(1)

Il-Qafas Ewropew għall-Identità Diġitali stabbilit bir-Regolament (UE) Nru 910/2014 hu komponent kruċjali fl-istabbiliment ta’ ekosistema tal-identità diġitali sigura u interoperabbli madwar l-Unjoni. Bil-Kartieri Ewropej tal-Identità Diġitali (“kartieri”) bħala l-pedament tal-qafas, dan jimmira li jiffaċilita l-aċċess għas-servizzi fl-Istati Membri kollha, filwaqt li jiżgura l-protezzjoni tad-data personali u tal-privatezza.

(2)

Ir-Regolament (UE) 2016/679 tal-Parlament Ewropew u tal-Kunsill (2), jew ir-Regolament (UE) 2018/1725 tal-Parlament Ewropew u tal-Kunsill (3) u, meta rilevanti, id-Direttiva 2002/58/KE tal-Parlament Ewropew u tal-Kunsill (4) japplikaw għall-attivitajiet kollha tal-ipproċessar tad-data personali skont dan ir-Regolament.

(3)

L-Artikolu 5a(23) tar-Regolament (UE) Nru 910/2014 jagħti mandat lill-Kummissjoni, meta meħtieġ, biex tistabbilixxi l-ispeċifikazzjonijiet u l-proċeduri rilevanti. Dan jinkiseb permezz ta’ erba’ Regolamenti ta’ Implimentazzjoni, li jittrattaw il-protokolli u l-interfaċċi: ir-Regolament ta’ Implimentazzjoni tal-Kummissjoni (UE) 2024/2982 (5), l-integrità u l-funzjonalitajiet ewlenin: ir-Regolament ta’ Implimentazzjoni tal-Kummissjoni (UE) 2024/2979 (6), id-data ta’ identifikazzjoni ta’ persuna u l-attestazzjoni elettronika tal-attributi: ir-Regolament ta’ Implimentazzjoni tal-Kummissjoni (UE) 2024/2977 (7), kif ukoll in-notifiki tal-Kumimssjoni: ir-Regolament ta’ Implimentazzjoni tal-Kummissjoni (UE) 2024/2980 (8). Dan ir-Regolament jistabbilixxi r-rekwiżiti rilevanti għan-notifiki tal-Istati Membri ta’ entitajiet fdati li jistabbilixxu l-affidabbiltà tal-Qafas Ewropew għall-Identità Diġitali.

(4)

Il-Kummissjoni tivvaluta regolarment teknoloġiji, prattiki, standards jew speċifikazzjonijiet tekniċi ġodda. Biex ikun żgurat l-aqwa livell ta’ armonizzazzjoni fost l-Istati Membri għall-iżvilupp u ċ-ċertifikazzjoni tal-kartieri, l-ispeċifikazzjonijiet tekniċi stabbiliti f’dan ir-Regolament jiddependu fuq il-ħidma mwettqa abbażi tar-Rakkomandazzjoni tal-Kummissjoni (UE) 2021/946 tat-3 ta’ Ġunju 2021 dwar Sett ta’ Għodod komuni tal-Unjoni għal approċċ ikkoordinat lejn Qafas Ewropew għall-Identità Diġitali (9) u b’mod partikolari l-arkitettura u l-qafas ta’ referenza. F’konformità mal-Premessa 75 tar-Regolament (UE) 2024/1183 tal-Parlament Ewropew u tal-Kunsill (10), il-Kummissjoni jenħtieġ li tirrieżamina u taġġorna dan ir-Regolament ta’ Implimentazzjoni, jekk ikun meħtieġ, biex iżżommu konformi mal-iżviluppi dinjin, l-arkitettura u l-qafas ta’ referenza u biex timxi mal-aqwa prattiki fis-suq intern.

