-ittra “T”, imqiegħda fuq il-lemin wara l-lista ta’ simboli, tindika li r-raġġ baxx ta’ klassi C u r-raġġ baxx ta’ klassi E t-tnejn li huma jinkludu mod ta’ dawl fil-liwja.

L-unità ta’ installazzjoni Nru 3 tas-sistema (fuq ix-xellug) hija maħsuba biex tiżgura t-tieni parti tar-raġġ baxx ta’ klassi C min-naħa kkonċernata (kif indikat bil-linja ta’ fuq iċ-“C”) u r-raġġ baxx ta’ klassi W.

L-unità ta’ installazzjoni Nru 2 tas-sistema (fuq il-lemin) hija maħsuba biex tikkontribwixxi għar-raġġ baxx ta’ klassi C, għar-raġġ baxx ta’ klassi E, li t-tnejn li huma jinkludu mod ta’ dawl fil-liwja, u għar-raġġ baxx ta’ klassi W.

Nota: Fl-eżempji 6, 7 u 8 ta’ hawn fuq, l-unitajiet ta’ installazzjoni differenti tas-sistema jrid ikollhom l-istess numru ta’ omologazzjoni.

Dijagramma 14

Il-modulu LED li jġorr il-kodiċi ta' identifikazzjoni tal-modulu tas-sors tad-dawl muri hawn fuq ikun ġie approvat flimkien ma' AFS inizjalment approvata fl-Italja (E3) bin-numru ta' approvazzjoni 17325.

ANNESS 3

SPEĊIFIKAZZJONIJIET FOTOMETRIĊI APPLIKABBLI GĦAR-RAĠĠ BAXX (*)

Għall-finijiet tal-Anness preżenti, wieħed jifhem b’:

‘ “l fuq”, imqiegħed “l fuq” skont assi vertikali; ‘ “l isfel”, imqiegħed “l isfel,” skont assi vertikali.

Il-pożizzjonijiet angulari jkunu mfissra f’gradi ’l fuq (U) jew f’gradi ’l isfel (D) b’relazzjoni mal-linja H-H, u fuq il-lemin (R) jew fuq ix-xellug (L) tal-linja V-V.

Dijagramma 1

Pożizzjonijiet angulari ta’ speċifikazzjonijiet fotometriċi tar-raġġ baxx (għat-traffiku fuq il-lemin)

Tabella 1

Karatteristiċi fotometriċi applikabbli għar-raġġ baxx

Speċifikazzjonijiet imfissra f’lux sa 25 m		Pożizzjoni/gradi			Raġġ baxx
Speċifikazzjonijiet imfissra f’lux sa 25 m		orizzontali		vertikali	klassi C		klassi V		klassi E		klassi W
Nru	Element	għal/minn	sa	at	min	mass	min	mass	min	mass	min	mass
Parti A
1	B50L (4)	L 3,43		U 0,57		0,4		0,4		0,7 (8)		0,7
2	HV (4)	V		H		0,7		0,7
3	BR (4)	R 2,5		U 1	0,2	2	0,1	1	0,2	2	0,2	3
4	Parti BRR (4)	R 8	R 20	U 0,57		4		1		4		6
5	Parti BLL (4)	L 8	L 20	U 0,57		0,7		1		1		1
6	P	L 7		H	0,1						0,1
7	Żona III (kif speċifikat fit-Tabella 3 ta' dan l-anness)					0,7		0,7		1		1
8a	S50, S50LL, S50RR (5)			U 4	0,1 (7)				0,1 (7)		0,1 (7)
9a	S100, S100LL, S100RR (5)			U 2	0,2 (7)				0,2 (7)		0,2 (7)
10	50 R	R 1,72		D 0,86			6
11	75 R	R 1,15		D 0,57	12				18		24
12	50 V	V		D 0,86	6		6		12		12
13	50 L	L 3,43		D 0,86	4,2	15 (9)	4,2	15 (9)	8		8	30 (9)
14	25 LL	L 16		D 1,72	1,4		1		1,4		4
15	25 RR	R 11		D 1,72	1,4		1		1,4		4
16	Parti 20 u ’l isfel	L 3,5	V	D 2								20 (2)
17	Parti 10 u ’l isfel	L 4,5	R 2.0	D 4		14 (1)		14 (1)		14 (1)		8 (2)
18	Emax (3)				20	50	10	50	20	90 (8)	35	80 (2)
Parti B (modi ta’ dawl fil-liwja): Parti A tapplika iżda wara li jiġu sostitwiti l-elementi tal-linji nri 1, 2, 7, 13 u 18 b’dawk li jidhru hawn taħt.
1	B50L (4)	L 3,43		U 0,57		0,6		0,6				0,9
2	HV (4)					1		1
7	Żona III (kif speċifikat fit-Tabella 3 ta' dan l-anness)					1		1		1		1
13	50L	L 3,43		D 0,86	2		2		4		4
18	Emax (6)				12	50	6	50	12	90 (8)	24	80 (2)

Tabella 2

Elementi, pożizzjoni angulari jew valur fi gradi ta’ raġġ baxx u speċifikazzjonijiet supplimentari

Pożizzjoni angulari/valur fi gradi

Raġġ baxx klassi C

Raġġ baxx klassi V

Raġġ baxx klassi E

Raġġ baxx klassi W

Nru

Deskrizzjoni tal-parti tar-raġġ u speċifikazzjonijiet

orizzontali

vertikali

orizzontali

vertikali

orizzontali

vertikali

orizzontali

vertikali

2.1

L-Emax m’għandux ikun barra r-rettanglu li hemm inkluż (fuq il-parti Emax)

bejn 0,5L

u 3R

bejn 0,3D

u 1,72D

bejn 0,3D

u 1,72D

bejn 0,5L

u 3R

bejn 0,1D

u 1,72D

bejn 0,5L

u 3R

bejn 0,3D

u 1,72D

2.2

Il-cut-off u l-partijiet tiegħu jridu:

—	— jissodisfaw l-ispeċifikazzjonijiet tal-paragrafu 1 tal-Anness 8 tar-Regolament preżenti, fejn it-tarf kien fuq V-V, u

—	jkunu mqiegħda b’tali mod li l-parti orizzontali tkun:

sa V = 0,57D

≤ 0,57D

≥ 1,3D

≤ 0,23D (**)

≥ 0,57D

≤ 0,23D (**)

≥ 0,57D

Tabella 3

Żoni III tar-raġġ baxx, ikkoordinati minn fuq

Pożizzjoni angulari fi gradi	Referenza trijangulari nru	1	2	3	4	5	6	7	8
Żona III a għar-raġġ baxx ta’ klassi C jew ta’ klassi V	orizzontali	8L	8L	8R	8R	6R	1,5R	V-V	4L
Żona III a għar-raġġ baxx ta’ klassi C jew ta’ klassi V	vertikali	1U	4U	4U	2U	1,5U	1,5U	H-H	H-H
Żona III b għar-raġġ baxx ta’ klassi W jew ta’ klassi E	orizzontali	8L	8L	8R	8R	6R	1,5R	0,5L	4L
Żona III b għar-raġġ baxx ta’ klassi W jew ta’ klassi E	vertikali	1U	4U	4U	2U	1,5U	1,5U	0,34U	0,34U

Tabella 4

Pożizzjonijiet supplimentari għar-raġġ baxx ta’ klassi W, imfissra f’lux sa 25 m

4.1	Definizzjoni u speċifikazzjonijiet applikabbli għall-partijiet E, F1, F2 u F3 (mhux indikati fid-dijagramma 1 ta’ hawn fuq)
	Il-massimu awtorizzat huwa ta’ 0,2 lx: (a) fuq parti E inkluż sa 10 gradi U bejn 20 L u 20 grad R; u b) fuq tliet partijiet vertikali (F1, F2 u F3) fuq pożizzjonijiet orizzontali 10 gradi L, V u 10 gradi R, fejn it-tlieta jmorru minn 10U sa 60 grad U.
4.2	Kull ġabra (supplimentari) ta’ speċifikazzjonijiet għall-Emax, parti 20 u parti 10: Il-parti A jew B tat-Tabella 1 tapplika bil-kundizzjoni li tissostitwixxi l-ispeċifikazzjonijiet massimi tal-linji nri 16, 17 u 18 b’dawk indikati hawn taħt.
	Jekk, waqt l-applikazzjoni tal-indikazzjonijiet ta’ min qiegħed jagħmel it-talba konformi mal-paragrafu 2.2.2 e) tar-Regolament preżenti, raġġ baxx ta’ klassi W huwa maħsub biex jarmi fuq il-parti 20 u ’l isfel mhux aktar minn 10 lx u fuq il-parti 10 u ’l isfel mhux aktar minn 4 lx, il-valur nominali tal-Emax ta’ dan ir-raġġ ma jistax jaqbeż 100 lx.

Tabella 5

Speċifikazzjonijiet applikabbli għall-parti superjuri u pożizzjoni angulari tal-punti ta’ kejl

Deskrizzjoni tal-punt	S50LL	S50	S50RR	S100LL	S100	S100RR
Pożizzjoni angulari fi gradi	4 U/8 L	4 U/V-V	4 U/8 R	2 U/4 L	2 U/V–V	2 U/4 R

Tabella 6

Speċifikazzjonijiet supplimentari applikabbli għar-raġġ baxx ta’ klassi E

Il-partijiet A u B tat-Tabella 1 kif ukoll it-Tabella 2 ta’ hawn fuq japplikaw, b’kundizzjoni li jissostitwixxu l-linji nri 1 u 18 tat-Tabella 1 u l-punt 2.2 tat-Tabella 2 kif indikat hawn taħt
Punt	Deskrizzjoni	Linja 1 tat-Tabella 1 ta’ hawn fuq, Parti A jew B	Linja 18 tat-Tabella 1 ta’ hawn fuq, Parti A jew B	Punt 2.2 tat-Tabella 2 ta’ hawn fuq
Nru	Ġabra ta’ fatti	EB50L f’lux sa 25 m	Emax f’lux sa 25 m	Pożizzjoni tal-Parti orizzontali tal-cut-off fi gradi
		massimu	massimu	mhux ’il fuq
6.1	E1	0,6	80	0,34D
6.2	E2	0,5	70	0,45D
6.3	E3	0,4	60	0,57 D

(*) Nota: Proċedura ta’ pożizzjoni speċifikata fl-Anness 9 tar-Regolament preżenti.

(1) Massimu 18 lx, jekk is-sistema hija maħsuba wkoll biex tarmi raġġ baxx ta’ klassi W.

(2) L-ispeċifikazzjonijiet konformi mad-dispożizzjonijiet tat-Tabella 4 ta’ hawn fuq japplikaw ukoll.

(3) Speċifikazzjonijiet ta’ tqegħid konformi mad-dispożizzjonijiet tat-Tabella 2 ta’ hawn taħt (“parti Emax”).

(4) il-kontribut ta’ kull naħa tas-sistema, imkejjel f’konformità mad-dispożizzjonijiet tal- Anness 9 tar-Regolament preżenti, m’għandux ikun inqas minn 0.1 lx.

(5) Speċifikazzjonijiet ta’ tqegħid konformi mad-dispożizzjonijiet tat-Tabella 5 ta’ hawn taħt.

(6) Speċifikazzjonijiet ta’ tqegħid imsemmija fil-paragrafu 6.2.6.2 tar-Regolament preżenti

(7) Par fanali ta’ quddiem tal-ġenb, inkorporati mas-sistema jew maħsuba biex ikunu mmuntati fl-istess ħin bħas-sistema, jistgħu jinxtegħlu konformi mal-indikazzjonijiet ta’ min qiegħed jagħmel it-talba.

(8) L-ispeċifikazzjonijiet konformi mad-dispożizzjonijiet tat-Tabella 6 ta’ hawn fuq japplikaw ukoll.

(9) Il-valur massimu jista' jiġi mmultiplikat b'1,4, jekk ikun garantit skont id-deskrizzjoni tal-manifattur li dan il-valur mhux se jinqabeż fl-użu, jew permezz tas-sistema jew, jekk l-użu tas-sistema jkun limitat għall-vetturi, bl-għoti ta' stabbilizzazzjoni/limitu tal-forniment tas-sistema, kif indikat fil-formola ta' komunikazzjoni.

(**) L-ispeċifikazzjonijiet konformi mad-dispożizzjonijiet tat-Tabella 6 ta’ hawn fuq japplikaw huma wkoll.

Appendiċi għat-Tabella 1

Għal tagħrif biss: il-valuri fotometriċi indikati fit-Tabella 1 ta’ hawn fuq huma mfissra hawn taħt f’kandela.

L-ispeċifikazzjonijiet huma mfissra f’cd		Pożizzjoni/gradi			Raġġ baxx
L-ispeċifikazzjonijiet huma mfissra f’cd		orizzontali		vertikali	class C		class V		class E		class W
No	Element	fi/minn	għal	fi	min	mass	min	mass	min	mass	min	mass
Parti A
1	B50L (4)	L 3,43		U 0,57		250		250		438 (8)		438
2	HV (4)	V		H		438		438
3	BR (4)	R 2,5		U 1	125	1 250	63	625	125	1 250	125	1 875
4	Parti BRR (4)	R 8	R 20	U 0,57		2 500		625		2 500		3 750
5	Parti BLL (4)	L 8	L 20	U 0,57		438		625		625		625
6	P	L 7		H	63						63
7	Żona III (kif speċifikat fit-Tabella 3 ta' dan l-anness)					438		438		625		625
8a	S50, S50LL, S50RR (5)			U 4	63 (7)				63 (7)		63 (7)
9a	S100, S100LL, S100RR (5)			U 2	125 (7)				125 (7)		125 (7)
10	50 R	R 1,72		D 0,86			3 750
11	75 R	R 1,15		D 0,57	7 500				11 250		15 000
12	50 V	V		D 0,86	3 750		3 750		7 500		7 500
13	50 L	L 3,43		D 0,86	2 625	9 375	2 625	9 375	5 000		5 000	18 750
14	25 LL	L 16		D 1,72	875		625		875		2 500
15	25 RR	R 11		D 1,72	875		625		875		2 500
16	Parti 20 u ’l isfel	L 3,5	V	D 2								12 500 (2)
17	Parti 10 u ’l isfel	L 4,5	R 2,0	D 4		8 750 (1)		8 750 (1)		8 750 (1)		5 000 (2)
18	Emax (3)				12 500	31 250	6 250	31 250	12 500	56 250 (8)	21 875	50 000 (2)
Parti B (modi ta’ dawl fil-liwja): Parti A tapplika iżda wara li jiġu sostitwiti tal-linji nri 1, 2, 7, 13 u 18 b’dawk li jidhru hawn taħt.
1	B50L (4)	L 3,43		U 0,57		375		375				563
2	HV (4)					625		625
7	Żona III (kif speċifikat fit-Tabella 3 ta' dan l-anness)					625		625		625		625
13	50L	L 3,43		D 0,86	1 250		1 250		2 500		2 500
18	Emax (6)				7 500	31 250	3 750	31 250	7 500	56 250 (8)	15 000	50 000 (2)

(1) massimu 11 250 cd, jekk is-sistema hija maħsuba wkoll biex tarmi raġġ baxx ta’ klassi W

(2) L-ispeċifikazzjonijiet konformi mad-dispożizzjonijiet tat-Tabella 4 ta’ hawn fuq japplikaw ukoll.

