Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32024R1962

    Regolament ta’ Implimentazzjoni tal-Kummissjoni (UE) 2024/1962 tat-18 ta’ Lulju 2024 li jemenda r-Regolament ta’ Implimentazzjoni (UE) 2021/2289 fir-rigward tal-preżentazzjoni tal-kontenut tal-Pjanijiet Strateġiċi tal-PAK fir-rigward tal-istandards 7 u 8 tal-KAAT u li jemenda r-Regolament ta’ Implimentazzjoni (UE) 2022/1475 fir-rigward tal-forniment ta’ ċerta data għall-monitoraġġ u l-evalwazzjoni mill-Istati Membri

    C/2024/4968

    ĠU L, 2024/1962, 19.7.2024, ELI: http://data.europa.eu/eli/reg_impl/2024/1962/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

    Legal status of the document In force

    ELI: http://data.europa.eu/eli/reg_impl/2024/1962/oj

    European flag

    Il-Ġurnal Uffiċjali
    ta'l-Unjoni Ewropea

    MT

    Is-serje L

    2024/1962

    19.7.2024

    REGOLAMENT TA’ IMPLIMENTAZZJONI TAL-KUMMISSJONI (UE) 2024/1962

    tat-18 ta’ Lulju 2024

    li jemenda r-Regolament ta’ Implimentazzjoni (UE) 2021/2289 fir-rigward tal-preżentazzjoni tal-kontenut tal-Pjanijiet Strateġiċi tal-PAK fir-rigward tal-istandards 7 u 8 tal-KAAT u li jemenda r-Regolament ta’ Implimentazzjoni (UE) 2022/1475 fir-rigward tal-forniment ta’ ċerta data għall-monitoraġġ u l-evalwazzjoni mill-Istati Membri

    IL-KUMMISSJONI EWROPEA,

    Wara li kkunsidrat it-Trattat dwar il-Funzjonament tal-Unjoni Ewropea,

    Wara li kkunsidrat ir-Regolament (UE) 2021/2115 tal-Parlament Ewropew u tal-Kunsill tat-2 ta’ Diċembru 2021 li jistabbilixxi regoli dwar l-appoġġ għall-pjanijiet strateġiċi li għandhom jitfasslu mill-Istati Membri skont il-Politika Agrikola Komuni (Pjanijiet Strateġiċi tal-PAK) u ffinanzjati mill-Fond Agrikolu Ewropew ta’ Garanzija (FAEG) u mill-Fond Agrikolu Ewropew għall-Iżvilupp Rurali (FAEŻR) u li jħassar ir-Regolamenti (UE) Nru 1305/2013 u (UE) Nru 1307/2013 (1), u b’mod partikolari l-Artikolu 117 u l-Artikolu 143(4) tiegħu,

    Billi:

    (1)

    Ir-Regolament (UE) 2024/1468 tal-Parlament Ewropew u tal-Kunsill (2) emenda r-Regolament (UE) 2021/2115, fir-rigward, fost l-oħrajn, tal-possibbiltà li l-Istati Membri jagħtu derogi temporanji minn standards ta’ Kundizzjonijiet Agrikoli u Ambjentali Tajbin (KAAT) u fir-rigward tar-rekwiżiti ta’ ċerti standards tal-KAAT stabbiliti fl-Anness III ta’ dak ir-Regolament.

    (2)

    Ir-Regolament ta’ Implimentazzjoni tal-Kummissjoni (UE) 2021/2289 (3) jistabbilixxi regoli dettaljati dwar il-preżentazzjoni tal-kontenut tal-Pjanijiet Strateġiċi tal-PAK u dwar is-sistema elettronika għall-iskambju sigur ta’ informazzjoni. L-Anness I ta’ dak ir-Regolament ta’ Implimentazzjoni jenħtieġ li jiġi emendat biex jippermetti lill-Istati Membri jintroduċu l-għażla fil-Pjanijiet Strateġiċi tal-PAK tagħhom li tippermetti lill-bdiewa jissodisfaw l-istandard 7 tal-KAAT permezz tad-diversifikazzjoni tal-għelejjel.

    (3)

    Minħabba li r-Regolament (UE) 2024/1468 ħassar l-ewwel rekwiżit tal-istandard 8 tal-KAAT mill-Anness III tar-Regolament (UE) 2021/2115, jenħtieġ li d-dispożizzjonijiet dwar l-elementi relatati ma’ dan ir-rekwiżit li għandhom jiġu stabbiliti fil-Pjanijiet Strateġiċi tal-PAK, jitħassru wkoll mill-Anness I tar-Regolament ta’ Implimentazzjoni (UE) 2021/2289.

