EUR-Lex Access to European Union law
This document is an excerpt from the EUR-Lex website
Document 32024D1908
Political and Security Committee Decision (CFSP) 2024/1908 of 4 July 2024 on the appointment of the EU Mission Force Commander of the European Union military mission to contribute to the training of Somali security forces (EUTM Somalia) and repealing Decision (CFSP) 2023/615 (EUTM Somalia/2/2024)
Deċiżjoni tal-Kumitat Politiku u ta’ Sigurtà (PESK) 2024/1908 tal-4 ta’ Lulju 2024 dwar il-ħatra tal-Kmandant tal-Forza tal-Missjoni tal-UE għall-missjoni militari tal-Unjoni Ewropea biex tikkontribwixxi għat-taħriġ tal-forzi tas-sigurtà tas-Somalja (EUTM Somalia) u li tħassar id-Deċiżjoni (PESK) 2023/615 (EUTM Somalia/2/2024)
Deċiżjoni tal-Kumitat Politiku u ta’ Sigurtà (PESK) 2024/1908 tal-4 ta’ Lulju 2024 dwar il-ħatra tal-Kmandant tal-Forza tal-Missjoni tal-UE għall-missjoni militari tal-Unjoni Ewropea biex tikkontribwixxi għat-taħriġ tal-forzi tas-sigurtà tas-Somalja (EUTM Somalia) u li tħassar id-Deċiżjoni (PESK) 2023/615 (EUTM Somalia/2/2024)
ST/11020/2024/INIT
ĠU L, 2024/1908, 8.7.2024, ELI: http://data.europa.eu/eli/dec/2024/1908/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
Il-Ġurnal Uffiċjali |
MT Is-serje L |
|
2024/1908 |
8.7.2024 |
DEĊIŻJONI TAL-KUMITAT POLITIKU U TA’ SIGURTÀ (PESK) 2024/1908
tal-4 ta’ Lulju 2024
dwar il-ħatra tal-Kmandant tal-Forza tal-Missjoni tal-UE għall-missjoni militari tal-Unjoni Ewropea biex tikkontribwixxi għat-taħriġ tal-forzi tas-sigurtà tas-Somalja (EUTM Somalia) u li tħassar id-Deċiżjoni (PESK) 2023/615 (EUTM Somalia/2/2024)
IL-KUMITAT POLITIKU U TA’ SIGURTÀ,
Wara li kkunsidra t-Trattat dwar l-Unjoni Ewropea, u b’mod partikolari l-Artikolu 38 tiegħu,
Wara li kkunsidra d-Deċiżjoni tal-Kunsill 2010/96/PESK tal-15 ta’ Frar 2010 dwar missjoni militari tal-Unjoni Ewropea biex tikkontribwixxi għat-taħriġ tal-forzi tas-sigurtà tas-Somalja (1), u b’mod partikolari l-Artikolu 5 tagħha,
Billi:
|
(1) |
Fil-15 ta’ Frar 2010, il-Kunsill adotta d-Deċiżjoni 2010/96/PESK, li stabbilixxiet missjoni militari tal-Unjoni Ewropea biex tikkontribwixxi għat-taħriġ tal-forzi tas-sigurtà tas-Somalja (EUTM Somalia). |
|
(2) |
Skont l-Artikolu 5(1) tad-Deċiżjoni 2010/96/PESK, il-Kumitat Politiku u ta’ Sigurtà (KPS) għandu jeżerċita l-kontroll politiku u d-direzzjoni strateġika tal-EUTM Somalia, u huwa awtorizzat mill-Kunsill biex jieħu d-deċiżjonijiet rilevanti skont l-Artikolu 38 tat-Trattat dwar l-Unjoni Ewropea, inkluż id-deċiżjonijiet dwar il-ħatra tal-Kmandant tal-Forza tal-Missjoni tal-UE għall-EUTM Somalia. |
|
(3) |
Fl-14 ta’ Marzu 2023, il-KPS adotta d-Deċiżjoni (PESK) 2023/615 (2), li taħtar lill-Brigadier Ġeneral Fulvio POLI bħala l-Kmandant tal-Forza tal-Missjoni tal-UE għall-EUTM Somalia mit-23 ta’ Marzu 2023. |
|
(4) |
Fis-17 ta’ Mejju 2024, l-awtoritajiet militari Taljani pproponew il-ħatra tal-Brigadier Ġeneral Giuseppe ZIZZARI biex jieħu post il-Brigadier Ġeneral Fulvio POLI bħala l-Kmandant tal-Forza tal-Missjoni tal-UE għall-EUTM Somalia (il-“ħatra proposta”). |
|
(5) |
Fl-4 ta’ Ġunju 2024, il-Kumitat Militari tal-UE appoġġa l-ħatra proposta u qabel li l-KPS jaħtar lill-Brigadier Ġeneral Giuseppe ZIZZARI bħala Kmandant tal-Forza tal-Missjoni tal-UE għall-EUTM Somalia mill-11 ta’ Lulju 2024. |
|
(6) |
Jenħtieġ li tittieħed deċiżjoni dwar il-ħatra tal-Brigadier Ġeneral Giuseppe ZIZZARI bħala Kmandant tal-Forza tal-Missjoni tal-UE għall-EUTM Somalia. |
|
(7) |
Jenħtieġ li d-Deċiżjoni (PESK) 2023/615 titħassar, |
ADOTA DIN ID-DEĊIŻJONI:
Artikolu 1
Il-Brigadier Ġeneral Giuseppe ZIZZARI huwa b’dan maħtur bħala l-Kmandant tal-Forza tal-Missjoni tal-UE għall-missjoni militari tal-Unjoni Ewropea biex tikkontribwixxi għat-taħriġ tal-forzi tas-sigurtà tas-Somalja (EUTM Somalia) mil-11 ta’ Lulju 2024.
Artikolu 2
Id-Deċiżjoni (PESK) 2023/615 hija b’dan imħassra.
Artikolu 3
Din id-Deċiżjoni għandha tidħol fis-seħħ fil-11 ta’ Lulju 2024.
Magħmul fi Brussell, l-4 ta’ Lulju 2024.
Għall-Kumitat Politiku u ta’ Sigurtà
Il-President
D. PRONK
ELI: http://data.europa.eu/eli/dec/2024/1908/oj
ISSN 1977-074X (electronic edition)