This document is an excerpt from the EUR-Lex website
Document 32023R2162
Commission Implementing Regulation (EU) 2023/2162 of 17 October 2023 cancelling the protection of the geographical indication (Sable de Camargue (PGI))
Regolament ta’ Implimentazzjoni tal-Kummissjoni (UE) 2023/2162 tas-17 ta’ Ottubru 2023 li jirtira l-protezzjoni mogħtija lill-indikazzjoni ġeografika (Sable de Camargue (IĠP))
Regolament ta’ Implimentazzjoni tal-Kummissjoni (UE) 2023/2162 tas-17 ta’ Ottubru 2023 li jirtira l-protezzjoni mogħtija lill-indikazzjoni ġeografika (Sable de Camargue (IĠP))
C/2023/6854
ĠU L, 2023/2162, 18.10.2023, ELI: http://data.europa.eu/eli/reg_impl/2023/2162/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
Il-Ġurnal Uffiċjali |
MT Serje L |
2023/2162 |
18.10.2023 |
REGOLAMENT TA’ IMPLIMENTAZZJONI TAL-KUMMISSJONI (UE) 2023/2162
tas-17 ta’ Ottubru 2023
li jirtira l-protezzjoni mogħtija lill-indikazzjoni ġeografika (“Sable de Camargue” (IĠP))
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 1308/2013 tal-Parlament Ewropew u tal-Kunsill tas-17 ta’ Diċembru 2013 li jistabbilixxi organizzazzjoni komuni tas-swieq fi prodotti agrikoli u li jħassar ir-Regolamenti tal-Kunsill (KEE) Nru 922/72, (KEE) Nru 234/79, (KE) Nru 1037/2001 u (KE) Nru 1234/2007 (1), u b’mod partikolari l-Artikolu 106 tiegħu,
Billi:
(1) |
L-Artikolu 19 tar-Regolament Delegat tal-Kummissjoni (UE) 2019/33 (2) jistipula li l-proċedura stabbilita fl-Artikolu 94 u fl-Artikoli 96 sa 99 tar-Regolament (UE) Nru 1308/2013 għandha tapplika mutatis mutandis għat-tħassir tal-Indikazzjoni Ġeografika Protetta skont it-tifsira tal-Artikolu 106 tar-Regolament (UE) Nru 1308/2013. |
(2) |
F’konformità mal-Artikolu 19 tar-Regolament Delegat (UE) 2019/33, it-talba ta’ Franza għat-tħassir tal-Indikazzjoni Ġeografika Protetta “Sable de Camargue” ġiet ippubblikata f’Il-Ġurnal Uffiċjali tal-Unjoni Ewropea (3). |
(3) |
Billi l-Kummissjoni ma rċeviet l-ebda dikjarazzjoni ta’ oġġezzjoni skont l-Artikolu 98 tar-Regolament (UE) Nru 1308/2013, jenħtieġ li l-Indikazzjoni Ġeografika Protetta “Sable de Camargue” titħassar. |
(4) |
Fid-dawl tat-tħassir tal-protezzjoni tal-Indikazzjoni Ġeografika Protetta “Sable de Camargue”, l-entrata tagħha għandha titħassar mir-reġistru tad-Denominazzjonijiet ta’ Oriġini Protetti u tal-Indikazzjonijiet Ġeografiċi Protetti tal-Unjoni għall-inbejjed imsemmija fl-Artikolu 104 tar-Regolament (UE) Nru 1308/2013. |
(5) |
Il-miżuri previsti f’dan ir-Regolament huma konformi mal-opinjoni tal-Kumitat għall-Organizzazzjoni Komuni tas-Swieq Agrikoli, |
ADOTTAT DAN IR-REGOLAMENT:
Artikolu 1
Il-protezzjoni mogħtija lill-indikazzjoni ġeografika “Sable de Camargue” (IĠP) hija mħassra.
Artikolu 2
L-entrata tal-Indikazzjoni Ġeografika “Sable de Camargue” (IĠP) fir-reġistru tad-Denominazzjonijiet ta’ Oriġini Protetti u tal-Indikazzjonijiet Ġeografiċi Protetti għall-inbejjed hija mħassra.
Artikolu 3
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-17 ta’ Ottubru 2023.
Għall-Kummissjoni
Il-President
Ursula VON DER LEYEN
(1) ĠU L 347, 20.12.2013, p. 671.
(2) Ir-Regolament Delegat tal-Kummissjoni (UE) 2019/33 tas-17 ta’ Ottubru 2018 li jissupplimenta r-Regolament (UE) Nru 1308/2013 tal-Parlament Ewropew u tal-Kunsill fir-rigward tal-applikazzjonijiet għall-protezzjoni ta’ denominazzjonijiet ta’ oriġini, indikazzjonijiet ġeografiċi u termini tradizzjonali fis-settur tal-inbid, il-proċedura ta’ oġġezzjoni, ir-restrizzjonijiet tal-użu, l-emendi għall-ispeċifikazzjonijiet tal-prodott, it-tħassir tal-protezzjoni, u t-tikkettar u l-preżentazzjoni (ĠU L 9, 11.1.2019, p. 2.).
ELI: http://data.europa.eu/eli/reg_impl/2023/2162/oj
ISSN 1977-074X (electronic edition)