(1)

Ir-Regolament tal-Kunsill (UE) Nru 904/2010 (3) jistabbilixxi l-kundizzjonijiet skont liema l-awtoritajiet kompetenti fl-Istati Membri responsabbli għall-applikazzjoni tal-liġijiet dwar it-taxxa fuq il-valur miżjud (VAT) għandhom jikkooperaw ma’ xulxin u mal-Kummissjoni biex jiżguraw il-konformità ma’ dawk il-liġijiet. Dawk il-kundizzjonijiet jinvolvu, fost l-oħrajn, regoli dwar il-ħżin u l-iskambju, permezz ta’ mezzi elettroniċi, ta’ informazzjoni li tista’ tgħin sabiex titwettaq valutazzjoni korretta tal-VAT, tiġi mmonitorjata l-applikazzjoni korretta tal-VAT, b’mod partikolari fuq tranżazzjonijiet intra-Komunitarji, u tiġi miġġielda l-frodi tal-VAT.

(2)

Id-Direttiva tal-Kunsill (UE) 2025/516 (4) introduċiet fid-Direttiva tal-Kunsill 2006/112/KE (5) rekwiżiti ta’ rapportar diġitali. Dawk ir-rekwiżiti jobbligaw lill-persuni taxxabbli identifikati għall-finijiet tal-VAT jissottomettu lill-Istati Membri informazzjoni dwar kull provvista intra-Komunitarja ta’ merkanzija, dwar kull provvista ta’ servizz li hija taxxabbli fi Stat Membru differenti minn dak li fih huwa stabbilit il-fornitur u, sakemm l-Istat Membru ma jkunx għamel użu mill-opzjoni li jeskludi persuni taxxabbli mill-obbligu, dwar kull akkwist intra-Komunitarju ta’ merkanzija u fuq kull akkwist ta’ servizzi li huwa taxxabbli u li għalih ir-riċevitur huwa responsabbli li jħallas il-VAT. L-iskambju u l-ipproċessar ta’ dik l-informazzjoni dwar tranżazzjonijiet intra-Komunitarji tassisti lill-Istati Membri biex jimmonitorjaw l-applikazzjoni korretta tal-VAT u biex jidentifikaw il-frodi.

(3)

Il-kooperazzjoni eżistenti bejn l-awtoritajiet tat-taxxa tal-Istati Membri hija bbażata fuq l-iskambju ta’ informazzjoni aggregata bejn is-sistemi elettroniċi nazzjonali. L-introduzzjoni ta’ rekwiżiti ta’ rapportar diġitali għandha l-għan li żżid il-ġbir tat-taxxa billi lill-amministrazzjonijiet tat-taxxa tipprovdilhom fil-ħin data dwar kull tranżazzjoni. Sabiex tali data tkun disponibbli għal amministrazzjonijiet tat-taxxa oħra b’mod effiċjenti, u biex tiġi ffaċilitata implimentazzjoni komuni, kif ukoll interpretazzjoni komuni tal-analiżi u l-kontroverifiki, hija meħtieġa sistema ċentrali fejn tiġi kondiviża informazzjoni dwar il-VAT.

(4)

Sabiex l-Istati Membri jkunu jistgħu jiġġieldu l-frodi tal-VAT b’mod aktar effettiv, jenħtieġ li l-Kummissjoni tistabbilixxi sistema ċentrali elettronika għall-iskambju ta’ informazzjoni dwar il-VAT (“VIES ċentrali”) għall-kondiviżjoni ta’ informazzjoni dwar il-VAT. Kull Stat Membru jenħtieġ li jistabbilixxi sistema elettronika nazzjonali biex jittrażmetti awtomatikament lill-VIES ċentrali informazzjoni dwar tranżazzjonijiet intra-Komunitarji kif irrapportati mill-fornituri u l-akkwirenti rispettivi fi Stati Membri differenti. Jenħtieġ lil-Istati Membri jittrażmettu awtomatikament ukoll lill-VIES ċentrali l-informazzjoni dwar l-identifikazzjoni tal-VAT ta’ persuni taxxabbli li jagħmlu tranżazzjonijiet intra-Komunitarji, inkluż numri ta’ identifikazzjoni tal-VAT oħra maħruġa lil persuna. Barra minn hekk, kull meta tinbidel id-data, l-Istati Membri jenħtieġ li jtellgħu l-metadata għat-traċċar tal-ħin tal-modifika fil-VIES ċentrali wkoll.

