32025R1122

This document is an excerpt from the EUR-Lex website

EUROPA
EUR-Lex home
Regolament delegat - UE - 2025/1122 - EN - EUR-Lex

Help

Search tips

Need more search options? Use the Advanced search

Document 32025R1122

Help

Regolament Delegat tal-Kummissjoni (UE) 2025/1122 tal-5 ta’ Ġunju 2025 li jemenda r-Regolament (UE) 2019/2144 tal-Parlament Ewropew u tal-Kunsill biex jitqiesu l-iżviluppi regolatorji li jikkonċernaw l-emendi tar-Regolamenti tan-NU Nri 25, 34 79, 100, 117, 127 u 152, u r-Regolamenti l-ġodda tan-NU Nri 167, 169 u 171 adottati mill-Forum Dinji għall-Armonizzazzjoni tar-Regolamenti tal-Vetturi tal-Kummissjoni Ekonomika għall-Ewropa tan-Nazzjonijiet Uniti

C/2025/3502

ĠU L, 2025/1122, 12.8.2025, ELI: http://data.europa.eu/eli/reg_del/2025/1122/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/reg_del/2025/1122/oj

HTML

PDF - authentic OJ

e-signature

How to verify the authenticity of the Official Journal

Il-Ġurnal Uffiċjali
ta'l-Unjoni Ewropea

Is-serje L

2025/1122

12.8.2025

REGOLAMENT DELEGAT TAL-KUMMISSJONI (UE) 2025/1122

tal-5 ta’ Ġunju 2025

li jemenda r-Regolament (UE) 2019/2144 tal-Parlament Ewropew u tal-Kunsill biex jitqiesu l-iżviluppi regolatorji li jikkonċernaw l-emendi tar-Regolamenti tan-NU Nri 25, 34 79, 100, 117, 127 u 152, u r-Regolamenti l-ġodda tan-NU Nri 167, 169 u 171 adottati mill-Forum Dinji għall-Armonizzazzjoni tar-Regolamenti tal-Vetturi tal-Kummissjoni Ekonomika għall-Ewropa tan-Nazzjonijiet Uniti

(Test b’rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) 2019/2144 tal-Parlament Ewropew u tal-Kunsill tas-27 ta’ Novembru 2019 dwar rekwiżiti tal-approvazzjoni tat-tip għall-vetturi bil-mutur u t-trejlers tagħhom, kif ukoll għas-sistemi, għall-komponenti u għall-unitajiet tekniċi separati maħsubin għat-tali vetturi, fir-rigward tas-sikurezza ġenerali tagħhom u tal-protezzjoni tal-okkupanti tal-vetturi u l-utenti vulnerabbli tat-triq, li jemenda r-Regolament (UE) 2018/858 tal-Parlament Ewropew u tal-Kunsill u li jħassar ir-Regolamenti (KE) Nru 78/2009, (KE) Nru 79/2009 u (KE) Nru 661/2009 tal-Parlament Ewropew u tal-Kunsill u tar-Regolamenti tal-Kummissjoni (KE) Nru 631/2009, (UE) Nru 406/2010, (UE) Nru 672/2010, (UE) Nru 1003/2010, (UE) Nru 1005/2010, (UE) Nru 1008/2010, (UE) Nru 1009/2010, (UE) Nru 19/2011, (UE) Nru 109/2011, (UE) Nru 458/2011, (UE) Nru 65/2012, (UE) Nru 130/2012, (UE) Nru 347/2012, (UE) Nru 351/2012, (UE) Nru 1230/2012 u (UE) 2015/166 (1), u b’mod partikolari l-Artikolu 4(3) u (6) tiegħu,

Billi:

(1)

L-Anness I tar-Regolament (UE) 2019/2144 jelenka, fost l-oħrajn, ir-Regolamenti tan-NU Nru 34 (2), Nru 79 (3), Nru 100 (4), Nru 117 (5), Nru 127 (6) u Nru 152 (7). Dawk ir-Regolamenti kollha ġew emendati mill-Forum Dinji għall-Armonizzazzjoni tar-Regolamenti tal-Vetturi tal-Kummissjoni Ekonomika għall-Ewropa tan-Nazzjonijiet Uniti (“WP.29 tan-NU/KEE”). Għalhekk jixraq li l-lista fl-Anness I tar-Regolament (UE) 2019/2144 tiġi aġġornata biex tirrifletti dawk l-emendi.

