1.   Meta ma tkun stabbilita l-ebda dispożizzjoni speċifika dwar l-akkreditazzjoni tal-verifikaturi f’dan ir-Regolament jew fir-Regolament (UE) 2023/1805, għandhom japplikaw id-dispożizzjonijiet rilevanti tar-Regolament (KE) Nru 765/2008.

2.   Fir-rigward tar-rekwiżiti minimi għall-akkreditazzjoni u r-rekwiżiti għall-korpi ta’ akkreditazzjoni, għandu japplika l-istandard armonizzat skont ir-Regolament (KE) Nru 765/2008 li jistabbilixxi r-rekwiżiti ġenerali għall-korpi ta’ akkreditazzjoni li jakkreditaw il-korpi ta’ valutazzjoni tal-konformità (6).

1.   It-talbiet għall-akkreditazzjoni għandhom jinkludu l-informazzjoni meħtieġa abbażi tal-istandard armonizzat imsemmi fl-Artikolu 1(2).

2.   Barra minn hekk, qabel il-bidu tal-valutazzjoni msemmija fl-Artikolu 5, il-verifikatur li jkun qed japplika għall-akkreditazzjoni (“l-applikant”) għandu jagħmel disponibbli għall-korp nazzjonali ta’ akkreditazzjoni informazzjoni dwar l-aspetti li ġejjin:

1.   Għall-finijiet tal-valutazzjoni msemmija fl-Artikolu 3, it-tim ta’ valutazzjoni maħtur f’konformità mal-Artikolu 12 għandu mill-inqas:

2.   It-tim ta’ valutazzjoni għandu jwettaq l-attivitajiet deskritti fil-paragrafu 1 f’konformità mar-rekwiżiti tal-istandard armonizzat imsemmi fl-Artikolu 1(2).

3.   It-tim ta’ valutazzjoni għandu jirrapporta s-sejbiet tiegħu u kwalunkwe nuqqasijiet ta’ konformità lill-applikant u jitlob tweġiba, f’konformità mar-rekwiżiti tal-istandard armonizzat imsemmi fl-Artikolu 1(2).

4.   L-applikant għandu jieħu azzjoni korrettiva sabiex jindirizza kwalunkwe nuqqas ta’ konformità rrapportat skont il-paragrafu 3 u jindika fit-tweġiba tiegħu x’azzjoni ħa jew qed jippjana li jieħu fi żmien stabbilit mill-korp nazzjonali ta’ akkreditament bil-għan li jirrisolvi tali nuqqasijiet ta’ konformità.

5.   Il-korp nazzjonali ta’ akkreditazzjoni għandu janalizza t-tweġiba li jagħti l-applikant skont il-paragrafu 4.

6.   Meta l-korp nazzjonali ta’ akkreditazzjoni jsib li t-tweġiba tal-applikant jew l-azzjoni meħuda tkun insuffiċjenti jew ineffettiva, huwa għandu jitlob lill-applikant sabiex jissottometti aktar informazzjoni jew jieħu azzjoni ulterjuri.

7.   Il-korp nazzjonali ta’ akkreditazzjoni jista’ jitlob ukoll evidenza, jew iwettaq valutazzjoni ta’ segwitu, biex jivvaluta l-implimentazzjoni attwali tal-azzjoni korrettiva.

1.   Meta jkun qed iħejji u jieħu d-deċiżjoni dwar jekk għandux jagħti, jestendi jew iġedded l-akkreditazzjoni ta’ applikant, il-korp nazzjonali ta’ akkreditazzjoni għandu jqis ir-rekwiżiti tal-istandard armonizzat imsemmi fl-Artikolu 1(2).

2.   Meta l-korp nazzjonali ta’ akkreditazzjoni jkun iddeċieda li jagħti jew iġedded akkreditazzjoni ta’ applikant, huwa għandu joħroġ ċertifikat ta’ akkreditazzjoni f’dan ir-rigward. Iċ-ċertifikat għandu jingħata għall-attivitajiet kollha ta’ verifika skont ir-Regolament (UE) 2023/1805.

3.   Iċ-ċertifikat ta’ akkreditazzjoni għandu jinkludi mill-inqas l-informazzjoni meħtieġa abbażi tal-istandard armonizzat imsemmi fl-Artikolu 1(2).

