(1)

“valorizzazzjoni tal-għarfien” hija l-proċess tal-ħolqien ta’ valur soċjali u ekonomiku mill-għarfien billi oqsma u setturi differenti jintrabtu flimkien u billi r-riżultati tad-data, tal-għarfien prattiku u tar-riċerka jiġu ttrasformati fi prodotti, servizzi, soluzzjonijiet u politiki bbażati fuq l-għarfien sostenibbli li huma ta’ benefiċċju għas-soċjetà (12);

(2)

“kokreazzjoni bejn l-industrija u d-dinja -akkademika” tfisser il-proċess ta’ produzzjoni konġunta u valorizzazzjoni tal-għarfien bejn l-industrija, l-atturi tar-riċerka u l-innovazzjoni u possibbilment partijiet ikkonċernati oħrajn, bħall-awtoritajiet pubbliċi, is-sħab soċjali u s-soċjetà ċivili (13);

(3)

“id-dinja akkademika” tfisser universitajiet u istituzzjonijiet oħrajn tal-edukazzjoni għolja, inklużi organizzazzjonijiet pubbliċi u privati tar-riċerka u t-teknoloġija (14), universitajiet tax-xjenza applikata u istituzzjonijiet oħrajn tal-edukazzjoni u t-taħriġ vokazzjonali għolja;

(4)

“assi intellettwali” tfisser kwalunkwe riżultat jew prodott iġġenerat minn kwalunkwe attività ta’ riċerka u innovazzjoni (bħal drittijiet tal-proprjetà intellettwali,, għarfien prattiku, prototipi, proċessi, prattiki, teknoloġiji u software);

(5)

“xjenza miftuħa” tfisser approċċ għall-proċess xjentifiku bbażat fuq il-kooperazzjoni miftuħa fir-rigward ta’ xogħol, strumenti u tixrid tal-għarfien, kif iddefinit fl-Artikolu 2, il-punt (5) tar-Regolament (UE) 2021/695 tal-Parlament Ewropew u tal-Kunsill (15);

(6)

“innovazzjoni miftuħa” tfisser l-approċċ tal-ftuħ tal-proċess ta’ innovazzjoni barra minn organizzazzjoni (16);

(7)

“aċċess miftuħ” tfisser aċċess, ipprovdut mingħajr ħlas lill-utent finali, għal data ta’ riċerka, inklużi pubblikazzjonijiet xjentifiċi, f’konformità mal-Artikolu 14(1)(a) u l-Artikolu 39(3) tar-Regolament (UE) 2021/695.

(a)

tiġi stabbilita missjoni ċara għall-promozzjoni tal-kokreazzjoni bejn l-industrija u d-dinja akkademika għall-valorizzazzjoni tal-għarfien u l-iżvilupp ta’ strateġiji ta’ riċerka u żvilupp adattati għall-iskop approvati mill-maniġment superjuri u medju;

(b)

tiġi mħeġġa l-kollaborazzjoni transdixxiplinari u l-iskambju ta’ għarfien fi ħdan l-organizzazzjoni biex tiġi promossa kultura ta’ innovazzjoni u djalogu miftuħ, il-kondiviżjoni kemm ta’ riżultati tajbin kif ukoll ta’ sfidi u l-apprendiment esperjenzjali;

(c)

b’kunsiderazzjoni tat-twaqqif ta’ timijiet dedikati responsabbli għall-iffaċilitar u l-appoġġ tal-kollaborazzjoni bejn l-industrija u d-dinja akkademika; l-investiti l-ħin u r-riżorsi; il-forniment ta’ gwida dwar l-identifikazzjoni ta’ sħab potenzjali (filwaqt li jitqiesu l-interessi, l-impenn, l-esperjenza preċedenti u l-komplementarjetà tal-kapaċitajiet); u l-forniment tal-informazzjoni dwar it-tipi ta’ kokreazzjoni u sħubijiet disponibbli (gradi differenti ta’ involviment, durata u kundizzjonijiet);