(2)

Is-serje ta’ emendi 02 tar-Regolament tan-NU Nru 152 fihom dispożizzjonijiet għas-sistema avvanzata ta’ bbrejkjar ta’ emerġenza biex tiġi evitata jew tittaffa s-severità ta’ impatt ma’ persuna bil-mixi u ma’ rota rispettivament. L-Anness I tar-Regolament (UE) 2019/2144 jirreferi għall-verżjoni oriġinali ta’ dak ir-Regolament tan-NU li fih rekwiżiti għal sistema avvanzata ta’ bbrejkjar ta’ emerġenza biex tiġi evitata jew tittaffa l-kolliżjoni ma’ karozza tal-passiġġieri biss. Għalhekk, sabiex minbarra l-kolliżjonijiet bejn karozza u oħra jiġu koperti l-kolliżjonijiet bejn karozza u persuna bil-mixi u bejn karozza u rota, jixraq li fl-Anness I tar-Regolament (UE) 2019/2144 issir referenza għas-serje ta’ emendi 02 tar-Regolament tan-NU Nru 152.

(3)

Is-serje ta’ emendi 04 tar-Regolament tan-NU Nru 127 fihom dispożizzjonijiet għaż-żona mkabbra tal-impatt fuq ir-ras biex tittejjeb il-prestazzjoni tas-sikurezza tal-persuni bil-mixi tal-vetturi bil-mutur f’każ ta’ kolliżjoni. Peress li l-Anness I tar-Regolament (UE) 2019/2144 jirreferi għas-serje ta’ emendi 02 ta’ dak ir-Regolament tan-NU, jeħtieġ li l-Anness I tar-Regolament (UE) 2019/2144 jiġi aġġornat biex jirreferi għas-serje ta’ emendi 04 tar-Regolament tan-NU Nru 127.

(4)

Id-WP.29 tan-NU/KEE adotta wkoll: (1) ir-Regolament tan-NU Nru 167 (8), (2) ir-Regolament tan-NU Nru 169 (9) u (3) ir-Regolament tan-NU Nru 171 — Dispożizzjonijiet uniformi li jikkonċernaw l-approvazzjoni tal-vetturi fir-rigward tas-Sistemi ta’ Assistenza fil-Kontroll għas-Sewwieq (10). Għalhekk jixraq li fl-Anness I tar-Regolament (UE) 2019/2144 jiddaħħlu referenzi għal dawk ir-Regolamenti.

(5)

Is-serje ta’ emendi 04 tar-Regolament tan-NU Nru 117 fihom dispożizzjonijiet għall-approvazzjoni tat-tajers fir-rigward tal-aderenza tagħhom fuq superfiċi mxarrbin meta jkunu ttieklu. Jixraq li jingħata żmien addizzjonali biex il-vetturi li jkunu għadhom jintużaw jibqgħu jitħallew jiġu mgħammra b’tajers ġodda approvati bħala konformi mas-serje ta’ emendi 02 u 03 rispettivament tar-Regolament tan-NU Nru 117 sas-6 ta’ Jannar 2029.

(6)

Fil-192 sessjoni tad-WP.29 tan-NU/KEE f’Marzu 2024, l-Unjoni u l-Istati Membri tagħha vvutaw favur ir-Regolament il-ġdid tan-NU dwar dispożizzjonijiet uniformi li jikkonċernaw l-approvazzjoni tal-vetturi fir-rigward tas-sistemi ta’ assistenza fil-kontroll għas-sewwieq. Sabiex il-vetturi bil-mutur mgħammra b’dawk is-sistemi jikkonformaw mad-dispożizzjonijiet stabbiliti f’dak ir-Regolament tan-NU, jeħtieġ li tiġi inkluża r-referenza għar-Regolament tan-NU Nru 171 fl-Anness II tar-Regolament (UE) 2019/2144 li jenħtieġ li tapplika fuq bażi “jekk mgħammra”.

(7)	Għalhekk, jenħtieġ li r-Regolament (UE) 2019/2144 jiġi emendat kif xieraq,

ADOTTAT DAN IR-REGOLAMENT:

Artikolu 1

Emendi tar-Regolament (UE) 2019/2144

L-Annessi I u II tar-Regolament (UE) 2019/2144 huma emendati f’konformità mal-Anness ta’ dan ir-Regolament.

Artikolu 2

Dħul fis-seħħ

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, il-5 ta’ Ġunju 2025.

Għall-Kummissjoni

Il-President

Ursula VON DER LEYEN

(1) ĠU L 325, 16.12.2019, p. 1, ELI: http://data.europa.eu/eli/reg/2019/2144/oj.