(5)

Jenħtieġ li l-Istati Membri jaġġornaw awtomatikament l-informazzjoni dwar l-identifikazzjoni tal-VAT ta’ persuni taxxabbli li jagħmlu tranżazzjonijiet intra-Komunitarji fil-VIES ċentrali mingħajr dewmien kull meta l-informazzjoni dwar l-identifikazzjoni tinbidel, ħlief meta l-Istati Membri jaqblu li tali aġġornament m’huwiex pertinenti, essenzjali jew utli. Tali aġġornamenti huma neċessarji minħabba li l-validità tan-numri ta’ identifikazzjoni tal-VAT ta’ persuni taxxabbli hija soġġetta għal verifika fir-rigward tal-kundizzjoni għall-eżenzjoni ta’ provvisti intra-Komunitarji prevista fl-Artikolu 138 tad-Direttiva 2006/112/KE. Sabiex jiġi pprovdut livell raġonevoli ta’ assigurazzjoni lill-amministrazzjonijiet tat-taxxa fir-rigward tal-kwalità u l-affidabbiltà ta’ din l-informazzjoni, jenħtieġ li l-Istati Membri jaġġornaw awtomatikament l-informazzjoni dwar tranżazzjonijiet intra-Komunitarji fil-VIES ċentrali mhux aktar tard minn jum wara li l-Istat Membru jkun irċieva l-informazzjoni mill-persuna taxxabbli.

(6)

Barra minn hekk, fir-rigward tal-informazzjoni dwar l-identifikazzjoni tal-VAT fil-VIES ċentrali, l-Istati Membri jenħtieġ li jadottaw miżuri biex jiżguraw li l-Istat Membru rispettiv jivvaluta jekk id-data pprovduta minn persuni taxxabbli għall-identifikazzjoni tagħhom għall-finijiet tal-VAT f’konformità mal-Artikolu 214 tad-Direttiva 2006/112/KE, hijiex kompluta u preċiża. Barra minn hekk, l-Istati Membri jenħtieġ li jiżguraw li n-numru ta’ identifikazzjoni tal-VAT jintwera bħala invalidu fil-VIES ċentrali meta persuna taxxabbli tonqos milli tirrispetta l-obbligi li tikkomunika d-data, meta titwaqqaf l-attività ekonomika jew meta l-awtorità kompetenti tqis li l-persuna taxxabbli tkun waqqfet dik l-attività.

(7)

L-informazzjoni dwar tranżazzjonijiet intra-Komunitarji rrapportati mill-fornituri u mill-akkwirenti fi Stati Membri differenti jenħtieġ li tiddaħħal minn kull Stat Membru fil-VIES ċentrali minnufih wara li jirċeviha l-Istat Membru. Minħabba raġunijiet tekniċi relatati mal-volum tad-data u biex tranżazzjonijiet suspettużi u każijiet possibbli ta’ frodi tal-VAT jiġu identifikati fi stadju bikri, jeħtieġ li l-informazzjoni riċevuta tiġi pproċessata malajr.

(8)

Sabiex l-Istati Membri jiġu megħjuna fil-ġlieda tagħhom kontra l-frodi tal-VAT u biex jiġu identifikati l-frodaturi, jenħtieġ li l-informazzjoni dwar l-identifikazzjoni tal-VAT u l-informazzjoni dwar il-VAT fuq tranżazzjonijiet intra-Komunitarji jkunu disponibbli fil-VIES ċentrali għal 10 snin. Dak il-perjodu jikkostitwixxi l-perjodu minimu neċessarju biex l-Istati Membri jwettqu kontrolli b’mod effettiv u jinvestigaw suspett ta’ frodi tal-VAT jew biex jidentifikaw tali frodi. Huwa proporzjonat ukoll meta jitqies il-volum enormi tal-informazzjoni dwar tranżazzjonijiet intra-Komunitarji u s-sensittività tal-informazzjoni bħal data kummerċjali u dik personali.

