(1)

Fit-3 ta’ Lulju 2013, il-Kunsill adotta d-Deċiżjoni 2013/354/PESK (1), li kompliet il-Missjoni tal-Pulizija tal-Unjoni Ewropea għat-Territorji Palestinjani (EUPOL COPPS) mill-1 ta’ Lulju 2013 ’il quddiem.

(2)

Fil-25 ta’ Ġunju 2024, il-Kunsill adotta d-Deċiżjoni (PESK) 2024/1813 (2), li estendiet il-mandat tal-EUPOL COPPS sat-30 ta’ Ġunju 2025.

(3)

Fil-konklużjonijiet tiegħu tal-20 ta’ Marzu 2025, il-Kunsill Ewropew tenna li l-Unjoni Ewropea għadha impenjata bis-sħiħ għal paċi dejjiema u sostenibbli bbażata fuq is-soluzzjoni ta’ żewġ stati u hija lesta li tikkontribwixxi għall-isforzi kollha lejn dik is-soluzzjoni, u appella lill-partijiet kollha biex iżommu lura minn azzjonijiet li jimminaw il-vijabbiltà tagħha. Il-Kunsill Ewropew iddikjara wkoll li l-Unjoni ser tkompli taħdem mas-sħab reġjonali u internazzjonali għal dak l-għan u ser tkompli tappoġġa lill-Awtorità Palestinjana u l-aġenda ta’ riforma tagħha.

(4)

Fit-30 ta’ April 2025, fil-kuntest tar-rieżami strateġiku koordinat tal-EUPOL COPPS u tal-Missjoni tal-Unjoni Ewropea ta’ Assistenza fil-Fruntieri għall-Punt ta’ Qsim ta’ Rafah (EU BAM Rafah), il-Kumitat Politiku u ta’ Sigurtà qabel li l-mandati taż-żewġ missjonijiet jenħtieġ li jiġu estiżi sat-30 ta’ Ġunju 2027.

(5)

B’kont meħud tal-informazzjoni pprovduta minn Iżrael u l-Awtorità Palestinjana, jenħtieġ li l-EUPOL COPPS tiġi estiża b’sena.

(6)

Għalhekk id-Deċiżjoni 2013/354/PESK jenħtieġ li tiġi emendata skont dan.

(7)

L-EUPOL COPPS ser titwettaq fil-kuntest ta’ sitwazzjoni li tista’ tiddeterjora u li tista’ tfixkel il-kisba tal-objettivi tal-azzjoni esterna tal-Unjoni kif stabbilit fl-Artikolu 21 tat-Trattat,

(1)

fl-Artikolu 12(1), jiżdied is-subparagrafu li ġej:

“L-ammont ta’ referenza finanzjarja maħsub biex ikopri n-nefqa marbuta ma’ EUPOL COPPS għall-perjodu mill-1 ta’ Lulju 2025 sat-30 ta’ Ġunju 2026 għandu jkun ta’ EUR 13 315 915,25.”

(2)

fl-Artikolu 15, it-tielet paragrafu huwa sostitwit b’dan li ġej:

“Għandha tiskadi fit-30 ta’ Ġunju 2026.”.