This document is an excerpt from the EUR-Lex website
Document 32023D1095
Council Decision (CFSP) 2023/1095 of 5 June 2023 amending Joint Action 2008/124/CFSP on the European Union Rule of Law Mission in Kosovo (This designation is without prejudice to positions on status, and is in line with UNSCR 1244/1999 and the ICJ Opinion on the Kosovo declaration of independence.), EULEX KOSOVO
Deċiżjoni tal-Kunsill (PESK) 2023/1095 tal-5 ta’ Ġunju 2023 li temenda l-Azzjoni Konġunta 2008/124/PESK dwar il-Missjoni tal-Unjoni Ewropea għall-Istat tad-Dritt fil-Kosovo (Dan l-isem huwa mingħajr preġudizzju għall-pożizzjonijiet dwar l-istatus, u huwa konformi mal-UNSCR 1244/1999 u l-Opinjoni tal-QIĠ dwar id-dikjarazzjoni tal-indipendenza tal-Kosovo.), EULEX KOSOVO
Deċiżjoni tal-Kunsill (PESK) 2023/1095 tal-5 ta’ Ġunju 2023 li temenda l-Azzjoni Konġunta 2008/124/PESK dwar il-Missjoni tal-Unjoni Ewropea għall-Istat tad-Dritt fil-Kosovo (Dan l-isem huwa mingħajr preġudizzju għall-pożizzjonijiet dwar l-istatus, u huwa konformi mal-UNSCR 1244/1999 u l-Opinjoni tal-QIĠ dwar id-dikjarazzjoni tal-indipendenza tal-Kosovo.), EULEX KOSOVO
ST/8603/2023/INIT
ĠU L 146, 6.6.2023, p. 22–23
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
6.6.2023 |
MT |
Il-Ġurnal Uffiċjali tal-Unjoni Ewropea |
L 146/22 |
DEĊIŻJONI TAL-KUNSILL (PESK) 2023/1095
tal-5 ta’ Ġunju 2023
li temenda l-Azzjoni Konġunta 2008/124/PESK dwar il-Missjoni tal-Unjoni Ewropea għall-Istat tad-Dritt fil-Kosovo (*1), EULEX KOSOVO
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea, u b’mod partikolari l-Artikolu 42(4) u l-Artikolu 43(2) tiegħu,
Wara li kkunsidra l-proposta tar-Rappreżentant Għoli tal-Unjoni għall-Affarijiet Barranin u l-Politika ta’ Sigurtà,
Billi:
|
(1) |
Fl-4 ta’ Frar 2008, il-Kunsill adotta l-Azzjoni Konġunta 2008/124/PESK (1). |
|
(2) |
Fit-3 ta’ Ġunju 2021, il-Kunsill adotta d-Deċiżjoni (PESK) 2021/904 (2), li temenda l-Azzjoni Konġunta 2008/124/PESK u li testendi l-Missjoni tal-Unjoni Ewropea għall-Istat tad-Dritt fil-Kosovo (EULEX KOSOVO) sal-14 ta’ Ġunju 2023. |
|
(3) |
Fil-kuntest tar-rieżami strateġiku ta’ EULEX KOSOVO, il-Kumitat Politiku u ta’ Sigurtà (KPS) qabel li jenħtieġ li EULEX KOSOVO tiġi estiża sal-14 ta’ Ġunju 2025. Il-KPS qabel ukoll li, minbarra li tkompli timplimenta l-kompiti tagħha, jenħtieġ li EULEX KOSOVO tassisti lill-awtoritajiet tal-infurzar tal-liġi tal-Kosovo fl-iżvilupp tal-kapaċitajiet tagħhom għall-iskambju ta’ informazzjoni ma’ kontropartijiet reġjonali u internazzjonali fil-qasam tal-assistenza ġuridika u l-kooperazzjoni f’materji kriminali. |
|
(4) |
