This document is an excerpt from the EUR-Lex website
Document 32024D1032
Political and Security Committee Decision (CFSP) 2024/1032 of 26 March 2024 on the appointment of the Head of Mission of the European Union Monitoring Mission in Georgia (EUMM Georgia) (EUMM GEORGIA/1/2024)
Deċiżjoni tal-Kumitat Politiku u ta’ Sigurtà (PESK) 2024/1032 tas-26 ta’ Marzu 2024 dwar il-ħatra tal-Kap tal-Missjoni ta’ Monitoraġġ tal-Unjoni Ewropea fil-Georgia (EUMM Georgia) (EUMM GEORGIA/1/2024)
Deċiżjoni tal-Kumitat Politiku u ta’ Sigurtà (PESK) 2024/1032 tas-26 ta’ Marzu 2024 dwar il-ħatra tal-Kap tal-Missjoni ta’ Monitoraġġ tal-Unjoni Ewropea fil-Georgia (EUMM Georgia) (EUMM GEORGIA/1/2024)
ST/7256/2024/REV/1
ĠU L, 2024/1032, 2.4.2024, ELI: http://data.europa.eu/eli/dec/2024/1032/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 14/12/2024
|
Il-Ġurnal Uffiċjali |
MT Is-serje L |
|
2024/1032 |
2.4.2024 |
DEĊIŻJONI TAL-KUMITAT POLITIKU U TA’ SIGURTÀ (PESK) 2024/1032
tas-26 ta’ Marzu 2024
dwar il-ħatra tal-Kap tal-Missjoni ta’ Monitoraġġ tal-Unjoni Ewropea fil-Georgia (EUMM Georgia) (EUMM GEORGIA/1/2024)
IL-KUMITAT POLITIKU U TA’ SIGURTÀ,
Wara li kkunsidra t-Trattat dwar l-Unjoni Ewropea, u b’mod partikolari l-Artikolu 38, it-tielet paragrafu, tiegħu,
Wara li kkunsidra d-Deċiżjoni tal-Kunsill 2010/452/PESK tat-12 ta’ Awwissu 2010 dwar il-Missjoni ta’ Monitoraġġ tal-Unjoni Ewropea fil-Georgia, EUMM Georgia (1), u b’mod partikolari l-Artikolu 10(1) tagħha,
Billi:
|
(1) |
Skont id-Deċiżjoni 2010/452/PESK, il-Kumitat Politiku u ta’ Sigurtà (KPS) huwa awtorizzat, f’konformità mal-Artikolu 38, it-tielet paragrafu, tat-Trattat, li jieħu d-deċiżjonijiet rilevanti bl-għan li jeżerċita l-kontroll politiku u d-direzzjoni strateġika tal-Missjoni ta’ Monitoraġġ tal-Unjoni Ewropea fil-Georgia (EUMM Georgia), inkluż id-deċiżjoni li jaħtar Kap tal-Missjoni. |
|
(2) |
Fil-25 ta’ Novembru 2022, il-Kunsill adotta d-Deċiżjoni (PESK) 2022/2318 (2), li estendiet il-mandat tal-EUMM Georgia sal-14 ta’ Diċembru 2024. |
|
(3) |
Fil-31 ta’ Jannar 2023, il-KPS adotta d-Deċiżjoni (PESK) 2023/219 (3), li taħtar lis-Sur Dimitrios KARABALIS bħala Kap tal-Missjoni tal-EUMM Georgia mill-1 ta’ Frar 2023 sal-14 ta’ Diċembru 2023. |
|
(4) |
Fid-29 ta’ Frar 2024, ir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà propona l-ħatra tas-Sa Bettina BOUGHANI bħala Kap tal-Missjoni tal-EUMM Georgia sal-14 ta’ Diċembru 2024. |
|
(5) |
Għalhekk jenħtieġ li tittieħed deċiżjoni dwar il-ħatra tas-Sa Bettina BOUGHANI bħala Kap tal-Missjoni tal-EUMM Georgia mill-1 ta’ April 2024 sal-14 ta’ Diċembru 2024, |
ADOTTA DIN ID-DEĊIŻJONI:
Artikolu 1
Is-Sa Bettina BOUGHANI hija b’dan maħtur Kap tal-Missjoni ta’ Monitoraġġ tal-Unjoni Ewropea fil-Georgia (EUMM Georgia) mill-1 ta’ April 2024 sal-14 ta’ Diċembru 2024.
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Għandha tapplika mill-1 ta’ April 2024.
Magħmul fi Brussell, is-26 ta’ Marzu 2024.
Għall-Kumitat Politiku u ta' Sigurtà
Il-President
D. PRONK
(1) ĠU L 213, 13.8.2010, p. 43.
(2) Id-Deċiżjoni tal-Kunsill (PESK) 2022/2318 tal-25 ta’ Novembru 2022 li temenda d-Deċiżjoni 2010/452/PESK dwar il-Missjoni ta’ Monitoraġġ tal-Unjoni Ewropea fil-Georgia, EUMM Georgia (ĠU L 307, 28.11.2022, p. 133).
(3) Id-Deċiżjoni tal-Kumitat Politiku u ta’ Sigurtà (PESK) 2023/219 tal-31 ta’ Jannar 2023 dwar il-ħatra tal-Kap tal-Missjoni ta’ Monitoraġġ tal-Unjoni Ewropea fil-Georgia (EUMM Georgia) (EUMM GEORGIA/1/2023) (ĠU L 30, 2.2.2023, p. 16).
ELI: http://data.europa.eu/eli/dec/2024/1032/oj
ISSN 1977-074X (electronic edition)