Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32026R0807

Regolament Delegat tal-Kummissjoni (UE) 2026/807 tal-10 ta’ Marzu 2026 li jemenda l-istandards tekniċi regolatorji stabbiliti fir-Regolament Delegat (UE) 2023/206 fir-rigward tal-aġġornament tar-referenzi u l-allinjament tat-terminoloġija wara l-emendi għar-Regolament (UE) Nru 575/2013

C/2026/1490

ĠU L, 2026/807, 7.7.2026, ELI: http://data.europa.eu/eli/reg_del/2026/807/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/reg_del/2026/807/oj

European flag

Il-Ġurnal Uffiċjali
tal-Unjoni Ewropea

MT

Is-serje L

2026/807

7.7.2026

REGOLAMENT DELEGAT TAL-KUMMISSJONI (UE) 2026/807

tal-10 ta’ Marzu 2026

li jemenda l-istandards tekniċi regolatorji stabbiliti fir-Regolament Delegat (UE) 2023/206 fir-rigward tal-aġġornament tar-referenzi u l-allinjament tat-terminoloġija wara l-emendi għar-Regolament (UE) Nru 575/2013

(Test b’rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) Nru 575/2013 tal-Parlament Ewropew u tal-Kunsill tas-26 ta’ Ġunju 2013 dwar ir-rekwiżiti prudenzjali għall-istituzzjonijiet ta’ kreditu (1) u d-ditti tal-investiment u li jemenda r-Regolament (UE) Nru 648/2012, u b’mod partikolari l-Artikolu 124(11), it-tielet subparagrafu, u l-Artikolu 164(8), it-tielet subparagrafu tiegħu,

Billi:

(1)

Ir-Regolament (UE) 2024/1623 tal-Parlament Ewropew u tal-Kunsill (2) emenda l-Artikolu 124 tar-Regolament (UE) Nru 575/2013, li jindirizza t-trattament skont l-Approċċ Standardizzat għar-riskju ta’ kreditu ta’ skoperturi ggarantiti bi proprjetà immobbli, biex issir distinzjoni aħjar bejn l-iskoperturi tal-proprjetà immobbli u biex jiġi rifless b’mod aktar preċiż ir-riskju assoċjat ma’ dawk l-iskoperturi. Dik l-emenda għall-Artikolu 124 tar-Regolament (UE) Nru 575/2013 wasslet għal numerazzjoni mill-ġdid tal-paragrafi tiegħu. Filwaqt li d-dispożizzjonijiet tar-Regolament Delegat tal-Kummissjoni (UE) 2023/206 (3) għadhom xierqa skont l-Artikolu 124 tar-Regolament (UE) Nru 575/2013 kif emendat bir-Regolament (UE) 2024/1623, in-numerazzjoni mill-ġdid jenħtieġ li tiġi riflessa fir-Regolament Delegat tal-Kummissjoni (UE) 2023/206 sabiex jiġu żgurati ċ-ċarezza legali u ċ-ċertezza legali.

(2)

Barra minn hekk, ir-Regolament (UE) 2024/1623 emenda wkoll l-Artikolu 164(4) tar-Regolament (UE) Nru 575/2013, li jindirizza t-trattament tal-iskoperturi fil-livell tal-konsumatur skont l-Approċċ Ibbażat fuq il-Klassifikazzjonijiet Interni għar-riskju ta’ kreditu, billi daħħal f’dak il-paragrafu Tabella bil-valuri minimi tal-input ta’ telf fil-każ ta’ inadempjenza (LGD), li għandhom jintużaw mill-istituzzjonijiet għall-iskoperturi fil-livell tal-konsumatur tagħhom li jkunu ggarantiti bi proprjetà residenzjali, jew għal skoperturi oħra fil-livell tal-konsumatur iggarantiti bi proprjetà residenzjali jew proprjetà immobbli kummerċjali. Konsegwenza ta’ dan, ir-referenzi fl-Artikolu 164 tar-Regolament (UE) Nru 575/2013 tal-valuri LGD ġew sostitwiti b’referenzi għall-valuri minimi tal-input tal-LGD. Minn dan isegwi li dawk l-emendi jenħtieġ li jiġu riflessi bl-istess mod fir-Regolament Delegat (UE) 2023/206 mingħajr ebda bidla sostantiva oħra.