(3) Speċifikazzjonijiet ta’ tqegħid konformi mad-dispożizzjonijiet tat-Tabella 2 ta’ hawn fuq (“parti Emax”)

(4) il-kontribut ta’ kull naħa tas-sistema, imkejjel f’konformità mad-dispożizzjonijiet tal- Anness 9 tar-Regolament preżenti, m’għandux ikun inqas minn 63 cd

(5) Speċifikazzjonijiet ta’ tqegħid konformi mad-dispożizzjonijiet tat-Tabella 5 ta’ hawn fuq

(6) Speċifikazzjonijiet ta’ tqegħid imsemmija fil-paragrafu 6.2.6.2 tar-Regolament preżenti

(8) L-ispeċifikazzjonijiet konformi mad-dispożizzjonijiet tat-Tabella 6 ta’ hawn fuq japplikaw ukoll.

ANNESS 4

Testijiet ta’ stabbiltà tal-karatteristiċi fotometriċi tas-sistemi li qegħdin jaħdmu

TESTIJIET TA’ SISTEMI SĦAĦ

Ladarba mkejla l-valuri fotometriċi konformi mal-ispeċifikazzjonijiet tar-Regolament preżenti, sal-punt Emax għar-raġġ qawwi u sal-punti HV, 50V u B50L (jew R) skont il-każ, għar-raġġ baxx, kampjun ta’ sistema sħiħa trid tkun sottomessa għal test ta’ stabbiltà tal-karatteristiċi fotometriċi li qegħdin jaħdmu.

Għall-finijiet tal-Anness preżenti, wieħed jifhem b’:

(a)

“Sistema sħiħa”, in-naħa leminija u n-naħa xellugija ta’ sistema inklużi l-kontroll jew il-kontrolli elettroniċi ta’ dawl u/jew il-mezzi ta’ provvista u ta’ manuvra kif ukoll il-biċċiet ta’ karozzerija u l-fanali li x’aktarx jinfluwenzaw it-tixrid termiku tagħha. Kull unità ta’ installazzjoni tas-sistema u l-fanal jew il-fanali u/jew modulu LED, jekk jingħata l-każ, tas-sistema sħiħa jistgħu jiġu ttestjati separatament;

(b)	“Kampjun tat-test”, fit-test ta’ hawn taħt, kemm is-sistema sħiħa kemm l-unità ta’ installazzjoni sottomessa(i) għat-test;

(c)	“Sors illuminanti”, kull filament ta’ lampa tal-filament b’ħafna filamenti, moduli LED jew partijiet li jarmu d-dawl ta' modulu LED.

It-testijiet iridu jsiru:

(a)	F’arja niexfa u kalma f’temperatura tal-ambjent ta’ 23 ± 5 °C, fejn il-kampjun tat-test jitqiegħed fuq rifda li tissimula l-muntaġġ korrett tiegħu fuq il-vettura;

(b)

Fil-każ ta’ sorsi illuminanti sostitwibbli, bl-użu ta’ lampa ta’ serje tal-filament, użata mill-inqas għal siegħa, jew inkella lampa ta’ serje li tiddisċarġja, użata mill-inqas għal 15-il siegħa jew modulu LED tal-produzzjoni tal-massa li xxejjaħ għal mill-inqas 48 siegħa u tkessaħ sat-temperatura ambjentali qabel ma nbdew it-testijiet kif speċifikat fir-Regolament. Għandhom jintużaw il-moduli LED li ta l-applikant.

It-tagħmir ta’ kejl irid ikun l-istess bħal dak użat fit-testijiet ta’ omologazzjoni tas-sistemi tal-kampjuni tat-test tas-sistema. Is-sistema jew parti jew bosta mill-partijiet tagħha jridu jitqiegħdu fl-istat newtru qabel it-testijiet li ġejjin.

Il-kampjun tat-test għandu jitħaddem fuq raġġ għaddieni mingħajr ma jiġi żmuntat jew aġġustat mill-ġdid fir-relazzjoni tal-immuntar tal-ittestjar tiegħu. Is-sors tad-dawl użat għandu jkun sors tad-dawl tal-kategorija speċifikata għal dik il-bozza ta’ quddiem.

1. TESTIJIET TA’ STABBILTÀ TAL-KARATTERISTIĊI FOTOMETRIĊI

1.1 Kampjun tat-test proprju

Kull kampjun tat-test irid jaħdem għal 12-il siegħa, kif speċifikat fil-paragrafu 1.1.1, u jiġi verifikat kif speċifikat fil-paragrafu 1.1.2.

1.1.1 Proċedura ta’ test

1.1.1.1 Sekwenza ta’ test

a)	Meta kampjun tat-test huwa maħsub biex jiżgura funzjoni waħda ta’ dawl (raġġ baxx jew raġġ qawwi) u għal klassi waħda fil-każ ta’ raġġ baxx, is-sors jew is-sorsi illuminanti li jikkorrispondu jinxtegħlu matul il-ħin (1) definit fil-paragrafu 1.1 ta’ hawn fuq.

Jekk il-kampjun tat-test jiżgura aktar minn funzjoni waħda jew aktar minn klassi ta’ raġġ baxx f’konformità mar-Regolament preżenti u, jekk min qiegħed jagħmel it-talba jiddikjara li kull waħda mill-funzjonijiet jew mill-klassijiet tal-kampjun tat-test għandha s-sors jew is-sorsi illuminanti tagħhom stess, mixgħula/mixgħulin wara xulxin (2), it-test irid isir skont din il-kundizzjoni, waqt li jitħaddem (1) il-mod li juża l-aktar enerġija ta’ kull funzjoni jew klassi tar-raġġ baxx, suċċessivament waqt id-dewmien (imqassam ugwalment) definit fil-paragrafu 1.1.

Fil-każijiet l-oħrajn kollha (1), (2), il-kampjun tat-test irid ikun sottomess għaċ-ċiklu ta’ hawn taħt għal kull wieħed mill-modi tar-raġġ baxx ta’ klassi C, ta’ klassi V, ta’ klassi E u ta’ klassi W, ikun xi jkun dak mormi parzjalment jew totalment mill-kampjun tat-test, waqt l-istess dewmien (imqassam ugwalment) definit fil-paragrafu 1.1:

15-il minuta, l-ewwelnett, per eżempju għar-raġġ baxx ta’ klassi C mixgħul fil-mod li jaħli l-aktar enerġija, fil-kundizzjonijiet li jikkorrispondu għal traffiku fuq toroq dritti;

5 minuti, fanali baxxi mixgħula fl-istess mod bħal ta’ qabel iżda barra minn hekk b’illuminazzjoni ta’ kull sors illuminanti (3) tal-kampjun tat-test li wieħed jista’ jixgħel fl-istess ħin, konformi mal-indikazzjonijiet ta’ dawk li qegħdin jagħmlu t-talba;

Wara li jintlaħaq id-dewmien (imqassam ugwalment) definit fil-paragrafu 1.1, iċ-ċiklu ta’ test ta’ hawn fuq irid jerġa’ jsir mat-tieni, it-tielet u r-raba’ klassi ta’ raġġ baxx, jekk jingħata l-każ, fl-ordni definit ta’ hawn fuq.

c)	Fil-każijiet fejn il-kampjun tat-test jinkludi funzjonijiet oħrajn ta’ dwal raggruppati, kull waħda mill-funzjonijiet trid tkun attivata fl-istess ħin matul il-ħin definit taħt a) jew b) ta’ hawn fuq għal kull waħda mill-funzjonijiet ta’ dwal, konformi mar-rakkomandazzjoni tal-manifattur.

Fil-każ ta’ kampjun tat-test maħsub biex jarmi raġġ baxx fil-mod ta’ dwal fil-liwja bi tqegħid taħt tensjoni ta’ sors illuminanti supplimentari, l-imsemmi sors irid jinxtegħel fl-istess ħin għal minuta u mitfi għal 9 minuti unikament waqt l-illuminazzjoni tar-raġġ baxx, kif speċifikat fil-paragrafi a) u b) ta’ hawn fuq.

1.1.1.2 It-test tal-vultaġġ

Il-vultaġġ għandu jiġi applikat lit-terminali tal-kampjun tat-test kif ġej:

Każijiet ta’ sorsi illuminanti sostitwibbli tal-filament li jaħdmu direttament sal-vultaġġ tal-vettura:

It-test tal-vultaġġ jrid jiġi aġġustat sabiex jaħdem fi 6,3 V, 13,2 V jew 28,0 V b’mod li jipprovdi 90 % ta’ wattage massimu definit fir-Regolament Nru 37 għas-sors jew is-sorsi illuminanti użati tal-filament. Il-wattage użat għandu fil-każijiet kollha jkun konformi mal-valur li jikkorrispondi ma’ sors illuminanti tal-filament ta’ 12V ta’ vultaġġ nominali applikabbli, ħlief jekk l-applikant jistipula li l-kampjun tat-test jista’ jintuża taħt tensjoni oħra. F’dan il-każ, it-test irid isir bis-sors illuminanti tal-filament li għandu l-ogħla wattage li tista’ tintuża.

b)	Każijiet ta’ sorsi illuminanti sostitwibbli li jiddisċarġjaw: It-tensjoni ta’ test tal-kontroll elettroniku tagħhom huwa ta’ 13,5 ± 0,1 V għal vettura li taħdem taħt tensjoni ta’ 12 V, ħlief għal indikazzjoni kuntrarja fit-talba ta’ omologazzjoni.

Każ ta’ sors illuminanti mhux sostitwibbli li jaħdem direttament sat-tensjoni tal-vettura:

Il-qisien kollha tal-unitajiet tad-dwal mgħammra b’sors illuminanti mhux sostitwibbli (sorsi illuminanti tal-filament u/jew oħrajn) iridu jkunu sat-tensjonijiet ta’ 6,3 V, 13,2 V jew 28 V jew inkella tensjonijiet oħrajn li jikkorrispondu mat-tensjoni tal-vettura definita minn min qiegħed jagħmel it-talba, skont il-każ.

Fil-każ ta’ sorsi illuminanti sostitwibbli jew mhux sostitwibbli, li jaħdmu indipendentement mit-tensjoni ta’ provvista tal-vettura u kkontrollati bi sħiħ mis-sistema, jew fil-każ ta’ sorsi illuminanti attivati b’mezz ta’ provvista u ta’ tħaddim, it-tensjonijiet ta’ test definiti hawn fuq iridu jiġu applikati fit-terminali ta’ input tal-mezz ikkonċernat. Il-laboratorju inkarigat mit-testijiet jista’ jitlob lill-manifattur biex jipprovdilu l-mezz ta’ provvista u ta’ tħaddim jew provvista elettrika speċjali meħtieġa biex tipprovdi s-sors jew is-sorsi illuminanti.

(e)

Modulu(moduli) LED għandu(għandhom) jitkejjel(jitkejlu) b’6,75 V, 13,5 V jew 28,0 V rispettivament, jekk ma jkunx speċifikat mod ieħor f’dan ir-Regolament. Modulu(mosuli) LED imħaddem(imħaddma) b’ger tal-kontroll ta’ sors tad-dawl elettroniku għandu(għandhom) jitkejjel(jitkejlu) kif speċifikat mill-applikant.

(f)

Meta bozoz tas-sinjali jinġabru fi grupp, ikkombinati jew reċiprokament inkorporati f’kampjun tal-ittestjar u jaħdmu b’vultaġġi li mhumiex il-vultaġġi stmati nominali ta’ 6 V, 12 V jew 24 V rispettivament, il-vultaġġ għandu jiġi aġġustat kif iddikjarat mill-manifattur għall-funzjonament fotometriku korrett ta’ dik il-bozza.

1.1.2 Riżultati tat-test

1.1.2.1 Spezzjoni viżwali

Ladarba t-temperatura tal-kampjun tat-test tkun stabbilita fit-temperatura tal-ambjent, il-lenti li sservi ta’ kampjun tat-test u l-lenti ta’ barra, jekk jingħata l-każ, jitnaddfu b’biċċa ċarruta tal-qoton nadifa u niedja. Il-kampju jiġi mbagħad eżaminat viżwalment u wieħed ma għandu josserva l-ebda tagħwiġ, deformazzjoni, xquq jew tibdil fil-kulur tal-lenti tal-kampjun tat-test jew tal-lenti ta’ barra, jekk jingħata l-każ.

1.1.2.2 Test fotometriku

Konformi mal-ispeċifikazzjonijiet tar-Regolament preżenti, il-valuri fotometriċi huma kkontrollati fil-punti li ġejjin:

Għar-raġġ baxx ta’ klassi C u ta’ ċerti klassijiet oħrajn, 50V, B50L (jew R), u HV, jekk jingħata l-każ.

Għar-raġġ qawwi fl-istat newtru, il-punt Emax.

Aġġustament ġdid ta’ orjentazzjoni jista’ jkun meħtieġ biex jinżamm amment ta’ deformazzjoni eventwali tal-irfid tal-kampjun tat-test minħabba s-sħana (għaċ-ċaqliq tal-cut-off, ara l-paragrafu 2 tal-Anness preżenti).

Wieħed jittolera differenza ta’ 10 %, inklużi t-tolleranzi minħabba l-proċedura ta’ pożizzjonijiet fotometriċi, bejn il-karatteristiċi fotometriċi u l-valuri mkejla qabel it-test.

1.2 Kampjun maħmuġ għal test

Ladarba ttestjat kif speċifikat fil-paragrafu 1.1 ta’ hawn fuq, il-kampjun tat-test jinxtegħel għal siegħa kif speċifikat fil-paragrafu 1.1.1 għal kull funzjoni jew klassi ta’ raġġ baxx (4), wara li kien ippreparat kif speċifikat fil-paragrafu 1.2.1 u vverifikat kif speċifikat fil-paragrafu 1.1.2; kull test irid ikun segwit minn perjodi ta’ tkessiħ twil biżżejjed.

1.2.1 Preparazzjoni tal-kampjun tat-test

Taħlita għal test

1.2.1.1 Għal sistema jew waħda jew bosta mill-partijiet tagħha li tinkludi lenti tal-ħġieġ: it-taħlita ta’ ilma u ta’ sustanza li tniġġes biex tiġi applikata fuq il-kampjun tat-test hija magħmula hekk kif ġej:

9 partijiet (bil-piż) ta’ ramel siliċiku li għandu daqs tal-granula ta’ bejn 0 sa 100 μm, li jikkorrispondi għad-distribuzzjoni speċifikata fil-paragrafu 2.1.3;

parti 1 (bil-piż) ta’ trab faħam tal-injam (injam tal-fagu) li għandu daqs tal-granula ta’ bejn 0 sa 100 μm;

0,2 ta’ parti (bil-piż) ta’ NaCMC (5); u

kwantità biżżejjed ta’ ilma distillat li għandu konduttività ta’ inqas minn 1 mS/m.

