This document is an excerpt from the EUR-Lex website
Document 32023D2066
Council Decision (CFSP) 2023/2066 of 25 September 2023 amending Decision (CFSP) 2023/1599 on a European Union Security and Defence Initiative in support of West African countries of the Gulf of Guinea
Deċiżjoni tal-Kunsill (PESK) 2023/2066 tal-25 ta’ Settembru 2023 li temenda d-Deċiżjoni (PESK) 2023/1599 dwar Inizjattiva tal-Unjoni Ewropea għas-Sigurtà u d-Difiża b’appoġġ għall-pajjiżi tal-Afrika tal-Punent tal-Golf tal-Guinea
Deċiżjoni tal-Kunsill (PESK) 2023/2066 tal-25 ta’ Settembru 2023 li temenda d-Deċiżjoni (PESK) 2023/1599 dwar Inizjattiva tal-Unjoni Ewropea għas-Sigurtà u d-Difiża b’appoġġ għall-pajjiżi tal-Afrika tal-Punent tal-Golf tal-Guinea
ST/12385/2023/INIT
ĠU L 238, 27.9.2023, p. 141–142
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
27.9.2023 |
MT |
Il-Ġurnal Uffiċjali tal-Unjoni Ewropea |
L 238/141 |
DEĊIŻJONI TAL-KUNSILL (PESK) 2023/2066
tal-25 ta’ Settembru 2023
li temenda d-Deċiżjoni (PESK) 2023/1599 dwar Inizjattiva tal-Unjoni Ewropea għas-Sigurtà u d-Difiża b’appoġġ għall-pajjiżi tal-Afrika tal-Punent tal-Golf tal-Guinea
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea, u b’mod partikolari l-Artikoli 42(4) u 43(2) tiegħu,
Wara li kkunsidra l-proposta mir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà,
Billi:
|
(1) |
Fid-29 ta’ Ġunju 2023, il-Kunsill approva Kunċett ta’ Maniġġar ta’ Kriżijiet għal sħubija għas-sigurtà u d-difiża possibbli mal-pajjiżi tal-Afrika tal-Punent tal-Golf tal-Guinea. Dak il-kunċett huwa bbażat fuq approċċ integrat għal sħubija għas-sigurtà u d-difiża mal-Benin, il-Côte d’Ivoire, il-Ghana u t-Togo, li jinkludi l-istabbiliment ta’ missjoni skont il-Politika ta’ Sigurtà u ta’ Difiża Komuni (PSDK), jiġifieri l-Inizjattiva tal-Unjoni Ewropea għas-Sigurtà u d-Difiża b’appoġġ għall-pajjiżi tal-Afrika tal-Punent tal-Golf tal-Guinea (l-“Inizjattiva”), ikkomplementat bl-iskjerar ta’ konsulenti militari fid-delegazzjonijiet tal-Unjoni, flimkien ma’ miżuri ta’ assistenza skont il-Faċilità Ewropea għall-Paċi għall-forniment ta’ tagħmir militari u f’sinerġija ma’ proġetti marbuta mas-sigurtà. |
|
(2) |
Fit-3 ta’ Awwissu 2023, il-Kunsill adotta d-Deċiżjoni (PESK) 2023/1599 (1) li stabbiliet l-Inizjattiva fil-Benin u l-Ghana, abbażi tal-istediniet minn dawk il-pajjiżi. |
|
(3) |
Permezz ta’ ittra datata s-17 ta’ Lulju 2023, il-Prim Ministru tar-Repubblika tat-Togo stiednet lill-Unjoni tagħti bidu għall-Inizjattiva fit-territorju tagħha. |
|
(4) |
Permezz ta’ ittra datata l-20 ta’ Lulju 2023, il-Prim Ministru tar-Repubblika tal-Côte d’Ivoire stieden lill-Unjoni tagħti bidu għall-Inizjattiva fit-territorju tagħha. |
|
(5) |
Għaldaqstant jenħtieġ li l-Inizjattiva tiġi stabbilita wkoll fil-Côte d’Ivoire u fit-Togo. |
|
(6) |
Jenħtieġ li d-Deċiżjoni (PESK) 2023/1599 tiġi emendata skont dan, |
ADOTTA DIN ID-DEĊIŻJONI:
Artikolu 1
L-Artikolu 1 tad-Deċiżjoni (PESK) 2023/1599 jiġi sostitwiti b’dan li ġej:
“Artikolu 1
Stabbiliment
1. L-Unjoni għandha twettaq Missjoni taħt il-Politika ta’ Sigurtà u Difiża Komuni (PSDK) bl-objettiv strateġiku li tassisti lill-pajjiżi tal-Afrika tal-Punent tal-Golf tal-Guinea li fihom tiġi stabbilita dik il-Missjoni biex jiżviluppaw il-kapaċitajiet adegwati fil-forzi tas-sigurtà u tad-difiża tagħhom biex irażżnu l-pressjoni eżerċitata minn gruppi terroristiċi armati u jirrispondu għaliha.
2. Il-Missjoni msemmija fil-paragrafu 1 għandha tissemma l-‘Inizjattiva tal-Unjoni Ewropea għas-Sigurtà u d-Difiża b’appoġġ għall-pajjiżi tal-Afrika tal-Punent tal-Golf tal-Guinea’ (l-‘Inizjattiva’).
3. L-Inizjattiva hija b’dan stabbilita fil-Benin, il-Côte d’Ivoire, il-Ghana u t-Togo.”
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Għandha tapplika mis-16 ta’ Awwissu 2023.
Magħmul fi Brussell, il-25 ta’ Settembru 2023.
Għall-Kunsill
Il-President
H. GÓMEZ HERNÁNDEZ
(1) Id-Deċiżjoni tal-Kunsill (PESK) 2023/1599 tat-3 ta’ Awwissu 2023 dwar Inizjattiva ta’ Sigurtà u Difiża tal-Unjoni Ewropea b’appoġġ għall-pajjiżi tal-Afrika tal-Punent tal-Golf tal-Guinea (ĠU L 196, 4.8.2023, p. 25).