1.   B’effett mill-1 ta’ Jannar 2026, Българска народна банка (Bank Nazzjonali Bulgaru (BNB)) għandu jħallas il-parti rimanenti ta’ sehmu fil-kapital sottoskritt tal-BĊE, li tikkorrispond għal EUR 101 929 755,00.

2.   Il-BNB għandu jħallas l-ammont speċifikat fil-paragrafu 1 lill-BĊE fit-2 ta’ Jannar 2026 permezz ta’ trasferiment separat bis-sistema Trans-European Automated Real-time Gross settlement Express Transfer (TARGET) tal-ġenerazzjoni l-ġdida b’saldu f’euro fi flus ta’ bank ċentrali.

3.   Il-BNB għandu jħallas lill-BĊE fit-2 ta’ Jannar 2026, permezz ta’ trasferiment separat b’TARGET, l-imgħax akkumulat fl-1 ta’ Jannar 2026 fuq l-ammont dovut lill-BĊE taħt il-paragrafu 2. L-imgħax għandu jiġi kkalkulat fuq bażi ta’ kuljum, permezz tal-metodu ta’ kalkolu attwali fuq 360 jum b’rata ekwivalenti għar-rata ta’ referenza kif definita fl-Artikolu 1, il-punt (j), tad-Deċiżjoni (UE) 2016/2248 tal-Bank Ċentrali Ewropew (BĊE/2016/36) (9), kif emendata bid-Deċiżjoni (UE) 2024/2939 tal-Bank Ċentrali Ewropew (BĊE/2024/33) (10).

1.   Il-BNB għandu jittrasferixxi lill-BĊE, b’effett mill-1 ta’ Jannar 2026 u skont dan l-Artikolu u l-arranġamenti meħuda bis-saħħa tiegħu, ammont ta’ assi ta’ riżervi barranin li huwa ekwivalenti għal EUR 1 482 514 654,83 kif ġej:

2.   L-ammont ta’ assi ta’ riżervi barranin ekwivalenti għall-euro li għandu jiġi ttrasferit mill-BNB taħt il-paragrafu 1 għandu jiġi kkalkulat fuq il-bażi tar-rati tal-kambju bejn l-euro u d-dollaru Amerikan kif ikkalkulati għall-iskop tar-rati ta’ referenza tal-kambju barranin għall-euro tal-BĊE fil-31 ta’ Diċembru 2025 u, fil-każ tad-deheb, abbażi tal-prezz ta’ kull uqija sħiħa ta’ deheb fin stabbilit fil-proċedura ta’ konċertazzjoni għall-iskopijiet interni tal-BĊE fil-31 ta’ Diċembru 2025.

3.   Il-BĊE għandu jikkonferma lil BNB mill-aktar fis possibbli l-ammont ikkalkulat skont il-paragrafu 2.

4.   Skont il-paragrafu 1, il-BNB għandu jittrasferixxi lill-BĊE ammont ta’ dollari Amerikani fil-forma ta’ flus kontanti li jkun ekwivalenti għall-ammont ta’ euro mniżżel fit-tabella fil-paragrafu 1.

5.   It-trasferiment tal-ammont ta’ dollari Amerikani fil-forma ta’ flus kontanti li jkun ekwivalenti għall-ammont ta’ euro mniżżel fit-tabella fil-paragrafu 1 għandu jsir lejn dawk il-kontijiet speċifikati mill-BĊE. Id-data ta’ saldu għall-ammont ta’ dollari Amerikani fil-forma ta’ flus kontanti li jridu jiġu ttrasferiti lill-BĊE għandha tkun it-2 ta’ Jannar 2026. Il-BNB għandu jagħti struzzjonijiet għall-eżekuzzjoni ta’ tali trasferiment lill-BĊE.

6.   Il-valur tad-deheb li l-BNB jittrasferixxi lill-BĊE skont il-paragrafu 1 għandu jkun kemm jista’ jkun qrib ta’, iżda mhux aktar minn, EUR 222 377 198,22.