1.2.1.2 Għas-sistemi jew parti jew bosta mill-partijiet tagħhom li l-lenti ta’ barra hija ta’ materjal plastiku:

It-taħlita ta’ ilma u ta’ aġenti li jniġġsu li trid tiġi applikata fuq il-materjal għat-test irid ikollha l-kompożizzjoni li ġejja:

9 partijiet (bil-piż) ta’ ramel siliċiku li għandu daqs ta’ granula ta’ bejn 0 sa 100 μm, li jikkorrispondi għad-distribuzzjoni speċifikata fil-paragrafu 2.1.3;

parti 1 (bil-piż) ta’ trab ta’ faħam tal-injam (injam tal-fagu), li għandu daqs ta’ granula ta’ bejn 0 sa 100 μm;

0,2 ta’ parti (bil-piż) ta’ NaCMC (5),

5 partijiet (bil-piż) ta’ melħ komuni (pur sa 99 %);

13-il parti (bil-piż) ta’ ilma distillat li għandu konduttività inqas minn 1 mS/m; u

2 ± 1 partijiet (bil-piż) ta’ aġent li jnaqqas is-surface tension.

1.2.1.3 Tqassim tal-partikuli skont il-qies

Qies tal-partikuli (f’μm)	Tqassim tal-partikuli skont il-qies (f’ %)
0 sa 5	12 ± 2
5 sa 10	12 ± 3
10 sa 20	14 ± 3
20 sa 40	23 ± 3
40 sa 80	30 ± 3
80 sa 100	9 ± 3

1.2.1.4 It-taħlita ma tistax tkun imħejjija aktar minn 14-il ġurnata qabel.

1.2.1.5 Applikazzjoni tat-taħlita għat-test fuq il-kampjun:

Wieħed japplika b’mod uniformi t-taħlita għat-test fuq il-wiċċ jew l-uċuh kollha tal-output tad-dawl tal-kampjun għat-test imbagħad iħalliha tinxef. Wieħed jirrepeti din l-operazzjoni sakemm l-illuminazzjoni għandha valur ta’ bejn 15 sa 20 % tal-valuri mkejla sa kull wieħed mill-punti li ġejjin, fil-kundizzjonijiet spjegati fl-Anness preżenti:

Emax għal fanal qawwi, fl-istat newtru,

50V għal raġġ baxx ta’ klassi C u għal kull wieħed mill-modi tiegħu indikati.

2. VERIFIKA TAĊ-ĊAQLIQ VERTIKALI TAL-CUT-OFF TAĦT L-EFFETT TAS-SĦANA

Din hija l-verifika li ċ-ċaqliq vertikali tal-cut-off taħt l-effett tas-sħana ma taqbiżx il-valur speċifikat għal sistema jew waħda jew bosta mill-partijiet tagħha li tarmi raġġ baxx ta’ klassi C (raġġ bażiku) jew għal kull mod speċifikat tal-fanal baxx.

Jekk il-kampjun għat-test huwa magħmul minn aktar minn unità waħda ta’ dwal jew minn aktar minn ġabra waħda ta’ unitajiet ta’ dwal li jipproduċu cut-off, kull waħda minnhom hija kkunsidrata bħala kampjun għall-finijiet tat-test preżenti u trid tiġi ttestjata separatament.

Il-kampjun tat-test ittestjat f’konformità mal-paragrafu 1 jrid ikun suġġett għat-test spjegat fil-paragrafu 2.1, mingħajr ma jitniżżel mill-irfid tiegħu u lanqas aġġustat mill-ġdid b’relazzjoni ma’ dan.

Jekk il-kampjun tat-test huwa mgħammar b’parti ottika mobbli, hija biss l-eqreb pożizzjoni tal-angolu medju fuq il-pjan vertikali u/jew il-pożizzjoni inizjali fl-istat newtru li tiġi kkunsidrata għat-test preżenti.

It-test huwa limitat għas-sinjali ta’ input biss li jikkorrispondu għal traffiku fuq triq dritta.

2.1 Test

Għall-finijiet tat-test preżenti, it-tensjoni trid tiġi aġġustata f’konformità mad-dispożizzjonijiet tal-paragrafu 1.1.1.2.

Il-kampjun tat-test irid jitħaddem u ttestjat filwaqt li jarmi raġġ baxx ta’ klassi C, ta’ klassi V, ta’ klassi E jew ta’ klassi W, skont il-każ.

Il-pożizzjoni tal-cut-off fil-parti orizzontali tagħha bejn V-V u l-linja vertikali li tgħaddi mill-punt B50L (jew R) trid tiġi verifikata 3 minuti (r3) u 60 minuta (r60) wara li tinxtegħel.

Il-miżura tal-varjazzjoni tal-pożizzjoni tal-cut-off kif spjegat hawn fuq trid tiġi effettwata permezz ta’ kull metodu li jagħti preċiżjoni sodisfaċenti u riżultati li jkunu jistgħu jiġu riprodotti.

2.2 Riżultat tat-test

2.2.1 Ir-riżultat, imfisser f’milliradjani (mrad) huwa kkunsidrat bħala aċċettabbli għal kampjun tat-test li jarmi raġġ baxx, jekk il-valur assolut Formula irreġistrat fuq il-kampjun tat-test m’huwiex aktar minn 1,0 mrad (Δ rI ≤ 1,0 mrad).

2.2.2 Sadanittant, jekk dan il-valur huwa aktar minn 1,0 mingħajr ma jaqbeż 1,5 mrad (1,0 mrad < Δ rI ≤ 1,5 mrad), it-tieni kampjun tat-test huwa ttestjat f’konformità mal-ispeċifikazzjonijiet tal-paragrafu 2.1 wara li jkun suġġett tliet darbiet wara xulxin għaċ-ċiklu spjegat hawn taħt, sabiex tiġi stabbilita l-pożizzjoni tal-partijiet mekkaniċi tal-kampjun fuq irfid li jirrappreżenta l-muntaġġ korrett tiegħu fuq il-vettura:

Fanal baxx mixgħul għal siegħa (it-tensjoni ta’ provvista aġġustata kif speċifikat fil-paragrafu 1.1.1.2);

Fanal baxx mitfi għal siegħa.

Is-sistema jew parti jew bosta partijiet tagħha hija kkunsidrata aċċettabbli jekk il-medja tal-valuri assoluti Δ rI imkejla fuq l-ewwel kampjun tat-test u Δ rII imkejla fuq it-tieni kampjun ma taqbiżx 1,0 mrad.

Formula

(1) Meta l-kampjun għal test huwa raggruppat u/jew inkorporat reċiprokament mal-fanali ta’ sinjalazzjoni, dawn tal-aħħar iridu jkunu mixgħula waqt id-dewmien kollu tat-test, ħlief għal fanal għal binhar. Jekk hemm involut fanal tal-indikejter, dan irid ikun mixgħul fil-mod li jteptep b’ħinijiet ta’ mixgħela u ta’ tifi bejn wieħed u ieħor l-istess.

(2) L-illuminazzjoni tas-sorsi illuminanti supplimentari waqt sinjal bil-headlamps m’għandux ikun ikkunsidrat bħala użu normali.

(3) Anke jekk ebda talba ta’ omologazzjoni m’hija magħmula f’konformità mar-Regolament preżenti, is-sorsi illuminanti kollha tal-funzjonijiet tad-dwal iridu jitqiesu wkoll, ħlief għal dawk imsemmija fin-nota f’qiegħ paġna 2.

(4) Ir-raġġ baxx ta’ klassi W, jekk jingħata l-każ, jiġi injorat għall-unitajiet tad-dwal li jarmu raġġ baxx ta’ klassi oħra jew li jiżguraw funzjoni oħra tad-dwal, jew jikkontribwixxu għaliha.

(5) NaCMC jirrappreżenta is-sodium carboxymethylcellulose, imsejjaħ komunement “CMC”. In-NaCMC użat fit-taħlita jrid ikollu grad ta’ sostituzzjoni ta’ bejn 0,6 u 0,7 u viskożità ta’ bejn 200 u 300 cP għal soluzzjoni ta’ 2 %, f’temperatura ta’ 20 °C.

ANNESS 5

Speċifikazzjonijiet minimi applikabbli għall-proċeduri ta’ verifika tal-konformità tal-produzzjoni

1. SPEĊIFIKAZZJONIJIET ĠENERALI

1.1

L-ispeċifikazzjonijiet ta’ konformità huma kkunsidrati bħala milħuqa mill-aspett mekkaniku u ġeometriku, konformi mal-ispeċifikazzjonijiet tar-Regolament preżenti, jekk id-diverġenzi ma jeċċedux id-differenzi inevitabbli ta’ manifattura. Din l-ispeċifikazzjoni tapplika wkoll għall-kulur.

1.2

F’dak li għandu x’jaqsam mal-karatteristiċi fotometriċi, il-konformità tas-sistemi prodotti f’serje m’hijiex ikkontestata jekk, waqt it-test ta’ sistema magħżula kif ġie ġie u mgħammra b’sors illuminanti mqiegħed taħt tensjoni u, jekk jingħata l-każ, ikkoreġut, f’konformità mal-paragrafi 1 u 2 tal-Anness 9 tar-Regolament preżenti:

1.2.1

Ebda valur imħassar jew ikkoreġut konformi mal-ispeċifikazzjonijiet tal-paragrafu 2 tal-Anness 9 tar-Regolament preżenti ma jiddevja sfavorevolment b’aktar minn 20 % tal-valur speċifikat fir-Regolament preżenti;

1.2.1.1

Għall-valuri li ġejjin tar-raġġ baxx u l-modi tiegħu, id-devjazzjoni sfavorevoli massima: tista’ tkun rispettivament

Għall-valuri massimi sal-punt B50L, 0,2 lx (ekwivalenti għal 20 %) u 0,3 lx (ekwivalenti għal 30 %);

Għall-valuri massimi fiż-Żona III, sal-punt HV u fuq il-parti BLL, 0,3 lx (ekwivalenti għal 20 %) u 0,45 lx (ekwivalenti għal 30 %);

Għall-valuri massimi fuq il-partijiet E, F1, F2 u F3, 0,2 lx (ekwivalenti għal 20 %) u 0,3 lx (ekwivalenti għal 30 %);

Għall-valuri minimi sal-punti BR, P, S50, S50LL, S50RR, S100, S100LL, S100RR u dawk speċifikati fin-nota 4 tat-Tabella 1 tal-Anness 3 tar-Regolament preżenti (B50L, HV, BR, BRR u BLL), nofs il-valur meħtieġ (ekwivalenti għal 20 %) u tliet kwarti tal-valur meħtieġ (ekwivalenti għal 30 %).

1.2.1.2

Għar-raġġ qawwi li l-punt HV ikun qiegħed fuq ġewwa tal-isolux 0,75 Emax, tolleranza ta’ + 20 % għall-valuri massimi u ta’ – 20 % għall-valuri minimi hija ammessa għall-valuri fotometriċi tal-punti kollha ta’ kejl definiti fil-paragrafu 6.3.2 tar-Regolament preżenti.

1.2.2

Jekk ir-riżultati tat-test spjegat hawn fuq ma jissodisfawx l-ispeċifikazzjonijiet, l-orjentazzjoni tas-sistema tista’ tiġi modifikata, bil-kundizzjoni li l-assi tar-raġġ ma jkunx imċaqlaq lateralment b’aktar minn 0,5 ta’ grad lejn il-lemin jew lejn ix-xellug, u lanqas b’aktar minn 0,2 ta’ grad ’il fuq jew ’l isfel, kull wieħed indipendentement b’relazzjoni mal-aġġustament inizjali.

Dawn il-miżuri ma japplikawx għall-unitajiet ta’ dwal definiti fil-paragrafu 6.3.1.1 tar-Regolament preżenti.

1.2.3

Jekk ir-riżultati tat-testijiet spjegati hawn fuq ma jissodisfawx l-ispeċifikazzjonijiet, wieħed jerġa’ jibda t-testijiet mill-ġdid b’sors illuminanti standard ieħor u/jew mezz ieħor ta’ provvista u ta’ tħaddim.

1.3

Biex tiġi verifikata l-modifika tal-pożizzjoni vertikali tal-cut-off taħt l-effett tas-sħana, wieħed japplika l-metodu ta’ hawn taħt:

Waħda mis-sistemi hija ttestjata f’konformità mal-metodu spjegat fil-paragrafu 2.1 tal-Anness 4, wara li tkun suġġetta tliet darbiet wara xulxin għaċ-ċiklu definit fil-paragrafu 2.2.2 tal-Anness 4.

Is-sistema hija kkunsidrata bħala aċċettabbli jekk Δr ma jaqbiżx 1,5 mrad.

Jekk dan il-valur jaqbeż 1,5 mrad mingħajr ma jeċċedi 2,0 mrad, it-tieni kampjun jiġi sottomess għat-test, li warajh il-medja tal-valuri assoluti rreġistrati għaż-żewġ kampjuni ma tistax taqbeż 1,5 mrad.

1.4

Il-koordinati kromatiċi jridu jkunu sodisfaċenti.

2. ESIĠENZI MINIMI GĦALL-VERIFIKA TAL-KONFORMITÀ MILL-MANIFATTUR

Għal kull tip ta’ sistema, it-titular tal-omologazzjoni huwa marbut li jagħmel tal-inqas it-testijiet li ġejjin, b’frekwenza adattata. Dawn it-testijiet isiru f’konformità mal-ispeċifikazzjonijiet tar-Regolament preżenti.

Kull ma jittieħed mill-kampjuni li juri b’mod evidenti n-nuqqas ta’ konformità għat-tip ta’ test ikkunsidrat jagħti lok għal kampjunar mill-ġdid u għal test ġdid. Il-manifattur irid jieħu kull miżura biex jiżgura l-konformità tal-produzzjoni rilevanti.

2.1 Natura tat-testijiet

It-testijiet ta’ konformità tar-Regolament preżenti japplikaw għall-karatteristiċi fotometriċi u l-verifika tat-tibdil tal-pożizzjoni vertikali tal-cut-off tar-raġġ baxx taħt l-effett tas-sħana.

2.2 Modalità tat-testijiet

2.2.1

It-testijiet ġeneralment isiru konformi mal-metodi definiti fir-Regolament preżenti.

2.2.2

Għal kull test ta’ konformità li jsir minnu stess, il-manifattur sadanittant jista’ juża metodi ekwivalenti wara l-approvazzjoni tal-awtorità kompetenti inkarigata mit-testijiet ta’ omologazzjoni. Il-manifattur huwa marbut li jiġġustifika li l-metodi użati huma ekwivalenti għal dawk li jindika r-Regolament preżenti.

