This document is an excerpt from the EUR-Lex website
Document 32023D1007
Council Decision (EU) 2023/1007 of 25 April 2023 on the position to be taken on behalf of the European Union at the sixteenth meeting of the Conference of the Parties to the Basel Convention on the Control of Transboundary Movements of Hazardous Wastes and their Disposal with regard to certain amendments of Articles and Annexes in that Convention
Deċiżjoni tal-Kunsill (UE) 2023/1007 tal-25 ta’ April 2023 dwar il-pożizzjoni li għandha tittieħed f’isem l-Unjoni Ewropea waqt is-sittax-il laqgħa tal-Konferenza tal-Partijiet għall-Konvenzjoni ta’ Basilea dwar il-Kontroll tal-Movimenti li Jaqsmu l-Fruntieri tal-Iskart ta’ Riskju u d-Disponiment minnhom fir-rigward ta’ ċerti emendi ta’ Artikoli u Annessi f’dik il-Konvenzjoni
Deċiżjoni tal-Kunsill (UE) 2023/1007 tal-25 ta’ April 2023 dwar il-pożizzjoni li għandha tittieħed f’isem l-Unjoni Ewropea waqt is-sittax-il laqgħa tal-Konferenza tal-Partijiet għall-Konvenzjoni ta’ Basilea dwar il-Kontroll tal-Movimenti li Jaqsmu l-Fruntieri tal-Iskart ta’ Riskju u d-Disponiment minnhom fir-rigward ta’ ċerti emendi ta’ Artikoli u Annessi f’dik il-Konvenzjoni
ST/7759/2023/INIT
ĠU L 136, 24.5.2023, p. 57–58
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
24.5.2023 |
MT |
Il-Ġurnal Uffiċjali tal-Unjoni Ewropea |
L 136/57 |
DEĊIŻJONI TAL-KUNSILL (UE) 2023/1007
tal-25 ta’ April 2023
dwar il-pożizzjoni li għandha tittieħed f’isem l-Unjoni Ewropea waqt is-sittax-il laqgħa tal-Konferenza tal-Partijiet għall-Konvenzjoni ta’ Basilea dwar il-Kontroll tal-Movimenti li Jaqsmu l-Fruntieri tal-Iskart ta’ Riskju u d-Disponiment minnhom fir-rigward ta’ ċerti emendi ta’ Artikoli u Annessi f’dik il-Konvenzjoni
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 192(1), flimkien mal-Artikolu 218(9) tiegħu,
Wara li kkunsidra l-proposta tal-Kummissjoni Ewropea,
Billi:
(1) |
Il-Konvenzjoni ta’ Basilea dwar il-Kontroll tal-Movimenti li Jaqsmu l-Fruntieri tal-Iskart ta’ Riskju u d-Disponiment minnhom (1) (“il-Konvenzjoni”) daħlet fis-seħħ fl-1992 u ġiet konkluża f’isem l-Unjoni bid-Deċiżjoni tal-Kunsill 93/98/KEE (2). |
(2) |
F’konformità mal-Konvenzjoni, il-Konferenza tal-Partijiet trid tikkunsidra u tadotta, kif meħtieġ, l-emendi għall-Konvenzjoni u l-Annessi tagħha. |
(3) |
Matul il-ħmistax-il laqgħa tagħha f’Ġunju 2022, il-Konferenza tal-Partijiet ikkunsidrat proposta għal emendi tal-Artikolu 6(2) tal-Konvenzjoni mressqa mill-Federazzjoni Russa. Dik il-proposta għandha l-għan li tistabbilixxi limitu ta’ żmien ta’ 30 jum għall-Istat ta’ importazzjoni biex iwieġeb lin-notifikatur ta’ vjeġġ ta’ skart u tinkludi bidla waħda oħra li hija ppreżentata bħala waħda editorjali. Il-Konferenza tal-Partijiet iddeċidiet li tiddifferixxi l-kunsiderazzjoni ta’ din il-proposta għal-laqgħa li jmiss tal-Konferenza tal-Partijiet. |
