Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32025R1527

Regolament ta’ Implimentazzjoni tal-Kummissjoni (UE) 2025/1527 tad-29 ta’ Lulju 2025 dwar l-awtorizzazzjoni ta’ preparat ta’ Lactiplantibacillus plantarum NCIMB 41028 u ta’ preparat ta’ Lactiplantibacillus plantarum NCIMB 30148 bħala addittivi tal-għalf għall-ispeċijiet kollha tal-annimali

C/2025/5033

ĠU L, 2025/1527, 30.7.2025, ELI: http://data.europa.eu/eli/reg_impl/2025/1527/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/reg_impl/2025/1527/oj

European flag

Il-Ġurnal Uffiċjali
ta'l-Unjoni Ewropea

MT

Is-serje L

2025/1527

30.7.2025

REGOLAMENT TA’ IMPLIMENTAZZJONI TAL-KUMMISSJONI (UE) 2025/1527

tad-29 ta’ Lulju 2025

dwar l-awtorizzazzjoni ta’ preparat ta’ Lactiplantibacillus plantarum NCIMB 41028 u ta’ preparat ta’ Lactiplantibacillus plantarum NCIMB 30148 bħala addittivi tal-għalf għall-ispeċijiet kollha tal-annimali

(Test b’rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 1831/2003 tal-Parlament Ewropew u l-Kunsill tat-22 ta’ Settembru 2003 fuq l-addittivi għall-użu fl-għalf tal-annimali (1), u b’mod partikolari l-Artikolu 9(2) tiegħu,

Billi:

(1)

Ir-Regolament (KE) Nru 1831/2003 jipprevedi l-awtorizzazzjoni ta’ addittivi għall-użu fin-nutrizzjoni tal-annimali u għar-raġunijiet u l-proċeduri għall-għoti ta’ tali awtorizzazzjoni.

(2)

Tressqu żewġ applikazzjonijiet għall-awtorizzazzjoni ta’ preparat ta’ Lactiplantibacillus plantarum NCIMB 41028 u preparat ta’ Lactiplantibacillus plantarum NCIMB 30148, f’konformità mal-Artikolu 7 tar-Regolament (KE) Nru 1831/2003. Flimkien ma’ dawk l-applikazzjonijiet, tressqu d-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003.

(3)

L-applikazzjonijiet jikkonċernaw l-awtorizzazzjoni tal-preparat ta’ Lactiplantibacillus plantarum NCIMB 41028 u l-preparat ta’ Lactiplantibacillus plantarum NCIMB 30148 bħala addittivi tal-għalf għall-ispeċijiet kollha tal-annimali, bit-talba li dawk l-addittivi jiġu kklassifikati fil-kategorija “addittivi teknoloġiċi” u fil-grupp funzjonali “addittivi tas-silaġġ”.

(4)

Fl-opinjonijiet tagħha tas-26 ta’ Novembru 2024 (2), l-Awtorità Ewropea dwar is-Sigurtà fl-Ikel (“l-Awtorità”) ikkonkludiet li l-użu tal-preparati ta’ Lactiplantibacillus plantarum NCIMB 41028 u ta’ Lactiplantibacillus plantarum NCIMB 30148 huwa sikur għall-ispeċijiet kollha tal-annimali, għall-konsumaturi u għall-ambjent. Ikkonkludiet ukoll li l-addittivi mhumiex irritanti għall-ġilda, li jenħtieġ li jitqiesu bħala sensitizzaturi potenzjali tal-ġilda u respiratorji, li kwalunkwe esponiment mill-ġilda u mill-apparat respiratorju għal dawk l-addittivi għandu jitqies bħala riskju u li ma setgħetx tikkonkludi dwar il-potenzjal tagħhom li jirritaw l-għajnejn. L-Awtorità kkonkludiet ukoll li ż-żieda ta’ Lactiplantibacillus plantarum NCIMB 41028 u ta’ Lactiplantibacillus plantarum NCIMB 30148 f’livell minimu ta’ 1×109 CFU/kg ta’ materjal frisk tal-pjanti għandha l-potenzjal li ttejjeb il-produzzjoni tas-silaġġ mill-materjal frisk.