(9)

Sabiex jiġu identifikati fil-ħin id-diskrepanzi u b’hekk tittejjeb il-kapaċità li tiġi miġġielda l-frodi tal-VAT, il-VIES ċentrali jenħtieġ li tkun tista’ tagħmel kontroverifika b’mod awtomatiku tal-informazzjoni miġbura kemm mill-fornitur kif ukoll mill-akkwirent permezz tar-rekwiżiti ta’ rapportar diġitali introdotti mid-Direttiva (UE) 2025/516 fid-Direttiva 2006/112/KE. Il-VIES ċentrali jenħtieġ li tkun tista’ wkoll tagħmel disponibbli r-riżultati ta’ tali kontroverifika għall-Istati Membri għal segwitu adatt.

(10)

Barra minn hekk, biex il-VIES ċentrali tkun tista’ żżomm il-kapaċitajiet tas-sistema eżistenti ta’ skambju ta’ informazzjoni dwar il-VAT prevista fl-Artikolu 17(1), il-punt (a) tar-Regolament (UE) Nru 904/2010, jenħtieġ li l-VIES ċentrali tkun tista’ taggrega wkoll l-informazzjoni biex tingħata ħarsa ġenerali lejn il-provvisti u l-akkwiżizzjonijiet irrapportati minn persuni taxxabbli li jkunu jinsabu fl-Istati Membri. Sabiex jiġi żgurat li l-VIES ċentrali tippermetti lill-Istati Membri jkomplu jaċċessaw l-informazzjoni ta’ xulxin kif attwalment strutturat fis-sistema eżistenti ta’ skambju ta’ informazzjoni dwar il-VAT, il-VIES ċentrali jenħtieġ li tappoġġa l-aggregazzjoni tad-data.

(11)

Sabiex tappoġġa lill-awtoritajiet kompetenti tal-Istati Membri biex jagħmlu valutazzjoni korretta tal-VAT, jimmonitorjaw l-applikazzjoni korretta tal-VAT, jiġġieldu l-frodi tal-VAT u jisfruttaw is-sinerġiji bejn sistemi ta’ informazzjoni differenti li fihom informazzjoni rilevanti għall-finijiet tal-VAT, il-VIES ċentrali jenħtieġ li tipproċessa l-informazzjoni li tasal mingħand l-Istati Membri flimkien ma’ kwalunkwe informazzjoni kkomunikata jew miġbura skont ir-Regolament (UE) Nru 904/2010.

(12)

L-aċċess għall-informazzjoni fil-VIES ċentrali jenħtieġ li jingħata fuq bażi ta’ ħtieġa ta’ tagħrif. L-għoti ta’ aċċess għal data sensittiva lil dawk l-utenti li għalihom huwa prevedibbilment rilevanti jenħtieġ jiġi infurzat b’permessi ta’ aċċess u logs għall-aċċess li jissalvagwardjaw l-informazzjoni fil-VIES ċentrali. Dik l-informazzjoni jenħtieġ li ma tintużax għal skopijiet oħra għajr biex tiġi mmonitorjata l-applikazzjoni korretta tal-VAT u l-ġlieda kontra l-frodi tal-VAT. L-utenti kollha għandom ikunu marbuta bir-regoli ta’ kunfidenzjalità stabbiliti fl-Artikolu 55 tar-Regolament (UE) Nru 904/2010.

(13)

Sabiex tiġi miġġielda l-frodi tal-VAT, l-uffiċjali ta’ kollegament tal-Eurofisc tal-Istati Membri kif imsemmi fl-Artikolu 36 tar-Regolament (UE) Nru 904/2010 jenħtieġ li jkunu jistgħu jaċċessaw u janalizzaw l-informazzjoni dwar il-VAT fuq tranżazzjonijiet intra-Komunitarji. Sabiex jimmonitorjaw l-applikazzjoni korretta tal-liġijiet tal-VAT, jenħtieġ li l-uffiċjali tal-Istati Membri li jivverifikaw jekk tapplikax l-eżenzjoni tal-VAT għal ċerta merkanzija importata, stabbilita fl-Artikolu 143(1), il-punt (d), tad-Direttiva 2006/112/KE, ikunu jistgħu jaċċessaw ukoll informazzjoni dwar l-identifikazzjoni tal-VAT maħżun fil-VIES ċentrali. Barra minn hekk, minħabba l-istess raġunijiet, l-awtoritajiet kompetenti tal-Istati Membri jenħtieġ li jagħżlu uffiċjali oħra li jeħtieġ li jkollhom aċċess dirett għall-VIES ċentrali u jagħtuhom tali aċċess meta meħtieġ. Fl-aħħar nett, il-persuni debitament akkreditati tal-Kummissjoni jenħtieġ li jkunu jistgħu jaċċessaw l-informazzjoni li tinsab fil-VIES ċentrali, iżda biss sal-punt li tali aċċess ikun meħtieġ għall-iżvilupp u l-manutenzjoni ta’ dik is-sistema.