(d)

it-tisħiħ tad-djalogu bejn l-industrija u d-dinja akkademika fil-livell tal-istrutturi konsultattivi u t-twettiq ta’ pjanijiet direzzjonali konġunti li jinvolvu l-akkademja, l-industrija, l-awtoritajiet pubbliċi, is-sħab soċjali, ir-raggruppamenti, in-negozji ġodda u ċ-ċittadini, pereżempju permezz tal-istabbiliment ta’ bordijiet iddedikati; il-possibbiltà li jiġu organizzati diskussjonijiet madwar mejda, kuntesti jew proċessi kollaborattivi inkluż analiżi tal-ħtiġijiet tal-ħiliet biex jiġu definiti l-isfidi edukattivi u jiġu identifikati l-kompetenzi u l-ħiliet rilevanti għas-suq tax-xogħol bil-ħsieb li l-kurrikuli u l-metodi ta’ tagħlim jiġu adattati kif xieraq u l-istudenti jiġu mgħammra b’ħiliet li jibqgħu validi fil-futur;

(e)

l-iżvilupp ta’ strutturi konġunti bħal ċentri tal-innovazzjoni u l-għarfien, istituti virtwali u akkademji tal-intraprenditorija (17) biex titrawwem il-kooperazzjoni u jiġu stabbiliti ekosistemi interkonnessi sostenibbli; il-possibbiltà li jinħolqu laboratorji ħajjin u jiġu offruti attivitajiet ibbażati fuq l-isfidi bħall-hackathons, li jlaqqgħu flimkien timijiet internazzjonali diversi u transdixxiplinari ta’ studenti, riċerkaturi, kumpaniji u bliet biex jiżviluppaw soluzzjonijiet innovattivi li huma rilevanti għall-kumpaniji u l-bliet;

(f)

jinħolqu opportunitajiet għall-ospitar ta’ studenti tal-baċellerat u tal-master, kandidati għad-dottorat u riċerkaturi postdottorali f’kumpaniji u l-involviment attiv fir-riċerka kollaborattiva u fir-riċerka u l-innovazzjoni orjentati lejn il-missjonijiet;

(g)

jiġu promossi attivitajiet biex jinbnew il-fiduċja u l-għarfien reċiproku (bħan-networking, is-sekondar u l-iskambji tal-persunal bejn is-sħab) u l-użu ta’ għodod (bħal vawċers tal-innovazzjoni) biex jitrawmu sħubijiet aktar effiċjenti u sostenibbli.

(a)

titrawwem kultura ta’ ħolqien konġunt u ta’ apprendiment reċiproku transsettorjali billi jiġu skambjati ideat dwar suġġetti ta’ interess komuni u billi jiġu kondiviżi eżempji ta’ stejjer ta’ suċċess u l-aħjar prattiki (18);

(b)

jiġu allinjati l-interessi pubbliċi u privati billi jiġu identifikati sfidi u objettivi kondiviżi bejn l-industrija u d-dinja akkademika, bħall-indirizzar tal-ħtiġijiet tas-soċjetà jew l-avvanz tal-innovazzjoni teknoloġika;

(c)

jkun hemm komunikazzjoni dwar il-benefiċċji tal-kokreazzjoni tal-għarfien għall-industrija, bħall-kontribut għal kwalunkwe ħtieġa tas-soċjetà, il-ħolqien ta’ impatt soċjali, it-titjib tar-riċerka industrijali, l-aċċess għall-iskambji tat-talent u tal-ħiliet, iż-żieda fl-innovazzjonijiet soċjali u organizzazzjonali fuq il-post tax-xogħol, l-aċċess għal programmi ta’ riċerka ffinanzjati pubblikament, il-kondiviżjoni ta’ riskji biex jiġu ttestjati ideat u teknoloġiji ġodda, it-titjib ta’ prodotti jew servizzi u t-titjib tal-kompetittività tan-negozju;