Jenħtieġ li xejn minn din id-Deċiżjoni ma jiġi interpretat b’mod li jippreġudika l-indipendenza u l-awtonomija tal-imħallfin u l-prosekuturi attivi fi proċedimenti ġudizzjarji fil-kuntest ta’ EULEX KOSOVO. |
|
(5) |
Minħabba n-natura speċjali tal-attivitajiet ta’ EULEX KOSOVO b’appoġġ għall-proċedimenti ġudizzjarji rilokati fi Stat Membru, huwa xieraq li jkun identifikat l-ammont previst biex ikopri l-appoġġ għal tali proċedimenti ġudizzjarji rilokati u biex jipprevedi l-implimentazzjoni ta’ dik il-parti mill-baġit permezz ta’ għotja. |
|
(6) |
Jenħtieġ li l-Azzjoni Konġunta 2008/124/PESK tiġi emendata skont dan. |
|
(7) |
EULEX KOSOVO ser titwettaq fil-kuntest ta’ sitwazzjoni li tista’ tiddeterjora u li tista’ timpedixxi l-kisba tal-objettivi tal-azzjoni esterna tal-Unjoni kif stabbiliti fl-Artikolu 21 tat-Trattat, |
ADOTTA DIN ID-DEĊIŻJONI:
Artikolu 1
L-Azzjoni Konġunta 2008/124/PESK hija emendata kif ġej:
|
(1) |
fl-Artikolu 3, l-ewwel paragrafu, il-punt (f) huwa sostitwit b’dan li ġej
|
|
(2) |
fl-Artikolu 16(1), l-aħħar subparagrafu huwa sostitwit b’dan li ġej: “L-ammont ta’ referenza finanzjarja maħsub biex ikopri n-nefqa ta’ EULEX KOSOVO mill-15 ta’ Ġunju 2023 sal-14 ta’ Ġunju 2025 għandu jkun ta’ EUR 165 310 000. Minn dak l-ammont, l-ammont maħsub biex ikopri n-nefqa ta’ EULEX KOSOVO għall-implimentazzjoni tal-mandat tagħha fil-Kosovo għandu jkun ta’ EUR 58 500 000 u l-ammont maħsub biex ikopri l-appoġġ għall-proċedimenti ġudizzjarji rilokati fi Stat Membru għandu jkun ta’ EUR 106 810 000. Il-Kummissjoni għandha tiffirma ftehim ta’ għotja ma’ reġistratur li jaġixxi f’isem reġistru inkarigat mill-amministrazzjoni tal-proċedimenti ġudizzjarji rilokati għall-ammont ta’ EUR 106 810 000. Ir-regoli dwar l-għotjiet previsti fir-Regolament (UE, Euratom) 2018/1046 għandhom japplikaw għall-ftehim ta’ għotja. L-ammont ta’ referenza finanzjarja għall-perjodu sussegwenti għal EULEX KOSOVO għandu jiġi deċiż mill-Kunsill.”; |
|
(3) |
fl-Artikolu 20, it-tieni paragrafu, l-ewwel sentenza hija sostitwita b’dan li ġej: “Għandha tiskadi fl-14 ta’ Ġunju 2025.”. |
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, il-5 ta’ Ġunju 2023.
Għall-Kunsill
Il-President
J. ROSWALL
(*1) Dan l-isem huwa mingħajr preġudizzju għall-pożizzjonijiet dwar l-istatus, u huwa konformi mal-UNSCR 1244/1999 u l-Opinjoni tal-QIĠ dwar id-dikjarazzjoni tal-indipendenza tal-Kosovo.
(1) L-Azzjoni Konġunta tal-Kunsill 2008/124/PESK tal-4 ta’ Frar 2008 dwar il-Missjoni tal-Unjoni Ewropea għall-Istat tad-Dritt fil-Kosovo, EULEX KOSOVO (ĠU L 42, 16.2.2008, p. 92).
(2) Id-Deċiżjoni tal-Kunsill (PESK) 2021/904 tat-3 ta’ Ġunju 2021 li temenda l-Azzjoni Konġunta 2008/124/PESK dwar il-Missjoni tal-Unjoni Ewropea għall-Istat tad-Dritt fil-Kosovo (EULEX KOSOVO) (ĠU L 197, 4.6.2021, p. 114).