(1)

F’konformità mal-Artikolu 104(1), it-tieni subparagrafu, il-punt (a), tar-Regolament (UE) 2021/2116, l-Artikolu 4(1), il-punt (b), l-Artikolu 5, l-Artikolu 7(3), l-Artikoli 9, 17, 21 u 34, l-Artikolu 35(4), l-Artikoli 36, 37, 38, 40 sa 43, 51, 52, 54, 56, 59, 63, 64, 67, 68, 70 sa 75, 77, 91 sa 97, 99 u 100, l-Artikolu 102(2) u l-Artikoli 110 u 111 tar-Regolament (UE) Nru 1306/2013 jibqgħu japplikaw fir-rigward tad-djun li jirriżultaw min-nefqa finanzjata mill-Fond Agrikolu Ewropew ta’ Garanzija (FAEG) taħt il-perjodu ta’ programmazzjoni 2014-2020 u l-perjodu ta’ programmazzjoni 2007-2013 għas-sena finanzjarja 2023.

(2)

F’konformità mal-Artikolu 64, it-tieni paragrafu, il-punt (a), tar-Regolament ta’ Implimentazzjoni tal-Kummissjoni (UE) 2022/128 (3), l-Artikolu 2, l-Artikolu 3(1), l-ewwel subparagrafu, l-Artikolu 3(2), l-Artikolu 4(1), il-punt (b), l-Artikoli 5, 6 u 7, l-Artikoli 21 sa 25, l-Artikoli 27, 28 u 29, l-Artikolu 30(1), il-punti (a), (b) u (c), l-Artikolu 30(2), (3) u (4), l-Artikoli 31 sa 40 tar-Regolament ta’ Implimentazzjoni tal-Kummissjoni (UE) Nru 908/2014 (4) jibqgħu japplikaw fir-rigward tad-djun li jirriżultaw min-nefqa finanzjata mill-FAEG taħt il-perjodu ta’ programmazzjoni 2014-2020 u l-perjodu ta’ programmazzjoni 2007-2013 għas-sena finanzjarja 2023.

(3)

F’konformità mal-Artikolu 64, it-tieni paragrafu, il-punt (c), tar-Regolament ta’ Implimentazzjoni (UE) 2022/128, l-Annessi II u III tar-Regolament ta’ Implimentazzjoni (UE) Nru 908/2014 jibqgħu japplikaw għall-finijiet tal-Artikolu 32, il-punti (f) u (g), tar-Regolament ta’ Implimentazzjoni (UE) 2022/128 għas-sena finanzjarja 2023.

(4)

Skont l-Artikolu 51 tar-Regolament (UE) Nru 1306/2013 u abbażi tal-kontijiet annwali mressqa mir-Renju Unit li magħhom intbagħtet l-informazzjoni meħtieġa għall-approvazzjoni tal-kontijiet u opinjoni tal-awditjar dwar il-kompletezza, l-akkuratezza u l-veraċità tal-kontijiet u tar-rapporti stabbiliti mill-korpi ta’ ċertifikazzjoni, il-Kummissjoni trid tapprova l-kontijiet tal-aġenziji tal-pagamenti msemmija fl-Artikolu 7 ta’ dak ir-Regolament.

(5)

Skont l-Artikolu 138(1) tal-Ftehim dwar il-Ħruġ, id-dritt tal-Unjoni applikabbli, jibqa’ japplika għar-Renju Unit sal-għeluq tal-programmi u l-attivitajiet tal-Unjoni impenjat fihom taħt il-perjodu tal-programmazzjoni 2014-2020 jew il-perjodi tal-programmazzjoni preċedenti. F’konformità mal-Artikolu 58 tar-Regolament (UE) Nru 1306/2013, ir-Renju Unit għandu l-obbligu li jkompli jiżgura l-funzjonament tas-sistemi tal-ġestjoni u tal-kontroll neċessarji, inkluż għall-finijiet tal-Artikolu 54 ta’ dak ir-Regolament, għar-rikonoxximent, ir-reġistrazzjoni u l-irkupru tad-djun li jirriżultaw min-nefqa finanzjata mill-FAEG taħt il-perjodi ta’ programmazzjoni 2014-2020 u 2007-2013.

(6)

F’konformità mal-Artikolu 35 tar-Regolament (UE) 2021/2116, is-sena finanzjarja agrikola tibda fis-16 ta’ Ottubru tas-sena N-1 u tispiċċa fil-15 ta’ Ottubru tas-sena N. Waqt l-approvazzjoni tal-kontijiet għas-sena finanzjarja 2023 f’konformità mal-Artikolu 51 tar-Regolament (UE) Nru 1306/2013, jenħtieġ li jitqiesu r-rikonoxximent, ir-reġistrazzjoni u l-irkupru tad-djun mir-Renju Unit bejn is-16 ta’ Ottubru 2022 u l-15 ta’ Ottubru 2023, li r-Renju Unit irrapporta f’konformità mal-Artikolu 11(1) tar-Regolament ta’ Implimentazzjoni (UE) 2022/128. Din hi l-aħħar sena li r-Renju Unit iddikjara d-djun li jirriżultaw min-nefqa finanzjata mill-FAEG.