(14)

Sabiex jiġi investigat suspett ta’ frodi tal-VAT u biex tiġi identifikata tali frodi, is-sistemi ta’ informazzjoni li jappoġġaw in-network tal-Eurofisc fil-ġlieda kontra l-frodi tal-VAT, inklużi s-sistema ta’ Analiżi tan-Network tat-Tranżazzjonijiet u s-sistema elettronika ċentrali ta’ informazzjoni dwar il-pagamenti (“CESOP”), jenħtieġ li jkollhom aċċess dirett għall-VIES ċentrali.

(15)

Il-volum tad-data u l-frekwenza tat-trażmissjonijiet tad-data lill-VIES ċentrali jagħmlu l-awtomatizzazzjoni tal-flussi tal-informazzjoni mill-VIES ċentrali lejn is-sistemi elettroniċi nazzjonali meħtieġa. Tali awtomatizzazzjoni jenħtieġ li tipprevedi wkoll mezz ta’ komunikazzjoni effiċjenti u sigur bejn magna u oħra, u jenħtieġ li tiżgura li ma jkunx hemm aktar ħtieġa ta’ intervent mill-bniedem meta tiġi aċċessata data kondiviża. Għalhekk, is-sistemi elettroniċi nazzjonali li jittrażmettu l-informazzjoni lill-VIES ċentrali jenħtieġ li jkollhom ukoll aċċess għall-informazzjoni maħżuna fil-VIES ċentrali, inkluża l-informazzjoni pproċessata u aggregata għall-finijiet ta’ kontroll tal-VAT u għall-ġlieda kontra l-frodi tal-VAT.

(16)

Sabiex jiġu żgurati kundizzjonijiet uniformi għall-implimentazzjoni tar-Regolament (UE) Nru 904/2010, jenħtieġ li l-Kummissjoni tingħata setgħat ta’ implimentazzjoni fir-rigward tal-kompiti li għandhom jitwettqu mill-Kummissjoni għall-iżvilupp, il-manutenzjoni, l-ospitar u l-ġestjoni teknika tal-VIES ċentrali, l-arranġamenti prattiċi dwar l-identifikazzjoni ta’ uffiċjali u sistemi elettroniċi u d-dettalji tekniċi li jikkonċernaw l-aċċess ta’ uffiċjali u ta’ sistemi elettroniċi għall-VIES ċentrali, il-permessi ta’ aċċess dettaljati ta’ uffiċjali u ta’ sistemi elettroniċi għad-data dettaljata fil-VIES ċentrali, id-dettalji tekniċi u l-format tal-informazzjoni mibgħuta lill-VIES ċentrali li għaliha għandu jingħata l-aċċess u r-rwoli u r-responsabbiltajiet tal-Istati Membri meta jaġixxu bħala kontrollur u tal-Kummissjoni meta jaġixxu bħala proċessur skont ir-Regolamenti (UE) 2016/679 (6) u (UE) 2018/1725 (7) tal-Parlament Ewropew u tal-Kunsill. Dawk is-setgħat jenħtieġ li jiġu eżerċitati f’konformità mar-Regolament (UE) Nru 182/2011 tal-Parlament Ewropew u tal-Kunsill (8).