4.   Iċ-ċertifikat ta’ akkreditazzjoni għandu jkun validu għal perjodu ta’ mhux aktar minn 5 snin wara d-data li fiha l-korp nazzjonali ta’ akkreditazzjoni jkun ħareġ dak iċ-ċertifikat.

1.   Il-korp nazzjonali ta’ akkreditazzjoni għandu jwettaq sorveljanza annwali ta’ kull verifikatur li jkun inħariġlu ċertifikat ta’ akkreditazzjoni. Dik is-sorveljanza għandha tinkludi mill-inqas:

2.   Il-korp nazzjonali ta’ akkreditazzjoni għandu jwettaq l-ewwel sorveljanza ta’ verifikatur f’konformità mal-paragrafu 1 fi żmien 12-il xahar mid-data li fiha jkun inħareġ iċ-ċertifikat ta’ akkreditazzjoni.

3.   L-ippjanar tas-sorveljanza għandu jippermetti lill-korp nazzjonali ta’ akkreditazzjoni jivvaluta kampjuni rappreżentattivi tal-attivitajiet tal-verifikatur fil-kamp ta’ applikazzjoni taċ-ċertifikat ta’ akkreditazzjoni u l-persunal involut fl-attivitajiet ta’ verifika, f’konformità mar-rekwiżiti tal-istandard armonizzat imsemmi fl-Artikolu 1(2).

4.   Abbażi tar-riżultati tas-sorveljanza, il-korp nazzjonali ta’ akkreditazzjoni għandu jiddeċiedi jekk jikkonfermax il-kontinwazzjoni tal-akkreditazzjoni.

5.   Meta verifikatur iwettaq verifika għal kumpanija taħt ir-responsabbiltà tal-Istat amministrattiv li ma jkunx l-Istat Membru tal-korp nazzjonali ta’ akkreditazzjoni li jkun akkredita lill-verifikatur, il-korp nazzjonali ta’ akkreditazzjoni li jkun akkredita lill-verifikatur jista’ jitlob lill-korp nazzjonali ta’ akkreditazzjoni tal-Istat li jwettaq attivitajiet ta’ sorveljanza f’ismu u taħt ir-responsabbiltà tiegħu.

1.   Il-verifikatur għandu japplika għat-tiġdid tal-akkreditazzjoni sabiex il-korp nazzjonali ta’ akkreditazzjoni jkun jista’ jivvaluta mill-ġdid il-verifikatur u jiddetermina jekk iċ-ċertifikat jistax jiġi estiż qabel id-data ta’ skadenza.

2.   Qabel l-iskadenza ta’ ċertifikat ta’ akkreditazzjoni li jkun ħareġ, il-korp nazzjonali ta’ akkreditazzjoni għandu jivvaluta mill-ġdid lill-verifikatur inkwistjoni biex jiddetermina jekk iċ-ċertifikat jistax jiġi estiż.

3.   L-ippjanar ta’ rivalutazzjoni għandu jiżgura li l-korp nazzjonali ta’ akkreditazzjoni jivvaluta kampjun rappreżentattiv tal-attivitajiet tal-verifikatur koperti miċ-ċertifikat.

4.   Waqt l-ippjanar u t-twettiq tar-rivalutazzjoni, il-korp nazzjonali ta’ akkreditazzjoni għandu jissodisfa r-rekwiżiti tal-istandard armonizzat imsemmi fl-Artikolu 1(2).

1.   Il-korp nazzjonali ta’ akkreditazzjoni jista’ jwettaq valutazzjoni straordinarja tal-verifikatur fi kwalunkwe ħin sabiex jiżgura li dan ikompli jissodisfa r-rekwiżiti ta’ dan ir-Regolament.

2.   Sabiex il-korp nazzjonali ta’ akkreditazzjoni jkun jista’ jivvaluta l-ħtieġa għal valutazzjoni straordinarja, il-verifikatur għandu jinforma lill-korp minnufih bi kwalunkwe bidla sinifikanti rilevanti għall-akkreditazzjoni tiegħu dwar kwalunkwe aspett tal-istatus jew tal-operazzjoni tiegħu.

3.   Bidliet sinifikanti għandhom jinkludu l-bidliet imsemmija fl-istandard armonizzat imsemmi fl-Artikolu 1(2).

1.   Il-korp nazzjonali ta’ akkreditazzjoni jista’ jissospendi jew jirtira l-akkreditazzjoni ta’ verifikatur fejn il-verifikatur ma jissodisfax ir-rekwiżiti ta’ dan ir-Regolament.

