Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32024R0634

    Regolament Delegat tal-Kummissjoni (UE) 2024/634 tal-14 ta’ Diċembru 2023 li jemenda r-Regolament Delegat (UE) 2015/2446 fir-rigward tal-prova tal-istatus doganali tal-merkanzija tal-Unjoni u l-formalitajiet doganali relatati mal-apparati elettroniċi tas-sensuri tal-merkanzija

    C/2023/8596

    ĠU L, 2024/634, 20.2.2024, ELI: http://data.europa.eu/eli/reg_del/2024/634/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

    Legal status of the document In force

    ELI: http://data.europa.eu/eli/reg_del/2024/634/oj

    European flag

    Il-Ġurnal Uffiċjali
    ta'l-Unjoni Ewropea

    MT

    Serje L

    2024/634

    20.2.2024

    REGOLAMENT DELEGAT TAL-KUMMISSJONI (UE) 2024/634

    tal-14 ta’ Diċembru 2023

    li jemenda r-Regolament Delegat (UE) 2015/2446 fir-rigward tal-prova tal-istatus doganali tal-merkanzija tal-Unjoni u l-formalitajiet doganali relatati mal-apparati elettroniċi tas-sensuri tal-merkanzija

    IL-KUMMISSJONI EWROPEA,

    Wara li kkunsidrat it-Trattat dwar il-Funzjonament tal-Unjoni Ewropea,

    Wara li kkunsidrat ir-Regolament (UE) Nru 952/2013 tal-Parlament Ewropew u tal-Kunsill tad-9 ta’ Ottubru 2013 li jistabbilixxi l-Kodiċi Doganali tal-Unjoni (1), u b’mod partikolari l-Artikolu 156, il-punti (a), (b) u (d), l-Artikolu 160 u l-Artikolu 253, il-punt (b), tiegħu,

    Billi:

    (1)

    L-implimentazzjoni tar-Regolament (UE) Nru 952/2013, flimkien mar-Regolament Delegat tal-Kummissjoni (UE) 2015/2446 (2), uriet li huma meħtieġa xi emendi għal dak ir-Regolament Delegat sabiex jiġu indirizzati aħjar il-ħtiġijiet tal-operaturi ekonomiċi u tal-awtoritajiet doganali fir-rigward tal-prova tal-istatus doganali tal-merkanzija tal-Unjoni u l-formalitajiet doganali applikabbli matul it-trasbord tal-merkanzija.

    (2)

    Sabiex jiġu ċċarati l-każijiet speċifiċi li fihom il-merkanzija tal-Unjoni tista’ tiċċaqlaq, mingħajr ma tkun soġġetta għal proċedura doganali, minn punt għall-ieħor fit-territorju doganali tal-Unjoni u temporanjament barra minn dak it-territorju mingħajr tibdil tal-istatus doganali tagħha, huwa meħtieġ li jiġi kkonfermat li l-preżunzjoni tal-istatus tal-Unjoni timplika li, għalkemm il-merkanzija tista’ titlaq temporanjament mit-territorju doganali tal-Unjoni permezz ta’ ilmijiet jew spazju tal-ajru internazzjonali, waqfa barra mit-territorju doganali tal-Unjoni mhijiex awtorizzata.

    (3)

    Il-kunċett ta’ awtorizzazzjoni ta’ emittent awtorizzat għandu l-għan li jissimplifika b’mod esklużiv il-formalitajiet relatati mal-prova tal-istatus doganali tal-merkanzija tal-Unjoni. Fid-dawl tat-tnedija tas-sistema elettronika relatata mal-Prova tal-Istatus tal-Unjoni (PoUS) kif imsemmi fl-Anness tad-Deċiżjoni ta’ Implimentazzjoni tal-Kummissjoni (UE) 2019/2151 (3), il-kundizzjonijiet għal tali awtorizzazzjonijiet jeħtieġ li jissaħħu.