    (4)

    Ir-Regolament ta’ Implimentazzjoni tal-Kummissjoni (UE) 2022/1475 (4) jistabbilixxi regoli dettaljati fir-rigward tal-evalwazzjoni tal-Pjanijiet Strateġiċi tal-PAK u l-għoti ta’ informazzjoni għall-monitoraġġ u l-evalwazzjoni. Sabiex tiġi żgurata l-kompletezza tal-informazzjoni meħtieġa għall-monitoraġġ u l-evalwazzjoni tal-Pjanijiet Strateġiċi tal-PAK, l-Istati Membri jenħtieġ li jirrapportaw data lill-Kummissjoni għal kull sena dwar l-implimentazzjoni tad-derogi temporanji mill-istandards tal-KAAT imsemmija fl-Artikolu 13(2a) tar-Regolament (UE) 2021/2115, kif emendat bir-Regolament (UE) 2024/1468. Jenħtieġ li dawn ir-rapporti jinkludu informazzjoni dwar il-kamp ta’ applikazzjoni territorjali u materjali ta’ dawn id-derogi temporanji, dwar it-tul ta’ żmien u r-raġunijiet għad-derogi temporanji, kif ukoll dwar il-bdiewa u benefiċjarji oħra kkonċernati mid-derogi temporanji. Jenħtieġ li jiġu stabbiliti dispożizzjonijiet meħtieġa biex jiġi żgurat it-trasferiment ta’ din id-data lill-Kummissjoni, bħall-frekwenza, iż-żmien u l-korp responsabbli għat-trasferiment tad-data.

    (5)

    Ir-Regolament (UE) 2024/1468 introduċa obbligu għall-Istati Membri biex jistabbilixxu u jipprovdu appoġġ għall-ekoskemi li jkopru, fuq raba’ li jinħadem, prattiki għaż-żamma ta’ żoni mhux produttivi, bħal raba’ mistrieħ, u għall-ħolqien ta’ karatteristiċi ġodda tal-pajsaġġ, imsemmija fl-Artikolu 31(1a) tar-Regolament (UE) 2021/2115. Sabiex il-Kummissjoni tkun tista’ timmonitorja u tevalwa dawn l-ekoskemi, minħabba l-importanza tal-kontribut ta’ tali prattiki għall-objettiv speċifiku relatat mal-bijodiversità stabbilit fl-Artikolu 6(1)(f), tar-Regolament (UE) 2021/2115, jenħtieġ li jiġi previst li l-Istati Membri jridu jirrapportaw data dwar l-għadd ta’ ettari eliġibbli mħallsa għal dawn il-prattiki. Sabiex tiġi ffaċilitata evalwazzjoni tal-prattiki differenti koperti minn dawn l-ekoskemi, id-data jenħtieġ li tiġi pprovduta separatament għall-ekoskemi li jkopru żoni mhux produttivi u għall-ekoskemi li jistabbilixxu karatteristiċi ġodda tal-pajsaġġ, fuq ir-raba’ li jinħadem. Għall-Istati Membri li jieħdu deċiżjoni msemmija fl-Artikolu 3(2) tar-Regolament (UE) 2024/1468 li jemendaw l-istandard 8 tal-KAAT għas-sena tat-talba 2024, l-obbligu li jirrapportaw id-data għall-ekoskemi rilevanti jenħtieġ li tapplika mis-sena tat-talba 2024.

    (6)

    Peress li r-Regolament (UE) 2024/1468 ħassar l-ewwel rekwiżit tal-istandard 8 tal-KAAT mill-Anness III tar-Regolament (UE) 2021/2115, l-obbligu għall-Istati Membri li jirrapportaw id-data dwar dan ir-rekwiżit jenħtieġ li jitħassar mill-Anness IV tar-Regolament ta’ Implimentazzjoni (UE) 2022/1475.