2.   Il-korp nazzjonali ta’ akkreditazzjoni għandu jissospendi jew jirtira l-akkreditazzjoni ta’ verifikatur meta l-verifikatur jitlob dan.

3.   Il-korp nazzjonali ta’ akkreditazzjoni għandu jistabbilixxi, jiddokumenta, jimplimenta u jżomm proċedura għas-sospensjoni u l-irtirar tal-akkreditazzjoni f’konformità mal-istandard armonizzat imsemmi fl-Artikolu 1(2).

4.   Il-korp nazzjonali ta’ akkreditazzjoni għandu jissospendi l-akkreditazzjoni ta’ verifikatur fejn il-verifikatur ikun:

5.   Il-korp nazzjonali ta’ akkreditazzjoni għandu jirtira l-akkreditazzjoni ta’ verifikatur meta:

6.   Id-deċiżjonijiet minn korp nazzjonali ta’ akkreditazzjoni li jissospendi jew jirtira akkreditazzjoni f’konformità mal-paragrafi 1, 4 u 5, għandhom ikunu soġġetti għal appell f’konformità mal-proċeduri stabbiliti mill-Istati Membri skont l-Artikolu 5(5) tar-Regolament (KE) Nru 765/2008.

7.   Id-deċiżjonijiet minn korp nazzjonali ta’ akkreditazzjoni li jissospendi jew jirtira l-akkreditazzjoni għandhom jidħlu fis-seħħ wara li l-verifikatur ikun ġie nnotifikat dwarhom. Il-korp nazzjonali ta’ akkreditazzjoni għandu jikkunsidra l-impatt fuq l-attivitajiet imwettqa qabel dawk id-deċiżjonijiet fid-dawl tan-natura tan-nuqqas ta’ konformità.

8.   Il-korp nazzjonali ta’ akkreditazzjoni għandu jtemm is-sospensjoni ta’ ċertifikat ta’ akkreditazzjoni fejn ikun irċieva informazzjoni sodisfaċenti u jikkonkludi li l-verifikatur jissodisfa r-rekwiżiti ta’ dan ir-Regolament.

1.   Fejn ma tkun stabbilita l-ebda dispożizzjoni speċifika dwar ir-rekwiżiti għall-korpi nazzjonali ta’ akkreditazzjoni f’dan ir-Regolament jew fir-Regolament (UE) 2023/1805, għandhom japplikaw id-dispożizzjonijiet rilevanti tar-Regolament (KE) Nru 765/2008.

2.   Għall-finijiet ta’ dan ir-Regolament, il-korpi nazzjonali ta’ akkreditazzjoni maħtura skont l-Artikolu 4(1) tar-Regolament (KE) Nru 765/2008 għandhom iwettqu dmirijiethom f’konformità mar-rekwiżiti tal-istandard armonizzat imsemmi fl-Artikolu 1(2).

1.   Il-korp nazzjonali ta’ akkreditazzjoni għandu jaħtar tim ta’ valutazzjoni għal kull valutazzjoni mwettqa skont ir-rekwiżiti tal-istandard armonizzat imsemmi fl-Artikolu 1(2).

2.   Tim ta’ valutazzjoni għandu jikkonsisti minn assessur ewlieni responsabbli mit-twettiq ta’ valutazzjoni skont dan ir-Regolament u, fejn meħtieġ, għadd adegwat ta’ assessuri jew esperti tekniċi bl-għarfien u l-esperjenza rilevanti għall-kamp ta’ applikazzjoni speċifiku tal-akkreditazzjoni.

3.   Tim ta’ valutazzjoni għandu jinkludi mill-inqas persuna waħda bil-ħiliet li ġejjin:

1.   L-assessuri għandu jkollhom il-kompetenza sabiex iwettqu l-attivitajiet imsemmijin fl-Artikoli 5 sa 10. Għal dak l-għan, l-assessur għandu:

2.   Minbarra r-rekwiżiti tal-kompetenza stabbiliti fil-paragrafu 1, l-assessuri ewlenin għandhom juru kompetenza fit-tmexxija ta’ tim ta’ valutazzjoni u jkunu responsabbli għat-twettiq ta’ valutazzjoni f’konformità ma’ dan ir-Regolament.

