Ismijiet (Trażlitterazzjoni bl-alfabett Latin)

Ismijiet

Informazzjoni ta’ identifikazzjoni

Raġunijiet għall-elenkar

Data tal-elenkar

“110.

Moshe SHARVIT

משה שרביט

(ortografija Ebrajka)

Data tat-twelid: 13.11.1994

Nazzjonalità: Iżraeljana

Sess: raġel

Numru tal-ID: 206223000

Indirizz: Tirzah Valley Farm outpost, West Bank, Occupied Palestinian Territories

Entitajiet assoċjati: Moshe’s Farm

Mohe Sharvit huwa insedjatur Iżraeljan fil-Wied tal-Ġordan, li jgħix f’insedjament qrib villaġġ, imsejjaħ ‘Tirza Valley Farm’, u magħruf ukoll bħala ‘Moshe’s Farm’.

Moshe Sharvit huwa involut fi vjolenza u theddid tal-abitanti tal-insedjamenti fil-konfront tar-residenti Palestinjani f’komunitajiet ta’ rgħajja qrib l-insedjament tiegħu fuq l-għoljiet fix-Xatt tal-Punent. Il-fastidju tiegħu kontra dawk il-komunitajiet żdied minn Ottubru 2023.

Mohe Sharvit spiss iffastidja lill-Palestinjani b’mod verbali u fiżiku, u ordnalhom li jħallu djarhom u l-proprjetajiet tagħhom. F’Ottubru 2023, dik l-imġibawasslet biex ċivili Palestinjani ħarbu mill-villaġġ tagħhom ta’ Ein Shibli. Huwa uża lingwaġġ ta’ theddid kontra irġiel, nisa u tfal Palestinjani u attakka fiżikament persuna anzjana. L-atti tiegħu jinkludu t-tfiegħ ta’ ġebel lill-Palestinjani u l-bhejjem tagħhom, is-sewqan intenzjonat f’merħliet u għelieqi kkultivati, l-iskjerament ta’ klieb biex jattakkaw liil-Palestinjani u l-bhejjem tagħhom, u abbuż fiżiku tal-annimali permezz ta’ lembubi u frosti.

Għalhekk, Moshe Sharvit huwa responsabbli għal abbużi serji u sistematiċi tad-drittijiet tal-bniedem, inkluż abbuż tad-dritt ta’ kulħadd għat-tgawdija tal-ogħla standard possibbli ta’ integrità fiżika u mentali. Dawk l-abbużi huma wkoll ta’ tħassib serju fir-rigward tal-objettivi tal-politika estera u ta’ sigurtà komuni kif stipulat fl-Artikolu 21 tat-Trattat dwar l-Unjoni Ewropea.

15.7.2024

111.

Zvi BAR YOSEF

magħruf ukoll bħala Zvi BAR-YOSEF

Data tat-twelid: 20.09.1992

Nazzjonalità: Iżraeljana

Sess: raġel

Numru tal-ID: 204377998

Entitajiet assoċjati: Zvi’s Farm

Zvi Bar Yosef stabbilixxa l-insedjament mhux awtorizzat magħruf bħala ‘Zvi’s Farm’ fix-Xatt tal-Punent, fil-Lvant tal-insedjament ta’ Halamish. L-insedjament okkupa madwar 2,500 dunams / 620 ettaru li ġew ikkultivati mill-irħula ta’ Jibya, Kaubar (Kobar) u Umm Safa.

Fl-2019, 2021 u 2023, Zvi Bar Yosef ripetutament attakka u wettaq atti ta’ vjolenza kontra l-Palestinjani minn dawk l-irħula, li kkawżaw korrimenti serji lil xi wħud minnhom.

Għalhekk, Zvi Bar Yosef huwa responsabbli għal abbużi serji u sistematiċi tad-drittijiet tal-bniedem, inkluż abbużi tad-dritt għall-integrità fiżika u mentali, id-dritt għall-proprjetà u d-dritt għall-ħajja privata u tal-familja. Dawk l-abbużi, huma wkoll ta’ tħassib serju fir-rigward tal-objettivi tal-politika estera u ta’ sigurtà komuni kif stipulat fl-Artikolu 21 tat-Trattat dwar l-Unjoni Ewropea.

15.7.2024

112.