2.2.3

L-applikazzjoni tal-punti 2.2.1 u 2.2.2 tagħti lok għal kalibrar regolari tal-materjali ta’ testijiet u għal korrelazzjoni mal-miżuri effettwati minn awtorità kompetenti.

2.2.4

Fil-każijiet kollha, il-metodi ta’ referenza huma dawk tar-Regolament preżenti, partikularment għall-kontrolli u l-kampjunar amministrattivi.

2.3 Natura tal-kampjunar

Il-kampjuni ta’ sistemi jridu jittieħdu kif ġie ġie, f’taqsima omoġenea. B’taqsima omoġenea wieħed jifhem ġabra ta’ sistemi tal-istess tip, definita skont il-metodi ta’ produzzjoni tal-manifattur.

L-evalwazzjoni ġeneralment tapplika għas-sistemi prodotti f’serje minn fabbrika. Sadanittant, il-manifattur jista’ jiġbor iċ-ċifri ta’ produzzjoni dwar l-istess tip ta’ sistemi prodotti minn bosta fabbriki, b’kundizzjoni li dawn japplikaw l-istess kriterji ta’ kwalità u l-istess tmexxija tal-kwalità.

2.4 Karatteristiċi fotometriċi mkejla u miġbura

Il-headlights meħuda huma suġġetti għal pożizzjonijiet fotometriċi fil-punti msemmija fir-Regolament, li jillimitaw li jerġgħu jittieħdu:

Fil-punti Emax, HV (1), HL u HR (2) fil-każ ta’ raġġ qawwi; u

Fil-punti B50L, HV jekk jingħata l-każ, 50V, 75R jekk jingħata l-każ, u 25LL fil-każ ta’ raġġ baxx (ara dijagramma 1 fl-Anness 3).

2.5 Kriterji ta’ aċċettabilità

Il-manifattur huwa marbut li jagħmel użu tajjeb mill-istatistika tar-riżultati ta’ testijiet u li jiddefinixxi bi ftehim mal-Awtorità Kompetenti l-kriterji ta’ aċċettabilità tal-produzzjoni tiegħu sabiex jissodisfa l-ispeċifikazzjonijiet li jmexxu l-kontroll ta’ konformità tal-produzzjoni fil-paragrafu 9.1 tar-Regolament preżenti.

Il-kriterji li jmexxu l-aċċettabilità jridu jkunu tali, b’livell ta’ fiduċja ta’ 95%, il-probabbiltà minima li tgħaddi b’suċċess verifika permezz ta’ stħarriġ bħal dak li jidher fl-Anness 7 (l-ewwel kampjunar) tkun ta’ 0,95.

(1) Meta r-raġġ qawwi u r-raġġ baxx huma inkorporati reċiprokament, il-punt ta’ pożizzjoni HV huwa l-istess għaż-żewġ raġġi.

(2) Il-punti HL u HR, li qegħdin fuq H-H, jitqiegħdu rispettivament 2,6 gradi fuq ix-xellug u 2,6 gradi fuq il-lemin tal-punt HV.

ANNESS 6

Speċifikazzjonijiet applikabbli għas-sistemi li għandhom lenti ta’ materjal plastiku – testijiet ta’ lentijiet jew ta’ kampjuni ta’ materjal u ta’ sistemi sħaħ jew ta’ parti jew bosta mill-partijiet tagħhom

1. SPEĊIFIKAZZJONIJIET ĠENERALI

1.1

Il-kampjuni pprovduti f’konformità mal-paragrafu 2.2.4 tar-Regolament preżenti jridu jissodisfaw l-ispeċifikazzjonijiet indikati fil-paragrafi 2.1 sa 2.5 ta’ hawn taħt.

1.2

Iż-żewġ kampjuni ta’ sistema sħiħa pprovduti f’konformità mal-paragrafu 2.2.3 tar-Regolament preżenti u li għandhom lentijiet ta’ materjal plastiku jridu, f’dak li għandu x’jaqsam mal-materjal tal-lentijiet, jissodisfaw l-ispeċifikazzjonijiet indikati fil-paragrafu 2.6 ta’ hawn taħt.

1.3

Il-kampjuni ta’ lenti ta’ materjal plastiku jew il-kampjuni ta’ materjal ikunu suġġetti, flimkien mar-riflettur li quddiemu qegħdin il-lentijiet ikunu, jekk jingħata l-każ, maħsuba biex ikunu mmuntati, għat-testijiet ta’ omologazzjoni fl-ordni kronoloġiku indikat fit-Tabella A riprodotta fl-Appendiċi 1 tal-Anness preżenti.

1.4

Sadanittant, jekk il-manifattur ta’ sistema qiegħed f’pożizzjoni li jġib prova li l-prodott diġà għadda b’suċċess it-testijiet speċifikati fil-paragrafi 2.1 sa 2.5 ta’ wara jew it-testijiet ekwivalenti konformi ma’ regolament ieħor, dawn ma jridux isiru mill-ġdid; huma biss it-testijiet speċifikati fit-Tabella B tal-Appendiċi 1 li bilfors iridu jsiru.

1.5

Jekk is-sistema jew parti jew bosta mill-partijiet tagħha huma maħsuba esklussivament għat-traffiku fuq il-lemin jew esklussivament għat-traffiku fuq ix-xellug, it-testijiet imsemmija fl-Anness preżenti jistgħu jsiru fuq kampjun wieħed, deċiż skont kif iħoss min qiegħed jagħmel it-talba.

2. TESTIJIET

2.1 Reżistenza għal tibdiliet fit-temperatura

2.1.1 Testijiet

Tliet kampjuni ġodda (lentijiet) huma suġġetti għal ħames ċikli ta’ tibdil ta’ temperatura u ta’ umdità (HR = umdità relattiva):

3 siegħat fuq 40 °C ± 2 °C u 85 sa 95 % HR;

siegħa fuq 23 °C ± 5 °C u 60 sa 75 % HR;

15-il siegħa fuq –30 °C ± 2 °C;

siegħa fuq 23 °C ± 5 °C u 60 sa 75 % HR;

3 siegħat fuq 80 °C ± 2 °C;

siegħa fuq 23 °C ± 5 °C u 60 sa 75 % HR.

Qabel dan it-test, il-kampjuni jkunu kkundizzjonati għal mill-inqas 4 siegħat fuq 23 °C ± 5 C u 60 sa 75 % HR.

Nota: Il-perjodi ta’ siegħa fuq 23 °C ± 5 °C jinkludu l-perjodi ta’ transizzjoni minn temperatura għal oħra, meħtieġa biex jiġu evitati l-effetti ta’ xokk termali.

2.1.2 Pożizzjonijiet fotometriċi

2.1.2.1 Metodu

Il-kampjuni jkunu suġġetti għal pożizzjonijiet fotometriċi qabel u wara t-test.

Il-pożizzjonijiet fotometriċi huma magħmula f’konformità mal-Anness 9 tar-Regolament preżenti, fil-punti li ġejjin:

B50L u 50V għal raġġ baxx ta’ klassi C;

Emax għar-raġġ qawwi tas-sistema.

2.1.2.2 Riżultati

Id-differenzi bejn il-valuri fotometriċi mkejla qabel u wara t-test fuq kull wieħed mill-kampjuni ma jistgħux jaqbżu l-10 %, inklużi t-tolleranzi minħabba l-proċeduri ta’ pożizzjoni fotometrika.

2.2 Reżistenza għall-aġenti atmosferiċi u għall-aġenti kimiċi

2.2.1 Reżistenza għall-aġenti atmosferiċi

Tliet kampjuni ġodda (lentijiet jew kampjuni ta’ materjal) ikunu esposti għall-illuminazzjoni ta’ sors li għandu tqassim enerġetiku spettrali viċin dak ta’ sustanza sewda li tagħha t-temperatura qiegħda bejn 5 500 K u 6 000 K. Filtri adegwati jitqiegħdu bejn is-sors u l-kampjuni b’mod li jitnaqqsu notevolment ir-radjazzjonijiet ta’ wavelength inqas minn 295 nm u aktar minn 2 500 nm. Id-dawl enerġetiku fuq il-livell tal-kampjuni jrid ikun ta’ 1 200 W/m2 ± 200 W/m2 waqt dewmien tant li l-enerġija illuminanti li dawn jirċievu tkun ugwali għal 4 500 MJ/m2 ± 200 MJ/m2. Fl-inħawi, it-temperatura mkejla tal-pannell iswed imqiegħed fuq il-livell tal-kampjuni trid tkun ta’ 50 °C ± 5 °C. Sabiex jiżguraw espożizzjoni regolari, il-kampjuni jridu jduru b’veloċità ta’ bejn 1 u 5 tr/nm madwar is-sors ta’ illuminazzjoni.

Il-kampjuni huma mraxxa bl-ilma distillat li għandu konduttività inqas minn 1 mS/m u temperatura ta’ 23 °C ± 5 °C, skont iċ-ċiklu li ġej:

traxxix: 5 minuti; tnixxif: 25 minuta.

2.2.2 Reżistenza għall-aġenti kimiċi

Wara t-test speċifikat fil-paragrafu 2.2.1 ta’ hawn fuq u wara li mxew għall-miżura speċifikata fil-paragrafu 2.2.3.1 ta’ hawn taħt, il-wiċċ ta’ barra ta’ dawn it-tliet kampjuni jkun suġġett għat-trattament speċifikat fil-paragrafu 2.2.2.2 bit-taħlita definita fil-paragrafu 2.2.2.1 ta’ hawn taħt.

2.2.2.1 Taħlita tat-test

It-taħlita tat-test hija magħmula minn 61,5 % ta’ n-heptane, 12,5 % ta’ toluene, 7,5 % ta’ ethyl tetrachloride, 12,5 % ta’ trichlorethylene u 6 % ta’ xylene (persentaġġ tal-volum).

2.2.2.2 Applikazzjoni tat-taħlita tat-test

Għaddas biċċa drapp tal-qoton sakemm tkun saturata (konformi man-norma ISO 105) bit-taħlita definita fil-paragrafu 2.2.2.1 ta’ hawn fuq u, fl-10 sekondi ta’ wara, applikaha għal 10 minuti fuq il-wiċċ ta’ barra tal-kampjun, bi pressjoni ta’ 50 N/cm2, jiġifieri forza ta’ 100 N applikata fuq wiċċ tat-test ta’ 14 × 14 mm.

Matul dan il-perjodu ta’ 10 minuti, il-biċċa drapp tkun mgħaddsa mill-ġdid bit-taħlita b’mod li l-kompożizzjoni tal-likwidu applikat tkun dejjem l-istess bħad-doża speċifikata tat-test.

Matul il-perjodu ta’ applikazzjoni, huwa permess li wieħed jagħmel tajjeb għall-pressjoni magħmula fuq il-kampjun biex jiġu evitati x-xquq.

2.2.2.3 Ħasil

Fit-tmiem tal-applikazzjoni tat-taħlita tat-test, il-kampjuni jitnixxfu fl-arja beraħ, imbagħad jinħaslu bis-sustanza likwida fuq 23 °C ± 5 °C, spjegata fil-paragrafu 2.3 (reżistenza għad-deterġenti). Il-kampjuni mbagħad jiġu mlaħalħa bl-ilma distillat li m’għandux aktar minn 0,2 % ta’ impuritajiet, fuq 23 °C ± 5 °C, imbagħad jitnixxfu bl-għajnuna ta’ ċarruta ratba.

2.2.3 Riżultati

2.2.3.1

Wara t-test ta’ reżistenza għall-aġenti atmosferiċi, il-wiċċ ta’ barra tal-kampjuni ma jrid ikollu l-ebda xaqq, jew barxa, jew laqxa, jew deformazzjoni, u l-medja tal-varjazzjonijiet tat-trasmissjoni

Formula

, imkejla fuq it-tliet kampjuni skont il-proċedura spjegata fl-Appendiċi 2 tal-Anness preżenti trid tkun inqas jew ugwali għal 0,020 (Δ tm ≤ 0,020).

2.2.3.2

Wara t-test ta’ reżistenza għall-aġenti kimiċi, il-kampjuni ma jistax ikollhom traċċi ta’ attakki kimiċi suxxettibbli li jipprovokaw varjazzjoni fid-distribuzzjoni

Formula

, imkejla skont il-proċedura spjegata fl-Appendiċi 2 tal-Anness preżenti, li tagħha l-valur medju fuq it-tliet kampjuni huwa inqas jew ugwali għal 0,020 (Δ dm ≤ 0,020).

2.2.4 Reżistenza għall-illuminazzjoni mormija mis-sors illuminanti

Jekk ikun hemm bżonn, wieħed jipproċedi għat-test ta’ hawn taħt:

Kampjuni ċatti ta’ kull element ta’ materjal plastiku tas-sistema li jservi għat-trasmissjoni tad-dawl ikunu esposti għad-dawl tas-sors illuminanti. Il-parametri bħall-angoli u d-distanzi bejn il-kampjuni jridu jkunu l-istess bħal tas-sistema. Il-kampjuni kollha jridu jkunu tal-istess kulur u jkunu għaddew mill-istess trattament tal-wiċċ, jekk jingħata l-każ, bħall-partijiet tas-sistema.

Wara 1 500 siegħa ta’ espożizzjoni kontinwa, il-karatteristiċi kolorimetriċi tad-dawl trasmess iridu jkunu sodisfaċenti bl-għajnuna ta’ sors illuminanti ġdid, u l-wiċċ tal-kampjuni ma jrid ikollu l-ebda xaqq, barxa, laqxa jew deformazzjoni.

M’hemmx bżonn ta’ verifika tar-reżistenza tal-materjali interni għall-ultra-vjoli mormija mis-sors illuminanti jekk dawn huma konformi mar-Regolament Nru 37 jew jekk hija ta’ tip li tiddisċarġja u ta’ illuminazzjoni ultra-vjola debboli u/jew moduli LED tat-tip b'UV baxx, jew inkella jekk jittieħdu miżuri biex jipproteġu l-elementi tas-sistema mill-illuminazzjoni ultra-vjola, per eżempju permezz ta’ filtri tal-ħġieġ.

2.3 Reżistenza għad-deterġenti u għall-idrokarburi

2.3.1 Reżistenza għad-deterġenti

Il-wiċċ ta’ barra ta’ tliet kampjuni (lentijiet jew kampjuni ta’ materjal), wara li jissaħħnu fuq 50 °C ± 5 °C jitgħaddas għal 5 minuti f’taħlita li tinżamm fuq 23 °C ± 5 °C, u magħmul minn 99 parti ta’ ilma distillat li m’għandux aktar minn 0,02 % ta’ impuritajiet u minn parti ta’ alkylaryl sulphonate.

Fi tmiem it-test, il-kampjuni jitnixxfu fuq 50 °C ± 5 °C. Il-wiċċ tal kampjuni jitnaddaf b’biċċa drapp niedja.