(5)

Fid-dawl ta’ dan ta’ hawn fuq, il-Kummissjoni jidhrilha li l-preparati ta’ Lactiplantibacillus plantarum NCIMB 41028 u ta’ Lactiplantibacillus plantarum NCIMB 30148 jissodisfaw il-kundizzjonijiet previsti fl-Artikolu 5 tar-Regolament (KE) Nru 1831/2003. Għaldaqstant, jenħtieġ li l-użu ta’ dawk il-preparati jiġi awtorizzat. Barra minn hekk, il-Kummissjoni tqis li jenħtieġ li jittieħdu miżuri protettivi xierqa biex jiġu evitati l-effetti avversi fuq is-saħħa tal-utenti tal-addittivi.

(6)

Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

ADOTTAT DAN IR-REGOLAMENT:

Artikolu 1

Awtorizzazzjoni

Il-preparati speċifikati fl-Anness, li jappartjenu għall-kategorija tal-addittivi “addittivi teknoloġiċi” u għall-grupp funzjonali “addittivi tas-silaġġ”, huma awtorizzati biex jintużaw bħala addittivi fin-nutrizzjoni tal-annimali, soġġetti għall-kundizzjonijiet stabbiliti f’dak l-Anness.

Artikolu 2

Dħul fis-seħħ

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, id-29 ta’ Lulju 2025.

Għall-Kummissjoni

Il-President

Ursula VON DER LEYEN

(1)   ĠU L 268, 18.10.2003, p. 29, ELI: http://data.europa.eu/eli/reg/2003/1831/oj.

(2)   EFSA Journal, 22(12), e9142. https://doi.org/10.2903/j.efsa.2024.9142.

EFSA Journal, 22(12), e9143. https://doi.org/10.2903/j.efsa.2024.9143.

ANNESS

Numru tal-identifikazzjoni tal-addittiv tal-għalf

Addittiv

Kompożizzjoni, formula kimika, deskrizzjoni, metodu analitiku

Speċi jew kategorija tal-annimal

Età massima

Kontenut minimu

Kontenut massimu

Dispożizzjonijiet oħra

Tmiem tal-perjodu tal-awtorizzazzjoni

CFU/kg ta’ materjal frisk

Kategorija: addittivi teknoloġiċi. Grupp funzjonali: addittivi tas-silaġġ

1k20713

Lactiplantibacillus plantarum NCIMB 41028

Kompożizzjoni tal-addittiv

Preparat ta’ Lactiplantibacillus plantarum NCIMB 41028 li jkun fih minimu ta’ 7 × 1010 CFU/g ta’ addittiv.

Għamla solida

---------------------------------

Karatterizzazzjoni tas-sustanza attiva

Ċelloli vijabbli ta’ Lactiplantibacillus plantarum NCIMB 41028

----------------------------------

Metodu analitiku  (1)

Identifikazzjoni ta’ Lactiplantibacillus plantarum NCIMB 41028:

—

Metodi tas-sekwenzjar tad-DNA jew Elettroforeżi fuq Ġell f’Kamp Pulsat (PFGE, Pulsed Field Gel Electrophoresis) (CEN/TS 17697)

Enumerazzjoni ta’ Lactiplantibacillus plantarum NCIMB 41028:

—

Metodu tat-tifrix (jew tat-tferrigħ) fuq Agar MRS (EN 15787)

L-ispeċijiet kollha tal-annimali

—

—

—

1.

Fl-istruzzjonijiet għall-użu tal-addittiv u tal-premixxeli għandhom jiġu indikati l-kundizzjonijiet tal-ħżin.

2.

Id-doża minima tal-addittiv meta jintuża mingħajr kombinament ma’ mikroorganiżmi oħra bħala addittivi tas-silaġġ: 1 × 109 CFU/kg ta’ materjal frisk tal-pjanti.

3.

Il-krijoprotetturi użati fil-preparat ta’ Lactiplantibacillus plantarum NCIMB 41028 jistgħu jinkludu fost l-oħrajn:

—

gliċina ≤ 14 %

—

eritorbat tas-sodju ≤ 14 %

4.

