EUR-Lex Access to European Union law
This document is an excerpt from the EUR-Lex website
Document 32024D0888
Commission Implementing Decision (EU) 2024/888 of 22 March 2024 on the non-approval of certain active substances for use in biocidal products in accordance with Regulation (EU) No 528/2012 of the European Parliament and of the Council
Deċiżjoni ta’ Implimentazzjoni tal-Kummissjoni (UE) 2024/888 tat-22 ta’ Marzu 2024 dwar in-nuqqas ta’ approvazzjoni ta’ ċerti sustanzi attivi għall-użu fi prodotti bijoċidali f’konformità mar-Regolament (UE) Nru 528/2012 tal-Parlament Ewropew u tal-Kunsill
Deċiżjoni ta’ Implimentazzjoni tal-Kummissjoni (UE) 2024/888 tat-22 ta’ Marzu 2024 dwar in-nuqqas ta’ approvazzjoni ta’ ċerti sustanzi attivi għall-użu fi prodotti bijoċidali f’konformità mar-Regolament (UE) Nru 528/2012 tal-Parlament Ewropew u tal-Kunsill
C/2024/1783
ĠU L, 2024/888, 26.3.2024, ELI: http://data.europa.eu/eli/dec_impl/2024/888/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
Il-Ġurnal Uffiċjali |
MT Serje L |
|
2024/888 |
26.3.2024 |
DEĊIŻJONI TA’ IMPLIMENTAZZJONI TAL-KUMMISSJONI (UE) 2024/888
tat-22 ta’ Marzu 2024
dwar in-nuqqas ta’ approvazzjoni ta’ ċerti sustanzi attivi għall-użu fi prodotti bijoċidali f’konformità mar-Regolament (UE) Nru 528/2012 tal-Parlament Ewropew u tal-Kunsill
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 528/2012 tal-Parlament Ewropew u tal-Kunsill tat-22 ta’ Mejju 2012 dwar it-tqegħid fis-suq u l-użu tal-prodotti bijoċidali (1), u b’mod partikolari l-Artikolu 89(1), it-tielet subparagrafu tiegħu,
Billi:
|
(1) |
Fl-Anness IIa tiegħu, ir-Regolament ta’ Delega tal-Kummissjoni (UE) Nru 1062/2014 (2) jistabbilixxi lista tal-kombinamenti ta’ sustanza attiva/tip ta’ prodott li huma inklużi fil-programm ta’ rieżami tas-sustanzi attivi eżistenti li jinsabu fil-prodotti bijoċidali. |
|
(2) |
Għal għadd ta’ kombinamenti ta’ sustanza attiva/tip ta’ prodott inklużi f’dik il-lista, il-parteċipanti kollha rtiraw, jew qed jitqiesu li rtiraw, l-appoġġ tagħhom fil-ħin. |
|
(3) |
F’konformità mal-Artikolu 14(1) tar-Regolament ta’ Delega tal-Kummissjoni (UE) Nru 1062/2014, l-Aġenzija Ewropea għas-Sustanzi Kimiċi (“l-Aġenzija”) ippubblikat sejħa miftuħa għall-funzjoni tar-rwol ta’ parteċipant għal dawk il-kombinamenti ta’ sustanza attiva/tip ta’ prodott li għalihom ir-rwol ta’ parteċipant ma kienx inkiseb qabel. Għal dawk il-kombinamenti ma ġiet ippreżentata l-ebda notifika lill-Aġenzija fil-limitu ta’ żmien previst fl-Artikolu 14(2) tar-Regolament Delegat (UE) Nru 1062/2014. Għalhekk, dawk il-kombinamenti ta’ sustanza attiva/tip ta’ prodott, f’konformità mal-Artikolu 20, l-ewwel paragrafu, il-punt (b), tar-Regolament ta’ Delega, jenħtieġ li ma jiġux approvati għall-użu fi prodotti bijoċidali. Dawk il-kombinamenti ta’ sustanza attiva/tip ta’ prodott huma dawn li ġejjin:
|
|
(4) |
Barra minn hekk, f’konformità mal-Artikolu 12(3) tar-Regolament ta’ Delega tal-Kummissjoni (UE) Nru 1062/2014, l-Aġenzija infurmat lill-Kummissjoni b’dawk il-kombinamenti ta’ sustanza attiva/tip ta’ prodott li għalihom il-parteċipanti kollha rtiraw, jew qed jitqiesu li rtiraw, l-appoġġ tagħhom fil-ħin, u li għalihom ir-rwol ta’ parteċipant kien inkiseb qabel. Dawk il-kombinamenti ta’ sustanza attiva/tip ta’ prodott li, f’konformità mal-Artikolu 20, l-ewwel paragrafu, il-punt (a) ta’ dak ir-Regolament ta’ Delega, jenħtieġ ma jiġux approvati għall-użu fi prodotti bijoċidali, huma dawn li ġejjin:
|
|
(5) |
Il-miżuri previsti f’din id-Deċiżjoni huma f’konformità mal-opinjoni tal-Kumitat Permanenti dwar il-Prodotti Bijoċidali, |
ADOTTAT DIN ID-DEĊIŻJONI:
Artikolu 1
Is-sustanzi attivi elenkati fl-Anness mhumiex approvati għat-tipi ta’ prodott indikati fih.