(3)

Dan ir-Regolament huwa bbażat fuq l-abbozz ta’ standards tekniċi regolatorji ppreżentat lill-Kummissjoni mill-Awtorità Bankarja Ewropea.

(4)

L-Awtorità Bankarja Ewropea għamlet konsultazzjonijiet pubbliċi miftuħin dwar l-istandards tekniċi regolatorji abbozzati li fuqhom huwa bbażat dan ir-Regolament, analizzat il-kostijiet u l-benefiċċji potenzjali relatati u talbet il-parir tal-Grupp tal-Partijiet Interessati stabbilit skont l-Artikolu 37 tar-Regolament (UE) Nru 1093/2010 tal-Parlament Ewropew u tal-Kunsill (4),

ADOTTAT DAN IR-REGOLAMENT:

Artikolu 1

Emendi għar-Regolament Delegat (UE) 2023/206

Ir-Regolament Delegat (UE) 2023/206 huwa emendat kif ġej:

(1)

it-titolu huwa sostitwit b’dan li ġej:

“Regolament Delegat tal-Kummissjoni (UE) 2023/206 tal-5 ta’ Ottubru 2022 li jissupplimenta r-Regolament (UE) Nru 575/2013 tal-Parlament Ewropew u tal-Kunsill fir-rigward tal-istandards tekniċi regolatorji li jispeċifikaw it-tipi ta’ fatturi li għandhom jiġu kkunsidrati għall-valutazzjoni tal-adegwatezza tal-piżijiet tar-riskju għal skoperturi ggarantiti bi proprjetà immobbli u l-kundizzjonijiet li għandhom jitqiesu għall-valutazzjoni tal-adegwatezza tal-valuri minimi tal-input ta’ telf fil-każ ta’ inadempjenza għal skoperturi fil-livell tal-konsumatur iggarantiti bi proprjetà immobbli”;

(2)

L-Artikolu 1 huwa emendat kif ġej:

(a)

fil-paragrafu 1, l-ewwel subparagrafu huwa emendat b’dan li ġej:

(i)

il-kliem introduttorju huwa sostitwit b’dan li ġej:

“Meta jivvalutaw l-adegwatezza tal-piżijiet tar-riskju msemmija fl-Artikolu 124(9), l-ewwel subparagrafu, tar-Regolament (UE) Nru 575/2013, l-awtoritajiet maħtura f’konformità mal-Artikolu 124(8) ta’ dak ir-Regolament għandhom jiddeterminaw dan kollu li ġej:”;

(ii)

il-punt (a) huwa sostitwit b’dan li ġej:

“(a)

l-esperjenza tat-telf bħala l-proporzjon ta’ dawn li ġejjin:

(i)

fil-każ ta’ skoperturi ggarantiti bi proprjetà immobbli jew b’ipoteki fuq proprjetà residenzjali kif imsemmi fl-Artikolu 124(9), l-ewwel subparagrafu, tar-Regolament (UE) Nru 575/2013, it-telf irrapportat f’konformità mal-Artikolu 430a(1), il-punt (a), ta’ dak ir-Regolament u l-valur tal-iskopertura rrapportat f’konformità mal-Artikolu 430a(1), il-punt (c), ta’ dak ir-Regolament;

(ii)

fil-każ ta’ skoperturi ggarantiti bi proprjetà immobbli kummerċjali jew b’ipoteki fuq proprjetà immobbli kummerċjali kif imsemmi fl-Artikolu 124(9), l-ewwel subparagrafu, tar-Regolament (UE) Nru 575/2013, it-telf irrapportat f’konformità mal-Artikolu 430a(1), il-punt (d), ta’ dak ir-Regolament u l-valur tal-iskopertura rrapportat f’konformità mal-Artikolu 430a(1), il-punt (f), ta’ dak ir-Regolament”;

(b)

il-paragrafu 2 huwa sostitwit b’dan li ġej:

“2.   L-awtoritajiet maħtura f’konformità mal-Artikolu 124(8) tar-Regolament (UE) Nru 575/2013 għandhom jiddeterminaw l-aspettattiva ta’ telf imsemmija fil-paragrafu 1, il-punt (b), b’wieħed mill-modi li ġejjin:

(a)

billi tiġi aġġustata l-esperjenza tat-telf imsemmija fil-paragrafu 1, il-punt (a), ’il fuq jew ’l isfel;

(b)

billi l-esperjenza tat-telf tibqa’ l-istess.