2.3.2 Reżistenza għall-idrokarburi

Il-wiċċ ta’ barra ta’ dawn it-tliet kampjuni mbagħad jingħorok ħafif għal minuta waħda b’biċċa drapp tal-qoton mgħaddsa b’taħlita magħmula minn 70 % ta’ n-heptane u 30 % ta’ toluene (persentaġġ tal-volum), imbagħad imnixxef fl-arja beraħ.

2.3.3 Riżultati

Fi tmiem ta’ dawn iż-żewġ testijiet, il-varjazzjoni tat-trasmissjoni Formula , imkejla fuq it-tliet kampjuni skont il-proċedura spjegata fl-Appendiċi 2 tal-Anness preżenti, irid ikollha valur medju inqas jew ugwali għal 0,010 (Δ tm ≤ 0,010).

2.4 Reżistenza għad-deterjorament mekkaniku

2.4.1 Metodu ta’ deterjorament mekkaniku

Il-wiċċ ta’ barra ta’ tliet kampjuni ġodda (lentijiet) ikunu suġġetti għal test ta’ deterjorament mekkaniku uniformi bil-metodu spjegat fl-Appendiċi 3 tal-Anness preżenti.

2.4.2 Riżultati

Wara dan it-test, il-varjazzjonijiet:

tat-trasmissjoni: Formula

u tad-distribuzzjoni: Formula

jitkejlu skont il-proċedura spjegata fl-Appendiċi 2 fiż-żona definita fil-paragrafu 2.2.4.1.1 tar-Regolament preżenti, u l-valur medju tagħhom fuq it-tliet kampjuni jrid ikun bħal:

Δ tm ≤ 0,100; Δ dm ≤ 0,050,

2.5 Test ta’ adeżjoni ta’ kisjiet eventwali

2.5.1 Deskrizzjoni tat-test

Wiċċ ta’ 20 x 20 mm tal-kisja ta’ lenti jitnaqqax b’xafra tal-leħja jew b’labra, b’mod li tinkiseb gradilja magħmula minn kaxxi kwadri ta’ madwar 2 × 2 mm. Il-pressjoni tax-xafra jew tal-labra trid tkun biżżejjed biex mill-inqas tinfed il-kisja.

2.5.2 Deskrizzjoni tat-test

Trid tintuża strixxa li teħel ta’ forza aderenti ta’ 2 N/(cm ta’ daqs) ± 20 % imkejla fil-kundizzjonijiet standard spjegati fl-Appendiċi 4 tal-Anness preżenti. Dan it-tejp li jeħel ta’ 25 mm ta’ daqs minimu jingħafas fuq il-wiċċ ippreparat skont l-ispeċifikazzjonijiet tal-paragrafu 2.5.1 għal mill-inqas 5 minuti.

Imbagħad it-tarf tat-tejp li jeħel jingħafas sabiex tkun bilanċjata l-forza ta’ adeżjoni fuq il-wiċċ ikkonċernat permezz ta’ forza perpendikolari għal dan il-wiċċ. F’dak il-mument, il-veloċità kostanti ta’ tneħħija trid tkun ta’ 1,5 ± 0,2 m/s.

2.5.3 Riżultati

Wieħed m’għandux jinnota kambjament notevoli tal-parti bil-kaxxi kwadri. Kambjamenti fl-intersezzjonijiet tal-kaxxi kwadrati jew fuq ix-xifer tat-tnaqqix huma ammessi, b’kundizzjoni li l-wiċċ mibdul ma jaqbiżx il-15 % tal-wiċċ bil-kaxxi kwadri.

2.6 Testijiet ta’ sistema sħiħa li tinkludi lenti ta’ materjal plastiku

2.6.1 Reżistenza għad-deterjorament mekkaniku tal-wiċċ tal-lenti

2.6.1.1 Testijiet

Il-lenti tas-sistema Nru 1 tkun suġġetta għat-test spjegat fil-paragrafu 2.43.1 ta’ hawn fuq.

2.6.1.2 Riżultati

Wara t-test, ir-riżultati tal-pożizzjonijiet fotometriċi fuq sistema jew waħda jew bosta mill-partijiet tagħha, li jkunu saru f’konformità mar-Regolament preżenti, m’għandhomx ikunu aktar minn 130 % tal-valuri limitati speċifikati fil-punti B50L u HV, u lanqas inqas minn 90 % tal-valur limitat speċifikat fil-punt 75R, jekk jingħata l-każ.

2.6.2 Test ta’ adeżjoni tal-kisja eventwali

Il-lenti tal-unità ta’ installazzjoni Nru 2 tkun suġġetta għat-test spjegat fil-paragrafu 2.5 ta’ hawn fuq.

3. KONTROLL TAL-KONFORMITÀ TA’ PRODUZZJONI

3.1

F’dak li għandu x’jaqsam mal-materjali użati għall-manifattura tal-lentijiet, il-konformità għar-Regolament preżenti tal-unitajiet ta’ installazzjoni ta’ serje tkun ammessa jekk:

3.1.1

Wara test ta’ reżistenza għall-aġenti kimiċi u test ta’ reżistenza għad-deterġenti u għall-idrokarburi, il-wiċċ ta’ barra tal-kampjuni ma jurix la xaqq, la barxa, la laqxa, la deformazzjoni viżibbli għall-għajnejn (ara paragrafi 2.2.2, 2.3.1 u 2.3.2);

3.1.2

Wara li jkunu suġġetti għat-test spjegat fil-paragrafu 2.6.1.1, il-valuri fotometriċi fil-punti ta’ pożizzjoni kkunsidrati fil-paragrafu 2.6.1.2 jirrispettaw il-valuri limiti speċifikati mill-konformità tal-produzzjoni mir-Regolament preżenti.

3.2

Jekk ir-riżultati tat-testijiet ma jissodisfawx l-ispeċifikazzjonijiet, it-testijiet ikunu ripetuti fuq kampjun ieħor ta’ sistema magħżula kif ġie ġie.

APPENDIĊI 1

ORDNI KRONOLOĠIKA TAT-TESTIJIET TA’ OMOLOGAZZJONI

Testijiet fuq materjal plastiku (lentijiet jew kampjuni ta’ materjali provduti konformi mal-paragrafu 2.2.4 tar-Regolament preżenti)

Kampjuni

Lentijiet jew kampjuni ta’ materjal

Lentijiet

Testijiet

1.1	Fotometrija limitata (par. 2.1.2)

1.1.1

Tibdil tat-temperatura (par. 2.1.1)

1.2	Fotometrija limitata (par. 2.1.2)

1.2.1

Kejl tat-trasmissjoni

1.2.2

Kejl tad-distribuzzjoni

1.3	Aġenti atmosferiċi (par. 2.2.1)

1.3.1

Kejl tat-trasmissjoni

1.4	Aġenti kimiċi (par. 2.2.2)

1.4.1

Kejl tad-distribuzzjoni

1.5	Deterġenti (par. 2.3.1)

1.6	Idrokarburi (par. 2.3.2)

1.6.1

Kejl tat-trasmissjoni

1.7	Deterjorament (par. 2.4.1)

1.7.1

Kejl tat-trasmissjoni

1.7.2

Kejl tad-distribuzzjoni

1.8	Adeżjoni (par. 2.5)

1.9	Reżistenza għall-illuminazzjoni tas-sors illuminanti (par. 2.2.4)

Testijiet fuq sistemi sħaħ (provduti f’konformità mal-paragrafu 2.2.4 tar-Regolament preżenti)

Testijiet

Sistema sħiħa

Kampjun Nru

2.1	Deterjorament (par. 2.6.1.1)

2.2	Fotometrija (par. 2.6.1.2)

2.3	Aderenza (par. 2.6.2)

APPENDIĊI 2

Metodu ta’ kejl tad-distribuzzjoni u tat-trasmissjoni tad-dawl

1. TAGĦMIR (ara dijagramma 1 hawn taħt)

Raġġ ta’ kollimatur K ta’ nofs diverġenza β/2 = 17,4 × 10-4 rd huwa limitat b’dijaframma Dτ b’apertura ta’ 6 mm li kontra tagħha jitqiegħed il-muntaġġ tal-kampjun.

Lenti konverġenti akromatika L2, irranġata għal tagħwiġ sferikali, torbot id-dijaframma Dτ mar-riċevitur R; id-dijametru tal-lenti L2 irid ikun tali li ma jikkontrollax id-dawl mitfugħ mill-kampjun f’kon b’nofs angolu ta’ fuq nett ta’ β/2 = 14-il grad.

Dijaframma annulari DD b’angoli αo/2 = grad 1 u αmax/2 = 12-il grad titqiegħed fuq pjan fokali ta’ immaġni tal-lenti L2.

Il-parti ċentrali mhux trasparenti tad-dijaframma hija meħtieġa biex jiġi eliminat id-dawl li ġej direttament mis-sors illuminanti. Irid ikun possibbli li titneħħa l-parti ċentrali tad-dijaframma mir-raġġ illuminanti, b’tali mod li tmur lura eżattament fil-pożizzjoni tal-bidu tagħha.

Id-distanza L2 Dτ u t-tul fokali F2 tal-lenti L2 iridu jintgħażlu b’mod li l-immaġni ta’ Dτ tkopri b’mod sħiħ ir-riċevitur R.

Huwa rrikmandat li tintuża għal L2 lenti ta’ xi 80 mm.

Għal incident flux inizjali li jirreferi għall-unità, il-preċiżjoni assoluta ta’ kull qari trid tkun aktar minn 0,001.

Dijagramma 1

Muntaġġ ottiku li jservi biex ikejjel il-varjazzjonijiet ta’ distribuzzjoni u ta’ trasmissjoni

2. QISIEN

Il-qisien li ġejjin iridu jitkejlu:

Qari	Bil-kampjun	Bil-parti ċentrali ta’ DD	Kwantità rappreżentata
T1	Le	Le	Incident flux imkejjel inizjalment
T2	iva (qabel it-test)	Le	Fluss trasmess mill-materjal il-ġdid f’kamp ta’ 24 grad
T3	iva (wara t-test)	Le	Fluss trasmess mill-materjal ittestjat f’kamp ta’ 24 grad
T4	iva (qabel it-test)	iva	Fluss imqassam mill-materjal il-ġdid
T5	iva (wara t-test)	iva	Fluss imqassam mill-materjal ittestjat

APPENDIĊI 3

METODU TAT-TEST BI TRAXXIX

1. MATERJAL TAT-TEST

1.1. Spray gun

Għandu jintuża spray gun mgħammar b’żennuna b’dijametru ta’ 1,3 mm li tippermetti ġiri tal-likwidu ta’ 0,24 ± 0,02 l/minuta taħt pressjoni ta’ 6,0 bar - 0/+ 0,5 bar.

Taħt dawn il-kundizzjonijiet ta’ użu, għandu jinkiseb merżuq b’dijametru ta’ 170 ± 50 mm fuq il-wiċċ espost għad-deterjorament, f’distanza ta’ 380 ± 10 mm miż-żennuna.

1.2. Taħlita tat-test

It-taħlita tat-test hija magħmula minn:

Ramel siliċiku ta’ ebusija 7 fuq l-iskala ta’ Mohs u b’daqs ta’ granula ta’ bejn 0 u 0,2 mm b’distribuzzjoni prattikament normali, li għandha fattur angulari ta’ 1,8 sa 2;

Ilma li l-ebusija tiegħu ma tkunx aktar minn 205 g/m3 għal 25 g ta’ ramel għal kull litru ta’ ilma.

2. TEST

Il-wiċċ ta’ barra tal-lentijiet ikun suġġett darba jew bosta drabi għall-azzjoni tal-merżuq ta’ ramel, kif spjegat hawn fuq, fejn dan il-merżuq jitwassal kważi b’mod perpendikolari għall-wiċċ li jrid ikun deterjorat.

Id-deterjorament huwa kontrollat permezz ta’ kampjun jew bosta kampjuni tal-ħġieġ imqiegħda viċin il-lentijiet li jridu jiġu ttestjati. It-traxxix tat-taħlita tibqa’ ssir sakemm il-varjazzjoni tat-tixrid fuq il-kampjuni, mkejla skont il-metodu spjegat fl-Appendiċi 2, jiġifieri bħal: Δd = (T5 – T4)/T2 = 0,0250 ± 0,0025.

Bosta kampjuni ta’ referenza jistgħu jkunu użati biex jivverifikaw l-omoġeneità tad-deterjorament fuq il-wiċċ sħiħ li jrid jiġi ttestjat.

APPENDIĊI 4

TEST TA’ ADEŻJONI TAT-TEJP LI JEĦEL

1. GĦAN

Il-metodu preżenti għandu l-għan li jiddetermina, fil-kundizzjonijiet standard, is-saħħa lineari ta’ adeżjoni ta’ tejp li jeħel fuq folja tal-ħġieġ.

2. PRINĊIPJU

Biex jitkejjel l-isforz meħtieġ biex jaqla’ f’angolu ta’ 90 grad tejp li jeħel minn folja tal-ħġieġ.

3. KUNDIZZJONIJIET ATMOSFERIĊI

It-temperatura trid tkun ta’ 23 ± 5 °C u l-umdità relattiva (HR) ta’ 65 ± 15 %.

4. TESTIJIET ŻGĦAR

Qabel it-test, ir-roll tal-kampjun irid ikun ikkundizzjonat għal 24 siegħa fl-arja speċifikata (ara par. 3 ta’ hawn fuq).

Għal kull roll, irid isir test fuq 5 biċċiet żgħar ta’ 400 mm fit-tul. Il-biċċiet żgħar jittieħdu mir-rollijiet wara li jitwarrbu l-ewwel tliet dawriet.

5. PROĊEDURA

It-test isir fl-arja definita fil-punt 3.

Iridu jittieħdu l-5 biċċiet żgħar waqt li t-tejp jiddawwar radjalment b’veloċità ta’ madwar 300 mm/s, imbagħad iridu jiġu applikati fil-15-il sekonda ta’ wara bil-mod li ġej:

It-tejp irid jiġi applikat gradatament fuq il-folja tal-ħġieġ billi jingħorok ħafif b’mod lonġitudinali bis-seba’, b’tali mod li ma jkun hemm l-ebda bużżieqa ta’ arja bejn it-tejp u l-folja tal-ħġieġ iżda mingħajr ma ssir pressjoni eċċessiva.

Ħalli kollox jistrieħ għal 10 minuti fil-kundizzjonijiet atmosferiċi speċifikati.

Aqla’ l-biċċa żgħira ta’ madwar 25mm mill-folja, bil-pjan tal-qlugħ perpendikolari għall-assi tal-biċċa tat-test.

Waħħal il-folja u ilwi lura l-parti maqlugħa tat-tejp għal 90 grad. Applika saħħa b’mod tali li l-linja ta’ separazzjoni bejn il-folja u t-tejp tkun perpendikolari għal din is-saħħa u perpendikolari għall-folja.