(2) Ir-Regolament Nru 34 tal-Kummissjoni Ekonomika għall-Ewropa tan-Nazzjonijiet Uniti (NU/KEE) — Dispożizzjonijiet uniformi li jikkonċernaw l-approvazzjoni tal-vetturi fir-rigward tal-prevenzjoni tar-riskji tan-nar [2025/1454] (ĠU L, 2025/1454, 29.7.2025, ELI: http://data.europa.eu/eli/reg/2025/1454/oj).

(3) Ir-Regolament Nru 79 tal-Kummissjoni Ekonomika għall-Ewropa tan-Nazzjonijiet Uniti (NU/KEE) — Dispożizzjonijiet uniformi li jikkonċernaw l-approvazzjoni tal-vetturi fir-rigward tat-tagħmir tal-istering [2025/3] (ĠU L, 2025/3, 10.1.2025, ELI: http://data.europa.eu/eli/reg/2025/3/oj).

(4) Ir-Regolament Nru 100 tal-Kummissjoni Ekonomika għall-Ewropa tan-Nazzjonijiet Uniti (NU/KEE) — Dispożizzjonijiet uniformi li jikkonċernaw l-approvazzjoni tal-vetturi fir-rigward ta’ rekwiżiti speċifiċi għas-sistema tal-motopropulsjoni elettrika [2024/1955] (ĠU L, 2024/1955, 26.7.2024, ELI: http://data.europa.eu/eli/reg/2024/1955/oj).

(5) Ir-Regolament tan-NU Nru 117 tal-Kummissjoni Ekonomika għall-Ewropa tan-Nazzjonijiet Uniti (NU/KEE) — Dispożizzjonijiet uniformi li jikkonċernaw l-approvazzjoni tat-tajers fir-rigward tal-emissjonijiet tal-ħoss tad-dawrien u/jew tal-aderenza fuq superfiċi mxarrbin u/jew tar-reżistenza għad-dawrien [2025/1453] (ĠU L, 2025/1453, 7.8.2025, ELI: http://data.europa.eu/eli/reg/2025/1453/oj).

(6) Ir-Regolament NU Nru 127 tal-Kummissjoni Ekonomika għall-Ewropa tan-Nazzjonijiet Uniti (NU/KEE) – Dispożizzjonijiet uniformi għall-approvazzjoni tal-vetturi bil-mutur fir-rigward tal-prestazzjoni tas-sikurezza tagħhom għall-persuni bil-mixi [2025/460] (ĠU L, 2025/460, 17.3.2025, ELI: http://data.europa.eu/eli/reg/2025/460/oj).

(7) Ir-Regolament Nru 152 tal-Kummissjoni Ekonomika għall-Ewropa tan-Nazzjonijiet Uniti (NU/KEE) — Dispożizzjonijiet uniformi li jikkonċernaw l-approvazzjoni tal-vetturi fir-rigward tas-Sistema Avvanzata għal Ibbrejkjar f’Emerġenza (AEBS) għall-vetturi M1 u N1 [2024/2497] (ĠU L 2024/2497, 27.9.2024, ELI: http://data.europa.eu/eli/reg/2024/2497/oj).

(8) Ir-Regolament tan-NU Nru 167 — Dispożizzjonijiet Uniformi Li Jikkonċernaw l-Approvazzjoni tal-Vetturi bil-Mutur fir-rigward tal-Viżjoni Diretta tagħhom [2024/1065] (ĠU L, 2024/1065, 17.5.2024, ELI: http://data.europa.eu/eli/reg/2024/1065/oj).

(9) Ir-Regolament tan-NU Nru 169 — Dispożizzjonijiet Uniformi li Jikkonċernaw l-Approvazzjoni tar-Reġistraturi tad-Data f’Każ ta’ Avveniment (EDR) għal Vetturi Heavy-Duty [2024/1218] (ĠU L, 2024/1218, 23.5.2024, ELI: http://data.europa.eu/eli/reg/2024/1218/oj).

(10) Ir-Regolament tan-NU Nru 171 — Dispożizzjonijiet uniformi dwar l-approvazzjoni ta’ vetturi fir-rigward tas-Sistemi ta’ Assistenza fil-Kontroll għas-Sewwieq [2024/2689] (ĠU L, 2024/2689, 4.11.2024, ELI: http://data.europa.eu/eli/reg/2024/2689/oj).