(4) |
Tressqet proposta biex jiġi emendat l-Anness IV kif ukoll ċerti entrati fl-Annessi II u IX tal-Konvenzjoni f’isem l-Unjoni u din ġiet diskussa mill-Konferenza tal-Partijiet matul il-ħmistax-il laqgħa tagħha. Il-proposta għandha l-għan, fost l-oħrajn, li temenda u li tiċċara d-deskrizzjonijiet tal-operazzjonijiet ta’ rimi elenkati fl-Anness IV għall-Konvenzjoni u, b’mod partikolari, li: tiġi inkluża introduzzjoni ġenerali li tiddistingwi b’mod ċar it-termini “nuqqas ta’ rkupru” u “rkupru”; jiġu inklużi sottotitoli deskrittivi u testi introduttorji li jispjegaw it-tifsira ta’ “operazzjonijiet li mhumiex ta’ rkupru” (l-Anness IV, Taqsima A) u ta’ “operazzjonijiet ta’ rkupru” (l-Anness IV, Taqsima B); jiġi ċċarat li l-operazzjonijiet kollha ta’ rimi li jseħħu jew li jistgħu jseħħu fil-prattika jkunu koperti irrispettivament mill-istatus legali tagħhom u irrispettivament minn jekk dawn jitqisux bħala ambjentalment korretti jew le, u li jkunu koperti wkoll l-operazzjonijiet li jseħħu qabel is-sottomissjoni għal operazzjonijiet oħra; jiġu aġġornati u ċċarati d-deskrizzjonijiet tal-operazzjonijiet f’konformità mal-iżviluppi xjentifiċi, tekniċi u oħrajn li seħħew minn meta ġiet adottata l-Konvenzjoni fl-1989; u jiġi żgurat, permezz tal-introduzzjoni ta’ dispożizzjonijiet komprensivi, li l-operazzjonijiet kollha mhux imsemmija b’mod speċifiku huma koperti mir-rekwiżiti tal-Konvenzjoni. Il-Konferenza tal-Partijiet iddeċidiet li tikkunsidra din il-proposta ulterjorment fil-laqgħa li jmiss tal-Konferenza tal-Partijiet. |
(5) |
Fir-rigward tal-proposta għal emendi għall-Artikolu 6(2) tal-Konvenzjoni ppreżentati mill-Federazzjoni Russa, jenħtieġ li l-Unjoni ma tappoġġahiex peress li l-emendi ma jgħinux jindirizzaw il-problemi li l-Unjoni tqis bħala prijoritajiet għall-funzjonament tal-proċedura għall-“kunsens infurmat bil-quddiem” tal-Konvenzjoni. Barra minn hekk, l-emendi għat-test prinċipali tal-Konvenzjoni jeħtieġu proċess twil u iebes sabiex jidħol fis-seħħ u jidher sproporzjonat li tali proċedura titnieda għal emenda li ftit li xejn għandha valur miżjud. |
(6) |
Fir-rigward tal-proposta biex jiġu emendati l-Anness IV u ċerti entrati fl-Annessi II u IX, l-Unjoni jenħtieġ li tkompli tappoġġa l-adozzjoni tagħha. Bil-għan li jintlaħaq kunsens dwar din il-proposta, l-Unjoni tista’ turi flessibbiltà, b’mod partikolari fir-rigward tal-miżuri proposti li x’aktarx ma jiksbux biżżejjed appoġġ għall-adozzjoni tagħhom matul is-sittax-il Konferenza tal-Partijiet. Dan jinkludi, pereżempju, id-differiment tad-diskussjoni dwar suġġetti kontenzjużi (bħall-preparazzjoni għall-użu mill-ġdid u l-operazzjonijiet komprensivi), it-tiftix ta’ qbil dwar l-aspetti li jifdal tal-proposta u l-appoġġ ta’ emendi li possibbilment isiru minn Partijiet oħra, sakemm ikunu jistgħu jilħqu l-istess objettivi bħal dawk wara l-proposti tal-Unjoni dwar l-Anness IV għall-Konvenzjoni. |