Iġbed biex taqla’ b’veloċità ta’ 300 ± 30 mm/s u ħu nota tas-saħħa meħtieġa.

6. RIŻULTATI

Il-ħames valuri miksuba jridu jkunu klassifikati u l-valur medju jrid ikun ikkunsidrat bħala riżultat tal-kejl. Dan il-valur irid ikun imfisser fi Newton għal kull ċentimetru tal-wisgħa tat-tejp.

ANNESS 7

SPEĊIFIKAZZJONIJIET MINIMI DWAR L-IKKAMPJUNAR MAGĦMUL MINN SPETTUR

1. ĠENERALITAJIET

1.1 L-ispeċifikazzjonijiet ta’ konformità huma kkunsidrati bħala milħuqa mill-aspett mekkaniku u ġeometriku, f’konformità mal-ispeċifikazzjonijiet tar-Regolament preżenti, jekk id-diverġenzi ma jaqbżux id-differenzi inevitabbli ta’ manifattura. Dan jgħodd ukoll għall-kuluri.

1.2 F’dak li għandu x’jaqsam mal-karatteristiċi fotometriċi, il-konformità tas-sistemi ta’ serje ma tkunx diskussa jekk, waqt it-test fotometriku ta’ sistema magħżula kif ġie ġie u mgħammra b’sors illuminanti mqiegħed taħt tensjoni u, jekk jingħata l-każ, irranġata, f’konformità mal-paragrafi 1 u 2 tal-Anness 9 tar-Regolament preżenti:

1.2.1 Ebda valur imkejjel ma jkollu differenza sfavorevoli ta’ aktar minn 20 % tal-valuri speċifikati fir-Regolament preżenti.

1.2.1.1 Għall-valuri ta’ hawn taħt tar-raġġ baxx u tal-modi tiegħu, id-differenza sfavorevoli massima hija hekk kif ġej:

(a)	għall-valuri massimi sal-punt B50L, 0,2 lx (ekwivalenti għal 20 %) u 0,3 lx (ekwivalenti għal 30 %);

(b)	il-valuri massimi fiż-żona III, sal-punt HV u fuq il-parti BLL, 0,3 lx (ekwivalenti għal 20 %) u 0,45 lx (ekwivalenti għal 30 %);

(c)	għall-valuri massimi fuq il-partijiet E, F1, F2 u F3, 0,2 lx (ekwivalenti għal 20 %) u 0,3 lx (ekwivalenti għal 30 %);

(d)	Għall-valuri minimi sal-punti BR, P, S50, S50LL, S50RR, S100, S100LL, S100RR u l-punti speċifikati minn nota 4 tat-Tabella 1 tal-Anness 3 tar-Regolament preżenti (B50L, HV, BR, BRR u BLL), nofs il-valur speċifikat (ekwivalenti għal 20 %) u tliet kwarti tal-valur speċifikat (ekwivalenti għal 30 %);

1.2.1.2 Għar-raġġ qawwi, il-punt HV li qiegħed fuq ġewwa tal-isolux 0,75 Emax, tolleranza ta + 20 % għall-valuri massimi u ta’ – 20 % għall-valuri minimi hija ammessa għall-valuri fotometriċi tal-punti kollha ta’ pożizzjoni definiti fil-paragrafu 6.3.2 tar-Regolament preżenti.

1.2.2 Jekk ir-riżultati tat-testijiet spjegati hawn fuq ma jissodisfawx l-ispeċifikazzjonijiet, l-orjentazzjoni tas-sistema tista’ tiġi mibdula, b’kundizzjoni li l-assi tar-raġġ ma jkunx imċaqlaq lateralment b’aktar minn 0,5 ta’ grad lejn il-lemin jew lejn ix-xellug, u lanqas b’aktar minn 0,2 ta’ grad ’il fuq jew ’l isfel. Dawn id-dispożizzjonijiet ma japplikawx għall-unitajiet ta’ dawl definiti fil-paragrafu 6.3.1.1 tar-Regolament preżenti.

1.2.3 Jekk ir-riżultati tat-testijiet spjegati hawn fuq ma jissodisfawx l-ispeċifikazzjonijiet, is-sistema tkun suġġetta għal testijiet ġodda bl-użu ta’ sors illuminanti ieħor standard u/jew ta’ mezz ieħor ta’ provvista u ta’ tħaddim.

1.2.4 Is-sistemi li jippreżentaw difetti apparenti ma jiġux ikkunsidrati.

1.2.5 Il-marka ta’ referenza ma tiġix ikkunsidrata.

2. L-EWWEL KAMPJUNAR

Għall-ewwel kampjunar, erba’ sistemi jintgħażlu kif ġie ġie. L-ittra A titqiegħed fuq l-ewwel u t-tielet, u l-ittra B fuq it-tieni u r-raba’.

2.1 Il-konformità m’hijiex ikkontestata

2.1.1 Mal-ħruġ tal-proċedura ta’ kampjunar indikata fid-dijagramma 1 tal-Anness preżenti, il-konformità tas-sistemi ta’ serje m’hijiex ikkontestata jekk id-differenzi tal-valuri mkejla fuq is-sistemi, fis-sens sfavorevoli, huma li ġejjin:

2.1.1.1 Kampjun A

A1:	għal sistema		0 %
A1:	għas-sistema l-oħra	mhux aktar minn	20 %
A2:	għaż-żewġ sistemi	aktar minn	0 %
	għaż-żewġ sistemi	iżda mhux aktar minn	20 %
	mur għal Kampjun B

2.1.1.2 Kampjun B

B1:

għaż-żewġ sistemi

0 %

2.1.2 jew jekk il-kundizzjonijiet speċifikati fil-paragrafu 1.2.2 għall-Kampjun A jkunu milħuqa.

2.2 Il-konformità tkun ikkontestata

2.2.1. Mal-ħruġ tal-proċedura ta’ kampjunar indikata fid-dijagramma 1 tal-Anness preżenti, il-konformità tas-sistemi ta’ serje tkun ikkontestata u l-manifattur mitlub li jerġa’ jqiegħed il-produzzjoni tiegħu f’konformità mal-ispeċifikazzjonijiet jekk id-differenzi tal-valuri mkejla fuq is-sistemi huma li ġejjin:

2.2.1.1 Kampjun A

A3:	għal sistema	mhux aktar minn	20 %
	għas-sistema l-oħra	aktar minn	20 %
	għas-sistema l-oħra	iżda mhux aktar minn	30 %

2.2.1.2 Kampjun B

B2:	Fil-każ ta’ A2
	għal sistema	aktar minn	0 %
		iżda mhux aktar minn	20 %
	għas-sistema l-oħra	mhux aktar minn	20 %
B3:	Fil-każ ta’ A2
	għal sistema		0 %
	għas-sistema l-oħra	aktar minn	20 %
		imma mhux aktar minn	30 %

2.2.2 jew jekk il-kundizzjonijiet speċifikati fil-paragrafu 1.2.2 għall-Kampjun A ma jkunux milħuqa.

2.3 Irtirar tal-omologazzjoni

Il-konformità tkun diskussa u l-paragrafu 10 japplika jekk, mal-ħruġ tal-proċedura ta’ kampjunar indikata fid-dijagramma 1 tal-Anness preżenti, id-differenzi bejn il-valuri mkejla fuq is-sistemi jkunu li ġejjin:

2.3.1 Kampjun A

A4:	Għal sistema	mhux aktar minn	20 %
A4:	Għas-sistema l-oħra	aktar minn	30 %
A5:	Għaż-żewġ sistemi	aktar minn	20 %

2.3.2 Kampjun B

B4:	Fil-każ ta’ A2
	għal sistema	aktar minn	0 %
		iżda mhux aktar minn	20 %
	Għas-sistema l-oħra	aktar minn	20 %
B5:	Fil-każ ta’ A2
	Għaż-żewġ sistemi	aktar minn	20 %
B6:	Fil-każ ta’ A2
	għal sistema		0 %
	għas-sistema l-oħra	aktar minn	30 %

2.3.3 jew jekk il-kundizzjonijiet speċifikati fil-paragrafu 1.2.2 għall-Kampjuni A u B ma jkunux milħuqa.

3. IT-TIENI KAMPJUNAR

Fil-każ tal-Kampjuni A3, B2 u B3, jeħtieġ li jsir kampjunar ġdid u jintgħażel it-tielet kampjun (C), magħmul minn żewġ sistemi, meħud minn fuq l-istokk magħmul wara li jiġu konformi, fix-xahrejn ta’ wara n-notifika.

3.1 Il-konformità m’hijiex ikkontestata

3.1.1 Mal-ħruġ tal-proċedura ta’ kampjunar indikata fid-dijagramma 1 tal-Anness preżenti:

3.1.1.1 Kampjun C

C1:	għal sistema		0 %
C1:	għas-sistema l-oħra	mhux aktar minn	20 %
C2:	għaż-żewġ sistemi	aktar minn	0 %
	għaż-żewġ sistemi	iżda mhux aktar minn	20 %
	mur għal Kampjun D

3.1.1.2 Kampjun D

D1:	fil-każ ta’ C2
	għaż-żewġ sistemi		0 %

3.1.2 jew jekk il-kundizzjonijiet speċifikati fil-paragrafu 1.2.2 għall-Kampjun C ikunu milħuqa.

3.2 Il-konformità hija kkontestata

3.2.1 Mal-ħruġ tal-proċedura ta’ kampjunar indikata fid-dijagramma 1 tal-Anness preżenti, il-konformità tas-sistemi ta’ serje hija kkontestata u l-manifattur mitlub li jagħmel il-produzzjoni tiegħu konformi jekk id-differenzi bejn il-valuri mkejla fuq is-sistemi huma li ġejjin:

3.2.1.1 Kampjun D

D2:	fil-każ ta’ C2
	għal sistema	aktar minn	0 %
		iżda mhux aktar minn	20 %
	għas-sistema l-oħra	mhux aktar minn	20 %

3.2.1.2 jew jekk il-kundizzjonijiet speċifikati fil-paragrafu 1.2.2 għall-Kampjun C ma jkunux milħuqa.

3.3 Irtirar tal-omologazzjoni

Il-konformità hija kkontestata u l-paragrafu 10 japplika jekk, mal-ħruġ tal-proċedura ta’ kampjunar indikata fid-dijagramma 1 tal-Anness preżenti, id-differenzi bejn il-valuri mkejla fuq is-sistemi huma li ġejjin:

3.3.1 Kampjun C

C3:	għal sistema	mhux aktar minn	20 %
C3:	għas-sistema l-oħra	aktar minn	20 %
C4:	għaż-żewġ sistemi	aktar minn	20 %

3.3.2 Kampjun D

D3:	fil-każ ta’ C2
	għal sistema		0 %
		jew aktar minn	0 %
	għas-sistema l-oħra	aktar minn	20 %

3.3.3 jew jekk il-kundizzjonijiet speċifikati fil-paragrafu 1.2.2 tal-Kampjuni C u D ma jkunux milħuqa.

4. MODIFIKA TAL-POŻIZZJONI VERTIKALI TAL-CUT-OFF TAR-RAĠĠ BAXX

Biex tkun verifikata l-modifika tal-pożizzjoni vertikali tal-cut-off tar-raġġ baxx taħt l-effett tas-sħana, wieħed għandu japplika l-metodu ta’ hawn taħt:

Wara kampjunar konformi mad-dijagramma 1, waħda mis-sistemi tal-Kampjun A tkun suġġetta għat-testijiet konformi mal-proċedura speċifikata fil-paragrafu 2.1 tal-Anness 4 wara li tkun suġġetta tliet darbiet wara xulxin għaċ-ċiklu definit fil-paragrafu 2.2.2 tal-Anness 4.

Is-sistema hija kkunsidrata aċċettabbli jekk Δr ma jaqbiżx 1,5 mrad.

Jekk dan il-valur jaqbeż 1,5 mrad mingħajr ma jeċċedi 2 mrad, it-tieni sistema tal-Kampjun A tkun suġġetta għat-test, li warajh il-medja tal-valuri assoluti rreġistrati għaż-żewġ kampjuni ma tistax taqbeż 1,5 mrad.

Madankollu, jekk dan il-valur ta’ 1,5 mrad mhux rispettat għall-Kampjun A, iż-żewġ sistemi tal-Kampjun B ikunu suġġetti għall-istess proċedura, u l-valur ta’ Δr għal kull wieħed minnhom ma jistax jaqbeż 1,5 mrad.

Dijagramma 1

Nota: Fid-dijagramma sħiħa, “sistemi” trid tinftiehem minflok “apparati”.

ANNESS 8

MIŻURI RELATATI MAL-AĠĠUSTAMENT TAL-CUT-OFF U TAL-ORJENTAZZJONI TAR-RAĠĠ BAXX (1)

1. DEFINIZZJONI TAL-CUT-OFF

Il-cut-off, meta jkun projettat fuq skrin ta’ kejl, kif inhu definit fl-Anness 9 tar-Regolament preżenti, irid ikun ċar biżżejjed biex jippermetti l-aġġustament u jrid jissodisfa l-ispeċifikazzjonijiet li ġejjin.

1.1 Forma (ara dijagramma A.8-1)

Il-cut-off huwa kompost minn:

—	parti orizzontali, fuq ix-xellug, u

—	parti mgħollija fuq il-lemin;

barra minn hekk, irid ikun magħmul b’tali mod li wara li jitqiegħed f’konformità mad-dispożizzjonijiet tal-paragrafi 2.1 sa 2.5 ta’ hawn taħt:

1.1.1

Il-parti orizzontali ma titħarrikx, fuq pjan vertikali, b’aktar minn

—	0,2° ’il fuq jew ’l isfel mil-linja orizzontali medjana tagħha, bejn 0,5 u 4,5° fuq ix-xellug tal-linja V-V, u

—	0,1° ’il fuq jew ’l isfel fil-limiti taż-żewġ terzi tat-tul imsemmi.

1.1.2

Il-parti mgħollija

—	irid ikollha tarf xellugi ċar biżżejjed, u

—	il-leminija li l-oriġini tagħha hija l-intersezzjoni bejn A u V-V u mibnija b’mod li tkun tanġenti ma’ dan it-tarf, irid ikollha angolu ta’ inklinazzjoni b’relazzjoni mal-linja H-H ta’ bejn 10 u 60° (ara dijagramma A.8-1 ta’ hawn taħt).

2. PROĊEDURA TA' AĠĠUSTAMENT VIŻWALI

2.1 Qabel kull test ġdid, is-sistema trid titqiegħed fl-istat newtru. L-istruzzjonijiet ta’ hawn taħt japplikaw għar-raġġi tal-unitajiet ta’ dawl li, skont min qiegħed jagħmel it-talba, iridu jkunu aġġustati.