    (4)

    Sabiex jiġu ssimplifikati l-formalitajiet doganali applikabbli għall-apparati elettroniċi tas-sensuri tal-merkanzija (eCSDs), meta l-apparati tas-sigurtà u tat-traċċar li jistgħu jitqiegħdu fl-imballaġġi, jew dawk imwaħħla mal-imballaġġi, jiġu ddikjarati għad-dħul temporanju jew għall-esportazzjoni mill-ġdid, jenħtieġ li dawk l-apparati jibbenefikaw minn formalitajiet doganali simplifikati. Huwa importanti wkoll li jiġi żgurat li dawk l-eCSDs jibbenefikaw minn eżenzjoni totali mid-dazju fuq l-importazzjoni meta jiġu ddikjarati għal dħul temporanju. Tali eżenzjoni totali jenħtieġ li tapplika wkoll għall-imballaġġi li jiġu importati mimlija, li jkunu maħsuba għar-riesportazzjoni, kemm jekk vojta kif ukoll jekk mimlija, u li jkollhom marki permanenti u li ma jitħassrux li jidentifikaw persuna stabbilita fit-territorju doganali tal-Unjoni jew barra minnu, peress li dawk l-imballaġġi jibbenefikaw ukoll mill-istess formalitajiet doganali simplifikati meta jiġu ddikjarati għal dħul temporanju jew riesportazzjoni.

    (5)

    Għaldaqstant, ir-Regolament Delegat (UE) 2015/2446 jenħtieġ li jiġi emendat skont dan,

    ADOTTAT DAN IR-REGOLAMENT:

    Artikolu 1

    Ir-Regolament Delegat (UE) 2015/2446 huwa emendat kif ġej:

    (1)

    L-Artikolu 119 huwa emendat kif ġej:

    (a)

    l-intestatura hija sostitwita b’dan li ġej:

    “ Preżunzjoni u prova tal-istatus doganali

    (l-Artikolu 153(1), 155(2) tal-Kodiċi)”;

    (b)

    fil-paragrafu 2, il-punt (a) jiġi sostitwit b’dan li ġej:

    “(a)

    meta l-merkanzija tinġarr bl-ajru u tkun tgħabbiet jew ġiet trażbordata f’ajruport tal-Unjoni għal konsenja lejn ajruport ieħor tal-Unjoni, mingħajr waqfien barra mit-territorju doganali tal-Unjoni, dment li tinġarr taħt il-kopertura ta’ dokument uniku tat-trasport maħruġ fi Stat Membru;”;

    (c)

    Il-paragrafu 3 jiġi sostitwit b’dan li ġej:

    “3.   Il-merkanzija tal-Unjoni tista’ timxi, mingħajr ma tkun soġġetta għal proċedura doganali, minn punt għall-ieħor fit-territorju doganali tal-Unjoni u temporanjament ’il barra minn dak it-territorju mingħajr tibdil tal-istatus doganali tagħha fil-każijiet li ġejjin sakemm tingħata prova tal-istatus doganali tal-merkanzija tal-Unjoni:

    (a)

    merkanzija li tkun inġiebet minn punt għall-ieħor fit-territorju doganali tal-Unjoni u titlaq temporanjament minn dak it-territorju bil-baħar jew bl-ajru mingħajr waqfien barra dak it-territorju;

    (b)

    merkanzija li tkun inġabet minn punt għal ieħor fit-territorju doganali tal-Unjoni minn territorju barra t-territorju doganali tal-Unjoni mingħajr ma tkun trażbordata, u tinġarr taħt il-kopertura ta’ dokument uniku tat-trasport maħruġ fi Stat Membru;

    (c)

    merkanzija li tkun inġiebet minn punt għall-ieħor fit-territorju doganali tal-Unjoni minn territorju barra t-territorju doganali tal-Unjoni u li tkun ġiet trasbordata barra t-territorju doganali tal-Unjoni fuq mezz ta’ trasport li ma jkunx dak li fuqu kienet inizjalment mgħobbija u tinġarr taħt il-kopertura ta’ dokument uniku tat-trasport maħruġ fi Stat Membru. Jekk dokument tat-trasport ġdid ikun qed jinħareġ barra mit-territorju doganali tal-Unjoni, id-dokument oriġinali uniku tat-trasport għandu jkun disponibbli għad-dwana mad-dħul mill-ġdid tal-Unjoni;

