(1)

F’konformità mal-Artikolu 50(2), il-punt a), tar-Regolament (UE) Nru 1151/2012 tal-Parlament Ewropew u tal-Kunsill (2), l-applikazzjoni ta’ Franza għar-reġistrazzjoni tal-Indikazzjoni Ġeografika “Pérail”, li l-Kummissjoni kienet irċeviet qabel id-data tad-dħul fis-seħħ tar-Regolament (UE) 2024/1143, ġiet ippubblikata f’Il-Ġurnal Uffiċjali tal-Unjoni Ewropea (3).

(2)

Il-Kummissjoni ma rċeviet l-ebda dikjarazzjoni ta’ oppożizzjoni, f’konformità mal-Artikolu 17 tar-Regolament (UE) 2024/1143, li hija applikabbli għall-applikazzjoni għar-reġistrazzjoni f’konformità mal-Artikolu 90(2) ta’ dak ir-Regolament.

(3)

Għalhekk, jenħtieġ li l-Indikazzjoni Ġeografika “Pérail” tiddaħħal fir-reġistru tal-Unjoni tal-Indikazzjonijiet Ġeografiċi.

(4)

Permezz ta’ ittra li waslet fit-22 ta’ Diċembru 2023, l-awtoritajiet Franċiżi infurmaw lill-Kummissjoni li l-Fromagerie de la Lémance, li tinsab ZA du Haut Agenais 47500 MONTAYRAL (SIRET Nru 414 029 785 00022), stabbilita barra miż-żona ġeografika ddefinita mill-ispeċifikazzjoni tal-prodott, kienet legalment ikkummerċjalizzat il-prodott bid-deskrizzjoni kummerċjali “Pérail”, billi użat dak l-isem b’mod kontinwu għal aktar minn ħames snin, u li dan il-punt kien tqajjem fil-kuntest tal-proċedura nazzjonali ta’ oppożizzjoni.

(5)

Billi l-kundizzjonijiet stabbiliti fl-Artikolu 20(1), il-punt (b), tar-Regolament (UE) 2024/1143, applikabbli għall-applikazzjoni għar-reġistrazzjoni f’konformità mal-Artikolu 90(2) ta’ dak ir-Regolament, huma ssodisfati, jenħtieġ li jingħata perjodu tranżitorju ta’ ħames snin biex l-impriża kkonċernata tkun tista’ tkompli tuża l-isem “Pérail”,