1.

It-Taqsima C, Parti 6.1 tinbidel b'dan li ġej:

“6.1.    Investiment dirett barrani

L-investiment dirett barrani huwa assoċjat ma’ resident f’ ekonomija waħda li jkollu kontroll jew grad sinifikanti ta’ influwenza fuq il-ġestjoni ta’ intrapriża li tkun residenti f’ekonomija oħra. Skont standards internazzjonali (u b’mod partikolari BPM6), is-sjieda diretta jew indiretta ta’ 10 % jew aktar tas-saħħa tal-vot ta’ intrapriża residenti f’ekonomija partikolari minn investitur residenti f’ekonomija oħra hija evidenza ta’ tali relazzjoni. Fuq il-bażi ta’ dan il-kriterju, tista’ teżisti relazzjoni ta’ investiment dirett barrani bejn numru ta’ intrapriżi relatati, irrispettivament minn jekk ir-rabta tinvolvix katina waħda jew numru ta’ katini. Hija tista’ testendi għas-sussidjarji, is-sussidjarji ta’ kumpaniji sussidjarji u l-assoċjati ta’ intrapriża b’ investiment dirett. Ladarba jiġi stabbilit l-investiment dirett barrani, il-flussi finanzjarji/parteċipazzjonijiet sussegwenti kollha bejn l-entitajiet relatati jiġu rreġistrati bħala tranżazzjonijiet/qagħdiet ta’ investiment dirett barrani.

Il-kapital ta’ ekwità jinkludi l-ekwità fil-fergħat kif ukoll l-ishma kollha fis-sussidjarji u l-kumpaniji assoċjati. Id-dħul investit mill-ġdid jikkonsisti fil-partita ta’ tpaċija għas-sehem ta’ qligħ tal-investitur dirett li ma jiġix distribwit bħala dividendi mis-sussidjarji jew il-kumpaniji assoċjati, u d-dħul ta’ fergħati mhux mibgħut lill-investitur dirett u li jiġi rreġistrat taħt ‘dħul mill-investiment’ (kif imsemmi fil-parti 3.2.3 tat-Taqsima A).

L-ekwità u d-dejn ta’ investiment dirett barrani huma diżaggregati ulterjorment skont it-tip ta’ relazzjoni bejn l-entitajiet u skont id-direzzjoni tal-investiment. Jistgħu jiġu distinti tliet tipi ta’ relazzjonijiet ta’ investiment dirett barrani kif ġej:

Rigward il-valutazzjoni tal-qagħdiet ta’ investiment dirett barrani, l-istokks ta’ ekwità elenkati fil-Boroż huma vvalutati bil-prezzijiet tas-suq. Min-naħa l-oħra, fil-każ tal-kumpaniji b’ investiment dirett mhux elenkati, l-istokks ta’ ekwità huma vvalutati abbażi tal-valuri skont il-kotba billi tintuża definizzjoni komuni li tinkludi l-partiti tal-kontabilità li ġejjin:

Għall-ishma ta’ ekwità tal-kumpaniji mhux ikkwotati, it-transazzjonijiet irreġistrati fil-kont finanzjarju jistgħu jkunu differenti mill-fondi proprji fil-valur kontabilistiku rreġistrat fil-QII. Tali differenzi jiġu rreġistrati bħala rivalutazzjonijiet minħabba bidliet oħra fil-prezz.

Sabiex tiżdied il-konsistenza fil-valutazzjoni tal-assi u l-obbligazzjonijiet fejn il-metodu ta’ valutazzjoni previst hawn fuq jista’ jwassal għal distorsjonijiet fil-qagħda internazzjonali tal- investiment netta tal-Istati Membri, l-istokks ta’ ekwità f’kumpaniji ta’ investiment dirett mhux elenkati jistgħu alternattivament jiġu vvalutati mill-Istati Membri skont wieħed mill-metodi l-oħra ta’ valutazzjoni msemmija fil-paragrafu 7.16 tal-BPM6, jekk japplika mill-inqas wieħed mill-każijiet li ġejjin:

Jekk jiġi applikat metodu alternattiv għal valutazzjoni tal-istokks ta’ ekwità fil-kumpaniji b’ investiment dirett mhux elenkati, il-kumpilatur tal-QII huwa mħeġġeġ li jinforma lill-kumpilatur fil-pajjiż kontroparti bil-metodu alternattiv u li jikkopera ma’ dan il-kumpilatur biex inaqqas ir-riskju ta’ reġistrazzjoni assimetrika bilaterali. Din l-informazzjoni għandha tiġi trażmessa fi ħdan is-SEBĊ fil-qafas tal-arranġamenti eżistenti, kif ukoll ippubblikata fil-pubblikazzjoni tal-BĊE ‘Sorsi u metodi statistiċi tal-Unjoni Ewropea fir-rigward tal-bilanċ tal-pagamenti/qagħda internazzjonali tal-investiment’ (kif deskritt fl-Anness V).

Bħala prattika tajba huwa rakkomandat li l-Istati Membri kollha għandhom jibdew jikkompilaw l-istokks ta’ ekwità tal-investiment dirett barrani u l-qligħ investit mill-ġdid fuq il-bażi tar-riżultati ta’ stħarriġ dwar l-investiment dirett barrani li għandu jinġabar tal-anqas darba fis-sena (*1).

(*1)  Għandhom jiġu abbandunati l-prattiċi mhux aċċettabbli li ġejjin: (i) it-tħollija tal-għażla tal-kriterju ta’ valutazzjoni lill-aġenti tar-rappurtar (il-valuri tas-suq jew il-valuri skont il-kotba); (ii) l-applikazzjoni ta’ metodu ta’ inventarju perpetwu/akkumulazzjoni tal-flussi ta’ BOP għall-kumpilazzjoni tal-istokks.”."