(d)

jkun hemm komunikazzjoni dwar il-benefiċċji tal-kokreazzjoni tal-għarfien għall-organizzazzjonijiet tar-riċerka, bħall-kontribut għall-ħtiġijiet tas-soċjetà, il-ħolqien ta’ impatt soċjali, l-istimular tal-iżvilupp ta’ spin-outs, proġetti u pubblikazzjonijiet konġunti, l-applikazzjoni industrijali tar-riżultati tar-riċerka, l-esponiment għall-industrija, l-iskambji tal-ħiliet u l-aċċess għall-infrastrutturi, iż-żieda fl-innovazzjonijiet soċjali u organizzazzjonali, it-titjib tal-impjegabbiltà tal-istudenti u tar-riċerkaturi u l-opportunitajiet finanzjarji (inklużi aktar opportunitajiet ta’ finanzjament);

(e)

jiġu enfasizzati sħubijiet ta’ suċċess bejn l-industrija u d-dinja akkademika fi ħdan l-organizzazzjoni, filwaqt li tiġi enfasizzata l-importanza ta’ ġestjoni effettiva tal-assi intellettwali u jintwera l-valur maħluq fil-ħolqien konġunt bejn l-industrija u l-akkademja;

(f)

jkun hemm involviment ma’ dawk li jfasslu l-politika u mal-amministrazzjonijiet pubbliċi dwar politiki ta’ kokreazzjoni bejn l-industrija u d-dinja akkademika, inċentivi ta’ finanzjament u taxxa (pereżempju, għall-finanzjament ta’ dottorati industrijali);

(g)

jinħolqu attivitajiet konġunti (bħal kompetizzjonijiet ta’ studju tal-każ, hackathons, kampanji ta’ komunikazzjoni, taħriġ konġunt u provi tal-kunċett) u ċ-ċittadini jiġu involuti f’attivitajiet ta’ kokreazzjoni bejn l-industrija u d-dinja akkademikaf’konformità mar-Rakkomandazzjoni tal-Kummissjoni (UE) 2024/736 (19).

(a)

jiġu rikonoxxuti u ppremjati sħubijiet ta’ suċċess bejn l-industrija u d-dinja akkademika, skambju tal-persunal jew mobbiltà intersettorjali u l-ħiliet żviluppati fil-kokreazzjoni bejn l-industrija u d-dinja akkademika fir-reklutaġġ, fl-evalwazzjonijiet tal-prestazzjoni (21), fil-valutazzjonijiet tal-karriera u l-progressjoni tal-persunal; inċentivi oħra, bħall-finanzjament, is-sjieda konġunta tal-proprjetà intellettwali u l-kondiviżjoni tar-royalties;

(b)

jkun hemm komunikazzjoni dwar il-benefiċċji ta’ possibbiltajiet differenti ta’ kokreazzjoni u ta’ sħubija għall-persunal tal-industrija u tal-akkademja, bħall-apprendiment tul il-ħajja, l-iżvilupp professjonali u personali, l-awtonomija fir-riċerka, ir-rwoli ta’ tmexxija u l-opportunitajiet ta’ kummerċjalizzazzjoni tar-riċerka;

(c)

jiġi involut il-persunal kollu f’mobbiltà intersettorjali bidirezzjonali, mill-industrija għad-dinja akkademika u mid-dinja akkademika għall-industrija, għall-promozzjoni tal-kokreazzjoni u tal-attivitajiet transdixxiplinari, bħall-programmi tal-kampus, biex jitnaqqas id-distakk bejn ir-riċerka u l-applikazzjonijiet prattiċi mill-industrija;

(d)

tingħata informazzjoni lill-persunal kollu dwar għodod u programmi rilevanti, inkluż dwar għotjiet għal proġetti, fellowships, boroż ta’ studju, programmi dottorali u postdottorali industrijali, bħall-kollokamenti mhux akkademiċi tal-Fellowshops Postdottorali Azzjonijiet Marie Skłodowska-Curie (MSCA) (22) u n-Networks għad-Dottorat tal-MSCA (inklużi d-dottorati industrijali) (23), prova ta’ għotjiet għall-kunċett (24), alleanzi tal-Universitajiet Ewropej (25), opportunitajiet ta’finanzjament ta’ avvjament, servizzi ta’ appoġġ, taħriġ u kkowċjar, opportunitajiet ta’ finanzjament u avvenimenti.