(5)

Biex jintlaħaq l-objettiv li jiġi stabbilit sors trasparenti u affidabbli ta’ informazzjoni għall-awtentikazzjoni tal-entitajiet fl-ekosistema tal-Kartiera Ewropea tal-Identità Diġitali, bħall-fornituri tal-kartieri, il-fornituri tad-data tal-identifikazzjoni tal-persuni u l-partijiet dipendenti fuq kartiera, l-Istati Membri jenħtieġ li jinnotifikaw l-informazzjoni meħtieġa lis-sistema elettronika pprovduta mill-Kummissjoni. F’konformità mal-approċċ li ħadet id-Deċiżjoni ta’ Implimentazzjoni tal-Kummissjoni (UE) 2015/1984 (11) li tiddefinixxi ċ-ċirkostanzi, il-formati u l-proċeduri tan-notifika fir-rigward tal-iskemi tal-identifikazzjoni elettronika applikabbli għall-mezzi tal-identifikazzjoni elettronika, l-informazzjoni jenħtieġ li tiġi pprovduta mill-Istati Membri lill-Kummissjoni bl-Ingliż. B’dan il-mod, id-deskrizzjonijiet tal-iskemi tal-identifikazzjoni elettronika jkunu disponibbli bl-Ingliż għal dawn l-iskemi kollha, irrispettivament minn jekk ikunux relatati mal-mezzi tal-identifikazzjoni elettronika jew mal-kartieri.

(6)

Bl-istess objettiv li jiġu stabbiliti sorsi tal-informazzjoni li jippermettu l-awtentikazzjoni tal-entitajiet fl-ekosistema tal-Kartiera Ewropea tal-Identità Diġitali, il-Kummissjoni jenħtieġ li tistabbilixxi infrastruttura biex tagħmel l-informazzjoni disponibbli għall-pubbliku b’mod sigur, li jinqara mill-bniedem, ċar u aċċessibbli faċilment, kif ukoll b’forma ffirmata jew issiġillata elettronikament xierqa għall-ipproċessar awtomatizzat, inkluż billi toffri interfaċċa għall-ipprogrammar tal-applikazzjonijiet.

(7)

Il-Kontrollur Ewropew għall-Protezzjoni tad-Data ġie kkonsultat f’konformità mal-Artikolu 42(1) tar-Regolament (UE) 2018/1725 u ta l-opinjoni tiegħu nhar it-30 ta’ Settembru 2024.

(8)

Il-miżuri previsti f’dan ir-Regolament huma f’konformità mal-opinjoni tal-Kumitat imsemmi fl-Artikolu 48 tar-Regolament (UE) Nru 910/2014,

(1)

ir-reġistri elettroniċi użati minn Stat Membru biex jippubblika l-informazzjoni dwar il-partijiet dipendenti fuq kartiera li huma rreġistrati f’dak l-Istat Membru f’konformità mal-Artikolu 5b(5) tar-Regolament (UE) Nru 910/2014 (“reġistri tal-partijiet dipendenti fuq kartiera”), il-post tar-reġistri tal-partijiet dipendenti fuq kartiera, u l-identifikazzjoni tar-reġistraturi tal-dipendenti fuq kartiera;

(2)

l-identità tal-partijiet dipendenti fuq kartiera rreġistrati;

(3)

l-awtentiċità u l-validità tal-unitajiet tal-kartieri;

(4)

l-identifikazzjoni tal-fornituri tal-kartieri;

(5)

l-awtentiċità tad-data tal-identifikazzjoni tal-persuni;

(6)

l-identifikazzjoni tal-fornituri tad-data tal-identifikazzjoni tal-persuni;

biex jiġu aġġornati b’mod regolari ħalli jibqgħu konformi mal-iżviluppi teknoloġiċi u l-istandards u mal-ħidma mwettqa abbażi tar-Rakkomandazzjoni (UE) 2021/946, u b’mod partikolari mal-Arkitettura u l-Qafas ta’ Referenza.