    (d)

    vetturi tat-triq bil-mutur irreġistrati fi Stat Membru li jkunu telqu b’mod temporanju u reġgħu daħlu fit-territorju doganali tal-Unjoni;

    (e)

    ippakkjar, palits u tagħmir ieħor simili, esklużi kontejners, li jappartjenu għal persuna stabbilita fit-territorju doganali tal-Unjoni li huma użati għat-trasport ta’ merkanzija li tkun telqet b’mod temporanju u reġgħet daħlet fit-territorju doganali tal-Unjoni;

    (f)

    merkanzija f’bagalji li jinġarru minn passiġġieri li ma tkunx maħsuba għall-użu kummerċjali u tkun telqet b’mod temporanju u reġgħet daħlet fit-territorju doganali tal-Unjoni.”
    ;

    (2)

    L-Artikolu 128 huwa emendat kif ġej:

    (a)

    Il-paragrafu 3 jiġi sostitwit b’dan li ġej:

    “3.   L-applikazzjoni għall-awtorizzazzjonijiet imsemmija fil-paragrafi 1 u 2 għandha tiġi ppreżentata lill-awtorità doganali kompetenti biex din tieħu d-deċiżjoni fl-Istat Membru fejn il-merkanzija titgħabba għall-ewwel darba fuq mezz ta’ trasport għall-kunsinna u fejn l-informazzjoni kollha meħtieġa dwar il-merkanzija tkun disponibbli.”

    ;

    (b)

    jiddaħħlu l-paragrafi 3 a u 3b li ġejjin:

    “3a.   L-awtorizzazzjoni msemmija fil-paragrafu 1 għandha tingħata biss meta jiġi previst li:

    (a)

    l-applikant ikun stabbilit fit-territorju doganali tal-Unjoni;

    (b)

    l-applikant joħroġ regolarment il-prova tal-istatus doganali tal-merkanzija tal-Unjoni jew l-awtoritajiet doganali kompetenti jafu li l-applikant jista’ jissodisfa r-rekwiżiti stabbiliti fil-Kodiċi u f’dan ir-Regolament għall-użu ta’ dawk il-provi;

    (c)

    l-applikant jissodisfa l-kriterju stabbilit fl-Artikolu 39, il-punti (a), (b) u (d) tal-Kodiċi;

    (d)

    l-awtorità doganali kompetenti tqis li se tkun tista’, mingħajr sforz amministrattiv sproporzjonat, tissorvelja l-provi tal-istatus tal-Unjoni maħruġa mill-applikant u twettaq kontrolli.

    3b.   L-awtorizzazzjoni msemmija fil-paragrafu 1 għandha tispeċifika b’mod partikolari:

    (a)

    il-kundizzjonijiet li taħthom ir-rekords għandhom isiru disponibbli għad-dwana għall-finijiet ta’ kontroll u jinżammu għal mill-inqas tliet snin;

    (b)

    il-mod kif l-emittent awtorizzat għandu jistabbilixxi li l-provi ntużaw kif suppost;

    (c)

    il-perjodu li matulu u l-mod li bih l-emittent awtorizzat għandu jinnotifika lill-uffiċċju doganali kompetenti sabiex jagħtih iċ-ċans li jwettaq kwalunkwe kontrolli meħtieġa qabel it-tluq tal-oġġetti.”
    ;

    (3)

    fl-Artikolu 136(1), jiddaħħal il-punt (ja) li ġej wara l-punt (j):

    “(ja)

    apparati ta’ sigurtà u traċċar għall-merkanzija mqiegħda ġewwa l-imballaġġi jew imwaħħla mal-imballaġġi;”

    (4)

    fl-Artikolu 138, il-punt (c) huwa sostitwit b’dan li ġej:

    “(c)

    merkanzija kif imsemmija fl-Artikolu 136(1), il-punti (a), (j) u (ja), ta’ dan ir-Regolament li tibbenefika minn eżenzjoni mid-dazju fuq l-importazzjoni bħala merkanzija rritornata f’konformità mal-Artikolu 203 tal-Kodiċi;”;

    (5)

    fl-Artikolu 139, il-paragrafi 1 u 2 huma sostitwiti b’dan li ġej:

    “1.   Meta ma tkunx iddikjarata permezz ta’ mezzi oħra, il-merkanzija msemmija fl-Artikolu 136(1), il-punti (a) sa (d) u l-punti (h) sa (ja), għandha titqies li tkun iddikjarata għal dħul temporanju f’konformità mal-Artikolu 141.