Għall-utenti tal-addittiv u tal-premixxeli, l-operaturi tan-negozji tal-għalf għandhom jistabbilixxu proċeduri operazzjonali u miżuri organizzattivi biex jindirizzaw ir-riskji potenzjali li jirriżultaw mill-użu tagħhom. Meta dawk ir-riskji ma jkunux jistgħu jiġu eliminati b’tali proċeduri u miżuri, l-addittiv u l-premixxeli għandhom jintużaw b’tagħmir tal-protezzjoni personali għall-ġilda, għall-għajnejn u għan-nifs.

Id-19 ta’ Awwissu 2035


Numru tal-identifikazzjoni tal-addittiv tal-għalf

Addittiv

Kompożizzjoni, formula kimika, deskrizzjoni, metodu analitiku

Speċi jew kategorija tal-annimal

Età massima

Kontenut minimu

Kontenut massimu

Dispożizzjonijiet oħra

Tmiem tal-perjodu tal-awtorizzazzjoni

CFU/kg ta’ materjal frisk

Kategorija: addittivi teknoloġiċi. Grupp funzjonali: addittivi tas-silaġġ

1k20714

Lactiplantibacillus plantarum NCIMB 30148

Kompożizzjoni tal-addittiv

Preparat ta’ Lactiplantibacillus plantarum NCIMB 30148 li jkun fih minimu ta’ 7 × 1010 CFU/g ta’ addittiv

Għamla solida

---------------------------------

Karatterizzazzjoni tas-sustanza attiva

Ċelloli vijabbli ta’ Lactiplantibacillus plantarum NCIMB 30148

----------------------------------

Metodu analitiku  (2)

Identifikazzjoni ta’ Lactiplantibacillus plantarum NCIMB 30148:

—

Metodi tas-sekwenzjar tad-DNA jew Elettroforeżi fuq Ġell f’Kamp Pulsat (PFGE, Pulsed Field Gel Electrophoresis) (CEN/TS 17697)

Enumerazzjoni ta’ Lactiplantibacillus plantarum NCIMB 30148:

—

Metodu tat-tifrix (jew tat-tferrigħ) fuq Agar MRS (EN 15787)

L-ispeċijiet kollha tal-annimali

—

—

—

1.

Fl-istruzzjonijiet għall-użu tal-addittiv u tal-premixxeli għandhom jiġu indikati l-kundizzjonijiet tal-ħżin.

2.

Id-doża minima tal-addittiv meta jintuża mingħajr kombinament ma’ mikroorganiżmi oħra bħala addittivi tas-silaġġ: 1 × 109 CFU/kg ta’ materjal frisk tal-pjanti.

3.

Il-krijoprotetturi użati fil-preparat ta’ Lactiplantibacillus plantarum NCIMB 30148 jistgħu jinkludu fost l-oħrajn:

—

gliċina ≤ 21 %

—

eritorbat tas-sodju ≤ 21 %

4.

Għall-utenti tal-addittiv u tal-premixxeli, l-operaturi tan-negozji tal-għalf għandhom jistabbilixxu proċeduri operazzjonali u miżuri organizzattivi biex jindirizzaw ir-riskji potenzjali li jirriżultaw mill-użu tagħhom. Meta dawk ir-riskji ma jkunux jistgħu jiġu eliminati b’tali proċeduri u miżuri, l-addittiv u l-premixxeli għandhom jintużaw b’tagħmir tal-protezzjoni personali għall-ġilda, għall-għajnejn u għan-nifs.

Id-19 ta’ Awwissu 2035

(1)  Id-dettalji tal-metodi analitiċi huma disponibbli fl-indirizz tal-Laboratorju ta’ Referenza li ġej: https://joint-research-centre.ec.europa.eu/eurl-fa-eurl-feed-additives/eurl-fa-authorisation/eurl-fa-evaluation-reports_en.

(2)  Id-dettalji tal-metodi analitiċi huma disponibbli fl-indirizz tal-Laboratorju ta’ Referenza li ġej: https://joint-research-centre.ec.europa.eu/eurl-fa-eurl-feed-additives/eurl-fa-authorisation/eurl-fa-evaluation-reports_en.

ELI: http://data.europa.eu/eli/reg_impl/2025/1527/oj

ISSN 1977-074X (electronic edition)

Top