(a)

jiġu pprovduti u mħeġġa opportunitajiet ta’ kkowċjar, ta’ mentoraġġ u ta’ żvilupp professjonali u personali għall-persunal kollu fl-industrija u fid-dinja akkademika (inklużi l-mikrokredenzjali u t-taħriġ vokazzjonali) (26);

(b)

jsir investiment f’opportunitajiet ta’ apprendiment differenti u flessibbli, inklużi l-mikrokredenzjali, biex jiġu indirizzati l-ħtiġijiet li qed jevolvu fl-industrija u fl-akkademja u jiġu involuti l-għalliema u l-letturi mistiedna bi profili differenti, speċjalment mill-industrija;

(c)

jissaħħu l-ħiliet trasversali tal-persunal tal-industrija u tad-dinja akkademika meħtieġa għal kollaborazzjoni transdixxiplinari u transsettorjali effettiva, bħall-komunikazzjoni, it-tmexxija, l-adattament għal ambjenti tax-xogħol li qed jinbidlu, il-flessibbiltà u l-ħiliet tan-negozjar;

(d)

jitrawwem fehim komprensiv ta’ kif jaħdmu n-negozji u jingħataw taħriġ u possibbiltajiet għall-istudenti u għar-riċerkaturi biex jippreżentaw il-proġetti tagħhom lil bordijiet ta’ rappreżentanti industrijali biex jirċievu feedback u joħolqu network għall-iżvilupp professjonali futur tagħhom, inkluż permezz tal-istabbiliment ta’ inkubaturi tal-istudenti;

(e)

l-iżvilupp ta’ ħiliet fil-ġestjoni tal-proġetti, is-superviżjoni u l-mentoraġġ, il-valutazzjoni tal-impatt, il-komunikazzjoni, il-kokreazzjoni tal-għarfien, il-valorizzazzjoni u l-innovazzjoni għall-persunal u l-istudenti kollha madwar iid-dinja akkademika; dan jinvolvi taħriġ dwar il-metodoloġiji ta’ evalwazzjoni, l-oqfsa ta’ kejl u l-valutazzjoni tal-eżiti tal-proġett u l-impatt tagħhom fuq is-soċjetà;

(f)

jitrawwem ħsieb strateġiku u ħiliet intraprenditorjali għall-istudenti u għar-riċerkaturi biex jiżviluppaw spinoffs u negozji ġodda bbażati fuq prodotti u servizzi innovattivi, li jġibu r-riżultati tar-riċerka tagħhom f’applikazzjonijiet prattiċi fis-suq;

(g)

jingħata aktar taħriġ dwar l-opportunitajiet ta’ finanzjament tar-riċerka u l-innovazzjoni u jitrawwem fehim komprensiv tal-funzjonament u l-attivitajiet tal-istituzzjonijiet akkademiċi u tar-riċerka fl-industrija kollha, b’mod partikolari l-SMEs, u l-promozzjoni ta’ inkubaturi, ċentri ta’ innovazzjoni u ċentri ta’ diffużjoni tat-teknoloġija biex jiġu appoġġati l-proċessi ta’ innovazzjoni tal-SMEs, pereżempju billi wieħed jibni fuq il-ħidma mwettqa taħt Ċentri ta’ Eċċellenza Vokazzjonali (27);

(h)

jingħata taħriġ dwar il-ġestjoni tal-assi intellettwali (it-taħriġ jenħtieġ li jimmira wkoll l-industrija, speċjalment l-SMEs, u d-dinja akkademika inklużi l-istudenti, idealment fi gruppi mħallta) u għandu jiffoka fuq il-ġestjoni tal-assi intellettwali fi proġetti u sħubijiet, inklużi kunsiderazzjonijiet ta’ xjenza miftuħa u innovazzjoni miftuħa, f’konformità mar-Rakkomandazzjoni tal-Kummissjoni (UE) 2023/499;

(i)

jingħata taħriġ dwar l-istandardizzazzjoni biex jittejjeb il-fehim tal-karatteristiċi u r-rabtiet bejn ir-riċerka, l-innovazzjoni u l-istandardizzazzjoni u kif dawn jistgħu jappoġġaw lil xulxin biex tingħata spinta lill-valorizzazzjoni tal-għarfien, f’konformità mar-Rakkomandazzjoni tal-Kummissjoni (UE) 2023/498 (28);