3.   Minbarra r-rekwiżiti ta’ kompetenza stabbiliti fil-paragrafu 1, l-eżaminaturi interni u l-persuni li jieħdu deċiżjonijiet dwar l-għoti, l-estensjoni jew it-tiġdid ta’ akkreditazzjoni għandu jkollhom għarfien u esperjenza suffiċjenti biex jevalwaw l-akkreditazzjoni.

1.   Il-korp nazzjonali ta’ akkreditazzjoni jista’ jinkludi esperti tekniċi fit-tim ta’ valutazzjoni sabiex jipprovdu għarfien dettaljat u għarfien espert dwar suġġett speċifiku bl-għan li jkun jista’ jappoġġa lill-assessur ewlieni jew lill-assessur.

2.   Espert tekniku għandu jkollu l-kompetenza meħtieġa sabiex jappoġġa b’mod effettiv lill-assessur ewlieni u lill-assessur fis-suġġett li dwaru jkun qed jintalab l-għarfien u l-għarfien espert tiegħu. Barra minn hekk, l-espert tekniku għandu:

3.   L-esperti tekniċi għandhom iwettqu kompiti speċifikati taħt id-direzzjoni u taħt ir-responsabbiltà sħiħa tal-assessur ewlieni inkwistjoni.

1.   Meta l-korpi nazzjonali ta’ akkreditazzjoni jkunu soġġetti għal evalwazzjoni regolari bejn il-pari f’konformità mal-Artikolu 10 tar-Regolament (KE) Nru 765/2008, il-korp rikonoxxut skont l-Artikolu 14 tar-Regolament (KE) Nru 765/2008 għandu jimplimenta kriterji xierqa tal-evalwazzjoni bejn il-pari u proċess effettiv u indipendenti tal-evalwazzjoni bejn il-pari sabiex jivvaluta jekk:

2.   Il-kriterji għandhom jinkludu rekwiżiti ta’ kompetenza għall-evalwaturi bejn il-pari u għat-timijiet ta’ evalwazzjoni bejn il-pari li huma speċifiċi għar-Regolament (UE) 2023/1805.

3.   Il-korp rikonoxxut skont l-Artikolu 14 tar-Regolament (KE) Nru 765/2008 għandu jippubblika l-eżitu tal-evalwazzjoni bejn il-pari ta’ korp nazzjonali ta’ akkreditazzjoni msemmi fil-paragrafu 1 u jikkomunikah lill-Kummissjoni, lill-awtoritajiet nazzjonali responsabbli għall-korpi nazzjonali ta’ akkreditazzjoni fl-Istati Membri u lill-awtorità kompetenti tal-Istat amministrattiv jew lill-punt fokali msemmi fl-Artikolu 19.

4.   Minkejja l-Artikolu 10 tar-Regolament (KE) Nru 765/2008, meta korp nazzjonali ta’ akkreditazzjoni tkun saritlu evalwazzjoni b’suċċess bejn il-pari organizzata mill-korp rikonoxxut skont l-Artikolu 14 tar-Regolament (KE) Nru 765/2008 qabel id-dħul fis-seħħ ta’ dan ir-Regolament, il-korp nazzjonali ta’ akkreditazzjoni għandu jiġi eżentat milli ssirlu evalwazzjoni ġdida bejn il-pari wara d-dħul fis-seħħ ta’ dan ir-Regolament jekk ikun jista’ juri li huwa konformi ma’ dan ir-Regolament.

5.   Għal dak l-għan, il-korp nazzjonali ta’ akkreditazzjoni kkonċernat għandu jissottometti talba flimkien mad-dokumentazzjoni meħtieġa lill-korp rikonoxxut skont l-Artikolu 14 tar-Regolament (KE) Nru 765/2008.

6.   Il-korp rikonoxxut skont l-Artikolu 14 tar-Regolament (KE) Nru 765/2008 għandu jiddeċiedi jekk il-kundizzjonijiet għall-għotja ta’ eżenzjoni jkunux intlaħqu.

7.   L-eżenzjoni għandha tapplika għal perjodu ta’ mhux aktar minn 3 snin mid-data tan-notifika tad-deċiżjoni lill-korp nazzjonali ta’ akkreditazzjoni.