(7) |
Huwa xieraq li tiġi stabbilita l-pożizzjoni li għandha tittieħed f’isem l-Unjoni matul is-sittax-il laqgħa tal-Konferenza tal-Partijiet dwar dawk il-proposti, peress li l-atti previsti, jekk jiġu adottati, ikunu emendi kemm għat-test kif ukoll għall-Annessi għa;l-Konvenzjoni, u għalhekk, ikunu vinkolanti fuq l-Unjoni u jaffettwaw il-kontenut tal-liġi tal-Unjoni, jiġifieri d-Direttiva 2008/98/KE tal-Parlament Ewropew u tal-Kunsill (3), u r-Regolament (KE) Nru 1013/2006 tal-Parlament Ewropew u tal-Kunsill (4), |
ADOTTA DIN ID-DEĊIŻJONI:
Artikolu 1
Il-pożizzjoni li għandha tittieħed f’isem l-Unjoni fis-sittax-il laqgħa tal-Konferenza tal-Partijiet għall-Konvenzjoni ta’ Basilea għandha tkun din li ġejja:
(a) |
l-Unjoni ma għandhiex tappoġġa l-proposta għall-emendi tal-Artikolu 6(2) tal-Konvenzjoni kif propost mill-Federazzjoni Russa; |
(b) |
l-Unjoni għandha tkompli tappoġġa l-adozzjoni ta’ emendi għall-Anness IV u ċerti entrati fl-Annessi II u IX għall-Konvenzjoni. Jekk ikun meħtieġ sabiex jiġi żgurat li jintlaħaq kunsens dwar emenda tal-Anness IV tal-Konvenzjoni, l-Unjoni tista’ turi flessibbiltà u taqbel li titbiegħed mill-proposta mressqa għall-kunsiderazzjoni fil-ħmistax-il laqgħa tal-Konferenza tal-Partijiet, u tappoġġa bidliet possibbli oħrajn li jistgħu jiksbu l-istess objettivi bħal dawk li jsostnu l-proposti tal-Unjoni dwar l-Anness IV għall-Konvenzjoni, u li ma jimminawx ir-reġim legali tal-Unjoni dwar il-ġestjoni u l-vjeġġi tal-iskart. |
Artikolu 2
Fid-dawl ta’ żviluppi matul is-sittax-il laqgħa tal-Konferenza tal-Partijiet, jista’ jintlaħaq qbil dwar l-irfinar tal-pożizzjoni msemmija fl-Artikolu 1, il-punt (b), minn rappreżentanti tal-Unjoni, f’konsultazzjoni mal-Istati Membri, matul laqgħat ta’ koordinazzjoni fuq il-post, mingħajr deċiżjoni ulterjuri tal-Kunsill.
Artikolu 3
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fil-Lussemburgu, il-25 ta’ April 2023.
Għall-Kunsill
Il-President
P. KULLGREN
(2) Id-Deċiżjoni tal-Kunsill 93/98/KEE tal-1 ta’ Frar 1993 dwar it-tmiem, f’isem il-Komunità, tal-Konvenzjoni dwar il-kontroll tal-moviment barra l-konfini ta’ skart perikoluż u r-rimi tiegħu (Konvenzjoni ta’ Basel) (ĠU L 39, 16.2.1993, p. 1).
(3) Id-Direttiva 2008/98/KE tal-Parlament Ewropew u tal-Kunsill tad-19 ta’ Novembru 2008 dwar l-iskart u li tħassar ċertu Direttivi (ĠU L 312, 22.11.2008, p. 3).
(4) Ir-Regolament (KE) Nru 1013/2006 tal-Parlament Ewropew u tal-Kunsill tal-14 ta’ Ġunju 2006 dwar vjeġġi ta’ skart (ĠU L 190, 12.7.2006, p. 1).