(j)

jiġu żviluppati l-ħiliet tal-persunal, tal-istudenti u tar-riċerkaturi fl-użu ta’ pjattaformi u għodod diġitali, inklużi dawk relatati mal-litteriżmu tad-data u mal-ġestjoni tad-data għall-valorizzazzjoni tal-għarfien;

(k)

tiġi mħeġġa l-parteċipazzjoni tal-persunal kollu (inkluż il-persunal maniġerjali u amministrattiv) u tar-riċerkaturi fi skemi ta’ mobbiltà intersettorjali nazzjonali u internazzjonali rilevanti bejn l-akkademja u l-industrija u skemi oħrajn, bħal Networks Dottorali tal-MSCA, Skambji tal-Persunal tal-MSCA (29), MSCA COFUND (30), Erasmus+ (31), programmi edukattivi u ta’ taħriġ tal-komunitajiet tal-għarfien u l-innovazzjoni tal-Istitut Ewropew tal-Innovazzjoni u t-Teknoloġija (EIT) (32) u l-Komunità għar-Riċerka u l-Innovazzjoni Ewropea għas-Sigurtà (CERIS).

(a)

l-persunal jiġi mħeġġeġ jieħu sehem f’attivitajiet ta’ networking fi ħdan l-organizzazzjoni u ma’ organizzazzjonijiet esterni u tinħoloq sensibilizzazzjoni dwar l-opportunitajiet ta’ networking;

(b)

jiġu organizzati u jkun hemm parteċipazzjoni f’avvenimenti li jlaqqgħu flimkien lill-industrija (inklużi SMEs, spin-outs u negozji ġodda, investituri informali, fondi ta’ kapital ta’ riskju u partijiet ikkonċernati oħrajn) u lid-dinja akkademika biex jiddiskutu interessi, sfidi u opportunitajiet komuni;

(c)

jinżamm network attiv tal-alumni biex jinbnew konnessjonijiet u jiġu pprovduti opportunitajiet għall-intraprendituri alumni u għal dawk li jaħdmu fl-industrija biex jaqsmu l-għarfien espert tagħhom mal-istudenti u jipprovdu mentoraġġ (33);

(d)

jingħaqdu flimkien raggruppamenti (34), networks (35), pjattaformi (36), komunitajiet ta’ prattika, gruppi ta’ ħidma konġunti u bordijiet ta’ konsulenza (kemm formali kif ukoll informali) u jintużaw servizzi ta’ appoġġ disponibbli (bħal inkubaturi, aċċelleraturi, uffiċċji trasferiment tal-għarfien u tat-teknoloġija (KT/TTOs), uffiċċji ta’ kollegament u esperti ta’ partijiet terzi) fil-livelli tal-UE, nazzjonali u reġjonali;

(e)

tinħoloq sensibilizzazzjoni dwar l-isfidi, inkluż is-sigurtà tar-riċerka relatata mal-kooperazzjoni fir-riċerka u l-innovazzjoni u l-indħil barrani possibbli (37), u l-promozzjoni ta’ sħubijiet bejn in-negozji tal-Unjoni u s-sħab akkademiċi globali (38);

(f)

tiġi mħeġġa komunikazzjoni miftuħa u effettiva u jiġi żgurat il-fehim tat-terminoloġiji użati minn atturi differenti;

(g)

jiġu identifikati u użati pjattaformi diġitali stabbiliti sew u mmexxija b’mod professjonali jew ditti ta’ senserija (b’għażliet ta’ tiftix, filtri, twissijiet eċċ.) li:

(h)

jiġu stabbiliti uffiċċji ta’ kollegament interni bil-mezzi u r-riżorsi meħtieġa biex jaġixxu bħala punti ta’ kuntatt għall-kokreazzjoni bejn l-industrija u d-dinja akkademika li jipprovdu informazzjoni dwar l-opportunitajiet u jiżguraw relazzjonijiet bla xkiel mas-sħab;

(i)

jiġi promoss l-involviment fit-tul u sostenibbli wara l-proġett u jitrawmu relazzjonijiet u sħubijiet kontinwi bejn l-industrija u d-dinja akkademika.

