This document is an excerpt from the EUR-Lex website
Document 32024R2177
Commission Implementing Regulation (EU) 2024/2177 of 2 September 2024 concerning the authorisation of a preparation of 6-phytase produced with Aspergillus oryzae DSM 33737 as a feed additive for all poultry species for fattening or reared for laying or reared for breeding, sows of all Suidae species and all fin fish (holder of authorisation: DSM Nutritional Products Ltd, represented by DSM Nutritional Products Sp. z o.o.)
Regolament ta’ Implimentazzjoni tal-Kummissjoni (UE) 2024/2177 tat-2 ta’ Settembru 2024 dwar l-awtorizzazzjoni ta’ prepazzjoni ta’ 6-fitażi prodotta bl-Aspergillus oryzae DSM 33737 bħala addittiv tal-għalf għall-ispeċijiet kollha tal-pollam tas-simna jew imrobbija għall-bajd jew imrobbija għat-tgħammir, għall-majjaliet tal-ispeċijiet Suidae kollha u għall-ħut bil-pinen kollu (detentur tal-awtorizzazzjoni: DSM Nutritional Products Ltd, rappreżentat minn DSM Nutritional Products Sp. z o.o.)
Regolament ta’ Implimentazzjoni tal-Kummissjoni (UE) 2024/2177 tat-2 ta’ Settembru 2024 dwar l-awtorizzazzjoni ta’ prepazzjoni ta’ 6-fitażi prodotta bl-Aspergillus oryzae DSM 33737 bħala addittiv tal-għalf għall-ispeċijiet kollha tal-pollam tas-simna jew imrobbija għall-bajd jew imrobbija għat-tgħammir, għall-majjaliet tal-ispeċijiet Suidae kollha u għall-ħut bil-pinen kollu (detentur tal-awtorizzazzjoni: DSM Nutritional Products Ltd, rappreżentat minn DSM Nutritional Products Sp. z o.o.)
C/2024/5954
ĠU L, 2024/2177, 3.9.2024, ELI: http://data.europa.eu/eli/reg_impl/2024/2177/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
Il-Ġurnal Uffiċjali |
MT Is-serje L |
2024/2177 |
3.9.2024 |
REGOLAMENT TA’ IMPLIMENTAZZJONI TAL-KUMMISSJONI (UE) 2024/2177
tat-2 ta’ Settembru 2024
dwar l-awtorizzazzjoni ta’ prepazzjoni ta’ 6-fitażi prodotta bl-Aspergillus oryzae DSM 33737 bħala addittiv tal-għalf għall-ispeċijiet kollha tal-pollam tas-simna jew imrobbija għall-bajd jew imrobbija għat-tgħammir, għall-majjaliet tal-ispeċijiet Suidae kollha u għall-ħut bil-pinen kollu (detentur tal-awtorizzazzjoni: DSM Nutritional Products Ltd, rappreżentat minn DSM Nutritional Products Sp. z o.o.)
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1831/2003 tal-Parlament Ewropew u l-Kunsill tat-22 ta’ Settembru 2003 fuq l-addittivi għall-użu fl-għalf tal-annimali (1), u b’mod partikolari l-Artikolu 9(2) tiegħu,
Billi:
(1) |
Ir-Regolament (KE) Nru 1831/2003 jipprevedi l-awtorizzazzjoni ta’ addittivi għall-użu fl-għalf tal-annimali u r-raġunijiet u l-proċeduri għall-għoti ta’ tali awtorizzazzjoni. |
(2) |
F’konformità mal-Artikolu 7 tar-Regolament (KE) Nru 1831/2003, tressqet applikazzjoni għall-awtorizzazzjoni ta’ preparazzjoni ta’ 6-fitażi prodotta bl-Aspergillus oryzae DSM 33737. Flimkien ma’ dik l-applikazzjoni ntbagħtu d-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003. |
(3) |
L-applikazzjoni tikkonċerna l-awtorizzazzjoni ta’ preparazzjoni ta’ 6-fitażi prodotta bl-Aspergillus oryzae DSM 33737 bħala addittiv tal-għalf għall-pollam kollu, għas-Suidae kollha u għall-ħut bil-pinen kollu, fejn jintalab li dak l-addittiv jiġi kklassifikat fil-kategorija “addittivi żootekniċi” u fil-grupp funzjonali “sustanzi li jsaħħu d-diġestibbiltà”. |
(4) |
Fl-opinjoni tagħha tal-1 ta’ Frar 2024 (2), l-Awtorità Ewropea dwar is-Sigurtà fl-Ikel (“l-Awtorità”) ikkonkludiet li, skont il-kundizzjonijiet tal-użu proposti, il-preparazzjoni ta’ 6-fitażi prodotta bl-Aspergillus oryzae DSM 33737 hija sikura għall-pollam kollu, għas-Suidae kollha u għall-ħut bil-pinen kollu. Iddikjarat ukoll li l-preparazzjoni hija sikura għall-konsumaturi u għall-ambjent. L-Awtorità kkonkludiet ukoll li l-preparazzjoni ta’ 6-fitażi prodotta bl-Aspergillus oryzae DSM 33737, fil-formulazzjonijiet finali tal-addittiv, mhijiex irritant tal-ġilda. Iż-żewġ formulazzjonijiet likwidi tal-addittiv mhumiex irritanti tal-għajnejn, filwaqt li ż-żewġ formulazzjonijiet solidi jridu jitqiesu bħala irritanti tal-għajnejn. L-Awtorità ma setgħetx tasal għal konklużjoni dwar is-sensitizzazzjoni tal-ġilda tal-formulazzjonijiet finali tal-addittiv. Minħabba n-natura proteinaċja tas-sustanza attiva (6-fitażi), l-addittiv jitqies bħala sensitizzatur respiratorju. Madankollu, l-esponiment bl-inalazzjoni tqies bħala improbabbli. L-Awtorità kkonkludiet ukoll li l-preparazzjoni ta’ 6-fitażi prodotta bl-Aspergillus oryzae DSM 33737 għandha l-potenzjal li tkun effikaċi fil-pollam tas-simna u mrobbija għall-bajd jew għat-tgħammir kollu u fis-Suidae riproduttivi kollha fil-livell ta’ użu propost minimu ta’ 200 FYT/kg ta’ għalf komplet u fil-ħut bil-pinen kollu fil-livell ta’ użu propost minimu ta’ 1 000 FYT/kg ta’ għalf komplet. Minħabba n-nuqqas ta’ data suffiċjenti, l-Awtorità ma setgħetx tasal għal konklużjoni dwar l-effikaċja għall-pollam tal-bajd u riproduttiv, u għas-Suidae tas-simna jew imrobbija għar-riproduzzjoni. Ma kinitx tal-fehma li hemm ħtieġa għal rekwiżiti speċifiċi ta’ monitoraġġ ta’ wara t-tqegħid fis-suq. L-Awtorità vverifikat ukoll ir-rapport dwar il-metodu ta’ analiżi tal-addittiv tal-għalf fl-għalf, li tressaq mil-Laboratorju ta’ Referenza stabbilit bir-Regolament (KE) Nru 1831/2003. |
(5) |
Fid-dawl ta’ dan ta’ hawn fuq, il-Kummissjoni tqis li l-preparazzjoni ta’ 6-fitażi prodotta bl-Aspergillus oryzae DSM 33737 tissodisfa l-kundizzjonijiet għall-awtorizzazzjoni previsti fl-Artikolu 5 tar-Regolament (KE) Nru 1831/2003. Għaldaqstant, jenħtieġ li l-użu ta’ dik il-preparazzjoni jiġi awtorizzat għall-ispeċijiet tal-pollam tas-simna jew imrobbija għall-bajd jew imrobbija għat-tgħammir kollha, għall-majjaliet tal-ispeċijiet Suidae kollha u għall-ħut bil-pinen kollu. Barra minn hekk, il-Kummissjoni hija tal-fehma li jenħtieġ li jittieħdu miżuri protettivi xierqa għall-prevenzjoni ta’ effetti avversi fuq is-saħħa tal-utenti tal-addittiv. Fir-rigward tal-ispeċijiet fil-mira li għalihom l-opinjoni tal-Awtorità ma waslitx għal konklużjoni, l-applikant impenja ruħu li jipprovdi informazzjoni supplimentari. |
(6) |
Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
Awtorizzazzjoni
Il-preparazzjoni speċifikata fl-Anness, li tagħmel parti mill-kategorija tal-addittivi “addittivi żootekniċi” u mill-grupp funzjonali “sustanzi li jsaħħu d-diġestibbiltà” hija awtorizzata bħala addittiv tal-għalf tal-annimali, soġġett għall-kundizzjonijiet stabbiliti f’dak l-Anness.