(17)

Il-frodi tal-VAT hija problema komuni għall-Istati Membri kollha. L-Istati Membri waħedhom ma għandhomx l-informazzjoni meħtieġa biex jiżguraw li r-regoli tal-VAT ikunu applikati sew u biex jindirizzaw il-frodi tal-VAT. Ladarba l-objettiv tar-Regolament (UE) Nru 904/2010, jiġifieri l-ġlieda kontra l-frodi tal-VAT, ma jistax jinkiseb b’mod suffiċjenti mill-Istati Membri minħabba n-natura transfruntiera tas-suq intern, iżda jista’ jinkiseb aħjar fil-livell tal-Unjoni, l-Unjoni tista’ tadotta miżuri, f’konformità mal-prinċipju tas-sussidjarjetà kif stabbilit fl-Artikolu 5 tat-Trattat dwar l-Unjoni Ewropea. F’konformità mal-prinċipju tal-proporzjonalità, kif stipulat f’dak l-Artikolu, dan ir-Regolament ma jmurx lil hinn minn dak li huwa meħtieġ sabiex jintlaħaq dak l-objettiv.

(18)

Il-persuni taxxabbli li jiffaċilitaw il-provvisti ta’ merkanzija jew servizzi permezz tal-użu ta’ interfaċċa elettronika jistgħu jkunu soġġetti għal talbiet għal rekords mill-Istat Membru fejn dawk il-provvisti jkunu taxxabbli kif imsemmi fl-Artikolu 242a tad-Direttiva 2006/112/KE. Sabiex jitnaqqas il-piż amministrattiv u l-kostijiet ta’ konformità għal dawk il-persuni taxxabbli u sabiex tiġi evitata d-duplikazzjoni tax-xogħol, l-Istat Membru ta’ identifikazzjoni jenħtieġ li kemm jista’ jkun jikkoordina dawn it-talbiet. Għal dak il-għan, huwa meħtieġ li tiġi stabbilita formola standard għat-trażmissjoni elettronika ta’ dik l-informazzjoni lill-Istati Membri. Madankollu, l-Istati Membri jistgħu, f’konformità mal-Artikolu 242a(2), it-tieni subparagrafu, tad-Direttiva 2006/112/KE, ikomplu jitolbu r-rekords direttament mill-persuna taxxabbli fuq bażi regolari u sistematika sakemm ikun disponibbli aċċess awtomatizzat għal dawk ir-rekords.

(19)

Sabiex jiġu aċċertati kundizzjonijiet uniformi għall-implimentazzjoni tar-Regolament (UE) Nru 904/2010, għandhom jiġu kkonferiti setgħat ta’ implimentazzjoni lill-Kummissjoni biex tadotta d-dettalji tekniċi għall-formola standard, u d-dettalji tekniċi, inkluż il-messaġġi elettroniċi komuni, għas-sottomissjoni ta’ rekords mill-persuni taxxabbli li jiffaċilitaw il-provvisti permezz tal-użu ta’ interfaċċa elettronika kif imsemmi fl-Artikolu 242a tad-Direttiva 2006/112/KE. Jenħtieġ li dawk is-setgħat jiġu adottati f’konformità mar-Regolament (UE) Nru 182/2011.

(20)

Id-Direttiva (UE) 2025/516 tintroduċi fid-Direttiva 2006/112/KE skema ta’ simplifikazzjoni għal Punt Uniku ta’ Servizz (“OSS”) għal persuni taxxabbli li jkunu qed jagħmlu trasferiment ta’ ċerta merkanzija proprja b’mod transfruntier. Għalhekk huwa meħtieġ li dik l-iskema tiġi integrata fil-qafas kumplessiv tal-iskemi speċjali tal-OSS tal-VAT stabbiliti fil-Kapitolu XI, it-Taqsima 3, tar-Regolament (UE) Nru 904/2010. B’mod partikolari jenħtieġ li dak il-qafas kumplessiv jinkludi l-għoti ta’ informazzjoni bejn l-Istati Membri li minnhom u li lilhom tiġi ttrasferita l-merkanzija.

(21)

Peress li l-iskema ta’ simplifikazzjoni tal-OSS hija komprensiva u tinkludi l-movimenti transfruntieri ta’ merkanzija koperti minn arranġamenti ta’ stokks b’kuntratt ta’ ħżin f’konformità mal-Artikolu 17a tad-Direttiva 2006/112/KE, dawk l-arranġamenti jitneħħu mid-Direttiva 2006/112/KE. Huwa meħtieġ għal dik l-emenda tad-Direttiva 2006/112/KE tiġi riflessa fl-Artikolu 21 tar-Regolament (UE) Nru 904/2010.