(a)

jkun hemm qbil dwar viżjoni, għanijiet, aspettattivi u objettivi kondiviżi li jwasslu għal livell għoli ta’ involviment u impenn fit-tul filwaqt li tiġi rispettata l-libertà akkademika u, fejn possibbli u rilevanti, jitqies l-involviment ta’ partijiet ikkonċernati oħrajn biex jinħoloq il-qafas ta’ sħubija;

(b)

jitrawmu l-fiduċja u l-impenn fost il-partijiet kollha involuti fil-qafas ta’ sħubija;

(c)

jiġu stabbiliti qafas kuntrattwali ċar u komprensiv, struttura ta’ governanza, arranġamenti għall-ġestjoni tas-sħubija u proċedura għas-soluzzjoni tal-kunflitt, kollha bl-appoġġ ta’ esperti legali;

(d)

jkun hemm qbil dwar skeda ddettaljata u pjan direzzjonali għas-sħubija, inklużi l-istadji importanti u l-iskadenzi u r-rieżami regolari tagħhom, u titfassal terminoloġija ta’ ħidma transsettorjali komuni bejn is-sħab;

(e)

jiġu stabbiliti indikaturi speċifiċi biex jimmonitorjaw u jevalwaw il-progress, il-valur maħluq, l-impatt (ambjentali, teknoloġiku, ekonomiku, soċjetali, politika u tas-saħħa) u s-sostenibbiltà tas-sħubija;

(f)

tiġi żviluppata strateġija konġunta għall-ġestjoni tal-assi intellettwali (39), inklużi kunsiderazzjonijiet dwar l-għarfien tal-isfond, l-iskambju tad-data, il-valwazzjoni, il-ġestjoni konġunta u s-sjieda tal-proprjetà intellettwali, ix-xjenza miftuħa, il-prattiki miftuħa tal-innovazzjoni u l-kontributi għall-istandardizzazzjoni;

(g)

jkun hemm qbil dwar kwistjonijiet ta’ kunfidenzjalità, sjieda tad-data u privatezza tad-data u politika dwar kunflitti ta’ interess;

(h)

it-twaqqif ta’ struttura ċara għall-kooperazzjoni ma’ persunal imħarreġ speċifikament (u tim iddedikat f’organizzazzjonijiet sħab jekk rilevanti); dawn it-timijiet jistgħu jiġu appoġġati minn KT/TTOs għas-sħab akkademiċi jew minn assoċjazzjonijiet rilevanti għas-sħab tal-industrija;

(i)

jiġu promossi l-ugwaljanza, id-diversità, is-sostenibbiltà u l-inklużjoni u jiġi evitat il-preġudizzju bejn il-ġeneri fl-objettivi u fl-attivitajiet;

(j)

tinħoloq sensibilizzazzjoni dwar il-qafas ta’ sħubija u l-valuri, ir-rwoli, l-inċentivi u r-riżorsi tas-sħab biex jiġu żgurati ċ-ċarezza u l-allinjament.

(a)

jibbenefikaw mill-appoġġ ta’ diversi tipi ta’ intermedjarji, inklużi professjonisti tat-trasferiment tal-għarfien u tat-teknoloġija u maniġers tal-kuntratti li jissorveljaw tranżazzjonijiet formali fi ħdan l-organizzazzjoni (bħal kwistjonijiet relatati mal-ġestjoni tal-assi intellettwali); l-intermedjarji jistgħu jinkludu wkoll faċilitaturi bbażati fuq il-kumpaniji u faċilitaturi professjonali oħrajn (bħas-settur industrijali jew l-assoċjazzjonijiet xjentifiċi) li jgħinu fid-djalogu u fil-fehim tar-relazzjonijiet ta’ ħidma jew tal-organizzazzjonijiet li jissorveljaw l-ispazji ta’ kokreazzjoni bejn diversi partijiet ikkonċernati (bħal ambjenti ta’ esperimentazzjoni, ambjenti ta’ ttestjar, pjattaformi u laboratorji ħajjin);

(b)

jibbenefikaw mill-appoġġ tal-intermedjarji fis-sħubija biex tiġi ffaċilitata l-medjazzjoni u l-komunikazzjoni bejn is-sħab;