1.   Meta Stat Membru jkun stabbilixxa, matul spezzjoni mwettqa f’konformità mal-Artikolu 31(4) tad-Direttiva 2006/123/KE tal-Parlament Ewropew u tal-Kunsill (7), li verifikatur ma jkunx qed jikkonforma ma’ dan ir-Regolament, l-awtorità kompetenti tal-Istat amministrattiv jew il-korp nazzjonali ta’ akkreditazzjoni ta’ dak l-Istat Membru għandhom jinformaw lill-korp nazzjonali ta’ akkreditazzjoni li jkun akkredita lill-verifikatur.

2.   Il-korp nazzjonali ta’ akkreditazzjoni li jkun akkredita lill-verifikatur għandu jittratta l-komunikazzjoni ta’ din l-informazzjoni bħala lment skont it-tifsira tal-Artikolu 15 u għandu jieħu azzjoni xierqa u jwieġeb lill-awtorità kompetenti tal-Istat amministrattiv jew lill-korp nazzjonali ta’ akkreditazzjoni f’konformità mat-tieni subparagrafu tal-Artikolu 22(3).

1.   L-Istati Membri għandhom jistabbilixxu skambju effettiv ta’ informazzjoni xierqa u kooperazzjoni effettiva bejn il-korp nazzjonali ta’ akkreditazzjoni tagħhom u l-awtorità kompetenti tal-Istat amministrattiv.

2.   Fejn tinħatar aktar minn awtorità waħda skont l-Artikolu 27 tar-Regolament (UE) 2023/1805 fi Stat Membru, dak l-Istat Membru għandu jawtorizza lil waħda minn dawk l-awtoritajiet biex tkun il-punt fokali għall-iskambju ta’ informazzjoni, għall-koordinazzjoni tal-kooperazzjoni msemmija fil-paragrafu 1, u għall-attivitajiet imsemmija f’dan il-Kapitolu.

1.   Sal-31 ta’ Diċembru ta’ kull sena, il-korp nazzjonali ta’ akkreditazzjoni għandu jagħmel disponibbli programm ta’ ħidma ta’ akkreditazzjoni lill-awtorità kompetenti tal-Istat amministrattiv flimkien mal-lista ta’ verifikaturi akkreditati minn dak il-korp nazzjonali ta’ akkreditazzjoni. Il-programm ta’ ħidma marbut mal-akkreditazzjoni għandu jkun fih, tal-anqas, l-informazzjoni li ġejja fir-rigward ta’ kull verifikatur:

2.   Meta jkun hemm bidliet fl-informazzjoni msemmija fl-ewwel subparagrafu, il-korp nazzjonali ta’ akkreditazzjoni għandu jippreżenta programm ta’ ħidma aġġornat lill-awtorità kompetenti tal-Istat amministrattiv sal-31 ta’ Jannar ta’ kull sena.

3.   Wara s-sottomissjoni tal-programm ta’ ħidma ta’ akkreditazzjoni f’konformità mal-paragrafu 1, l-awtorità kompetenti tal-Istat amministrattiv għandha tipprovdi lill-korp nazzjonali ta’ akkreditazzjoni bl-informazzjoni rilevanti kollha, inkluża kwalunkwe leġiżlazzjoni u linji gwida nazzjonali applikabbli.

4.   Sal-1 ta’ Ġunju ta’ kull sena, il-korp nazzjonali ta’ akkreditazzjoni għandu jagħmel disponibbli rapport ta’ ġestjoni lill-awtorità kompetenti tal-Istat amministrattiv. Ir-rapport dwar il-ġestjoni għandu jkun fih l-informazzjoni li ġejja għal kull verifikatur li dak il-korp nazzjonali ta’ akkreditazzjoni jkun akkredita:

1.   Kull meta jiġu identifikati nuqqasijiet ta’ konformità jew nuqqasijiet, l-awtorità kompetenti tal-Istat amministrattiv responsabbli għall-kumpaniji li għalihom il-verifikatur ikun qed iwettaq verifika għandha tikkomunika mill-inqas dan li ġej fuq bażi annwali lill-korp nazzjonali ta’ akkreditazzjoni li jkun akkredita lil dak il-verifikatur:

2.   Meta l-informazzjoni msemmija fil-paragrafu 1 tipprovdi evidenza li l-awtorità kompetenti tkun identifikat kwistjonijiet fid-data rrapportata li ma ssodisfawx ir-rekwiżiti skont ir-Regolament (UE) 2023/1805, id-Direttiva 2003/87/KE u r-Regolament ta’ Implimentazzjoni dwar l-attivitajiet ta’ verifika FuelEU, il-korp nazzjonali ta’ akkreditazzjoni għandu jqis il-komunikazzjoni ta’ dik l-informazzjoni bħala lment mill-awtorità kompetenti tal-Istat amministrattiv dwar dak il-verifikatur skont it-tifsira tal-Artikolu 15.