7.   Il-BNB għandu jittrasferixxi d-deheb imsemmi fil-paragrafu 1 f’forma mhux investita lil dawk il-kontijiet u dawk il-postijiet speċifikati mill-BĊE. Id-data ta’ saldu għad-deheb li għandu jiġi ttrasferit lill-BĊE għandha tkun it-2 ta’ Jannar 2026. Il-BNB għandu jagħti struzzjonijiet għall-eżekuzzjoni ta’ tali trasferiment lill-BĊE.

8.   Jekk il-BNB jittrasferixxi deheb lill-BĊE b’valur inqas mill-ammont speċifikat fil-paragrafu 1, fit-2 ta’ Jannar 2026 huwa għandu mbagħad jittrasferixxi ammont ta’ dollari Amerikani fil-forma ta’ flus kontanti ekwivalenti għall-ammont nieqes lil kont tal-BĊE kif speċifikat mill-BĊE. Kwalunkwe dollari Amerikani ta’ dan it-tip m’għandhomx jiffurmaw parti mill-assi ta’ riżervi barranin li l-BNB jittrasferixxi lill-BĊE skont il-paragrafu 4.

9.   Id-differenza, jekk ikun hemm, bejn l-ammonti aggregati ekwivalenti f’euro msemmija fil-paragrafi 1 u l-ammont imsemmi fl-Artikolu 4(1) għandha tiġi ssaldata skont il-Ftehim tal-31 ta’ Diċembru 2025 bejn Българска народна банка (Bank Nazzjonali Bulgaru) u l-Bank Ċentrali Ewropew dwar il-pretensjoni akkreditata lil Българска народна банка (Bank Nazzjonali Bulgaru) mill-Bank Ċentrali Ewropew taħt l-Artikolu 30.3 tal-Istatut tas-Sistema Ewropea ta’ Banek Ċentrali u tal-Bank Ċentrali Ewropew (11).

1.   B’effett mill-1 ta’ Jannar 2026, u soġġett għall-ispeċifikazzjonijiet fl-Artikolu 3 dwar id-dati għas-saldu tat-trasferimenti tal-assi ta’ riżervi barranin, il-BĊE għandu jikkredita lil BNB bi pretensjoni denominata f’euro, ekwivalenti għall-ammont aggregat f’euro tal-kontribuzzjoni tiegħu ta’ assi ta’ riżervi barranin. Din il-prertensjoni tikkorrispondi għal EUR 485 296 405,74.

2.   Il-pretensjoni kkreditata mill-BĊE lil BNB għandha tiġi rremunerata mid-data tas-saldu. L-imgħax li jakkumula għandu jiġi kkalkulat fuq bażi ta’ kuljum, permezz tal-metodu ta’ kalkolu attwali fuq 360 jum, b’rata ekwivalenti għal 85 % tar-rata ta’ referenza kif definita fl-Artikolu 1, il-punt (j), tad-Deċiżjoni (UE) 2016/2248 (BĊE/2016/36), kif emendata bid-Deċiżjoni (UE) 2024/2939 (BĊE/2024/33).

3.   L-imgħax akkumulat ikkalkulat skont il-paragrafu 2 għandu jitħallas lil BNB fit-tmiem ta’ kull sena finanzjarja. Kull trimestru, Il-BĊE għandu jinforma lil BNB bl-ammont kumulattiv.

4.   Il-pretensjoni ma għandhiex tkun tista’ tinfeda.

1.   B’effett mill-1 ta’ Jannar 2026, il-BNB għandu jikkontribwixxi għar-riżervi tal-BĊE, għal dawk il-provvedimenti ekwivalenti għal riżervi, bit-tnaqqis tat-telf akkumulat pendenti tal-BĊE mis-snin ta’ qabel u l-ammont korrispondenti għall-bilanċ tal-kont tal-qligħ u t-telf li għadu jrid jiġi allokat lit-telf akkumulat tal-BĊE minn snin preċedenti, kif ikkalkulat mill-BĊE fil-31 ta’ Diċembru 2025.

