(1)

Il-Bank Ċentrali Ewropew (BĊE) għandu d-dritt esklużiv li jawtorizza l-ħruġ ta’ karti tal-flus tal-euro fl-Unjoni. Dan id-dritt jinkludi l-kompetenza biex jieħu miżuri biex jipproteġi l-integrità ta’ karti tal-flus tal-euro bħala mezz ta’ pagament u ħażna ta’ valur. Id-Deċiżjoni BĊE/2010/14 tal-Bank Ċentrali Ewropew (1) tistabbilixxi regoli u proċeduri komuni dwar il-verifika tal-awtentiċità u l-kundizzjoni u r-riċirkulazzjoni tal-karti tal-flus tal-euro. Fid-dawl tal-esperjenza miksuba fl-applikazzjoni tad-Deċiżjoni BĊE/2010/14, huwa meħtieġ xi titjib ulterjuri ta’ ċerti regoli u proċeduri.

(2)

Il-cash handlers huma obbligati li jgħaddu karti tal-flus tal-euro suspettati li huma foloz għall-awtentikazzjoni lill-awtoritajiet nazzjonali kompetenti immedjatament, sa mhux aktar tard minn 20 jum tax-xogħol wara li jiġu ddepożitati f’magna li timmaniġġja l-karti tal-flus. Madankollu, f’xi Stati Membri li l-munita tagħhom hija l-euro, perċentwal għoli ta’ dawn il-karti tal-flus tal-euro spiss jiġu awtentikati bħala ġenwini mill-awtoritajiet nazzjonali kompetenti. Għalhekk, għadd kbir ta’ karti tal-flus tal-euro ġenwini qed jintbagħtu bla bżonn lill-awtoritajiet nazzjonali kompetenti għal analiżi ulterjuri, li barra minn hekk iwassal għal dewmien bla bżonn fl-ikkreditar tal-ammont korrispondenti lid-detentur tal-kont. Huwa għalhekk meħtieġ li l-banek ċentrali nazzjonali (BĊNi) tal-Istati Membri li l-munita tagħhom hija l-euro jingħataw is-setgħa, wara konsultazzjoni mal-awtoritajiet nazzjonali kompetenti rilevanti, li jawtorizzaw l-ipproċessar mill-ġdid ta’ karti tal-flus tal-euro suspettati li huma foloz minn cash handlers. Meta l-karti tal-flus tal-euro jiġu kklassifikati bħala karti tal-flus tal-euro suspettati li huma foloz kemm mill-ewwel kif ukoll mit-tieni magni li jimmaniġġjaw il-karti tal-flus, dawn għandhom jiġu mgħoddija mill-cash handlers lill-awtoritajiet nazzjonali kompetenti. Il-karti tal-flus tal-euro kklassifikati bħala karti tal-flus tal-euro suspettati li huma foloz mill-ewwel magna li timmaniġġja l-karti tal-flus għandhom jitneħħew miċ-ċirkolazzjoni, irrispettivament mill-klassifikazzjoni tagħhom mit-tieni magna li timmaniġġja l-karti tal-flus.

(3)

Il-cash handlers huma meħtieġa jgħaddu karti tal-flus tal-euro suspettati li huma foloz lill-awtoritajiet nazzjonali kompetenti u jipprovdulhom l-informazzjoni disponibbli relatata mad-detentur tal-kont. Huwa meħtieġ li jiġi ċċarat li dan l-obbligu tal-aħħar japplika mhux biss f’każijiet fejn il-karti tal-flus tal-euro huma kklassifikati minn magni mħaddma mill-klijent, iżda wkoll minn magni mħaddma mill-persunal u fejn il-karti tal-flus tal-euro huma kklassifikati wara verifika manwali tal-awtentiċità minn membru tal-persunal imħarreġ.

(4)

Għal raġunijiet ta’ ċarezza u effiċjenza, huwa meħtieġ li l-kliem tal-Artikolu 5 jiġi allinjat ma’ dak tal-Annessi IIa u IIb tad-Deċiżjoni.

(5)

Għaldaqstant, id-Deċiżjoni BĊE/2010/14 għandha tiġi emendata kif meħtieġ,

(1)

L-Artikolu 5 huwa ssostitwit b’dan li ġej:

(2)

L-Annessi IIa u IIb huma emendati f’konformità mal-Anness għal din id-Deċiżjoni.