(22)

L-abbuż min-numri ta’ identifikazzjoni tal-VAT tal-OSS għall-importazzjoni (“IOSS”) ġie identifikat mill-partijiet ikkonċernati bħala riskju potenzjali. Sabiex jiġi aċċertat l-użu korrett tan-numru ta’ identifikazzjoni tal-VAT u biex jagħmlu l-proċess ta’ verifika għal dawn in-numri aktar robusti, jeħtieġ li jiġi estiż il-kamp ta’ applikazzjoni tal-Artikolu 47h tar-Regolament (UE) Nru 904/2010 billi jagħti lill-awtoritajiet doganali aċċess għal informazzjoni dwar in-negozjant irreġistrat tal-IOSS, li b’hekk jittejjbu l-kapaċitajiet ta’ ġestjoni u kontroll tar-riskju ta’ dawk l-awtoritajiet doganali.

(23)

Sabiex jissaħħu l-kontrolli fir-rigward tal-iskema tal-IOSS, jeħtieġ li l-valur totali tal-merkanzija importata skont l-iskema tal-IOSS għal kull numru ta’ identifikazzjoni tal-VAT tal-IOSS għal kull Stat Membru ta’ konsum jiżdied mal-Artikolu 17(1), il-punt (e), tar-Regolament (UE) Nru 904/2010.

(24)

Dan ir-Regolament jirrispetta d-drittijiet fundamentali u josserva l-prinċipji rikonoxxuti fil-Karta tad-Drittijiet Fundamentali tal-Unjoni Ewropea (“il-Karta”). B’mod partikolari, dan ir-Regolament jiżgura r-rispett sħiħ tad-dritt għall-protezzjoni tad-data personali stabbilit fl-Artikolu 8 tal-Karta. F’dak ir-rigward, dan ir-Regolament jillimita b’mod strett l-ammont ta’ data personali li titqiegħed għad-dispożizzjoni tal-awtoritajiet tat-taxxa. L-ipproċessar ta’ informazzjoni dwar tranżazzjonijiet intra-Komunitarji skont dan ir-Regolament jenħtieġ li jseħħ biss għall-finijiet ta’ dan ir-Regolament.

(25)

Il-Kontrollur Ewropew għall-Protezzjoni tad-Data ġie kkonsultat skont l-Artikolu 42(1) tar-Regolament (UE) 2018/1725 u ta l-opinjoni tiegħu fit-3 ta’ Marzu 2023 (9).

(26)

Billi l-implimentazzjoni tas-sistema VIES ċentrali ser tirrikjedi żviluppi teknoloġiċi ġodda, jeħtieġ li l-applikazzjoni tad-dispożizzjonijiet relatati mal-VIES ċentrali tkun differita sabiex l-Istati Membri u l-Kummissjoni jkunu jistgħu jiżviluppaw dawk it-teknoloġiji.

(27)

L-aċċess awtomatizzat għall-informazzjoni dwar tranżazzjonijiet intra-Komunitarji li ġew irrapportati permezz ta’ dikjarazzjonijiet rikapitulattivi jaffettwaw direttament l-effiċjenza tal-kontrolli tal-VAT. Għalhekk, is-sistema attwali ta’ skambju ta’ informazzjoni dwar il-VAT prevista fl-Artikolu 17(1), il-punt (a), tar-Regolament (UE) Nru 904/2010 jenħtieġ li tinżamm għal perjodu ta’ żmien wara l-abolizzjoni ta’ dawk id-dikjarazzjonijiet rikapitulattivi. Lil hinn minn dak il-perjodu, id-dispożizzjonijiet rilevanti tas-sistema attwali ta’ skambju ta’ informazzjoni dwar il-VAT jenħtieġ li jitħassru u l-informazzjoni rrapportata permezz ta’ dikjarazzjonijiet rikapitulattivi jenħtieġ li tibqa’ aċċessibbli fuq talba.

(28)

Għaldaqstant, ir-Regolament (UE) Nru 904/2010 jenħtieġ li jiġi emendat skont dan,

“(e)

data dwar in-numri ta’ identifikazzjoni tal-VAT imsemmija fl-Artikolu 369q tad-Direttiva 2006/112/KE li tkun ħarġet u għal kull numru ta’ identifikazzjoni tal-VAT maħruġ minn kwalunkwe Stat Membru, il-valur totali tal-importazzjonijiet ta’ merkanzija eżentata skont l-Artikolu 143(1), il-punt (ca), ta’ dik id-Direttiva matul kull xahar, għal kull Stat Membru ta’ konsum kif definit fl-Artikolu 369 l, it-tieni paragrafu, il-punt (4), ta’ dik id-Direttiva;”.

(1)

fl-Artikolu 1, il-paragrafu 4 huwa sostitwit b’dan li ġej:

(2)

fl-Artikolu 2, il-paragrafu 2 huwa sostitwit b’dan li ġej:

(3)

fl-Artikolu 17(1), il-punt (d) huwa sostitwit b’dan li ġej:

;

(4)

l-Artikolu 47b huwa sostitwit b’dan li ġej:

(5)

l-Artikolu 47d huwa sostitwit b’dan li ġej:

(6)

fl-Artikolu 47h, jiżdied il-paragrafu li ġej:

“Għall-finijiet tal-ewwel paragrafu ta’ dan l-Artikolu, l-Istati Membri għandhom jagħtu aċċess lill-awtoritajiet kompetenti għall-informazzjoni msemmija fl-Artikolu 369p(1) u (3) tad-Direttiva 2006/112/KE.”

(7)

l-Artikolu 47i huwa emendat kif ġej:

(8)

jiddaħħal l-Artikolu li ġej:

(9)

fl-Artikolu 47j(2), l-ewwel subparagrafu huwa sostitwit b’dan li ġej:

“2. Mingħajr preġudizzju għall-Artikolu 7(4), jekk l-Istat Membru ta’ konsum jew l-Istat Membru li minnu jew li lilu tkun intbagħtet jew ġiet ittrasportata l-merkanzija jiddeċiedi li tkun meħtieġa investigazzjoni amministrattiva, huwa l-ewwel għandu jikkonsulta mal-Istat Membru ta’ identifikazzjoni dwar il-ħtieġa għal tali investigazzjoni.”

(10)

għandu jiddaħħal il-kapitolu li ġej:

(1)

il-punt (c) huwa sostitwit b’dan li ġej:

;

(2)

fil-punt (e), il-kliem introduttorju huwa sostitwit b’dan li ġej:

“il-valur totali tal-provvisti ta’ merkanzija u servizzi msemmija fil-punt (b) minn kull persuna msemmija fil-punt (c) lil kull persuna li jkollha numru ta’ identifikazzjoni tal-VAT maħruġ minn Stat Membru ieħor skont il-kundizzjonijiet li ġejjin:”.

(1)

fl-Artikolu 2(1), il-punti (g) u (h) huma sostitwiti b’dan li ġej:

;

(2)

fl-Artikolu 17(1), il-punt (a) huwa sostitwit b’dan li ġej:

(*1)  Id-Direttiva tal-Kunsill (UE) 2022/890 tat-3 ta’ Ġunju 2022 li temenda d-Direttiva 2006/112/KE rigward l-estensjoni tal-perjodu ta’ applikazzjoni tal-mekkaniżmu tar-reverse charge fakultattiv fir-rigward ta’ provvisti ta’ ċerti oġġetti u servizzi suxxettibbli għall-frodi u tal-Mekkaniżmu ta’ Reazzjoni Rapida kontra l-frodi tal-VAT (ĠU L 155, 8.6.2022, p. 1, ELI: http://data.europa.eu/eli/dir/2022/890/oj).”;"

(3)

fil-Kapitolu V, tiżdied it-taqsima li ġejja:

(*2)  Id-Direttiva 2014/55/UE tal-Parlament Ewropew u tal-Kunsill tas-16 ta’ April 2014 dwar il-fatturazzjoni elettronika fl-akkwist pubbliku (ĠU L 133, 6.5.2014, p. 1, ELI: http://data.europa.eu/eli/dir/2014/55/oj).”."

(1)

fl-Artikolu 17(1), il-punti (a), (b) u (c) jitħassru;

(2)

l-Artikolu 20 huwa emendat kif ġej:

(3)

l-Artikolu 21 huwa emendat kif ġej:

(4)

l-Artikoli 22 u 23 jitħassru;

(5)

fl-Artikolu 31, il-paragrafu 1 huwa sostitwit b’dan li ġej: