Isem

Informazzjoni ta’ identifikazzjoni

Raġunijiet

Data tal-elenkar

“353.

Mahmoud al-Dj

Data tat-twelid: 26.7.1983;

Post tat-twelid: Tell Rifaat, Aleppo, Syria;

Nazzjonalità: Sirjan/Libjan;

Sess: raġel

Mahmoud al-Dj huwa negozjant ewlieni li jopera fis-Sirja, is-sid ta’ diversi kumpaniji attivi f’setturi differenti bħal-loġistika u t-turiżmu. Jiffaċilita tranżazzjonijiet illeċiti bejn persuni u entitajiet affiljati mar-reġim fis-Sirja u l-Lvant tal-Libja, inkluż b’rabta ma’ narkotiċi u t-trasport ta’ armi u merċenarji. Il-pożizzjoni tiegħu hija faċilitata bir-rabtiet mill-qrib tiegħu mar-reġim Sirjan, li minnhom qed jibbenefikaw hu u n-negozji tiegħu. L-attivitajiet tiegħu, min-naħa l-oħra, jappoġġaw lir-reġim Sirjan u jippermettulu aċċess għal dħul illeċitu. Għaldaqstant qed jibbenefika mir-reġim Sirjan u jipprovdilu appoġġ.

22.1.2024

354.

Yasser Hussein Ibrahim

Data tat-twelid: 9.4.1983;

Post tat-twelid: Damascus, Syria;

Nazzjonalità: Sirjan;

Sess: raġel

Yasser Ibrahim huwa konsulent ekonomiku ta’ Bashar al-Assad u jaġixxi fil-kunsill ekonomiku mmexxi minn Asma al-Assad. Flimkien ma’ Ali Najib Ibrahim huwa jopera għadd ta’ kumpaniji fittizji, u jaġixxi bħala faċċata għall-attivitajiet kummerċjali ta’ Bashar Al-Assad u Asma Al-Assad. Għalhekk, Yasser Ibrahim qed jibbenefika u jappoġġa lir-reġim Sirjan.

22.1.2024

355.

Bilal al-Naal

(magħruf ukoll bħala al-Na’al)

Data tat-twelid: 14.4.1975;

Post tat-twelid: Damascus, Syria;

Nazzjonalità: Sirjan;

Sess: raġel

Bilal al-Naal huwa fundatur u sieħeb ta’ diversi kumpaniji kummerċjali u ta’ investiment fis-Sirja.

Huwa membru tal-Kunsill Kummerċjali Sirjan-Russu u b’hekk strumentali fir-rabtiet ekonomiċi bejn ir-Russja u r-reġim Sirjan. Al-Naal huwa wkoll membru tal-Parlament Sirjan u eks membru tal-kunsill governatorat ta’ Damasku. Għalhekk, Bilal al-Naal huwa negozjant ewlieni fis-Sirja, u f’din il-kapaċità qed jappoġġa r-reġim Sirjan u jibbenefika minnu. Huwa assoċjat ukoll ma’ Fadi Saqr, Cham Holding u Bishr Al-Sabban.

22.1.2024

356.

Fahad Darwish

(magħruf ukoll bħala Fahd/Fahed)

Data tat-twelid: 1955;

Post tat-twelid: Damascus, Syria;

Nazzjonalità: Sirjan/Iranjan;

Sess: raġel

Fahd Darwish huwa l-President tal-Kamra tal-Kummerċ Konġunta Sirjana-Iranjana. Barra minn hekk, Darwish imexxi u huwa s-sid ta’ diversi negozji fis-Sirja li huma attivi f’setturi differenti bħall-kummerċ u l-farmaċewtiċi.

Għalhekk, Darwish huwa negozjant ewlieni li qed jopera fis-Sirja, u f’din il-kapaċità qed jappoġġa r-reġim Sirjan u jibbenefika minnu.

22.1.2024

357.

Mohannad al-Dabbagh

Data tat-twelid: 6.3.1967;

Nazzjonalità: Sirjan/Iranjan;

Sess: raġel

Mohannad al-Dabbagh huwa kuġin ta’ Asma al-Assad. Huwa koproprjetarju tat-Takamol LLC, kumpanija responsabbli għall-ġestjoni tal-“programm tal-ismart card” elettroniku użat sa mill-2014 biex jitqassmu ikel sussidjat u prodotti oħra fis-Sirja taħt il-kappa tal-Ministeru għall-Kummerċ Domestiku u l-Protezzjoni tal-Konsumatur. B’mod partikolari, it-Takamol LLC tiggwadanja tariffa għal kull tranżazzjoni li ssir permezz tal-ismart card.

Għalhekk, Mohannad al-Dabbagh qed jibbenefika mor-reġim Sirjan u jappoġġa lir-reġim Sirjan.

22.1.2024

358.