ANNESS

L-Annessi I u II tar-Regolament (UE) 2019/2144 huma emendati kif ġej:

(1)

l-Anness I huwa emendat kif ġej:

(a)

ir-ringiela għar-Regolament tan-NU Nru 25 hija sostitwita b’dan li ġej:

“25

Trażżin għar-ras (headrests), inkorporat fis-seats tal-vettura jew mhux

Is-Suppliment 1 tas-serje ta’ emendi 04

ĠU L, 258, 7.8.2020, p. 30, ELI: http://data.europa.eu/eli/reg/2020/1169/oj

M, N”;

(b)

ir-ringiela għar-Regolament tan-NU Nru 34 hija sostitwita b’dan li ġej:

“34

Prevenzjoni tar-riskji tan-nar (tankijiet tal-fjuwil likwidu)

Serje ta’ emendi 04

ĠU L, 2025/1454, 29.7.2025, ELI: http://data.europa.eu/eli/reg/2025/1454/oj

M, N, O”;

(c)

ir-ringiela għar-Regolament tan-NU Nru 79 hija sostitwita b’dan li ġej:

“79

Tagħmir tal-istering

Serje ta’ emendi 04

ĠU L, 2025/3, 10.1.2025, ELI: http://data.europa.eu/eli/reg/2025/3/oj

M, N, O”;

(d)

ir-ringiela għar-Regolament tan-NU Nru 100 hija sostitwita b’dan li ġej:

“100

Sikurezza elettrika

Serje ta’ emendi 03

ĠU L, 2024/1955, 26.7.2024, ELI: http://data.europa.eu/eli/reg/2024/1955/oj

M, N”;

(e)

ir-ringiela għar-Regolament tan-NU Nru 117 hija sostitwita b’dan li ġej:

“117

Tajers fir-rigward ta’ emissjonijiet tal-ħoss tad-dawrien, aderenza fuq uċuħ imxarrbin u reżistenza għad-dawrien (Klassijiet C1, C2 u C3)

Serje ta’ emendi 04

ĠU L, 2025/1453, 7.8.2025, ELI: http://data.europa.eu/eli/reg/2025/1453/oj

M, N, O”;

(f)

ir-ringiela għar-Regolament tan-NU Nru 127 hija sostitwita b’dan li ġej:

“127

Sikurezza għall-persuni bil-mixi

Serje ta’ emendi 04

ĠU L, 2025/460, 17.3.2025 ELI: http://data.europa.eu/eli/reg/2025/460/oj

M1, N1”;

(g)

ir-ringiela għar-Regolament tan-NU Nru 152 hija sostitwita b’dan li ġej:

“152

Sistemi Avvanzati għal Ibbrejkjar f’Emerġenza (AEBS, Advanced Emergency Braking Systems)

Serje ta’ emendi 02

ĠU L, 2024/2497, 27.9.2024, ELI: http://data.europa.eu/eli/reg/2024/2497/oj

M1, N1”;

(h)

jiżdiedu r-ringieli li ġejjin għar-Regolamenti tan-NU Nri 167, 169 u 171:

“167	Viżjoni diretta ta’ vetturi heavy-duty	Verżjoni oriġinali tar-Regolament	ĠU L, 2024/1065, 17.5.2024, ELI: http://data.europa.eu/eli/reg/2024/1065/oj	M2, M3, N2, N3
169	Reġistratur tad-Data f’Każ ta’ Avveniment għall-Vetturi Heavy-Duty	Verżjoni oriġinali tar-Regolament	ĠU L, 2024/1218, 23.5.2024, ELI: http://data.europa.eu/eli/reg/2024/1218/oj	M2, M3, N2, N3
171	Sistemi ta’ Assistenza fil-Kontroll għas-Sewwieq (DCAS, Driver Control Assistance Systems)	Verżjoni oriġinali tar-Regolament	ĠU L, 2024/2689, 4.11.2024, ELI: http://data.europa.eu/eli/reg/2024/2689/oj	M, N”

(2)

l-Anness II huwa emendat kif ġej:

(a)

ir-ringiela għar-rekwiżit B2 hija sostitwita b’dan li ġej:

“B2 Żona mkabbra tal-impatt fuq ir-ras

Ir-Regolament tan-NU Nru 127

Il-kuntatt tal-mudell ta’ ras mal-pilastri A, mal-parti ’l fuq mill-windskrin u mal-għata huwa eskluż, iżda għandu jiġi mmonitorjat.