    (7)

    Jenħtieġ li jiġu stabbiliti dispożizzjonijiet tranżizzjonali biex l-Istati Membri jkunu jistgħu jieħdu d-deċiżjonijiet imsemmija fl-Artikolu 3(2) tar-Regolament (UE) 2024/1468 biex japplikaw ir-rekwiżiti dwar il-preżentazzjoni tal-kontenut tal-Pjan Strateġiku tal-PAK fir-rigward tal-emendi tal-Pjanijiet Strateġiċi tal-PAK fir-rigward tal-istandards 7 u 8 tal-KAAT għas-sena tat-talba 2024 u biex jiġi żgurat li l-Istati Membri jkomplu jirrapportaw id-data dwar l-implimentazzjoni tal-istandard 8 tal-KAAT imsemmi fit-Taqsima 4, il-punt (q), tal-Anness IV tar-Regolament ta’ Implimentazzjoni (UE) 2022/1475 għas-snin tat-talba 2023 u 2024.

    (8)

    Għalhekk, jenħtieġ li r-Regolamenti ta’ Implimentazzjoni (UE) 2021/2289 u (UE) 2022/1475 jiġu emendati skont dan.

    (9)

    Il-miżuri previsti f’dan ir-Regolament huma f’konformità mal-opinjoni tal-Kumitat dwar il-Politika Agrikola Komuni,

    ADOTTAT DAN IR-REGOLAMENT:

    Artikolu 1

    Emendi tar-Regolament ta’ Implimentazzjoni (UE) 2021/2289

    Fl-Anness I, it-Taqsima 3, is-subtaqsima 3.1., il-punt (e), tar-Regolament ta’ Implimentazzjoni (UE) 2021/2289, il-punti (vii) u (viii) huma sostitwiti b’dan li ġej:

    “(vii)

    għall-KAAT 7:

    —

    sommarju tal-prattika fl-azjenda agrikola li jispeċifika l-prattiki ta’ newba u d-definizzjoni ta’ għelejjel u għelejjel sekondarji;

    —

    sommarju, meta applikabbli, tal-prattika fl-azjenda agrikola għad-diversifikazzjoni tal-għelejjel mis-sena tat-talba 2025;

    —

    it-tip ta’ bdiewa kkonċernati inklużi l-eżenzjonijiet applikati msemmija fl-Anness III tar-Regolament (UE) 2021/2115;

    —

    meta Stat Membru jawtorizza prattiki relatati man-newba mtejba tal-għelejjel b’għelejjel leguminużi u mad-diversifikazzjoni tal-għelejjel f’reġjuni speċifiċi tat-territorju tagħhom kif imsemmi fin-nota 3 f’qiegħ il-paġna tal-KAAT 7 fl-Anness III tar-Regolament (UE) 2021/2115, spjegazzjoni tal-kontribuzzjoni ta’ dawn il-prattiki għall-preservazzjoni tal-potenzjal ta-ħamrija skont l-objettivi tal-KAAT abbażi tad-diversità tal-metodi tal-biedja u tal-kundizzjonijiet agroklimatiċi fir-reġjuni kkonċernati u ġustifikazzjoni tal-għażla li saret;

    (viii)

    għall-KAAT 8, mis-sena tat-talba 2025:

    —

    il-lista tal-karatteristiċi tal-pajsaġġ ikkonċernati mill-istandard dwar iż-żamma tal-karatteristiċi tal-pajsaġġ;

    —

    il-miżuri biex jiġu evitati speċijiet ta’ pjanti invażivi fejn applikabbli;”.

    Artikolu 2

    Emendi tar-Regolament ta’ Implimentazzjoni (UE) 2022/1475

    Ir-Regolament ta’ Implimentazzjoni (UE) 2022/1475 huwa emendat kif ġej:

    (1)

    fl-Artikolu 8, jiddaħħal il-punt li ġej wara l-punt (b):

    “(ba)

    data dwar derogi temporanji mogħtija mill-Istati Membri skont l-Artikolu 13(2a) tar-Regolament (UE) 2021/2115;”;

    (2)

    l-Artikolu li ġej jiddaħħal wara l-Artikolu 11:

    “Artikolu 11a

    Data dwar derogi temporanji mir-rekwiżiti tal-istandards tal-KAAT

    Id-data dwar derogi temporanji mir-rekwiżiti tal-istandards tal-KAAT, mogħtija mill-Istati Membri skont l-Artikolu 13(2a) tar-Regolament (UE) 2021/2115, għandha tinkludi l-informazzjoni li ġejja għal kull deroga mogħtija:

    (a)

    l-istandard tal-KAAT u r-rekwiżit ikkonċernat mid-deroga temporanja;

    (b)

    ir-raġunijiet għad-deroga temporanja;

    (c)

    il-bidla fil-prattika tal-azjenda agrikola mogħtija mid-deroga temporanja;

