This document is an excerpt from the EUR-Lex website
Document 32023D1043
Council Decision (EU) 2023/1043 of 22 May 2023 establishing the position to be adopted on behalf of the European Union within the Committee on Trade in Civil Aircraft on the accession of Brazil to the Agreement on Trade in Civil Aircraft
Deċiżjoni tal-Kunsill (UE) 2023/1043 tat-22 ta’ Mejju 2023 li jistabbilixxi l-pożizzjoni li għandha tiġi adottata f’isem l-Unjoni Ewropea fi ħdan il-Kumitat dwar il-Kummerċ fl-Inġenji tal-Ajru Ċivili dwar l-adeżjoni tal-Brażil għall-Ftehim dwar il-Kummerċ fl-Inġenji tal-Ajru Ċivili
Deċiżjoni tal-Kunsill (UE) 2023/1043 tat-22 ta’ Mejju 2023 li jistabbilixxi l-pożizzjoni li għandha tiġi adottata f’isem l-Unjoni Ewropea fi ħdan il-Kumitat dwar il-Kummerċ fl-Inġenji tal-Ajru Ċivili dwar l-adeżjoni tal-Brażil għall-Ftehim dwar il-Kummerċ fl-Inġenji tal-Ajru Ċivili
ST/8644/2023/INIT
ĠU L 140, 30.5.2023, p. 51–52
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
30.5.2023 |
MT |
Il-Ġurnal Uffiċjali tal-Unjoni Ewropea |
L 140/51 |
DEĊIŻJONI TAL-KUNSILL (UE) 2023/1043
tat-22 ta’ Mejju 2023
li jistabbilixxi l-pożizzjoni li għandha tiġi adottata f’isem l-Unjoni Ewropea fi ħdan il-Kumitat dwar il-Kummerċ fl-Inġenji tal-Ajru Ċivili dwar l-adeżjoni tal-Brażil għall-Ftehim dwar il-Kummerċ fl-Inġenji tal-Ajru Ċivili
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 207(4), l-ewwel subparagrafu, flimkien mal-Artikolu 218(9) tiegħu,
Wara li kkunsidra l-proposta tal-Kummissjoni Ewropea,
Billi:
(1) |
Il-Ftehim dwar il-Kummerċ fl-Inġenji tal-Ajru Ċivili (1) (“il-Ftehim”) ġie konkluż mill-Unjoni permezz tad-Deċiżjoni tal-Kunsill 80/271/KEE (2) u daħal fis-seħħ fl-1 ta’ Jannar 1980. |
(2) |
Il-Brażil ippreżenta lill-Kumitat dwar il-Kummerċ fl-Inġenji tal-Ajru Ċivili (“il-Kumitat”) l-applikazzjoni tiegħu tal-adeżjoni għall-Ftehim, flimkien mal-proposti tiegħu dwar l-impenji tariffarji, fl-14 ta’ Ġunju 2022. |
(3) |
Fid-dawl ta’ dawk l-impenji, l-applikazzjoni tal-Brażil għall-adeżjoni għall-Ftehim tissodisfa r-rekwiżiti stabbiliti fih. |
(4) |
Hu mistenni li l-adeżjoni tal-Brażil għall-Ftehim tagħti kontribut pożittiv għall-kummerċ ħieles u mingħajr distorsjoni fis-settur tal-inġenji tal-ajru ċivili. |
(5) |
Skont l-Artikolu 9.1.3 tal-Ftehim u l-punt 5 tan-Nota ta’ Gwida dwar l-Implimentazzjoni tal-Artikolu 9.1.3 tal-Ftehim, il-Kumitat għandu s-setgħa li jieħu deċiżjoni li taqbel mat-termini tal-adeżjoni u li jagħti l-kunsens tiegħu lill-gvern applikanti biex jiddepożita mad-Direttur Ġenerali tad-WTO strument tal-adeżjoni, li jiddikjara t-termini hekk miftiehma. |
(6) |
Għalhekk huwa xieraq li tiġi stabbilita l-pożizzjoni li għandha tiġi adottata f’isem l-Unjoni fi ħdan il-Kumitat b’rabta mal-adeżjoni tal-Brażil għall-Ftehim, |
ADOTTA DIN ID-DEĊIŻJONI:
Artikolu 1
Il-pożizzjoni li għandha tiġi adottata f’isem l-Unjoni fi ħdan il-Kumitat dwar il-Kummerċ fl-Inġenji tal-Ajru Ċivili għandha tkun li tapprova l-adeżjoni tal-Brażil għall-Ftehim dwar il-Kummerċ fl-Inġenji tal-Ajru Ċivili.
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, it-22 ta’ Mejju 2023.
Għall-Kunsill
Il-President
E. BUSCH
(1) ĠU L 71, 17.3.1980, p. 58.
(2) Id-Deċiżjoni tal-Kunsill 80/271/KEE tal-10 ta’ Diċembru 1979 dwar il-konklużjoni tal-Ftehimiet Multilaterali li jirriżultaw min-negozjati dwar il-kummerċ tal-1973–1979 (ĠU L 71, 17.3.1980, p. 1).