3.   Il-korp nazzjonali ta’ akkreditazzjoni għandu jieħu azzjoni xierqa biex jindirizza tali kwistjonijiet u jwieġeb lill-awtorità kompetenti tal-Istat amministrattiv fi żmien raġonevoli, iżda mhux aktar tard minn 3 xhur mid-data tal-wasla. Il-korp nazzjonali ta’ akkreditazzjoni għandu jinforma lill-awtorità kompetenti tal-Istat amministrattiv fit-tweġiba tiegħu dwar l-azzjoni meħuda minnu u, fejn rilevanti, il-miżuri amministrattivi imposti fuq il-verifikatur.

1.   Meta l-korp nazzjonali ta’ akkreditazzjoni tal-Istat Membru responsabbli għal kumpanija li għaliha l-verifikatur iwettaq verifika jkun intalab iwettaq attivitajiet ta’ sorveljanza skont l-Artikolu 7(5), huwa għandu jirrapporta s-sejbiet tiegħu lill-korp nazzjonali ta’ akkreditazzjoni li jkun akkredita lill-verifikatur, sakemm ma jkunx miftiehem mod ieħor bejn iż-żewġ korpi nazzjonali ta’ akkreditazzjoni.

2.   Il-korp ta’ akkreditazzjoni nazzjonali li jkun akkredita lill-verifikatur għandu jikkunsidra s-sejbiet imsemmija fil-paragrafu 1 meta jkun qed jivvaluta jekk il-verifikatur jissodisfax ir-rekwiżiti stabbiliti f’dan ir-Regolament.

3.   Meta s-sejbiet imsemmijin fil-paragrafu 1 juru li l-verifikatur ma jkunx qiegħed jikkonforma ma’ dan ir-Regolament, il-korp nazzjonali ta’ akkreditazzjoni li jkun akkredita lill-verifikatur għandu jieħu l-azzjoni xierqa skont dan ir-Regolament u għandu jinforma lill-korp nazzjonali ta’ akkreditazzjoni li jkun wettaq l-attivitajiet ta’ sorveljanza dwar:

1.   Il-korpi nazzjonali ta’ akkreditazzjoni għandhom jistabbilixxu u jimmaniġġjaw bażi tad-data li għandha tkun disponibbli għall-pubbliku u jkun fiha l-informazzjoni li ġejja:

2.   Kwalunkwe bidla fl-istatus tal-verifikaturi għandha tiġi kkomunikata lill-Kummissjoni bl-użu ta’ mudell standardizzat rilevanti.

3.   Il-korp rikonoxxut skont l-Artikolu 14 tar-Regolament (KE) Nru 765/2008 għandu jiffaċilita u jarmonizza l-aċċess għall-bażijiet tad-data nazzjonali biex jippermetti komunikazzjoni effiċjenti u kosteffettiva bejn il-korpi nazzjonali ta’ akkreditazzjoni, il-verifikaturi, il-kumpaniji tat-tbaħħir u l-awtoritajiet kompetenti tal-Istat amministrattiv. Il-korp jista’ jgħaqqad dawk il-bażijiet tad-data f’bażi tad-data unika u ċentralizzata.

1.   Għall-finijiet li l-korp nazzjonali ta’ akkreditazzjoni jkun jista’ jabbozza l-programm ta’ ħidma ta’ akkreditazzjoni u r-rapport dwar il-ġestjoni msemmija fl-Artikolu 20, verifikatur għandu jibgħat l-informazzjoni li ġejja lill-korp nazzjonali ta’ akkreditazzjoni li jkun akkredaha sal-15 ta’ Novembru ta’ kull sena:

2.   Fejn ikun hemm bidliet fl-informazzjoni msemmija fil-paragrafu 1, il-verifikatur għandu jinnotifika dak it-tibdil lill-korp ta’ akkreditazzjoni f’perjodu ta’ żmien miftiehem ma’ dak il-korp nazzjonali ta’ akkreditazzjoni.