(7)

Il-Kummissjoni vverifikat l-informazzjoni mressqa mir-Renju Unit, inkluż li d-djun pendenti kollha li jirriżultaw min-nefqa finanzjata mill-FAEG ġew dikjarati b’mod korrett fil-kontijiet. Il-Kummissjoni kkomunikat ir-riżultati tal-verifiki tagħha lir-Renju Unit, flimkien mal-emendi li tipproponi.

(8)

Għall-aġenziji tal-pagamenti tar-Renju Unit, “Department of Agriculture, Environment and Rural Affairs”, “The Scottish Government Rural Payments and Inspections Directorate”, “Welsh Government” u “Rural Payments Agency”, permezz tal-kontijiet annwali u d-dokumenti ta’ akkumpanjament, il-Kummissjoni tkun tista’ tieħu deċiżjoni dwar il-kompletezza, l-akkuratezza u l-veraċità tal-kontijiet annwali mressqa.

(9)

Skont l-Artikolu 54(2) tar-Regolament (UE) Nru 1306/2013, ir-Renju Unit irid iħallas 50 % tal-konsegwenzi finanzjarji tan-nuqqas ta’ rkupru tal-irregolaritajiet jekk l-irkupru ma jkunx sar fi żmien 4 snin mid-data tat-talba għall-irkupru jew fi żmien 8 snin f’każ li l-irkupru jitressaq fil-qrati nazzjonali. L-Artikolu 54(4) tar-Regolament (UE) Nru 1306/2013 jirrikjedi li flimkien mal-kontijiet annwali li jrid iressaq lill-Kummissjoni skont l-Artikolu 29 tar-Regolament ta’ Implimentazzjoni (UE) Nru 908/2014, ir-Renju Unit irid jehmeż tabella ċertifikata li tirrifletti l-ammonti li jridu jitħallsu mir-Renju Unit skont l-Artikolu 54(2) tar-Regolament (UE) Nru 1306/2013. Ir-regoli dwar l-applikazzjoni tal-obbligu tar-Renju Unit li jirrapporta l-ammonti li jridu jiġu rkuprati huma stipulati fir-Regolament ta’ Implimentazzjoni (UE) Nru 908/2014. L-Anness II tar-Regolament ta’ Implimentazzjoni (UE) Nru 908/2014 jistabbilixxi l-mudell tat-tabella li r-Renju Unit irid juża biex jipprovdi l-informazzjoni dwar l-ammonti li jridu jiġu rkuprati. Il-Kummissjoni trid tiddeċiedi dwar il-konsegwenzi finanzjarji tan-nuqqas ta’ rkupru tal-irregolaritajiet li jmorru lura iżjed minn 4 jew 8 snin rispettivament, abbażi tat-tabelli li r-Renju Unit ikun mela.

(10)

Skont l-Artikolu 54(3) tar-Regolament (UE) Nru 1306/2013, għal raġunijiet ġustifikati kif xieraq, ir-Renju Unit jista’ jiddeċiedi li ma jitlobx l-irkupru. Din id-deċiżjoni tista’ tittieħed biss jekk il-kostijiet li jkunu ġġarrbu diġà, u dawk li x’aktarx ikunu se jiġġarrbu, b’kollox ikunu aktar mill-ammont li jrid jiġi rkuprat, jew jekk l-irkupru jkun impossibbli minħabba l-insolvenza, reġistrata u rikonoxxuta skont il-liġi nazzjonali, tad-debitur jew tal-persuni legalment responsabbli mill-irregolarità. Jekk id-deċiżjoni tittieħed fi żmien 4 snin mid-data tat-talba għall-irkupru, jew fi żmien 8 snin f’każ li l-irkupru jitressaq fil-qrati nazzjonali, 100 % tal-konsegwenzi finanzjarji tan-nuqqas ta’ rkupru jenħtieġ li jitħallsu mill-baġit tal-Unjoni. L-ammonti li r-Renju Unit iddeċieda li ma jitlobx l-irkupru għalihom u r-raġunijiet għad-deċiżjoni tiegħu jridu jiġu inklużi fil-kontijiet annwali, skont l-Artikolu 29, il-punt (e), tar-Regolament ta’ Implimentazzjoni (UE) Nru 908/2014. Għalhekk, jenħtieġ li tali ammonti ma jitħallsux mir-Renju Unit iżda minflok jitħallsu mill-baġit tal-Unjoni.

(11)

F’konformità mal-Artikolu 51 tar-Regolament (UE) Nru 1306/2013, din id-Deċiżjoni jenħtieġ li tkun mingħajr preġudizzju għad-deċiżjonijiet li l-Kummissjoni jista’ jkun li tieħu sussegwentement biex teskludi xi nefqa mill-finanzjament tal-Unjoni li ma tkunx saret f’konformità mad-dritt tal-Unjoni skont l-Artikolu 52 ta’ dak ir-Regolament,