    (d)

    il-kamp ta’ applikazzjoni territorjali tad-deroga temporanja;

    (e)

    iż-żona koperta mid-deroga temporanja (f’ettari);

    (f)

    l-għadd ta’ bdiewa u benefiċjarji oħra kkonċernati mid-deroga temporanja;

    (g)

    it-tipi ta’ bdiewa u benefiċjarji oħra koperti mid-deroga temporanja;

    (h)

    it-tul ta’ żmien tad-deroga temporanja.”;

    (3)

    fl-Artikolu 15, jiddaħħal il-paragrafu li ġej:

    “2a.   L-Istati Membri għandhom jirrapportaw kull sena d-data dwar id-derogi temporanji msemmija fl-Artikolu 8, il-punt (ba), sal-15 ta’ Marzu tas-sena N fir-rigward tad-derogi temporanji mogħtija fis-sena kalendarja N-1. L-ewwel sena ta’ rappurtar għandha tkun l-2025.”

    ;

    (4)

    L-Artikolu 16 huwa emendat kif ġej:

    (a)

    il-paragrafu 1 huwa sostitwit b’dan li ġej:

    “1.   Id-data msemmija fl-Artikolu 8, il-punti (a), (b), (ba), (d) u (e), għandha tiġi ttrasferita lill-Kummissjoni permezz tas-sistema elettronika għall-iskambju sigur ta’ informazzjoni msejħa “SFC2021”, li għaliha r-responsabbiltajiet tal-Kummissjoni u tal-Istati Membri huma stabbiliti fl-Anness II tar-Regolament ta’ Implimentazzjoni tal-Kummissjoni (UE) 2021/2289 (*1).

    Id-data msemmija fl-Artikolu 8(c), għandha tiġi ttrasferita lill-Kummissjoni permezz tas-sistema bbażata fuq it-teknoloġija tal-informazzjoni magħmula disponibbli mill-Kummissjoni skont ir-Regolament ta’ Implimentazzjoni tal-Kummissjoni (UE) 2017/1185 (*2).

    (*1)  Ir-Regolament ta’ Implimentazzjoni tal-Kummissjoni (UE) 2021/2289 tal-21 ta’ Diċembru 2021 li jistabbilixxi r-regoli għall-applikazzjoni tar-Regolament (UE) 2021/2115 tal-Parlament Ewropew u tal-Kunsill dwar il-preżentazzjoni tal-kontenut tal-Pjanijiet Strateġiċi tal-PAK u dwar is-sistema elettronika għall-iskambju sigur ta’ informazzjoni (ĠU L 458, 22.12.2021, p. 463, ELI: http://data.europa.eu/eli/reg_impl/2021/2289/oj)."

    (*2)  Ir-Regolament ta’ Implimentazzjoni tal-Kummissjoni (UE) 2017/1185 tal-20 ta’ April 2017 li jistabbilixxi regoli għall-applikazzjoni tar-Regolamenti (UE) Nru 1307/2013 u (UE) Nru 1308/2013 tal-Parlament Ewropew u tal-Kunsill fir-rigward tan-notifiki lill-Kummissjoni tal-informazzjoni u d-dokumenti u li jemendaw u jħassru diversi Regolamenti tal-Kummissjoni (ĠU L 171, 4.7.2017, p. 113, ELI: http://data.europa.eu/eli/reg_impl/2017/1185/oj).”;"

    (b)

    il-paragrafu 3 huwa sostitwit b’dan li ġej:

    “3.   Għall-proporzjon fuq l-art bil-ħaxix permanenti u d-data dwar derogi temporanji mir-rekwiżiti tal-istandards tal-KAAT, id-data li għandha tiġi kkomunikata skont l-Artikolu 8(b) u (ba), għandha tiġi ttrasferita mill-aġenzija tal-pagamenti jew mill-korp ta’ koordinazzjoni.”

    ;

    (5)

    L-Anness IV huwa emendat kif ġej:

    (a)

    fit-Taqsima 2(d), il-punti li ġejjin jiddaħħlu wara l-punt (i):

    “(ia)

    M101: l-għadd ta’ ettari ta’ art eliġibbli li tinħadem li tiġi mħallsa għal prattiki għall-manutenzjoni ta’ żoni mhux produttivi, tali art mistrieħa kif stabbilit fl-Artikolu 31(1a) tar-Regolament (UE) 2021/2115;

    (ib)

    M102: l-għadd ta’ ettari ta’ raba’ li jinħadem li jiġi mħallas għal prattiki tal-istabbiliment ta’ karatteristiċi ġodda tal-pajsaġġ kif stabbilit fl-Artikolu 31(1a) tar-Regolament (UE) 2021/2115;”;

    (b)

    fit-Taqsima 4, jitħassar il-punt (q).

    Artikolu 3

    Dispożizzjonijiet tranżizzjonali

    1.   L-Istati Membri li jieħdu deċiżjoni msemmija fl-Artikolu 3(2) tar-Regolament (UE) 2024/1468 fir-rigward tal-emendi tal-istandards 7 jew 8 tal-KAAT, għandhom japplikaw l-Artikolu 1 ta’ dan ir-Regolament għall-emendi tal-Pjanijiet Strateġiċi tal-PAK tagħhom għas-sena tat-talba 2024.

    2.   L-Istati Membri li jieħdu deċiżjoni msemmija fl-Artikolu 3(2) tar-Regolament (UE) 2024/1468 fir-rigward tal-emenda tal-istandard 8 tal-KAAT għas-sena tat-talba 2024, għandhom jirrapportaw id-data msemmija fl-Artikolu 2(5)(a), ta’ dan ir-Regolament, lill-Kummissjoni mis-sena tat-talba 2024, jekk japplikaw xi waħda minn dawk l-ekoskemi biex jikkonformaw mal-Artikolu 3(2) ta’ dak ir-Regolament.

    3.   L-Istati Membri għandhom jirrapportaw id-data msemmija fl-Anness IV, it-Taqsima 4, il-punt (q), tar-Regolament ta’ Implimentazzjoni (UE) 2022/1475 għas-snin tat-talba 2023 u 2024.

    Artikolu 4

    Dħul fis-seħħ

    Dan ir-Regolament għandu jidħol fis-seħħ fis-seba’ jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

    Dan ir-Regolament għandu jorbot fl-intier tiegħu u japplika direttament fl-Istati Membri kollha.

    Magħmul fi Brussell, it-18 ta’ Lulju 2024.

    Għall-Kummissjoni

    Il-President

    Ursula VON DER LEYEN

    (1)   ĠU L 435, 6.12.2021, p. 1, ELI: http://data.europa.eu/eli/reg/2021/2115/oj.

    (2)  Ir-Regolament (UE) 2024/1468 tal-Parlament Ewropew u tal-Kunsill tal-14 ta’ Mejju 2024 li jemenda r-Regolamenti (UE) 2021/2115 u (UE) 2021/2116 fir-rigward ta’ standards tajbin tal-kundizzjoni agrikola u ambjentali, skemi għall-klima, l-ambjent u l-benesseri tal-annimali, emendi tal-Pjanijiet Strateġiċi tal-PAK, rieżami tal-Pjanijiet Strateġiċi tal-PAK u eżenzjonijiet mill-kontrolli u l-penali (ĠU L 2024,/1468, 24.5.2024, ELI: http://data.europa.eu/eli/reg/2024/1468/oj).

    (3)  Ir-Regolament ta’ Implimentazzjoni tal-Kummissjoni (UE) 2021/2289 tal-21 ta’ Diċembru 2021 li jistabbilixxi r-regoli għall-applikazzjoni tar-Regolament (UE) 2021/2115 tal-Parlament Ewropew u tal-Kunsill dwar il-preżentazzjoni tal-kontenut tal-Pjanijiet Strateġiċi tal-PAK u dwar is-sistema elettronika għall-iskambju sigur ta’ informazzjoni (ĠU L 458, 22.12.2021, p. 463, ELI: http://data.europa.eu/eli/reg_impl/2021/2289/oj).

    (4)  Ir-Regolament ta’ Implimentazzjoni tal-Kummissjoni (UE) 2022/1475 tas-6 ta’ Settembru 2022 li jistabbilixxi regoli dettaljati għall-implimentazzjoni tar-Regolament (UE) 2021/2115 tal-Parlament Ewropew u tal-Kunsill fir-rigward tal-evalwazzjoni tal-Pjanijiet Strateġiċi tal-PAK u l-għoti ta’ informazzjoni għall-monitoraġġ u l-evalwazzjoni (ĠU L 232, 7.9.2022, p. 8, ELI: http://data.europa.eu/eli/reg_impl/2022/1475/oj).

    ELI: http://data.europa.eu/eli/reg_impl/2024/1962/oj

    ISSN 1977-074X (electronic edition)

    Top