C (*1)

(b)

ir-ringiela għar-rekwiżit B9 hija sostitwita b’dan li ġej:

“B9 Viżjoni diretta tal-vetturi heavy-duty

Ir-Regolament tan-NU Nru 167

”

(c)

ir-ringiela għar-rekwiżit C10 hija sostitwita b’dan li ġej:

“C10 Sikurezza u prestazzjoni ambjentali tat-tajers

Ir-Regolament tan-NU Nru 30

Ir-Regolament tan-NU Nru 54

Ir-Regolament tan-NU Nru 117

Għandha tiġi żgurata wkoll proċedura tat-test għat-tajers li ttieklu; japplikaw id-dati fin-nota C (*2).

(d)

ir-ringieli għar-rekwiżiti E6 u E7 huma sostitwiti b’dan li ġej:

“E6 Sistemi għas-sostituzzjoni fil-kontroll għas-sewwieq

Ir-Regolament tan-NU Nru 157

Ir-Regolament ta’ Implimentazzjoni tal-Kummissjoni (UE) 2022/1426 (*3) (għall-vetturi awtomatizzati kompletament)

B(5)

E7 Sistemi li jipprovdu l-vettura b’tagħrif dwar il-qagħda tal-vettura u l-madwar

Ir-Regolament tan-NU Nru 157

Ir-Regolament ta’ Implimentazzjoni (UE) 2022/1426 (għall-vetturi awtomatizzati kompletament)

B(5)

;

(e)

fit-Taqsima E “Mġiba tas-Sewwieq u tas-Sistema”, jiżdiedu r-ringieli li ġejjin għar-rekwiżiti E10 u E11:

“E10 Sistemi li jassistu lis-sewwieq fit-twettiq tal-kontroll dinamiku tal-vettura

Ir-Regolament tan-NU Nru 171

E11 Parkeġġ valet awtomatizzat

Ir-Regolament ta’ Implimentazzjoni tal-Kummissjoni (UE) 2022/1426, l-Anness V

”;

(f)

In-nota 5 f’qiegħ il-paġna hija sostitwita kif ġej:

“(5)	Hija meħtieġa konformità fil-każ ta’ vetturi awtomatizzati/awtomatizzati kompletament.”;

(g)	In-nota li ġejja tiżdied man-Noti tat-tabella: “IF: Konformità meħtieġa ‘jekk mgħammra’.”.

(*1) B’applikazzjoni tad-dispożizzjonijiet tranżizzjonali tas-serje ta’ emendi 04 tar-Regolament tan-NU Nru 127, l-approvazzjonijiet tat-tip maħruġa bl-użu tad-dispożizzjonijiet speċifiċi relatati mal-konfini tad-WAD 2,100 fuq il-wiċċ tal-bonit għandhom jibqgħu jiġu aċċettati sal-1 ta’ Settembru 2029. L-approvazzjoni tat-tip maħruġa li jużaw id-dispożizzjonijiet speċifiċi tat-tarf fiżiku ta’ wara tal-bonit minflok il-BRRL għandhom jibqgħu jiġu aċċettati sal-1 ta’ Settembru 2031.”

(*2) B’applikazzjoni tad-dispożizzjonijiet tranżizzjonali tas-serje ta’ emendi 04 tar-Regolament tan-NU Nru 117, il-vetturi li jkunu għadhom jintużaw jistgħu jibqgħu jiġu mgħammra b’tajers ġodda approvati f’konformità mar-rekwiżiti tas-serje ta’ emendi 02 jew 03 ta’ dak ir-Regolament tan-NU u manifatturati qabel is-7 ta’ Lulju 2026 sas-6 ta’ Jannar 2029.”

(*3) Ir-Regolament ta’ Implimentazzjoni tal-Kummissjoni (UE) 2022/1426 tal-5 ta’ Awwissu 2022 li jistabbilixxi r-regoli għall-applikazzjoni tar-Regolament (UE) 2019/2144 tal-Parlament Ewropew u tal-Kunsill fir-rigward ta’ proċeduri uniformi u speċifikazzjonijiet tekniċi għall-approvazzjoni tat-tip tas-sistema tas-sewqan awtomatizzat (ADS) ta’ vetturi awtomatizzati kompletament (ĠU L 221, 26.8.2022, p. 1, ELI: http://data.europa.eu/eli/reg_impl/2022/1426/oj)”

ELI: http://data.europa.eu/eli/reg_del/2025/1122/oj

ISSN 1977-074X (electronic edition)

Top

Choose the experimental features you want to try