Isaschar MANNE

magħruf ukoll bħala Issachar MANN

יששכר מן

(Ortografija Ebrajka)

Data tat-twelid: 10.5.1983

Nazzjonalità: Iżraeljana

Sess: raġel

Numru tal-ID: 038826939

Isaschar Manne, li li stabbilixxa l-insedjament mhux awtorizzat Manne Farm fl-Għoljiet ta’ Ħebron tan-Nofsinhar, ripetutament invada artijiet privati tar-residenti tal-villaġġ ta’ Ta’ala u żamm lill-Palestinjani milli jiċċaqilqu liberament, pereżempju billi żamm lit-tfal Palestinjani milli jaslu fl-iskola tagħhom f’Tuba, Masafer Yatta.

Mill-2018 ’l hawn, kien hemm diversi rendikonti ta’ Isaschar Manne jidħol fid-djar tar-rgħajja u jheddidhom u jiffastidjahom. Manne, li ħafna drabi huwa armat, waqqaf lir-rgħajja Palestinjani milli jaċċessaw il-mergħat tagħhom, u b’hekk ċaħħadhom mill-possibbiltà li jikkultivaw l-art tagħhom u jipprovdu għall-ħtiġijiet tagħhom.

Għalhekk, Isaschar Manne huwa responsabbli għal abbużi serji u sistematiċi tad-drittijiet tal-bniedem, inkluż abbużi tad-dritt għall-proprjetà, id-dritt għall-ħajja privata u tal-familja u d-dritt għall-edukazzjoni. Dawk l-abbużi huma wkoll ta’ tħassib serju fir-rigward tal-objettivi tal-politika estera u ta’ sigurtà komuni kif stipulat fl-Artikolu 21 tat-Trattat dwar l-Unjoni Ewropea.

15.7.2024

113.

Baruch MARZEL

Pożizzjoni(jiet): Membru ta’ Otzma Yehudit

Data tat-twelid: 23.4.1959

Post tat-twelid: Boston, USA

Nazzjonalità: Amerikana, Iżraeljana

Sess: raġel

Indirizz: Tel Rumeida settlement, Hebron, Occupied Palestinian Territories

Baruch Marzel huwa membru tal-partit politiku tal-lemin estrem ‘Otzma Yehudit’, li jirrappreżenta waħda mill-aktar ideoloġiji estremisti tal-Iżrael, u huwa parti mill-moviment Kahanist. Fis-snin 90, kien il-mexxej tal-partit Kahane sakemm ġie pprojbit mill-awtoritajiet Iżraeljani fl-1994.

Fl-2019, Baruch Marzel ġie pprojbit mill-Qorti Suprema Iżraeljana milli joħroġ għall-elezzjonijiet parlamentari għaxl il-qorti sabet li kien għamel bosta rimarki razzisti.

Baruch Marzel jappella għall-ħolqien ta’ Iżrael Akbar fejn il-Palestinjani ma jkollhomx post. Huwa jappella apertament għal tindif etniku tal-Palestinjani u jiċħad id-dritt tal-Palestinjani għal arthom stess.

Għalhekk, Baruch Marzel huwa responsabbli għal abbużi serji tad-drittijiet tal-bniedem, b’mod partikolari l-promozzjoni sistematika tal-mibegħda nazzjonali, razzjali jew reliġjuża, li tikkostitwixxi inċitament għad-diskriminazzjoni, l-ostilità jew il-vjolenza. Dawk l-abbużi huma wkoll ta’ tħassib serju fir-rigward tal-objettivi tal-politika estera u ta’ sigurtà komuni kif stipulat fl-Artikolu 21 tat-Trattat dwar l-Unjoni Ewropea.

15.7.2024

114.

Ben-Zion ‘Bentzi’ GOPSTEIN

ציון גופשטיין

(Ortografija Ebrajka)

Pożizzjoni: fundatur u mexxej ta’ Lehava

Data tat-twelid: 10.09.1969

Nazzjonalità: Iżraeljana

Sess: raġel

Numru tal-ID: 024526394

Indirizz: Givat HaAvot, Kiryat Arba, Occupied Palestinian Territories

Entitajiet assoċjati: Lehava

Ben-Zion ‘Bentzi’ Gopstein, li jgħix fl-insedjament ta’ Kiryat Arba (ix-Xatt tal-Punent), huwa l-fundatur u l-mexxej tal-organizzazzjoni estremista ‘Lehava’, spin-off mill-moviment Kahanist, bl-għan li ‘tiġġieled l-assimilazzjoni fl-Art Imqaddsa’.