2.2 Ir-raġġ irid jitqiegħed vertikalment b’tali mod li l-parti orizzontali tal-cut-off tiegħu tkun qiegħda fil-pożizzjoni vertikali nominali (linja A) f’konformità mal-ispeċifikazzjonijiet li jidhru fit-Tabella 2 tal-Anness 3 tar-Regolament preżenti; din l-ispeċifikazzjoni hija kkunsidrata bħala sodisfaċenti jekk il-linja medjana orizzontali tal-parti orizzontali tal-cut-off qiegħda fuq il-linja A (ara dijagramma A.8-2 ta’ hawn taħt);

2.3 Ir-raġġ irid jitqiegħed orizzontalment b’tali mod li l-parti mgħollija tiegħu tkun qiegħda fuq il-lemin tal-linja V-V u f’kuntatt ma’ din (ara dijagramma A.8-2 ta’ hawn taħt);

2.3.1 Jekk raġġ parzjali ma jipproduċix ħlief il-parti orizzontali tal-cut-off, l-aġġustament orizzontali, fin-nuqqas ta’ speċifikazzjoni minn min qiegħed jagħmel it-talba, ma jkun l-għan ta’ ebda speċifikazzjoni.

2.4 Il-cut-off ta’ unità ta’ dawl mhux maħsuba biex tkun aġġustata separatament f’konformità mal-indikazzjonijiet ta’ min qiegħed jagħmel it-talba jrid jissodisfa l-ispeċifikazzjonijiet adattati.

2.5 L-unitajiet ta’ dawl aġġustati skont il-metodu indikat minn min qiegħed jagħmel it-talba f’konformità mal-miżuri tal-paragrafi 5.2 u 6.2.1.1 tar-Regolament preżenti jridu jippreżentaw cut-off li tiegħu l-forma u l-pożizzjoni jkunu konformi mal-ispeċifikazzjonijiet tat-Tabella 2 tal-Anness 3 tar-Regolament preżenti.

2.6 Għal kull mod ieħor ta’ raġġ baxx

Il-forma u l-pożizzjoni tal-cut-off, jekk jingħata l-każ, iridu jissodisfaw awtomatikament l-ispeċifikazzjonijiet adattati tat-Tabella 2 tal-Anness 3 tar-Regolament preżenti.

2.7 Orjentazzjoni u/jew aġġustament inizjali konformi mal-indikazzjonijiet ta’ min qiegħed jagħmel it-talba, konformi mal-miżuri tal-paragrafi 2.1 sa 2.6 ta’ hawn fuq, tista’ tiġi applikata għall-unitajiet ta’ dawl maħsuba biex ikunu mmuntati separatament.

Dijagrammi

Nota: Il-projettazzjoni tal-cut-off fuq l-iskrin ta’ kejl hija rappreżentata b’mod skematiku.

(1) Biex titkompla opzjonalment skont il-miżuri ġenerali supplimentari fl-istudju fil-GRE.

ANNESS 9

DISPOŻIZZJONIJIET DWAR IL-QISIEN FOTOMETRIĊI

1. DISPOŻIZZJONIJIET ĠENERALI

1.1

Is-sistema, jew waħda jew bosta mill-partijiet tagħha, trid tkun immuntata fuq gonjometru li l-assi orizzontali tiegħu huwa mwaħħal u l-assi mobbli perpendikolari mal-assi mwaħħal.

1.2

Il-valuri ta’ illuminazzjoni huma determinati permezz ta’ ċellula foto-elettrika li qiegħda ġo kaxxa ta’ 65 mm fil-ġenb u mqiegħda f’distanza ta’ mill-inqas 25 metru ’l quddiem miċ-ċentru ta’ referenza ta’ kull unità ta’ dawl b’mod perpendikolari mal-assi ta’ kejl li jgħaddi mill-oriġini tal-gonjometru;

1.3

Waqt il-qisien fotometriċi, ir-riflessjonijiet ta’ interferenza jridu jiġu evitati permezz ta’ filtri adattati.

1.4

L-intensitajiet illuminanti jitkejlu u jitbiddlu f’illuminazzjonijiet fuq pjan perpendikolari fid-direzzjoni ta’ pożizzjoni li qiegħda f’distanza nominali ta’ 25 metru.

1.5

Il-koordinati angulari huma indikati fi gradi fuq sfera li għandha l-assi polari vertikali f’konformità mal-pubblikazzjoni nru 70 tas-CEI, Vjenna 1987, jiġifieri li tikkorrispondi għal gonjometru li għandu l-assi orizzontali mwaħħal b’relazzjoni mal-art u l-assi ta’ rotazzjoni, mobbli, perpendikolari għall-assi orizzontali.

1.6

Kull metodu fotometriku ekwivalenti huwa aċċettabbli b’kundizzjoni li jirrispetta l-korrelazzjoni meħtieġa.

1.7

Kull diskrepanza miċ-ċentru ta’ referenza tal-unitajiet ta’ dawl b’relazzjoni mal-assi ta’ rotazzjoni tal-gonjometru trid tiġi evitata. Din tapplika partikularment għad-direzzjoni vertikali u unitajiet ta’ dawl li jipproduċu cut-off.

L-aġġustament irid isir permezz ta’ skrin li jista’ jitqiegħed f’distanza iqsar minn dik taċ-ċellula.

1.8

L-ispeċifikazzjonijiet fotometriċi imposti f’kull punt ta’ pożizzjoni (pożizzjoni angulari) ta’ funzjoni jew ta’ mod ta’ dawl bħal dawk speċifikati fir-Regolament preżenti japplikaw għan-nofs tas-somma tal-valuri miksuba rispettivament fuq l-unitajiet kollha ta’ dawl tas-sistema għall-funzjoni jew il-mod inkwistjoni, jew fuq l-unitajiet kollha ta’ dawl speċifikati mill-ispeċifikazzjoni kkonċernata;

1.8.1

Sadanittant, meta l-ispeċifikazzjoni hija speċifika għal naħa waħda, ma tapplikax id-diviżjoni bejn tnejn. Dan huwa l-każ fil-paragrafi 6.2.6.3, 6.2.9.1, 6.3.2.1.2, 6.3.2.1.3, 6.4.6, u fin-nota 4 tat-Tabella 1 tal-Anness 3.

1.9

L-unitajiet ta’ dawl tas-sistema jridu jitkejlu individwalment; sadanittant,

żewġ unitajiet ta’ dawl jew aktar li jagħmlu parti mill-istess unità ta’ installazzjoni, mgħammra b’sorsi illuminanti li għandhom provvista ta’ tip identiku (aġġustata jew le), jistgħu jitkejlu fl-istess ħin b’kundizzjoni li, minħabba d-daqs u l-pożizzjoni tagħhom, l-uċuh illuminanti tagħhom ikunu kollha ġo rettanglu li ma jkunx akbar minn 300 mm fit-tul (orizzontalment) u mhux akbar minn 150 mm fil-wisgħa (vertikalment) u li ċentru ta’ referenza komuni jkun definit mill-manifattur.

1.10

Qabel kull test, is-sistema trid titqiegħed fl-istat newtru.

1.11

Is-sistema, jew parti jew bosta mill-partijiet tagħha, iridu jkunu orjentati qabel il-bidu tal-kejl b’tali mod li l-pożizzjoni tal-cut-off tkun konformi mal-ispeċifikazzjonijiet imsemmija fit-Tabella 2 tal-Anness 3 tar-Regolament preżenti. Il-partijiet ta’ sistema suġġetta għal tkejjil individwali u mingħajr cut-off iridu jitqiegħdu fuq il-gonjometru f’konformità mal-indikazzjonijiet (pożizzjoni ta’ muntaġġ) ta’ min qiegħed jagħmel it-talba.

2. KUNDIZZJONIJIET TA’ MIŻURI FIR-RIGWARD TAS-SORSI ILLUMINANTI

2.1

Fil-każ ta’ lampi tal-filament sostitwibbli li jaħdmu direttament mat-tensjoni tal-vettura:

Is-sistema, jew waħda jew bosta mill-partijiet tagħha, trid tkun mgħammra b’lampa jew bosta lampi tal-filament standard bla kulur maħsuba biex jaħdmu taħt tensjoni nominali ta’ 12-il volt. Waqt it-test, it-tensjoni għat-terminali tal-lampa jew tal-lampi tal-filament trid tkun aġġustata b’mod li jinkiseb fluss illuminanti ta’ referenza speċifikat fuq il-fuljett ta’ fatti definit fir-Regolament Nru 37.

Is-sistema, jew waħda jew bosta mill-partijiet tagħha, hija kkunsidrata aċċettabbli jekk l-ispeċifikazzjonijiet tal-paragrafu 6 tar-Regolament preżenti jkunu sodisfaċenti mill-inqas permezz ta’ lampa tal-filament standard, li tkun tista’ tiġi provduta mas-sistema.

2.2

Fil-każ ta’ sorsi illuminanti sostitwibbli li jiddisċarġjaw:

Is-sistemi, jew parti jew bosta partijiet tagħhom, mgħammra b’sors illuminanti sostitwibbli li jiddisċarġja jridu jissodisfaw l-ispeċifikazzjonijiet fotometriċi msemmija fil-paragrafi rilevanti tar-Regolament preżenti mill-inqas b’sors illuminanti standard li intuża mill-inqas għal 15-il ċiklu, kif speċifikat fir-Regolament Nru 99. Il-fluss illuminanti ta’ dan is-sors illuminanti li jiddisċarġja jista’ jkun differenti mill-fluss illuminanti oġġettiv speċifikat fir-Regolament Nru 99.

Jekk dan huwa l-każ, il-valuri fotometriċi mkejla jridu jiġu rranġati bħala riżultat ta’ dan. Dawn iridu jiġi multiplikati b’fattur ta’ 0,7 qabel il-verifika tal-konformità mal-esiġenzi ta’ konformità.

2.3

Fil-każ ta’ sorsi illuminanti mhux sostitwibbli li jaħdmu direttament mat-tensjoni tal-vettura:

It-tkejjil kollu li sar fuq il-fanali mgħammra b’sorsi illuminanti mhux sostitwibbli (lampi tal-filament jew oħrajn) irid isir taħt tensjonijiet ta’ 6,75 volt, 13,5 volt jew 28 volt, jew taħt it-tensjoni indikata minn min qiegħed jagħmel it-talba, filwaqt li tkun ikkunsidrata kull sistema oħra ta’ provvista tal-vettura. Il-valuri fotometriċi miksuba jridu jiġu multiplikati b’fattur ta’ 0,7 qabel il-verifika tal-konformità mal-esiġenzi ta’ konformità.

2.4

Fil-każ ta’ sors illuminanti, kemm jekk huwa sostitwibbli jew le, li jaħdem indipendentement mit-tensjoni tal-vettura u bi sħiħ ikkontrollata mis-sistema, jew fil-każ ta’ sors illuminanti pprovdut minn sors ta’ enerġija speċjali, it-tensjoni tat-test definita fil-paragrafu 2.3 ta’ hawn fuq trid tkun applikata għat-terminali ta’ input ta’ din is-sistema jew ta’ dan is-sors ta’ enerġija. Il-laboratorju tat-test jista’ jesiġi mill-manifattur li jipprovdi dawn is-sorsi speċjali ta’ provvista.

Il-valuri fotometriċi miksuba jridu jiġu multiplikati b’fattur ta’ 0,7 qabel il-verifika tal-konformità għall-esiġenzi, ħlief jekk dan il-fattur ta’ korrezzjoni kien diġà applikat f’konformità mal-miżuri tal-paragrafu 2.2 ta’ hawn fuq.

2.5

Modulu(moduli) LED għandu(għandhom) jitkejjel(jitkejlu) b’6,75 V, 13,5 V jew 28,0 V rispettivament, jekk ma jkunx speċifikat mod ieħor f’dan ir-Regolament. Modulu(moduli) LED imħaddem(imħaddma) b’ger tal-kontroll ta’ sors tad-dawl elettroniku għandu(għandhom) jitkejjel(jitkejlu) kif speċifikat mill-applikant.

Il-valuri fotometriċi miksuba jridu jiġu multiplikati b’fattur ta’ 0,7 qabel il-verifika tal-konformità mal-esiġenzi ta’ konformità.

3. KUNDIZZJONIJIET TA' MIŻURI FIL-MOD TA' DAWL FIL-LIWJA

3.1.

Fil-każ ta’sistema, jew ta’ waħda jew bosta mill-partijiet tagħha, li tiżgura mod ta’ dawl fil-liwja, l-ispeċifikazzjonijiet tal-paragrafi 6.2 (raġġ baxx) u/jew 6.3 (raġġ qawwi) tar-Regolament preżenti japplikaw għas-sitwazzjonijiet kollha fir-rigward tat-turning circle tal-vettura. Għall-finijiet ta’ verifika tar-raġġ baxx u tar-raġġ qawwi, il-proċedura użata hija li ġejja:

3.1.1

Is-sistema trid tkun suġġetta għat-test fl-istat newtru (l-istering iċċentrat/linja dritta) u barra minn hekk fl-istat jew l-istati li jikkorrispondu għall-iċken turning circle tal-vettura, lejn il-lemin jew lejn ix-xellug, bl-użu tal-ġeneratur ta’ sinjali jekk jingħata l-każ.

3.1.1.1

Il-konformità mal-ispeċifikazzjonijiet tal-paragrafi 6.2.6.2, 6.2.6.3 u 6.2.6.5.1 tar-Regolament preżenti trid tkun verifikata għall-modi ta’ dawl fil-liwja tal-kategoriji 1 u 2, mingħajr riorjentazzjoni orizzontali ġdida.

3.1.1.2

Il-konformità mal-ispeċifikazzjonijiet tal-paragrafi 6.2.6.1 u 6.3 tar-Regolament preżenti, skont il-każ, trid tkun verifikata:

(a)	fil-każ ta’ mod ta’ dawl fil-liwja ta’ kategorija 2, mingħajr riorjentazzjoni orizzontali;

(b)	fil-każ ta’ raġġ baxx fil-mod ta’ dawl fil-liwja tal-kategorija 1 jew ta’ raġġ qawwi ta’ dawl fil-liwja, wara riorjentazzjoni orizzontali tal-unità ta’ installazzjoni rilevanti (permezz ta’ gonjometru per eżempju) fid-direzzjoni kuntrarja li tikkorrispondi.

3.1.2

Waqt it-test ta’ mod ta’ dawl fil-liwja ta’ kategorija 1 jew 2, għal turning circle tal-vettura ħlief dak definit fil-paragrafu 3.1.1 ta’ hawn fuq, irid jiġi żgurat li d-distribuzzjoni tad-dawl hija uniformi u ma joħloq l-ebda tagħmix qawwi. Jekk dan m’huwiex il-każ, jaqbel li tkun verifikata l-konformità mal-ispeċifikazzjonijiet imsemmija fit-Tabella 1 tal-Anness 3 tar-Regolament preżenti.