(c)

jiġu involuti intermedjarji fl-iżvilupp ta’ oqfsa ta’ sħubija u l-parteċipazzjoni f’sejħiet kompetittivi mal-aġenziji ta’ finanzjament;

(d)

jkun hemm involviment ma’ intermedjarji biex jagħtu għarfien dwar innovazzjoni responsabbli, pariri regolatorji u gwida dwar kwistjonijiet li fihom l-organizzazzjoni jista’ ma jkollhiex għarfien espert (bħall-ġestjoni tar-riskju tat-teknoloġija);

(e)

jingħataw riżorsi adegwati, inklużi l-finanzjament u l-investiment fil-professjonalizzazzjoni tal-intermedjarji, u r-rikonoxximent tar-rwol ewlieni tagħhom fl-ekosistemi tal-innovazzjoni tal-UE, nazzjonali u reġjonali u fl-allinjament tal-interessi ta’ diversi partijiet ikkonċernati, intersettorjali u reġjonali fl-industrija u d-dinja akkademika;

(f)

jiġu appoġġati l-kollaborazzjoni u l-iskambju tal-aħjar prattiki bejn l-intermedjarji involuti fil-kokreazzjoni bejn l-industrija u d-dinja akkademika u tiġi mħeġġa l-esperimentazzjoni biex tadatta u tibbenefika minn teknoloġiji ġodda, bħall-intelliġenza artifiċjali;

(g)

tingħata s-setgħa lill-intermedjarji u jsir investiment fil-ħiliet meħtieġa billi jiġu ffinanzjati ż-żjarat ta’ studju u jiġu pprovduti opportunitajiet ta’ taħriġ dwar il-valorizzazzjoni finanzjarja u mhux finanzjarja tar-riżultati u tal-intraprenditorija soċjali;

(h)

jiġu mħeġġa intermedjarji mill-industrija u mid-dinja akkademika biex jinvolvu ruħhom ma’ dawk li jfasslu l-politika u l-amministrazzjonijiet reġjonali, investituri tal-kapital riskjuż, investituri informali u fondi ta’ investiment biex joħolqu u/jew isaħħu ċentri ta’ innovazzjoni reġjonali u jattiraw l-investiment.

(a)

inkluż, għal kull riżultat mistenni, regoli dwar is-sjieda u l-kontroll (inkluż l-aċċess miftuħ u l-protezzjoni tal-proprjetà intellettwali) u pjan ta’ valorizzazzjoni għal aktar impatt; dan il-pjan jenħtieġ li jistabbilixxi r-rwol ta’ kull parti, il-passi li għandhom jittieħdu biex ikollhom impatt u għal sfruttament konġunt fejn rilevanti u fejn l-interessi ewlenin tas-sħab ikunu allinjati;

(b)

jiġu stabbiliti mezzi u għodod effettivi (41), inkluż għall-istandardizzazzjoni, biex tiġi żgurata l-adozzjoni tar-riżultati u t-tfassil ta’ lista aġġornata regolarment ta’ persunal u punti ta’ kuntatt ewlenin għal kull sieħeb f’kollaborazzjoni partikolari;

(c)

jiżdiedu s-sensibilizzazzjoni u t-teħid ta’ vantaġġ mill-iskemi ta’ finanzjament pubbliċi u privati, inklużi programmi ta’ finanzjament ta’ prototip biex tintwera l-fattibbiltà teknika tar-riżultati tar-riċerka, u l-finanzjament tal-Unjoni u nazzjonali għall-iskjerament;

(d)

jiġi mħeġġeġ l-użu ta’ għodod u servizzi stabbiliti li jippromwovu l-identifikazzjoni tar-riżultati b’potenzjal għoli ta’ innovazzjoni u l-appoġġ għall-iżvilupp ta’ strateġiji u pjanijiet ta’ negozju għall-adozzjoni tagħhom fis-soċjetà.