Ben-Zion ‘Bentzi’ Gopstein jippromwovi viżjoni li tiċħad id-drittijiet tal-Palestinjani kollha u jappella għat-tmiem tal-preżenza Palestinjana f’Iżrael u fit-Territorji Palestinjani.

Ben-Zion ‘Bentzi’ Gopstein appella apertament għal gwerra kontra l-Palestinjani. Huwa ġie pprojbit mill-Qorti Suprema Iżraeljana milli joħroġ għall-elezzjonijiet ta’ Knesset tal-2019 minħabba li huwa ‘jinċita sistematikament ir-razziżmu kontra l-pubbliku Għarbi’.

Għalhekk, Ben-Zion ‘Bentzi’ Gopstein huwa responsabbli għal abbużi serji u sistematiċi tad-drittijiet tal-bniedem li jikkonsistu fil-promozzjoni tal-mibegħda nazzjonali, razzjali jew reliġjuża, li tikkostitwixxi inċitament għad-diskriminazzjoni, l-ostilità jew il-vjolenza. Dawk l-abbużi huma wkoll ta’ tħassib serju fir-rigward tal-objettivi tal-politika estera u ta’ sigurtà komuni kif stipulat fl-Artikolu 21 tat-Trattat dwar l-Unjoni Ewropea.

15.7.2024”

Ismijiet (Trażlitterazzjoni bl-alfabett Latin)

Ismijiet

Informazzjoni ta’ identifikazzjoni

Raġunijiet għall-elenkar

Data tal-elenkar

“29.

Moshe’s Farm

magħrufa wkoll bħala Tirza Valley Farm Outpost

החווה של משה

(Ortografija bl-Ebrajk)

Indirizz: West Bank, Occupied Palestinian Territories

Data tar-reġistrazzjoni: 2021

Individwi assoċjati: Moshe Sharvit

Moshe’s Farm huwa proprjetà tal-abitant ta’ insedjament Iżraeljan Moshe Sharvit, u ġie mwaqqaf minnu fl-2020. Moshe Sharvit huwa involut fi vjolenza u theddid mill-abitanti tal-insedjamenti fil-konfront tar-residenti Palestinjani f’komunitajiet ta’ rgħajja qrib l-insedjament fix-Xatt tal-Punent.

Moshe’s Farm huwa insedjament illegali li jinsab madwar 1,5 kilometru fix-Xlokk tal-insedjament ta’ Hamra, fix-Xatt tal-Punent. Moshe’s Farm espanda minn mindu twaqqaf, u bħalissa jinkludi diversi binjiet residenzjali, lukanda għall-vjaġġaturi u kumpless għal avvenimenti. Il-lukanda tista’ takkomoda sa 100 persuna, u l-binjiet kollha ġew stabbiliti mingħajr permessi u għalhekk huma illegali. Sa mit-twaqqif ta’ Moshe’s Farm, kien ċentru ta’ vjolenza u fastidju kontra l-komunitajiet ta’ rgħajja Palestinjani u kien il-bażi minn fejn Moshe Sharvit u r-residenti l-oħra tal-azjenda agrikola iwettqu vjolenza u fastidju kontra l-Palestinjani.

Għalhekk, Moshe’s Farm huwa entità assoċjata ma’ Moshe Sharvit, elenkat għal abbużi serji u sistematiċi tad-drittijiet tal-bniedem, inkluż abbuż tad-dritt ta’ kulħadd għat-tgawdija tal-ogħla standard possibbli ta’ integrità fiżika u mentali. Dawk l-abbużi huma wkoll ta’ tħassib serju fir-rigward tal-objettivi tal-politika estera u ta’ sigurtà komuni kif stipulat fl-Artikolu 21 tat-Trattat dwar l-Unjoni Ewropea.

15.7.2024

30.

Zvi’s Farm

החווה של צב

(Ortografija bl-Ebrajk)

Indirizz: Halamish, West Bank, Occupied Palestinian Territories

Individwi assoċjati: Zvi Bar Yosef

Zvi’s Farm huwa insedjament tal-biedja illegali u mhux awtorizzat fit-territorju Palestinjan, qrib Halamish, fix-Xatt tal-Punent.

Zvi’s Farm jinsab f’medda tax-Xatt tal-Punent, taħt kontroll militari Iżraeljan sħiħ u tospita residenti Palestinjani.

Zvi’s Farm huwa operat minn Zvi Bar Yosef, li juża l-insedjament bħala bażi li minnha huwa jwettaq vjolenza kontra r-residenti Palestinjani u jipprevjeni lill-bdiewa Palestinjani milli jaċċessaw u jużaw l-artijiet tagħhom. L-insedjament okkupa madwar 2,500 dunams / 620 ettaru li ġew ikkultivati mill-irħula ta’ Jibya, Kaubar (Kobar), u Umm Safa.

Fl-2019, 2021 u 2023, Zvi Bar Yosef ripetutament attakka u wettaq atti ta’ vjolenza kontra l-Palestinjani minn dawk l-irħula, li kkawżaw korrimenti serji lil xi wħud minnhom.

Għalhekk, Zvi’s Farm huwa entità assoċjata ma’ Zvi Bar Yosef,, elenkata għal abbużi serji u sistematiċi tad-drittijiet tal-bniedem, inkluż abbużi tad-dritt għall-integrità fiżika u mentali, id-dritt għall-proprjetà u d-dritt għall-ħajja privata u tal-familja. Dawk l-abbużi huma wkoll ta’ tħassib serju fir-rigward tal-objettivi tal-politika estera u ta’ sigurtà komuni kif stipulat fl-Artikolu 21 tat-Trattat dwar l-Unjoni Ewropea.

15.7.2024

31.

Tzav 9

magħruf ukoll bħala Tsav 9; Order 9

Sit web: https://www.tzav9.co.il/faq/

Tzav 9 huwa grupp Iżraeljan ta’ attivisti vjolenti mwaqqfa b’mod konġunt f’Jannar 2024 minn Reut Ben Haim u Aviad Shlomo Sarid. Reut Ben Haim u Yossef (Sefi) Ben Haim bħalissa jmexxu l-grupp.

Skont is-sit web tiegħu, iż-żewġ missjonijiet ewlenin ta’ Tzav 9 huma li jimblokka trakkijiet tal-provvista li jwasslu għajnuna umanitarja, inkluż l-ikel, l-ilma u l-fjuwil, lejn Gaża; u, li jagħmel ħsara lil-leġittimità tal-Aġenzija ta’ Fondi u tax-Xogħol tan-Nazzjonijiet Uniti għar-refuġjati tal-Palestina fil-Lvant Qarib f’Iżrael.

Minn Jannar 2024, Tzav 9 imblokka regolarment trakkijiet tal-għajnuna umanitarja. Fit-18 ta’ Jannar 2024, il-grupp wettaq l-ewwel imblokki ta’ kunsinni ta’ għajnuna f’Kerem Shalom. Fit-13 ta’ Mejju 2024 fil-punt ta’ kontroll ta’ Tarqumiyah, Tzav 9 ħa sehem fi protesta vjolenti kontra sewwieq ta’ trakk. Fis-16 ta’ Mejju 2024 f’Binyamin, Tzav 9 kien involut f’attakk kontra trakk tal-ikel. Inċidenti oħra seħħew, inter alia, fiż-żoni ta’ Kerem Shalom u Nitzana. L-azzjonijiet imwettqa jinkludu protesti vjolenti, attakki kontra trakkijiet tal-ikel u l-qerda tal-ikel. Dawk l-azzjonijiet ikkontribwew aktar għas-sitwazzjoni diġà mwiegħra tal-popolazzjoni ċivili f’Gaża.

Għalhekk, Tzav 9 huwa responsabbli għal abbużi serji tad-drittijiet tal-bniedem, inkluż l-abbuż tad-dritt ta’ kulħadd għat-tgawdija tal-ogħla standard possibbli ta’ integrità fiżika u mentali. Dawk l-abbużi huma wkoll ta’ tħassib serju fir-rigward tal-objettivi tal-politika estera u ta’ sigurtà komuni kif stipulat fl-Artikolu 21 tat-Trattat dwar l-Unjoni Ewropea.

15.7.2024”