ANNESS 10

FORMOLI TA’ DESKRIZZJONI

format massimu: A4 (210 × 297 mm)

FORMOLA TA’ DESKRIZZJONI TA’ SISTEMA ADATTIVA TA’ DAWL TA’ QUDDIEM Nru 1

Sinjali ta’ kontroll AFS li jikkorrispondu għall-funzjonijiet u l-modi ta’ dawl żgurati mis-sistema

Sinjal ta’ kontroll AFS	Funzjoni jew mod(i) effettwat(i) mis-sinjal (1)					Karatteristiċi tekniċi (2) (fuq karta separata, jekk jingħata l-każ)
	Raġġ baxx				Raġġ qawwi
	Klassi C	Klassi V	Klassi E	Klassi W	Raġġ qawwi
Xejn/mhux applikabbli					
Sinjal V					
Sinjal E					
Sinjal W					
Sinjal T					
Sinjali oħrajn (3)					

FORMOLA TA’ DESKRIZZJONI TA’ SISTEMA ADATTIVA TA’ DAWL TA’ QUDDIEM Nru 2

Linji ta’ cut-off, mezzi ta’ aġġustament u proċeduri ta’ aġġustament tal-unitajiet ta’ dawl

Unità ta’ dawl Nru (4)	Cut-off (5)		Mezz ta’ aġġustament				Karatteristiċi u miżuri supplimentari (jekk jingħata l-każ) (8)
	L-unità ta’ dawl tipprovdi cut-off jew aktar tar-raġġ baxx jew tikkontribwixxi għalih		Vertikali		Orizzontali
	Kif definit fl-Anness 8 tar-Regolament preżenti (6)	Id-dispożizzjonijiet tal-paragrafu 6.4.6 tar-Regolament preżenti japplikaw (6)	Individwali (“prinċipali”) (6), (9)	Marbut mal-unità “prinċipali” Nru (7)	Individwali (“prinċipali”) (6), (9)	Marbut mal-unità “prinċipali” Nru (7)
1	iva/le	iva/le	iva/le	…	iva/le	…
2	iva/le	iva/le	iva/le	…	iva/le	…
3	iva/le	iva/le	iva/le	…	iva/le	…
4	iva/le	iva/le	iva/le	…	iva/le	…
5	iva/le	iva/le	iva/le	…	iva/le	…
6	iva/le	iva/le	iva/le	…	iva/le	…
7	iva/le	iva/le	iva/le	…	iva/le	…

(1) Poġġi salib fil-kaxxi fir-rigward tal-ikkombinar li japplika.

(2) Spjegazzjonijiet li jridu jingħataw:

(a)	Natura fiżika (kurrent elettriku/tensjoni, ottika, mekkanika, idrawlika, pnewmatika, eċċ.);

(b)	Tip ta’ informazzjoni (kontinwa/analoġika binarja, f’kodiċi numeriku, eċċ.);

(c)	Fatti kronoloġiċi (kostanti ta’ ħin, riżoluzzjoni, eċċ.);

(d)	Stat tas-sinjal meta l-kundizzjonijiet definiti fil-paragrafu 6.22.7.4 tar-Regolament Nru 48 jintlaħqu;

(e)	Stat tas-sinjal fil-każ ta’ falliment (b’relazzjoni mal-input tas-sistema);

(3)

(3) Konformi mad-deskrizzjoni ta’ dawk li qegħdin jagħmlu t-talba; uża karta oħra jekk meħtieġ.

(4) Isem ta’ kull unità ta’ dawl tas-sistema konformi mal-Anness 1 tar-Regolament preżenti u kif indikat fl-abbozz li jidher fil-paragrafu 2.2.1 tar-Regolament preżenti; uża karta jew bosta karti supplimentari jekk meħtieġ.

(5) Konformi mal-miżuri tal-paragrafu 6.22.6.1.2 tar-Regolament Nru 48.

(6) Aqta’ fejn meħtieġ.

(7) Indika n-numru ta’ unitajiet ta’ dawl, jekk jingħata l-każ.

(8) Per eżempju, ordni ta’ aġġustament tal-unitajiet ta’ dawl jew tal-ġabriet ta’ unitajiet ta’ dawl jew miżuri supplimentari dwar il-modalitajiet ta’ aġġustament.

(9) L-aġġustament ta’ unità ta’ dawl “prinċipali” tista’ tfisser l-aġġustament ta’ waħda jew ta’ bosta unitajiet oħra ta’ dawl.

ANNESS 11

Rekwiżiti għall-moduli led u afs li jinkludu moduli led

1. L-ISPEĊIFIKAZZJONIJIET ĠENERALI

1.1.

Kull kampjun ta’ modulu LED sottomess għandu jikkonforma mal-ispeċifikazzjonijiet rilevanti ta’ dan ir-Regolament meta ttestjat bil-ger(ijiet) ta’ kontroll tas-sors tad-dawl elettroniċi provduti, jekk applikabbli.

1.2.

Il-modulu/i LED għandu (għandhom) jkun(ikunu) iddisinjat(ddisinjati) b’tali mod li jkun(u) u jibqa’(jibqgħu) jaħdem(jaħdmu) sew waqt l-użu normali. Barra minn hekk m’għandu jkollhom ebda difett fid-disinn jew il-manifattura. Modulu LED għandu jitqies li falla jekk kwalunkwe waħda mil-LEDs tiegħu tkun falliet.

1.3.

Il-modulu/moduli LED ma jistax(jistgħux) ikun(u) jista’(jistgħu) jitbagħbas(jitbagħbsu).

1.4.

Id-disinn tal-modulu/moduli LED li jista’(jistgħu) jinqala’(jinqalgħu) għandu jkun b'tali mod li:

1.4.1.

Meta l-modulu LED jinqala’ u jitbiddel b’modulu ieħor provdut mill-applikant u li jkollu l-istess kodiċi tal-identifikazzjoni tas-sors tad-dawl, l-ispeċifikazzjonijiet fotometriċi tal-AFS għandhom jintlaħqu;

1.4.2.

Il-moduli LED b’kodiċi tal-identifikazzjoni tas-sors tad-dawl differenti fl-istess kisi protettiv tal-bozza, m’għandhomx ikunu jistgħu jitbiddlu bejniethom.

2. MANIFATTURA

2.1.

L-LED(s) fuq il-modulu LED għandhom ikunu mgħammra b’elementi tat-twaħħil adattati.

2.2.

L-elementi ta’ twaħħil għandhom ikunu mwaħħla b’mod sod u b’saħħtu mal-LED(s) u l-modulu LED.

3. KUNDIZZJONIJIET TAL-ITTESTJAR

3.1. Applikazzjoni

3.1.1.

Il-kampjuni kollha għandhom jiġu ttestjati kif speċifikat fl-Artikolu 4. isfel.

3.1.2.

It-tip ta’ sorsi tad-dawl fuq MODULU LED għandhom ikunu dajowds li jitfgħu d-dawl (LEDs) kif definit fir-Regolament Nru 48 Artikolu 2.7.1 b’mod partikolari fir-rigward tal-element ta’ radjazzjoni viżibbli. Tipi oħra ta’ sorsi tad-dawl ma jiġux awtorizzati.

3.2. Kundizzjonijiet tat-tħaddim

3.2.1. Kundizzjonijiet tat-tħaddim tal-modulu LED

Il-kampjuni kollha għandhom jiġu ttestjati fil-kundizzjonijiet kif speċifikat fl-Artikoli 6.2.4.4. u 6.1.5. ta’ dan ir-Regolament. Jekk ma jiġix speċifikat mod ieħor f’dan l-Anness, il-moduli LED għandhom jiġu ttestjati fl-AFS kif sottomessi mill-manifattur.

3.2.2. Temperatura ambjentali

Għall-kejl tal-karatteristiċi elettriċi u fotometriċi, l-AFS għandha titħaddem f’atmosfera xotta u mingħajr ċaqliq f’temperatura ambjentali ta’ 23°C ± 5 °C.

3.3. Tixjiħ

Fuq talba tal-applikant il-modulu LED għandu jitħaddem għal 15-il siegħa u jitberred għal temperatura ambjentali qabel ma jinbdew it-testijiet kif speċifikat f’dan ir-Regolament.

4. SPEĊIFIKAZZJONIJIET U TESTIJIET SPEĊIFIĊI

4.1. L-apparenza tal-kulur

4.1.1. Kontenut aħmar

Minbarra l-kejl deskritt fil-paragrafu 7. ta’ dan ir-Regolament:

Il-kontenut aħmar minimu tad-dawl ta' modulu LED jew AFS li jinkorpora modulu/moduli LED ttestjat f'50 V għandu jkun tali li:

Formula

fejn:

Ee(λ)	(unità: W)	hija d-distribuzzjoni spettrali tad-dija;
V(λ)	(unità: 1)	hija l-effiċjenza luminuża spettrali;
(λ)	(unità: nm)	hija l-mewġa elettromanjetika.

Dan il-valur għandu jiġi kkalkulat billi jintużaw intervalli ta’ nanometru.

4.2. Radjazzjoni UV

Ir-radjazzjoni UV ta’ modulu LED tat-tip b'UV baxx għandha tkun tali li:

Formula

fejn:

S(λ)(unità: 1) hija l-funzjoni spettrali li tagħti valur;

683 lm/W ikun il-valur massimu tal-effiċjenza mudwala tar-radjazzjoni.

(Għal definizzjonijiet ta' simboli oħra ara l-paragrafu 4.1.1. fuq)

Dan il-valur għandu jiġi kkalkulat billi jintużaw intervalli ta’ nanometru. Ir-radjazzjoni UV għandha titwieżen skont il-valuri kif indikat fit-Tabella UV isfel:

λ	S(λ)
250	0,430
255	0,520
260	0,650
265	0,810
270	1,000
275	0,960
280	0,880
285	0,770
290	0,640
295	0,540
300	0,300
305	0,060
310	0,015
315	0,003
320	0,001
325	0,00050
330	0,00041
335	0,00034
340	0,00028
345	0,00024
350	0,00020
355	0,00016
360	0,00013
365	0,00011
370	0,00009
375	0,000077
380	0,000064
385	0,000530
390	0,000044
395	0,000036
400	0,000030

Tabella UV: Valuri skont il-“Linji Gwida IRPA/INIRC dwar il-limiti tal-esponiment għar-radjazzjoni ultravjola”. Mewġiet elettromanjetiċi (f’nanometri) magħżula huma rappreżentattivi; valuri oħra għandhom jiġu interpolati.

4.3. L-istabbiltà tat-temperatura

4.3.1. Illuminanza

4.3.1.1.

Għal kull klassi eżistenti ta' raġġ għaddieni u għar-raġġ tas-sewqan, għandu jsir kejl fotometriku wara minuta mit-tħaddim tal-unitajiet tad-dawl rispettivi u għall-punti li tat-test li ġejjin:

Raġġ għaddieni	:	50V.
Raġġ għas-sewqan	:	HV

4.3.1.2.

It-tħaddim tal-unitajiet tad-dawl imsemmija fil-paragrafu 4.3.1.1. hawn fuq għandu mbagħad jitkompla sakemm tinkiseb stabbiltà fotometrika; din il-kundizzjoni titqies li tkun sodisfatta jekk il-varjazzjoni tal-illuminazzjoni għall-punti tat-test indikati fil-paragrafu 4.3.1.1. hawn fuq tkun inqas minn 3 fil-mija fi kwalunkwe perjodu ta' 15-il minuta. Wara li tkun seħħet l-istabbiltà fotometrika, għandha tipprova tinkiseb fotometrija sħiħa u l-valuri fotometriċi fil-punti tat-test kollha meħtieġa għandhom jiġu determinati.

4.3.1.3.

Il-proporzjon bejn il-valuri fotometriċi mkejla wara minuta waħda ta' tħaddim u dawk imkejla wara li tkun seħħet l-istabbiltà fotometrika għandhom jiġu kkalkulati għall-punti tat-test indikati fil-paragrafu 4.3.1.1 hawn fuq. Dan il-proporzjon għandu mbagħad jiġi applikat lill-punti tat-test l-oħra kollha applikabbli biex jiġu ddeterminati l-valuri fotometriċi tagħhom wara minuta waħda ta' tħaddim.

4.3.1.4.

Il-valuri ta' illuminazzjoni ddeterminati wara minuta waħda ta' tħaddim u wara l-okkorrenza tal-istabbiltà fotometrika għandhom ikunu konformi mar-rekwiżiti fotometrika applikabbli.

4.3.2. Kulur

Il-kulur tad-dawl li joħroġ imkejjel wara minuta waħda u dak mkejjel wara li tkun inkisbet l-istabbiltà fotometrika, kif deskritt fil-paragrafu 4.3.1.2 ta' dan l-anness, għandhom it-tnejn ikunu fil-limiti tal-kulur meħtieġa.

5. Il-kejl tal-fluss illuminanti oġġettiv tal-modulu (moduli) LED li jipproduċi r-raġġ għaddieni prinċipali għandu jsir kif ġej:

5.1.

Il-modulu (moduli) LED għandu jkun fil-konfigurazzjoni kif deskritt fl-ispeċifikazzjoni teknika kif definit fil-paragrafu 2.2.2 ta' dan ir-Regolament. L-elementi ottiċi (l-elementi ottiċi sekondarji) għandhom jitneħħew mis-Servizz Tekniku fuq talba tal-applikant permezz tal-għodda. Din il-proċedura u l-kundizzjonijiet matul il-kejl kif deskritt hawn taħt għandhom ikunu deskritti fir-rapport tat-test.

5.2.	Tliet moduli LED ta' kull tip għandhom jiġu sottomessi mill-applikant bil-ger tal-kontroll tas-sors tad-dawl, jekk applikabbli, u biżżejjed struzzjonijiet.

Tista' tiġi pprovduta ġestjoni termali xierqa (eż. heat sink), biex tissimula l-kundizzjonijiet termali simili bħal fl-applikazzjoni AFS korrispondenti.

Qabel it-test, kull modulu LED għandu jixxejjaħ b'mill-inqas tnejn u sebgħin siegħa fl-istess kundizzjonijiet bħal fl-applikazzjoni AFS korrispondenti.

Fil-każ li tintuża sfera integranti, l-isfera għandu jkollha dijametru minimu ta' metru wieħed, u mill-inqas għaxar darbiet id-dimensjoni massima tal-modulu LED, liema jkun l-ikbar. Il-kejl tal-fluss jista' jsir bl-integrazzjoni bl-użu ta' gonjofotometru. Il-preskrizzjonijiet fil-Pubblikazzjoni tas-CIE Nru 84 – 1989, dwar it-temperatura tal-kamra, id-dispożizzjoni, eċċ., għandhom jitqiesu.

Il-modulu LED għandu jinħaraq f'madwar siegħa fl-isfera magħluqa jew il-gonjofotometru.

Il-fluss għandu jitkejjel wara li tkun inkisbet l-istabbiltà, kif spjegat fil-paragrafu 4.3.1.2 ta' dan l-Anness.

Il-medja tal-kejl tat-tliet kampjuni ta' kull tip ta' modulu LED għandha tiqies li tkun il-fluss illuminanti oġġettiv tiegħu.

Top

Choose the experimental features you want to try