2.   L-ammonti li għandhom jiġu kkontribwiti mill-BNB għandhom jiġu ddeterminati skont l-Artikolu 48.2 tal-Istatut tas-SEBĊ. Ir-referenzi fl-Artikolu 48.2 għan-“numru ta’ ishma sottoskritti mill-bank ċentrali kkonċernat” u “in-numru ta’ ishma li diġà tħallsu mill-banek ċentrali l-oħra” għandhom jirreferu għall-ippeżar rispettiv tal-BNB u l-BĊNi tal-Istati Membri l-oħra li l-munita tagħhom hija l-euro fl-iskema kapitali tal-BĊE, skont id-Deċiżjoni (UE) 2023/2818 (BĊE/2023/34).

3.   Għall-finijiet tal-paragrafu 1, “ir-riżervi tal-BĊE” u “provvisti ekwivalenti għal riżervi” għandhom jinkludu l-fond ta’ riżerva ġenerali tal-BĊE, bilanċi fuq kontijiet ta’ rivalutazzjoni u d-dispożizzjoni għar-riskji finanzjarji.

4.   Mhux aktar tard mill-ewwel jum tax-xogħol wara l-approvazzjoni mill-Kunsill Governattiv tar-rendikont annwali tal-BĊE għas-sena 2025, il-BĊE għandu jikkalkula u jikkonferma lil BNB l-ammont li għandu jiġi kkontribwit mill-BNB taħt il-paragrafu 1.

5.   Fit-tieni jum tax-xogħol wara l-approvazzjoni mill-Kunsill Ġenerali tal-kontijiet annwali tal-BĊE għas-sena 2025, il-BNB għandu, permezz ta’ TARGET, iħallas lill-BĊE:

6.   Kull imgħax li jakkumula taħt il-paragrafu 5, il-punt (b), għandu jiġi kkalkulat fuq bażi ta’ kuljum, bil-metodu ta’ kalkolu attwali fuq għadd ta’ 360 jum, b’rata ugwali għar-rata ta’ referenza kif definita fl-Artikolu 1, il-punt (j), tad-Deċiżjoni (UE) 2016/2248 (BĊE/2016/36), kif emendata bid-Deċiżjoni (UE) 2024/2939 (BĊE/2024/33).

7.   Jekk l-ammont ikkalkulat skont il-paragrafu 5, il-punt (a), huwa inqas minn żero, il-BĊE għandu, permezz tat-TARGET iħallas lill-BNB l-ammount li jirriżulta mill-paragrafu 5, il-punti (a) u (b), fit-tieni jum ta’ xogħol wara l-approvazzjoni mill-Kunsill Governattiv tal-kontijiet annwali tal-BĊE għas-sena 2025.

1.   Sa fejn ikun meħtieġ, il-Bord Eżekuttiv tal-BĊE għandu joħroġ struzzjonijiet lil BNB sabiex jispeċifika aktar u jdaħħal fis-seħħ kull dispożizzjoni ta’ din id-Deċiżjoni u jipprovdi għal rimedji xierqa sabiex tiġi indirizzata kwalunkwe problema li tista’ tinqala’.

2.   Kull struzzjoni maħruġa mill-Bord Eżekuttiv skont il-paragrafu 1 għandha tiġi nnotifikata minnufih lill-Kunsill Governattiv, u l-Bord Eżekuttiv għandu jikkonforma ma’ kull deċiżjoni tal-Kunsill Governattiv dwar dan.

1.   Din id-Deċiżjoni għandha tidħol fis-seħħ fil-jum meta tiġi nnotifikata lid-destinatarju.

2.   Għandha tapplika mill-1 ta’ Jannar 2026.