(1)

Skont l-Artikolu 300(3) tat-Trattat, il-Kumitat tar-Reġjuni għandu jkun kompost minn rappreżentanti tal-korpi reġjonali u lokali, li jew ikollhom mandat elettorali ta’ awtorità reġjonali jew lokali jew ikunu politikament responsabbli quddiem assemblea eletta.

(2)

Fl-20 ta’ Jannar 2020, il-Kunsill adotta d-Deċiżjoni (UE) 2020/102 (2), li taħtar il-membri u l-membri supplenti tal-Kumitat tar-Reġjuni għall-perjodu mis-26 ta’ Jannar 2020 sal-25 ta’ Jannar 2025.

(3)

Konsegwentement għal tmiem il-mandati nazzjonali li abbażi tagħhom ġew proposti għall-ħatra s-Sa Barbara Szilvia HEGEDŰS, is-Sur József KÓBOR, is-Sur Lajos KOVÁCS u s-Sur József RIBÁNYI saru vakanti s-siġġijiet ta’ erba’ membri fil-Kumitat tar-Reġjuni.

(4)

Konsegwentement għal tmiem il-mandati nazzjonali li abbażi tagħhom ġew proposti għall-ħatra s-Sur Attila KISS, is-Sur Erik KONCZER, is-Sur Ádám MIRKÓCZKI u s-Sur Zoltán NÉMETH saru vakanti s-siġġijiet ta’ erba’ membri supplenti fil-Kumitat tar-Reġjuni.

(5)

Konsegwentement għall-ħatra tas-Sur Raymund KOVÁCS bħala membru tal-Kumitat tar-Reġjuni, ser isir vakanti siġġu ta’ membru supplenti.

(6)

Il-Gvern Ungeriż ippropona lir-rappreżentanti li ġejjin ta’ korpi reġjonali jew lokali li għandhom mandat elettorali ta’ awtorità reġjonali jew lokali bħala membri fil-Kumitat tar-Reġjuni għall-bqija tal-mandati attwali, li jintemm fil-25 ta’ Jannar 2025: is-Sur Raymund KOVÁCS, Budapest Főváros XVI. Kerület Képviselőtestület tagja (Membru tal-Assemblea Lokali tas-16-il Distrett ta’ Budapest), is-Sur László Szabolcs ŐRI, Baranya Vármegye Közgyűlés elnöke (President tal-Kunsill tal-Kontea ta’ Baranya Vármegye), is-Sa Klaudia SZEMEREYNÉ PATAKI, Kecskemét Megyei Jogú Város polgármestere (Sindku tal-Belt ta’ Kecskemét bi drittijiet ta’ kontea), u, abbażi ta’ mandat nazzjonali differenti, is-Sur Attila KISS, Hajdú-Biher Vármegye Közgyűlés tagja (Membru tal-Kunsill tal-Kontea ta’ Hajdú-Bihar Vármegye).

(7)

Il-Gvern Ungeriż ippropona lir-rappreżentanti li ġejjin ta’ korpi reġjonali jew lokali li għandhom mandat elettorali ta’ awtorità reġjonali jew lokali bħala membri supplenti fil-Kumitat tar-Reġjuni għall-bqija tal-mandat attwali, li jintemm fil-25 ta’ Jannar 2025: is-Sur Károly ANDRÁS, Bács Kiskun Vármegye Közgyűlés tagja (Membru tal-Kunsill tal-Kontea ta’ Bács-Kiskun Vármegye), is-Sur Lajos BARCSA, Debrecen Megyei Jogú Város Képviselőtestület tagja (Membru tal-Kunsill tal-Kontea ta’ Debrecen bi drittijiet ta’ kontea), is-Sur Béla BÁSTHY, Kőszeg Város polgármestere (Sindku tal-Belt ta’ Kőszeg), is-Sur Benedek FARKAS, Budaörs Város Képviselőtestület tagja (Membru tal-Assemblea Lokali tal-Belt ta’ Budaörs) u s-Sa Marietta HERFORT Budapest Főváros v. Kerület Képviselőtestület tagja (Membru tal-Assemblea Lokali tal-ħames Distrett ta’ Budapest),

(a)

bħala membri:

(b)

bħala membri supplenti: