(1)

L-Anness XII tar-Regolament ta’ Implimentazzjoni tal-Kummissjoni (UE) 2020/761 (2) jistabbilixxi li l-importazzjonijiet tal-tjur mill-Brażil skont il-kwoti tariffarji bin-numri tal-ordni 09.4211, 09.4214, 09.4217, 09.4251, 09.4252, 09.4253, 09.4410 u 09.4420 iridu jkunu akkumpanjati minn ċertifikat tal-oriġini maħruġ mill-awtoritajiet kompetenti Brażiljani. Dak iċ-ċertifikat tal-oriġini jrid jikkonforma mal-Artikoli 57, 58 u 59 tar-Regolament ta’ Implimentazzjoni tal-Kummissjoni (UE) 2015/2447 (3). Skont l-Artikolu 57(1) tar-Regolament ta’ Implimentazzjoni (UE) 2015/2447, iċ-ċertifikat irid jinħareġ f’format stampat kif stabbilit fl-Anness 22-14 ta’ dak ir-Regolament ta’ Implimentazzjoni.

(2)

Mill-1 ta’ Marzu 2023, il-Brażil ħareġ dawk iċ-ċertifikati tal-oriġini f’format diġitali, għall-kuntrarju ta’ dak li huwa stabbilit fl-Anness 22-14 tar-Regolament ta’ Implimentazzjoni (UE) 2015/2447. Sabiex jiġi evitat tfixkil bla bżonn fil-kummerċ, jixraq li tiġi prevista deroga mill-Artikolu 57(1) ta’ dak ir-Regolament ta’ Implimentazzjoni li tippermetti l-użu taċ-ċertifikati tal-oriġini maħruġa f’format diġitali.

(3)

Sabiex jiġi żgurat li l-prova tal-oriġini tibqa’ awtentika, jenħtieġ li jiġi previst mudell għaċ-ċertifikat diġitali fir-Regolament ta’ Implimentazzjoni (UE) 2020/761. Kwalunkwe proċessar tad-data personali mwettaq fil-qafas ta’ dan ir-Regolament ta’ Implimentazzjoni jenħtieġ li jkun konformi mar-Regolament (UE) 2016/679 tal-Parlament Ewropew u tal-Kunsill (4). L-ipproċessar tad-data huwa stabbilit fir-Regolament ta’ Implimentazzjoni (UE) 2020/761 bl-objettiv uniku li jaqdi l-interess pubbliku ġenerali, jiġifieri l-kwistjonijiet tat-tassazzjoni u l-finijiet li jiġi żgurat kummerċ bla xkiel u sikur tal-prodotti agrikoli akkumpanjati minn dokumenti maħruġa f’format diġitali.

(4)

Ir-rilaxx għaċ-ċirkolazzjoni libera tal-prodotti akkumpanjati minn dawk iċ-ċertifikati diġitali jenħtieġ li jissokta jiġi rregolat mir-regoli stabbiliti fl-Artikoli 57, 58 u 59 tar-Regolament ta’ Implimentazzjoni (UE) 2015/2447.

(5)

L-Artikolu 16(3), l-ewwel subparagrafu, il-punt (c), tar-Regolament ta’ Implimentazzjoni (UE) 2020/761 jirrikjedi li l-Istati Membri jinnotifikaw kull xahar il-kwantitajiet koperti minn liċenzji tal-importazzjoni abbażi tad-dokumenti maħruġa minn pajjiż terz. Madankollu, din in-notifika ma għadhiex meħtieġa għall-ġestjoni korretta ta’ dan it-tip ta’ kwoti tariffarji. Dan għaliex, skont l-Artikolu 17(6), qabel ma tinħareġ il-liċenzja bbażata fuq id-dokumenti maħruġa minn pajjiżi terzi, l-Istati Membri għandhom jinnotifikaw lill-Kummissjoni bin-numru tal-liċenzja u l-kwantità li tkopri. Għalhekk, biex tiġi evitata d-duplikazzjoni ta’ din in-notifika u jitnaqqas il-piż fuq l-Istati Membri, jenħtieġ li jitħassar l-Artikolu 16(3), l-ewwel subparagrafu, il-punt (c) ta’ dak ir-Regolament ta’ Implimentazzjoni.

(6)

L-Artikolu 16(5) tar-Regolament ta’ Implimentazzjoni (UE) 2020/761 jistabbilixxi r-regoli għan-notifika tal-kwantitajiet kemm użati kif ukoll mhux użati skont il-liċenzji tal-importazzjoni u tal-esportazzjoni. Il-formulazzjoni attwali ma tiċċarax li n-notifiki li jikkonċernaw il-liċenzji tal-importazzjoni għandhom jiġu ppreżentati 4 xhur wara l-iskadenza tal-validità tal-liċenzji, filwaqt li dawk li jirreferu għal-liċenzji tal-esportazzjoni għandhom jiġu ppreżentati 210 ijiem kalendarji wara l-iskadenza. Barra minn hekk, jenħtieġ li jiġi ċċarat li n-notifiki tal-kwantitajiet mhux użati mhumiex meħtieġa għal-liċenzji abbażi ta’ dokumenti maħruġa minn pajjiżi terzi. Għalhekk, jenħtieġ li dik id-dispożizzjoni tiġi emendata.

(7)

Il-miżuri previsti f’dan ir-Regolament huma f’konformità mal-opinjoni tal-Kumitat għall-Organizzazzjoni Komuni tas-Swieq Agrikoli,

(1)

jiddaħħal l-Artikolu li ġej:

(2)

L-Artikolu 16 huwa emendat kif ġej:

(3)

l-Anness XII huwa emendat f’konformità mal-Anness I ta’ dan ir-Regolament;

(4)

it-test stabbilit fl-Anness II ta’ dan ir-Regolament jiżdied bħala l-Anness XVII.