(a)

jsiru investiment u parteċipazzjoni f’infrastrutturi konġunti tar-riċerka u tat-teknoloġija (42), u f’faċilitajiet ta’ ħolqien konġunt, bħal spazji tax-xogħol kondiviżi, ambjent ta’ ttestjar u parks tal-innovazzjoni, faċilitajiet ta’ ttestjar u esperimentazzjoni (43) u linji pilota (44), li jistgħu jipprovdu appoġġ professjonali lill-persunal f’oqsma bħall-iżvilupp tan-negozju, il-kollegament tal-industrija, il-ġestjoni tal-KT/TTOs u l-ġestjoni tal-finanzjament tar-riċerka biex jitnaqqas id-distakk bejn l-industrija u d-dinja akkademika;

(b)

jingħata aċċess għar-riżorsi, bħal faċilitajiet kondiviżi, tagħmir u repożitorji tad-data, għall-appoġġ ta’ attivitajiet konġunti ta’ riċerka u innovazzjoni (u jitqiesu kwistjonijiet ta’ kunfidenzjalità relatati);

(c)

jiġu appoġġati pjattaformi ta’ innovazzjoni miftuħa u ssir parteċipazzjoni fihom (inklużi ambjenti u għodod diġitali għall-ħolqien konġunt u t-tlaqqigħ professjonali tal-industrija u tad-dinja akkademika) biex jibdew u jiżviluppaw proġetti ta’ innovazzjoni li jibdew minn ideat ta’ innovazzjoni, sfidi u ħtiġijiet industrijali u jiġu ffinalizzati billi jinbnew konsorzji u timijiet ta’ proġetti ta’ innovazzjoni;

(d)

tiġi offruta gwida dwar il-metodi ta’ kokreazzjoni, innovazzjoni miftuħa u valorizzazzjoni tal-aħjar prattiki mfassla għall-għanijiet u l-objettivi speċifiċi tas-sħubija; dawn il-metodi jistgħu jinkludu l-ħsieb tad-disinn, l-approċċi ċċentrati fuq l-utent u l-azzjoni parteċipattiva.

(a)

isir qbil konġunt dwar metriċi xierqa għal dawn il-valutazzjonijiet u jiġi żgurat bilanċ bejn metriċi orjentati lejn in-negozju, is-soċjetà u r-riċerka. Dawn jistgħu jinkludu innovazzjonijiet identifikati, liċenzji, trademarks u software, kontributi għall-istandards u kopubblikazzjonijiet pubbliċi-privati. L-impatt (bħall-effetti ambjentali, teknoloġiċi, ekonomiċi, tas-soċjetà, politiċi u tas-saħħa) jenħtieġ li jiġi evalwat. Jenħtieġ li jiġu rrapportati impatti negattivi, u t-tħassib etiku jenħtieġ li jiġi vvalutat;

(b)

jsir qbil konġunt dwar u l-iżvilupp ta’ metriċi kwalitattivi biex jiġu evalwati l-eżiti tas-sħubija (bħar-relazzjonijiet professjonali, il-fiduċja żviluppata u l-kondiviżjoni tal-għarfien) pereżempju bl-użu ta’ stħarriġ immirat u ta’ sessjonijiet regolari ta’ feedback;

(c)

jintużaw studji tal-każ biex jiġu vvalutati l-impatt fuq is-soċjetà u l-valur għas-soċjetà maħluqa, b’mod partikolari għal proġetti ffinanzjati b’mod predominanti minn fondi pubbliċi, u dawn l-istudji tal-każ jiġu magħmulin disponibbli għall-pubbliku;

(d)

jiġu rieżaminati l-metriċi u l-indikaturi maż-żmien u jiġi mmonitorjat l-impatt fit-tul tas-sħubija f’termini ta’ konsistenza, sostenibbiltà, skalabbiltà u użu mill-ġdid;

(e)

tiġi żgurata kondiviżjoni ġusta u ekwa tal-valur iġġenerat mill-attivitajiet ta’ kokreazzjoni bejn l-industrija u d-dinja akkademika abbażi tal-impatt maħluq minn dawn l-attivitajiet;

(f)

jiġi żgurat li l-partijiet kollha involuti jqisu l-valur u l-impatt maħluqa mis-sħubija meta jiżviluppaw attivitajiet u sħubijiet futuri.