(1)

Fit-18 ta’ Mejju 2022, il-Kummissjoni Ewropea u r-Rappreżentant Għoli tal-Unjoni għall-Affarijiet Barranin u l-Politika ta’ Sigurtà adottaw Komunikazzjoni Konġunta lill-Parlament Ewropew u lill-Kunsill dwar sħubija strateġika mal-pajjiżi tal-Golf, Din kienet segwita mill-Konklużjonijiet tal-Kunsill tal-20 ta’ Ġunju 2022.

(2)

Jenħtieġ li jinħatar Rappreżentant Speċjali tal-Unjoni Ewropea (RSUE) għar-reġjun tal-Golf għal perjodu ta’ 21 xahar.

(3)

Il-Kunsill u l-Kummissjoni, megħjuna mir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà, jenħtieġ li jiżguraw konsistenza bejn l-oqsma differenti tal-Unjoni tal-azzjoni esterna fir-reġjun tal-Golf u jenħtieġ li jikkooperaw mill-qrib għal dak l-għan. Ir-RSUE ser jappoġġa u jikkoopera mal-istituzzjonijiet f’dan ir-rigward.

(4)

Ir-RSUE ser jimplimenta l-mandat fil-kuntest ta’ sitwazzjoni li tista’ tiddeterjora u li tista’ timpedixxi l-kisba tal-objettivi tal-azzjoni esterna tal-Unjoni kif stipulat fl-Artikolu 21 tat-Trattat dwar l-Unjoni Ewropea,

(a)

is-salvagwardja tal-interessi u tas-sigurtà fundamentali tal-Unjoni fir-reġjun tal-Golf;

(b)

il-promozzjoni ta’ relazzjonijiet tajba u mill-qrib bejn l-Unjoni u l-pajjiżi tar-reġjun tal-Golf abbażi ta’ valuri u interessi komuni;

(c)

il-bini ta’ sħubija b’saħħitha, komprensiva u aktar strateġika mal-pajjiżi tar-reġjun tal-Golf sabiex jissaħħu l-prosperità u s-sigurtà;

(d)

il-kontribut għall-istabbiltà u s-sigurtà fir-reġjun tal-Golf billi jiġi promoss it-tnaqqis tat-tensjonijiet u jiġu appoġġati d-djalogu u soluzzjonijiet fit-tul fir-reġjun tal-Golf.

(a)

jappoġġa lir-RGħ, flimkien mas-Servizz Ewropew għall-Azzjoni Esterna (SEAE), fl-implimentazzjoni tal-aspetti tal-politika barranija u ta’ sigurtà tal-Komunikazzjoni Konġunta tat-18 ta’ Mejju 2022 dwar Sħubija Strateġika mal-Pajjiżi tal-Golf u l-konklużjonijiet tal-Kunsill tal-20 ta’ Ġunju 2022 relatati magħha;

(b)

jikkontribwixxi permezz ta’ mezzi diplomatiċi għaż-żamma tal-paċi u għall-prevenzjoni tal-konflitti fir-reġjun, kif ukoll għall-mitigazzjoni tal-effetti potenzjali tagħhom, b’mod partikolari billi jiġu indirizzati theddid komuni bħat-terroriżmu, it-tibdil fil-klima, id-degradazzjoni ambjentali jew in-nuqqas ta’ sigurtà tal-enerġija;

(c)

jgħin biex tiġi żgurata l-konsistenza tal-azzjoni esterna tal-Unjoni u jiġu promossi l-prijoritajiet, il-valuri u l-interessi tal-Unjoni fir-reġjun;

(d)

jikkontribwixxi għal fehim aħjar tar-rwol tal-Unjoni u għall-viżibbiltà tagħha fir-reġjun, għal għajnuna biex tiġi indirizzata d-diżinformazzjoni u għall-bini ta’ kuntatti aktar b’saħħithom bejn in-nies;

(e)

isaħħaħ il-kuntatti mas-sħab tar-reġjun tal-Golf b’mod individwali, iżda wkoll b’kollegament,fejn meħtieġ, mal-organizzazzjonijiet reġjonali rilevanti bħall-Kunsill ta’ Kooperazzjoni tal-Golf, il-Lega tal-Istati Għarab u organizzazzjonijiet rilevanti oħra fil-livell tar-RSUE;

(a)

jistabbilixxi pjan speċifiku ta’ sigurtà msejjes fuq il-gwida tas-SEAE, li jinkludi miżuri ta’ sigurtà fiżiċi, organizzazzjonali u proċedurali speċifiċi li jirregolaw il-ġestjoni tal-moviment sigur tal-persunal lejn iż-żona ta’ responsabbiltà u ġewwa fiha, kif ukoll il-ġestjoni ta’ inċidenti ta’ sigurtà, u li jinkludi pjan ta’ kontinġenza u pjan ta’ evakwazzjoni;

(b)

jiżgura li l-persunal kollu stazzjonat barra l-Unjoni jkun kopert b’assigurazzjoni ta’ riskju għoli, kif meħtieġ mill-kundizzjonijiet fiż-żona ta’ responsabbiltà;

(c)

jiżgura li l-membri kollha tat-tim tar-RSUE li ser jiġi stazzjonat barra l-Unjoni, inkluż persunal ikkuntrattat lokalment, ikunu rċevew it-taħriġ adatt fir-rigward tas-sigurtà qabel jaslu jew mal-wasla tagħhom fiż-żona ta’ responsabbiltà, abbażi tal-livelli tar-riskju li s-SEAE jagħti lil dik iż-żona;

(d)

jiżgura li r-rakkomandazzjonijiet kollha miftiehma, magħmula wara valutazzjonijiet regolari ta’ sigurtà, jiġu implimentati, u jipprovdi rapporti bil-miktub lill-Kunsill, lir-RGħ u lill-Kummissjoni dwar l-implimentazzjoni tagħhom u dwar kwistjonijiet oħra ta’ sigurtà fil-qafas tar-rapporti regolari ta’ progress u rapport komprensiv finali dwar l-implementazzjoni tal-mandat.