Meta jiddeterminaw l-aspettattiva ta’ telf imsemmija fil-paragrafu 1, il-punt (b), l-awtoritajiet għandhom jirriflettu l-iżviluppi tas-suq li jħarsu ’l quddiem fir-rigward tal-proprjetà immobbli imsemmija fl-Artikolu 124(9), l-ewwel subparagrafu, il-punt (b), tar-Regolament (UE) Nru 575/2013 matul perjodu prospettiv ta’ mill-inqas sena u, jekk dan ikun iddeterminat minn dik l-awtorità, sa 3 snin.”

;

(c)

il-paragrafu 4 huwa sostitwit b’dan li ġej:

“4.   Meta jkun hemm ħafna inċertezza dwar il-fatturi msemmija fil-paragrafu 3, il-punt (e), l-awtoritajiet maħtura f’konformità mal-Artikolu 124(8) tar-Regolament (UE) Nru 575/2013 għandhom jikkunsidraw marġni ta’ prudenza meta jiddeterminaw l-aspettattiva ta’ telf f’konformità mal-paragrafu 2 ta’ dan l-Artikolu.”

;

(d)

fil-paragrafu 5, il-kliem introduttorju huwa sostitwit b’dan li ġej:

“5.   Għall-finijiet tal-paragrafu 1, l-awtoritajiet maħtura f’konformità mal-Artikolu 124(8) tar-Regolament (UE) Nru 575/2013 għandhom iqisu miżuri makroprudenzjali oħra fis-seħħ li diġà jindirizzaw ir-riskji sistemiċi identifikati li jaffettwaw l-adegwatezza tal-piżijiet tar-riskju msemmija fl-Artikolu 124(9), l-ewwel subparagrafu, ta’ dak ir-Regolament, inklużi l-miżuri li ġejjin fid-dritt nazzjonali mfassla biex isaħħu r-reżiljenza tas-sistema finanzjarja:”;

(3)

L-Artikolu 2 huwa emendat kif ġej:

(a)

it-titolu huwa sostitwit b’dan li ġej:

“Kundizzjonijiet li għandhom jitqiesu għall-valutazzjoni tal-adegwatezza tal-valuri minimi tal-input tal-LGD għall-iskoperturi fil-livell tal-konsumatur iggarantiti bi proprjetà immobbli”;

(b)

fil-paragrafu 1, il-kliem introduttorju huwa sostitwit b’dan li ġej:

“1.   Meta jivvalutaw l-adegwatezza tal-valuri minimi tal-input tal-LGD f’konformità mal-Artikolu 164(6) tar-Regolament (UE) Nru 575/2013, l-awtoritajiet maħtura f’konformità mal-paragrafu 5 ta’ dak l-Artikolu għandhom, meta jwettqu l-valutazzjoni tar-riskju sistemiku abbażi tal-iżbilanċi makroekonomiċi li jaffettwaw l-istimi tal-LGD lil hinn miċ-ċiklu ekonomiku, iqisu l-kundizzjonijiet kollha li ġejjin:”;

(c)

fil-paragrafu 2, il-punt (b) il-kliem introduttorju huwa sostitwit b’dan li ġej:

“(b)

miżuri makroprudenzjali oħra fis-seħħ li diġà jindirizzaw ir-riskji sistemiċi identifikati li jaffettwaw l-adegwatezza tal-valuri minimi tal-input tal-LGD, inklużi l-miżuri li ġejjin fid-dritt nazzjonali mfassla biex isaħħu r-reżiljenza tas-sistema finanzjarja:”;

(4)

L-Artikolu 3 huwa sostitwit b’dan li ġej:

“Artikolu 3

Valutazzjonijiet għal segmenti tal-proprjetà jew partijiet speċifiċi tat-territorju ta’ Stat Membru

Awtorità maħtura skont l-Artikolu 124(8) jew l-Artikolu 164(5) tar-Regolament (UE) Nru 575/2013 tista’ tikkunsidra l-fatturi stabbiliti fl-Artikolu 1 ta’ dan ir-Regolament, jew tqis il-kundizzjonijiet stabbiliti fl-Artikolu 2 ta’ dan ir-Regolament, għal segment tal-proprjetà wieħed jew aktar jew għal parti waħda jew aktar tat-territorju ta’ Stat Membru.”

