EUR-Lex Access to European Union law
This document is an excerpt from the EUR-Lex website
Document 32023D0602
Commission Implementing Decision (EU) 2023/602 of 16 March 2023 amending Implementing Decision (EU) 2019/245 accepting undertaking offers following the imposition of definitive countervailing duties on imports of biodiesel originating in Argentina
Deċiżjoni ta’ Implimentazzjoni tal-Kummissjoni (UE) 2023/602 tas-16 ta’ Marzu 2023 li temenda d-Deċiżjoni ta’ Implimentazzjoni (UE) 2019/245 li taċċetta offerti ta’ impenn wara l-impożizzjoni ta’ dazji kumpensatorji definittivi fuq l-importazzjonijiet ta’ bijodiżil li joriġinaw fl-Arġentina
Deċiżjoni ta’ Implimentazzjoni tal-Kummissjoni (UE) 2023/602 tas-16 ta’ Marzu 2023 li temenda d-Deċiżjoni ta’ Implimentazzjoni (UE) 2019/245 li taċċetta offerti ta’ impenn wara l-impożizzjoni ta’ dazji kumpensatorji definittivi fuq l-importazzjonijiet ta’ bijodiżil li joriġinaw fl-Arġentina
C/2023/1655
ĠU L 79, 17.3.2023, p. 179–180
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
17.3.2023 |
MT |
Il-Ġurnal Uffiċjali tal-Unjoni Ewropea |
L 79/179 |
DEĊIŻJONI TA’ IMPLIMENTAZZJONI TAL-KUMMISSJONI (UE) 2023/602
tas-16 ta’ Marzu 2023
li temenda d-Deċiżjoni ta’ Implimentazzjoni (UE) 2019/245 li taċċetta offerti ta’ impenn wara l-impożizzjoni ta’ dazji kumpensatorji definittivi fuq l-importazzjonijiet ta’ bijodiżil li joriġinaw fl-Arġentina
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2016/1037 tal-Parlament Ewropew u tal-Kunsill tat-8 ta’ Ġunju 2016 dwar il-protezzjoni kontra importazzjonijiet sussidjati minn pajjiżi li mhumiex membri tal-Unjoni Ewropea (1), u b’mod partikolari l-Artikoli 13, 15 u 24 tiegħu,
Wara li kkonsultat il-Kumitat stabbilit bl-Artikolu 15(1) tar-Regolament (UE) 2016/1036 tal-Parlament Ewropew u tal-Kunsill tat-8 ta’ Ġunju 2016 dwar il-protezzjoni kontra l-importazzjonijiet li huma l-oġġett ta’ dumping minn pajjiżi mhux membri tal-Unjoni Ewropea (2),
Billi:
(1) |
Bir-Regolament ta’ Implimentazzjoni tal-Kummissjoni (UE) 2019/244 (3), il-Kummissjoni imponiet dazju kompensatorju definittiv fuq l-importazzjonijiet ta’ bijodiżil li joriġinaw mill-Arġentina (l-investigazzjoni oriġinali). |
(2) |
Bid-Deċiżjoni ta’ Implimentazzjoni tal-Kummissjoni (UE) 2019/245 (4) ġew aċċettati l-impenji offruti mit-tmien produtturi esportaturi flimkien mal-Argentine Chamber of Biofuels (CARBIO). |
(3) |
Oleaginosa Moreno Hermanos S.A.C.I.F.I. y A., kodiċi addizzjonali TARIC C497, kumpanija soġġetta għal rata ta’ dazju kumpensatorju individwali ta’ 25,0 % u għal impenn, fit-23 ta’ Mejju 2022 infurmat lill-Kummissjoni li kienet biddlet isimha għal Viterra Argentina S.A. |
(4) |