Firas al-Akhras

Data tat-twelid: 1.3.1978;

Post tat-twelid: London, United Kingdom;

Nazzjonalità: Sirjan;

Sess: raġel

Firas al-Akhras huwa ħu Asma al-Assad. Huwa koproprjetarju tat-Takamol LLC, kumpanija responsabbli għall-ġestjoni tal-“programm tal-ismart card” elettroniku użat sa mill-2014 biex jitqassmu ikel sussidjat u prodotti oħra fis-Sirja taħt il-kappa tal-Ministeru għall-Kummerċ Domestiku u l-Protezzjoni tal-Konsumatur. B’mod partikolari, it-Takamol LLC tiggwadanja tariffa għal kull tranżazzjoni li ssir permezz tal-ismart card.

Għalhekk, Firas al-Akhras qed jibbenefika mir-reġim Sirjan u jappoġġa lir-reġim Sirjan.

22.1.2024”

Isem

Informazzjoni ta’ identifikazzjoni

Raġunijiet

Data tal-elenkar

“91.

Al-Dj Group

(a.k.a ALDJ)

Post tar-reġistrazzjoni: Damascus, Syria;

Post prinċipali tan-negozju: Syria

Al-Dj Group huwa entità kummerċjali Sirjana, proprjetà ta’ Mahmoud al-Dj u mmexxija minnu. Bħala kumpanija azzjonarja hija topera u hija s-sid tal-Freebird Travel Agency, aġent taċ-Cham Wings Airlines, li qed tħaddem titjiriet frekwenti bejn is-Sirja u l-Libja u ddaħħal bil-moħbi merċenarji u narkotiċi. Aldj Group huwa assoċjat ukoll ma’ Al-Tair Company, li hija wkoll il-proprjetà ta’ Mahmoud al-Dj.

Permezz ta’ din l-iskema ta’ relazzjonijiet kummerċjali, li għandu rwol ċentrali fiha Al-Dj Group, trasport ta’ merkanzija u titjiriet jintużaw għal tranżazzjonijiet illeċiti bejn persuni u entitajiet affiljati mar-reġim fis-Sirja u l-Lvant tal-Libja, inkluż narkotiċi.

L-attivitajiet ta’ Al-Dj Group jibbenefikaw lir-reġim Sirjan u jappoġġawh fl-aċċess għal dħul illeċitu.

22.1.2024

92.

Cham Wings

Post tar-reġistrazzjoni: Damascus, Syria;

Post prinċipali tan-negozju: Damascus, Syria

Cham Wings Airlines hija entità kummerċjali Sirjana li s-sid tagħha huwa Muhammad Issam Shammout.

Cham Wings ukoll tuża t-titjiriet tagħha għat-trasferiment ta’ merċenarji Sirjani, il-kummerċ tal-armi, it-traffikar tan-narkotiċi, u l-ħasil tal-flus, li jappoġġaw l-attivitajiet tar-reġim Sirjan. Għalhekk, bħala l-unika linja tal-ajru privata fis-Sirja, iċ-Cham Wings qed tibbenefika mir-reġim Sirjan u tipprovdilu l-appoġġ.

22.1.2024

93.

Freebird Travel Agency

Post tar-reġistrazzjoni: Syria, Dubai;

Post prinċipali tan-negozju: Damascus, Syria

Il-Freebird Travel Agency hija entità kummerċjali Sirjana proprjetà ta’ u mħaddma mill-Al-Dj Group, li min-naħa tiegħu huwa l-proprjetà ta’ Mahmoud al-Dj u mmexxi minnu.

Il-Freebird isservi bħala aġent prinċipali għaċ-Cham Wings airlines u b’hekk tibbenefika mir-reġim u tipprovdilu appoġġ.

22.1.2024

94.

Iloma Investment Private JSC

(magħrufa wkoll bħala Eloma)

Post tar-reġistrazzjoni: Damascus, Syria;

Data tar-reġistrazzjoni: 2023;

Post prinċipali tan-negozju: Damascus, Syria

L-Iloma Investment Private JSC ġiet stabbilita fil-bidu tal-2023 biex tieħu f’idejha kważi nofs is-sjieda tal-ajruport ta’ Damasku.

L-Iloma hija faċċata għall-familja Assad u parti mill-isforzi tar-reġim biex jiggwadanja personalment mill-manipulazzjoni tal-ekonomija. Għaldaqstant, l-Iloma qed tappoġġa lir-reġim Sirjan u tibbenefika minnu.

22.1.2024

95.

Al-Aqila Company

(magħrufa wkoll bħala al-Akila/Al-Aqeela Insurance Company)

Post tar-reġistrazzjoni: Damascus, Syria;

Data tar-reġistrazzjoni: 2007;

Post prinċipali tan-negozju: Syria

Al-Aqila Company daħlet f’intrapriża konġunta mal-Alborz Insurance Company tal-Iran, f’mossa organizzata bejn iż-żewġ reġimi biex tissaħħaħ il-pożizzjoni tal-Iran fl-ekonomija Sirjana.

Fl-ambjent tan-negozju attwali fis-Sirja, intrapriża konġunta bħal din teħtieġ l-appoġġ tar-Reġim Sirjan. Għaldaqstant, Al-Aqila Company qed tappoġġa lir-reġim Sirjan u tibbenefika minnu.

22.1.2024”