    2.   Meta ma tkunx iddikjarata permezz ta’ mezzi oħra, il-merkanzija msemmija fl-Artikolu 136(1), il-punti (a) sa (d), u l-punti (h) sa (ja) għandha titqies li tkun iddikjarata għar-riesportazzjoni f’konformità mal-Artikolu 141 li jirrilaxxa l-proċedura ta’ dħul temporanju.”

    ;

    (6)

    fl-Artikolu 141(1), il-punti (d)(iv) u (v) huma sostitwiti b’dan li ġej:

    “(iv)

    meta l-merkanzija kif imsemmija fl-Artikolu 136(1), il-punti (a), (j) u (ja) ta’ dan ir-Regolament, titqies li hija ddikjarata għal dħul temporanju f’konformità mal-Artikolu 139(1) ta’ dan ir-Regolament;

    (v)

    meta l-merkanzija kif imsemmija fl-Artikolu 136(1), il-punti (a), (j) u (ja) ta’ dan ir-Regolament, li tikkonforma mal-kundizzjonijiet stabbiliti fl-Artikolu 203 tal-Kodiċi, titwassal fit-territorju doganali tal-Unjoni f’konformità mal-Artikolu 138, il-punt (c) ta’ dan ir-Regolament.”

    (7)

    L-Artikolu 228 jinbidel b’dan li ġej:

    “Artikolu 228

    Imballaġġi u tagħmir ta’ sigurtà u ta’ traċċar

    (l-Artikolu 250(2)(d) tal-Kodiċi)

    Għandna tingħata eżenzjoni totali mid-dazju fuq l-importazzjoni għall-merkanzija li ġejja:

    (a)

    imballaġġi importati mimlija u maħsuba għal riesportazzjoni, kemm jekk vojta jew mimlija;

    (b)

    imballaġġi importati vojta u maħsuba għal riesportazzjoni, kemm jekk vojta jew mimlija;

    (c)

    apparati ta’ sigurtà u traċċar għall-merkanzija mqiegħda ġewwa l-imballaġġi jew imwaħħla mal-imballaġġi u maħsuba għar-riesportazzjoni.

    L-applikant u d-detentur tal-proċedura jistgħu jiġu stabbiliti fit-territorju doganali tal-Unjoni.”.

    Artikolu 2

    Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

    Dan ir-Regolament għandu jorbot fl-intier tiegħu u japplika direttament fl-Istati Membri kollha.

    Magħmul fi Brussell, l-14 ta’ Diċembru 2023.

    Għall-Kummissjoni

    Il-President

    Ursula VON DER LEYEN

    (1)   ĠU L 269, 10.10.2013, p. 1.

    (2)  Ir-Regolament Delegat tal-Kummissjoni (UE) 2015/2446 tat-28 ta’ Lulju 2015 li jissupplimenta r-Regolament (UE) Nru 952/2013 tal-Parlament Ewropew u tal-Kunsill fir-rigward ta’ regoli dettaljati li jikkonċernaw uħud mid-dispożizzjonijiet tal-Kodiċi Doganali tal-Unjoni (ĠU L 343, 29.12.2015, p. 1).

    (3)  Id-Deċiżjoni ta’ Implimentazzjoni tal-Kummissjoni (UE) 2019/2151 tat-13 ta’ Diċembru 2019 li tistabbilixxi l-programm ta’ ħidma relatat mal-iżvilupp u t-tnedija tas-sistemi elettroniċi previsti fil-Kodiċi Doganali tal-Unjoni (ĠU L 325, 16.12.2019, p. 168).

    ELI: http://data.europa.eu/eli/reg_del/2024/634/oj

    ISSN 1977-074X (electronic edition)

    Top