(1)

Il-Kunsill tal-Ewropa għandu l-għan li jadotta rakkomandazzjoni biex jindirizza l-impatt tas-sistemi tal-intelliġenza artifiċjali (“IA”), il-potenzjal tagħhom għall-promozzjoni tal-ugwaljanza, inkluż l-ugwaljanza bejn il-ġeneri, u r-riskji li jistgħu jġibu magħhom b’rabta man-nondiskriminazzjoni (ir-“Rakkomandazzjoni”). Ir-Rakkomandazzjoni mistennija tiġi approvata mill-Kummissjoni għall-Ugwaljanza bejn il-Ġeneri (“GEC”) tal-Kunsill tal-Ewropa u l-Kumitat ta’ Tmexxija dwar il-Ġlieda kontra d-Diskriminazzjoni u dwar id-Diversità u l-Inklużjoni (“CDADI”), matul is-sessjoni plenarja konġunta tagħhom f’Novembru 2025 u għandha tiġi adottata formalment mill-Kumitat tal-Ministri tal-Kunsill tal-Ewropa.

(2)

Ir-Rakkomandazzjoni għan li tassisti lill-Istati Membri tal-Kunsill tal-Ewropa fil-promozzjoni tal-ugwaljanza, inkluż l-ugwaljanza bejn il-ġeneri, u li tipprevjeni u tiġġieled kontra kull forma ta’ diskriminazzjoni, fl-attivitajiet kollha tagħhom u dawk tal-atturi pubbliċi u privati tul iċ-ċiklu tal-ħajja tas-sistemi tal-IA. Ir-Rakkomandazzjoni tiffoka fuq l-ugwaljanza u l-intelliġenza artifiċjali u, filwaqt li mhijiex strument ta’ implimentazzjoni, tfittex li żżomm koerenza mal-kamp ta’ applikazzjoni u l-kontenut tal-Konvenzjoni Qafas tal-Kunsill tal-Ewropa dwar l-Intelliġenza Artifiċjali u d-Drittijiet tal-Bniedem, id-Demokrazija u l-Istat tad-Dritt (il-“Konvenzjoni Qafas”), li ġiet iffirmata mill-Unjoni skont id-Deċiżjoni tal-Kunsill (UE) 2024/2218 (1).

(3)

Il-Konvenzjoni Qafas tistipula prinċipji u obbligi ġenerali li l-partijiet għall-Konvenzjoni Qafas jenħtieġ li josservaw biex jiżguraw il-protezzjoni tad-drittijiet tal-bniedem, tad-demokrazija, u tal-istat tad-dritt fir-rigward tal-attivitajiet tul iċ-ċiklu tal-ħajja tas-sistemi tal-IA. Il-Kummissjoni pproponiet li l-Unjoni tikkonkludi l-Konvenzjoni Qafas. Id-Deċiżjoni tal-Kunsill għall-konklużjoni tal-Konvenzjoni Qafas tinsab fil-proċess li tiġi adottata mill-Kunsill.

(4)

Fit-13 ta’ Ġunju 2024, il-Parlament Ewropew u l-Kunsill adottaw, abbażi tal-Artikoli 16 u 114 tat-Trattat dwar il-Funzjonament tal-Unjoni Ewropea (TFUE), ir-Regolament (UE) 2024/1689 tal-Parlament Ewropew u tal-Kunsill (2), li jistipula regoli armonizzati, ġeneralment ibbażati fuq armonizzazzjoni sħiħa, li jirregolaw l-introduzzjoni fis-suq, it-tqegħid fis-servizz u l-użu tas-sistemi tal-IA fl-Unjoni. Dawk ir-regoli huma direttament applikabbli fl-Istati Membri, sakemm ma jkunx espliċitament previst mod ieħor.

(5)

Il-Konvenzjoni Qafas trid tiġi implimentata fl-Unjoni esklużivament permezz tar-Regolament (UE) 2024/1689 u ta’ partijiet rilevanti oħra tal-acquis tal-Unjoni, fejn applikabbli.

(6)

Ir-Rakkomandazzjoni mhijiex legalment vinkolanti għall-Istati Membri tal-Kunsill tal-Ewropa. Ser ikollha l-kapaċità li tipproduċi effetti legali, jiġifieri fil-kuntest tal-implimentazzjoni tar-Regolament (UE) 2024/1689, fejn ikollha l-kapaċità li tinfluwenza b’mod deċiżiv il-leġiżlazzjoni tal-Unjoni kif imsemmi fl-Artikoli 40(3) u 56(1) ta’ dak ir-Regolament. Għaldaqstant, huwa xieraq li tiġi stabbilita l-pożizzjoni li għandha tittieħed f’isem l-Unjoni dwar ir-Rakkomandazzjoni fis-sessjoni plenarja konġunta tal-GEC u s-CDADI, kif ukoll fil-Kumitat tal-Ministri. Din id-Deċiżjoni hija mingħajr preġudizzju għal kwalunkwe rakkomandazzjoni jew strument oħra li jistgħu jiġu adottati fil-futur taħt l-awspiċji tal-Kunsill tal-Ewropa jew f’fora internazzjonali oħra.

(7)

Il-kamp ta’ applikazzjoni personali u materjali tar-Rakkomandazzjoni jikkoinċidi, fil-biċċa l-kbira, mar-Regolament (UE) 2024/1689, li jistabbilixxi regoli għall-IA li b’mod ġenerali huma bbażati fuq armonizzazzjoni sħiħa fl-Unjoni.

(8)

Jenħtieġ li l-Unjoni tiżgura li r-Rakkomandazzjoni tkun konsistenti mad-dritt tal-Unjoni, b’mod partikolari mar-Regolament (UE) 2024/1689. Għal rakkomandazzjonijiet speċifiċi li jikkonċernaw l-iżvilupp u l-użu tas-sistemi tal-IA li huma armonizzati għalkollox fl-Unjoni, jenħtieġ li l-Unjoni jkollha l-għan li tiżgura li r-Rakkomandazzjoni tkun konsistenti mar-Regolament (UE) 2024/1689 u mal-prinċipji stabbiliti fil-Konvenzjoni Qafas.

(9)

Dment li dawn il-kundizzjonijiet jiġu ssodisfati, ir-Rakkomandazzjoni tista’ tiġi approvata f’isem l-Unjoni fis-sessjoni plenarja konġunta tal-GEC u tas-CDADI li hija skedata li ssir f’Novembru 2025 u tiġi adottata f’laqgħa sussegwenti fil-Kumitat tal-Ministri.

(10)

Billi l-Unjoni mhijiex membru tal-Kunsill tal-Ewropa iżda l-Istati Membri kollha huma membri, il-pożizzjoni tal-Unjoni trid tiġi espressa mill-Istati Membri tagħha, li jaġixxu b’mod konġunt,