(1)

“fornitur tal-kartieri” tfisser persuna fiżika jew ġuridika li tipprovdi soluzzjonijiet tal-kartieri;

(2)

“fornitur tad-data tal-identifikazzjoni tal-persuna” tfisser persuna fiżika jew ġuridika responsabbli biex toħroġ u tirrevoka d-data tal-identifikazzjoni tal-persuna u biex tiżgura li d-data tal-identifikazzjoni tal-persuna ta’ utent tkun marbuta b’mod kriptografiku ma’ unità tal-kartiera;

(3)

“parti dipendenti fuq kartiera” tfisser parti dipendenti li jkun beħsiebha tistrieħ fuq unitajiet tal-kartiera biex tipprovdi xi servizzi pubbliċi jew privati bl-interazzjoni diġitali;

(4)

“reġistru tal-partijiet dipendenti fuq kartiera” tfisser reġistru elettroniku użat minn Stat Membru biex jagħmel l-informazzjoni dwar il-partijiet dipendenti fuq kartiera li huma rreġistrati f’dak l-Istat Membru disponibbli għall-pubbliku kif stabbilit fl-Artikolu 5b(5) tar-Regolament (UE) Nru 910/2014;

(5)

“reġistratur tal-partijiet dipendenti fuq kartiera” tfisser il-korp maħtur minn Stat Membru li jkun responsabbli biex jistabbilixxi u jżomm il-lista tal-partijiet dipendenti fuq kartiera li jkunu rreġistrati u stabbiliti f’dak it-territorju;

(6)

“unità tal-kartiera” tfisser konfigurazzjoni unika ta’ soluzzjoni tal-kartieri li tinkludi l-istanzi tal-kartiera, l-applikazzjonijiet kriptografiċi siguri tal-kartieri u l-apparati kriptografiċi siguri tal-kartieri pprovduti minn fornitur tal-kartieri lil utent individwali tal-kartiera;

(7)

“soluzzjoni tal-kartieri” tfisser taħlita ta’ software, hardware, servizzi, u konfigurazzjonijiet, inkluż l-istanzi tal-kartiera, applikazzjoni kriptografika sigura waħda jew aktar tal-kartieri, u apparat kriptografiku sigur wieħed jew aktar tal-kartieri;

(8)

“istanza tal-kartiera” tfisser l-applikazzjoni installata u kkonfigurata fuq l-apparat jew l-ambjent ta’ utent tal-kartiera, li hu parti minn unità tal-kartiera, u li l-utent tal-kartiera juża biex jinteraġixxi mal-unità tal-kartiera;

(9)

“applikazzjoni kriptografika sigura tal-kartieri” tfisser applikazzjoni li timmaniġġja l-assi kritiċi billi tkun marbuta mal-funzjonijiet kriptografiċi u mhux kriptografiċi pprovduti mill-apparat kriptografiku sigur tal-kartieri, u tużahom;

(10)

“apparat kriptografiku sigur tal-kartieri” tfisser apparat reżistenti għat-tbagħbis li jipprovdi ambjent li jkun marbut mal-applikazzjoni kriptografika sigura tal-kartieri biex jipproteġi l-assi kritiċi u jipprovdi funzjonijiet kriptografiċi għall-eżekuzzjoni sigura ta’ operazzjonijiet kritiċi, u li jintuża minnhom;

(11)

“assi kritiċi” tfisser assi fi ħdan jew b’rabta ma’ unità tal-kartiera li jkollhom importanza tant straordinarja li meta d-disponibbiltà, il-kunfidenzjalità jew l-integrità tagħhom jiġu kompromessi, dan iħalli effett debilitanti serju ħafna fuq il-kapaċità li wieħed jiddependi fuq dik l-unità tal-kartiera;

(12)

“utent tal-kartiera” tfisser utent li jkollu l-kontroll tal-unità tal-kartiera;

(13)

“fornitur taċ-ċertifikati tal-aċċess għal parti dipendenti fuq kartiera” tfisser persuna fiżika jew ġuridika li jkollha mandat mingħand Stat Membru biex toħroġ ċertifikati tal-aċċess għal parti dipendenti fuq kartiera lil partijiet dipendenti fuq kartiera rreġistrati f’dak l-Istat Membru;

(14)

“ċertifikat tal-aċċess għal parti dipendenti fuq kartiera” tfisser ċertifikat għal siġilli jew firem elettroniċi li jawtentikaw u jivvalidaw lil parti dipendenti fuq kartiera, u li jinħareġ minn fornitur taċ-ċertifikati tal-aċċess għal parti dipendenti fuq kartiera.