Artikolu 2
Dħul fis-seħħ
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-2 ta’ Settembru 2024.
Għall-Kummissjoni
Il-President
Ursula VON DER LEYEN
(1) ĠU L 268, 18.10.2003, p. 29, ELI: http://data.europa.eu/eli/reg/2003/1831/oj.
(2) EFSA Journal. 2024;22:e8663.
ANNESS
Numru ta’ identifikazzjoni tal-addittiv tal-għalf |
Isem id-detentur tal-awtorizzazzjoni |
Addittiv |
Kompożizzjoni, formula kimika, deskrizzjoni, metodu analitiku |
Speċi jew kategorija tal-annimal |
Età massima |
Kontenut minimu |
Kontenut massimu |
Dispożizzjonijiet oħra |
Tmiem il-perjodu tal-awtorizzazzjoni |
||||||||||
Unitajiet ta’ attività/kg ta’ għalf komplet b’kontenut ta’ ndewwa ta’ 12 % |
|||||||||||||||||||
Kategorija: addittivi żootekniċi. Grupp funzjonali: sustanzi li jsaħħu d-diġestibbiltà |
|||||||||||||||||||
4a48 |
DSM Nutritional Products Ltd, irrappreżentat minn DSM Nutritional Products Sp. z o.o. |
6-fitażi (EC 3.1.3.26) |
Kompożizzjoni tal-addittiv Preparazzjoni ta’ 6-fitażi (EC 3.1.3.26) prodotta bl- Aspergillus oryzae DSM 33737 b’attività minima ta’: Forma solida: 10 000 FYT (1) /g. Forma likwida: 20 000 FYT/g. Karatterizzazzjoni tas-sustanza attiva 6-fitażi (EC 3.1.3.26) prodotta bl-Aspergillus oryzae DSM 33737 Metodu analitiku (2) Għall-kwantifikazzjoni tal-attività tal-fitażi fl-addittiv tal-għalf:
Għall-kwantifikazzjoni tal-attività tal-fitażi fit-taħlitiet lesti minn qabel:
Għall-kwantifikazzjoni tal-attività tal-fitażi fl-għalf kompost:
|
L-ispeċijiet tal-pollam kollha tas-simna jew imrobbija għall-bajd jew għat-tgħammir |
— |
200 FYT |
— |
|
It-23 ta’ Settembru 2034 |
||||||||||
Majjaliet tal-ispeċijiet Suidae kollha |
200 FYT |
||||||||||||||||||
Il-ħut bil-pinen kollu |
1 000 FYT |
(1) Unità Waħda ta’ Fitażi (FYT) hija definita bħala l-ammont ta’ enzimi li jirrilaxxaw 1 μmol ta’ fosfat inorganiku mill-fitat fil-minuta (konċentrazzjoni ta’ 5,0 mM) f’pH ta’ 5,5 u 37 °C.
(2) Id-dettalji tal-metodi analitiċi huma disponibbli fl-indirizz tal-Laboratorju ta’ Referenza li ġej: https://joint-research-centre.ec.europa.eu/publications/feed-2021-2299_en.
ELI: http://data.europa.eu/eli/reg_impl/2024/2177/oj
ISSN 1977-074X (electronic edition)