(1)

F’konformità mad-Deċiżjoni tal-Kunsill (UE) 2023/2761 (2), il-Ftehim Interim dwar il-Kummerċ bejn l-Unjoni Ewropea u r-Repubblika taċ-Ċilì (“il-Ftehim”) ġie ffirmat fit-13 ta’ Diċembru 2023, soġġett għall-konklużjoni tal-Ftehim f’data aktar tard. Skont dik id-Deċiżjoni, d-Dikjarazzjoni Konġunta mill-Unjoni Ewropea u r-Repubblika taċ-Ċilì dwar id-Dispożizzjonijiet dwar il-Kummerċ u l-Iżvilupp Sostenibbli li jinsabu fil-Ftehim Interim dwar il-Kummerċ bejn l-Unjoni Ewropea u r-Repubblika taċ-Ċilì, mehmuża mal-Ftehim, ġiet approvata f’isem l-Unjoni.

(2)

Il-Ftehim jenħtieġ li jiġi approvat f’isem l-Unjoni.

(3)

Skont l-Artikolu 218(7) tat-Trattat dwar il-Funzjonament tal-Unjoni Ewropea, huwa xieraq li l-Kummissjoni tiġi awtorizzata tapprova f’isem l-Unjoni ċerti modifiki għall-Ftehim li għandhom jiġu adottati permezz ta’ proċedura simplifikata skont l-Artikoli 21.20 u 33.11(6) tal-Ftehim, u minn korp stabbilit mill-Ftehim skont l-Artikolu 25.34 u s-subparagrafu (a) (x) tal-Artikolu 33.1(6) tiegħu.

(4)

F’konformità mal-Artikolu 33.14 tiegħu, il-Ftehim ma jagħtix drittijiet jew ma jimponix obbligi fuq persuni fl-Unjoni minbarra d-drittijiet u l-obbligi maħluqa mill-Partijiet skont id-dritt internazzjonali pubbliku,

(a)

kwalunkwe emenda tal-appendiċijiet tal-Ftehim dwar il-Kummerċ fl-Inbid fl-Anness V tal-Ftehim li jistabbilixxi assoċjazzjoni bejn il-Komunità Ewropea u l-Istati Membri tagħha, min-naħa waħda, u r-Repubblika taċ-Ċilì, min-naħa l-oħra (4), iffirmat fit-18 ta’ Novembru 2002 (il-“Ftehim ta’ Assoċjazzjoni”), kif inkorporat fil-Ftehim;

(b)

kwalunkwe emenda tal-appendiċijiet tal-Ftehim dwar il-Kummerċ fix-Xorb Spirituż u x-Xorb Aromatizzat fl-Anness VI tal-Ftehim ta’ Assoċjazzjoni, kif inkorporati fil-Ftehim,.