;

(5)

L-Artikolu 4 huwa sostitwit b’dan li ġej:

“Artikolu 4

Użu ta’ sorsi oħra ta’ data

“L-awtoritajiet maħtura skont l-Artikolu 124(8) jew l-Artikolu 164(5), tar-Regolament (UE) Nru 575/2013 li jiddeterminaw l-esperjenza ta’ telf skont l-Artikolu 1(1), il-punt (a), ta’ dan ir-Regolament, jew li jivvalutaw l-adegwatezza tal-valuri minimi tal-input tal-LGD f’konformità mal-Artikolu 2 ta’ dan ir-Regolament għal segment tal-proprjetà jew parti mit-territorju ta’ Stat Membru, jistgħu jużaw sorsi oħra ta’ data, inkluż rapportar ad hoc nazzjonali u reġistri tal-kreditu relatati ma’ dak is-segment jew dik il-parti tat-territorju, jekk id-data miġbura skont l-Artikolu 430(1), il-punt (a), u l-Artikolu 430a, tar-Regolament (UE) Nru 575/2013 ma tkunx granulari biżżejjed.”

.

Artikolu 2

Dħul fis-seħħ

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, l-10 ta’ Marzu 2026.

Għall-Kummissjoni

Il-President

Ursula VON DER LEYEN

(1)   ĠU L 176, 27.6.2013, p. 1, ELI: http://data.europa.eu/eli/reg/2013/575/oj.

(2)  Ir-Regolament (UE) 2024/1623 tal-Parlament Ewropew u tal-Kunsill tal-31 ta’ Mejju 2024 li jemenda r-Regolament (UE) Nru 575/2013 fir-rigward tar-rekwiżiti għar-riskju ta’ kreditu, għar-riskju ta’ aġġustament tal-valwazzjoni tal-kreditu, għar-riskju operazzjonali, għar-riskju tas-suq u għall-minimu tal-output (ĠU L, 2024/1623, 19.6.2024, ELI: http://data.europa.eu/eli/reg/2024/1623/oj).

(3)  Ir-Regolament Delegat tal-Kummissjoni (UE) 2023/206 tal-5 ta’ Ottubru 2022 li jissupplimenta r-Regolament (UE) Nru 575/2013 tal-Parlament Ewropew u tal-Kunsill fir-rigward tal-istandards tekniċi regolatorji li jispeċifikaw it-tipi ta’ fatturi li għandhom jiġu kkunsidrati għall-valutazzjoni tal-adegwatezza tal-piżijiet tar-riskju għal skoperturi ggarantiti bi proprjetà immobbli u l-kundizzjonijiet li għandhom jitqiesu għall-valutazzjoni tal-adegwatezza tal-valuri minimi ta’ telf fil-każ ta’ inadempjenza għal skoperturi ggarantiti minn proprjetà immobbli (ĠU L 29, 1.2.2023, p. 1, ELI: http://data.europa.eu/eli/reg_del/2023/206/oj).

(4)  Ir-Regolament (UE) Nru 1093/2010 tal-Parlament Ewropew u tal-Kunsill tal-24 ta’ Novembru 2010 li jistabbilixxi Awtorità Superviżorja Ewropea (Awtorità Bankarja Ewropea) u li jemenda d-Deċiżjoni Nru 716/2009/KE u jħassar id-Deċiżjoni tal-Kummissjoni 2009/78/KE (ĠU L 331, 15.12.2010, p. 12, ELI: http://data.europa.eu/eli/reg/2010/1093/oj).

ELI: http://data.europa.eu/eli/reg_del/2026/807/oj

ISSN 1977-074X (electronic edition)

Top