Artikolu 2
Din id-Deċiżjoni għandha tidħol fis-seħħ fl-għoxrin jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.
Magħmul fi Brussell, it-22 ta’ Marzu 2024.
Għall-Kummissjoni
Il-President
Ursula VON DER LEYEN
(1) ĠU L 167, 27.6.2012, p. 1, ELI: http://data.europa.eu/eli/reg/2012/528/oj.
(2) Ir-Regolament ta’ Delega tal-Kummissjoni (UE) Nru 1062/2014 tal-4 ta’ Awwissu 2014 dwar il-programm ta’ ħidma għall-evalwazzjoni sistematika tas-sustanzi attivi bijoċidali kollha li jeżistu fil-prodotti bijoċidali msemmijin fir-Regolament (UE) Nru 528/2012 tal-Parlament Ewropew u tal-Kunsill (ĠU L 294, 10.10.2014, p. 1, ELI: http://data.europa.eu/eli/reg_del/2014/1062/oj).
ANNESS
Kombinamenti ta’ sustanza attiva/tip ta’ prodott mhux approvati:
|
Numru tal-Entrata fl-Anness II tar-Regolament (UE) Nru 1062/2014 |
Isem is-sustanza |
Stat Membru Relatur |
Numru EC |
Numru CAS |
Tip(i) ta’ prodott |
|
92 |
Bifenil-2-ol |
ES |
201-993-5 |
90-43-7 |
7 |
|
187 |
Dimetilditijokarbamat tal-potassju |
SE |
204-875-1 |
128-03-0 |
9, 11, 12 |
|
1076 |
Klorur tal-fidda-polietilenimmina |
SE |
Mhux disponibbli |
Mhux disponibbli |
1, 2, 9 |
|
494 |
2,2-Dibromo-2-ċjanoaċetammid (DBNPA) |
DK |
233-539-7 |
10222-01-2 |
2 |
|
1051 |
Kloru attiv iġġenerat mill-klorur tal-manjeżju eżaidrat u mill-klorur tal-potassju bl-elettroliżi |
FR |
Mhux disponibbli |
Mhux disponibbli |
2 |
|
779 |
Prodotti tar-reazzjoni tal-aċidu glutamiku u tal-N-(C12-C14-alkil)propilendiammina (Glukoprotammina) |
DE |
403-950-8 |
164907-72-6 |
2, 4 |
|
869 |
Poli(ossi–1,2- etanediil),.alfa.- [2- (dide-ċilmetilammonju) etil] -.omega.-idrossi-, propanoat (melħ) (Bardap 26) |
IT |
Polimeru |
94667-33-1 |
2, 4, 10 |
|
1071 |
Estratt tat-tewm Estratti u d-derivati tagħhom immodifikati fiżikament bħal tinturi, konkreti, assoluti, żjut essenzjali, oleoreżini, terpeni, frazzjonijiet ħielsa mit-terpeni, distillati, residwi, eċċ., miksuba minn Allium sativum, Liliaceae. |
AT |
232-371-1 |
8008-99-9 |
19 |
|
1072 |
Brandi |
għad irid jiġi deċiż |
Mhux disponibbli |
Mhux disponibbli |
19 |
ELI: http://data.europa.eu/eli/dec_impl/2024/888/oj
ISSN 1977-074X (electronic edition)