Il-Kummissjoni eżaminat l-informazzjoni fornuta u kkonkludiet li l-bidla fl-isem ġiet irreġistrata kif xieraq mal-awtoritajiet rilevanti u ma wasslitx għal xi relazzjoni ġdida ma’ gruppi oħra ta’ kumpaniji li ma kinux investigati mill-Kummissjoni fl-investigazzjoni oriġinali. |
(5) |
Bir-Regolament ta’ Implimentazzjoni tal-Kummissjoni (UE) 2023/592 (5), il-Kummissjoni emendat ir-Regolament ta’ Implimentazzjoni 2019/244 biex jirrifletti l-bidla fl-isem tal-kumpanija li qabel kienet attribwita għall-kodiċi addizzjonali TARIC C497 mill-1 ta’ Lulju 2022. |
(6) |
Filwaqt li jitqies il-fatt li l-bidla fl-isem kienet effettiva mill-1 ta’ Lulju 2022, il-merkanzija kollha rilaxxata għal ċirkolazzjoni libera eżentata mid-dazju kumpensatorju skont l-Artikolu 2 tar-Regolament ta’ Implimentazzjoni (UE) 2019/244, li d-dikjarazzjoni doganali tagħha kienet akkumpanjata mill-fattura tal-impenn maħruġa mill-kumpanija qabel id-data tal-bidla fl-isem mal-isem preċedenti tal-kumpanija, għandha tibqa’ valida u eżentata mill-ġbir tad-dazji kumpensatorji. |
(7) |
Il-Kummissjoni kkonkludiet li l-bidla fl-isem ma taffettwax l-impenn aċċettat mill-Kummissjoni. |
IDDEĊIEDIET KIF ĠEJ:
Artikolu 1
1. L-Artikolu 1 tad-Deċiżjoni ta’ Implimentazzjoni (UE) 2019/245 huwa emendat kif ġej:
“L-Arġentina |
Oleaginosa Moreno Hermanos S.A.C.I.F.I. y A |
Prodott u mibjugħ minn Oleaginosa Moreno Hermanos S.A.C.I.F.I. y A lill-ewwel klijent indipendenti fl-Unjoni li jaġixxi bħala importatur. |
C497” |
huwa sostitwit bi
“L-Arġentina |
Viterra Argentina S.A. |
Magħmul u mibjugħ minn Viterra Argentina S.A. lill-ewwel klijent indipendenti fl-Unjoni li jaġixxi bħala importatur. |
C497”. |
2. Il-kodiċi addizzjonali TARIC C497 li qabel kien attribwit lil Oleaginosa Moreno Hermanos S.A.C.I.F.I. y A għandu japplika għal Viterra Argentina S.A., mill-1 ta’ Lulju 2022. Kwalunkwe dazju definittiv imħallas fuq l-importazzjonijiet ta’ prodotti manifatturati u mibjugħa minn Viterra Argentina S.A. soġġett għall-impenn offrut mill-kumpanija u aċċettat bid-Deċiżjoni ta’ Implimentazzjoni (UE) 2019/245 fir-rigward ta’ Oleaginosa Moreno Hermanos S.A.C.I.F.I. y A għandu jitħallas lura jew jinħafer f’konformità mal-leġiżlazzjoni doganali applikabbli.
Artikolu 2
Din id-Deċiżjoni għandha tidħol fis-seħħ l-għada tal-jum tal-pubblikazzjoni tagħha f’Il-Ġurnal Uffiċjali tal-Unjoni Ewropea.
Magħmul fi Brussell, is-16 ta’ Marzu 2023.
Għall-Kummissjoni
Il-President
Ursula VON DER LEYEN
(1) ĠU L 176, 30.6.2016, p. 55.
(2) ĠU L 176, 30.6.2016, p. 21.
(3) Ir-Regolament ta' Implimentazzjoni tal-Kummissjoni (UE) 2019/244 tal-11 ta’ Frar 2019 li jimponi dazju kompensatorju definittiv fuq l-importazzjonijiet ta' bijodiżil li joriġinaw mill-Arġentina (ĠU L 40, 12.2.2019, p. 1).
(4) Id-Deċiżjoni ta' Implimentazzjoni tal-Kummissjoni (UE) 2019/245 tal-11 ta’ Frar 2019 li taċċetta offerti ta' impenn wara l-impożizzjoni ta' dazji kumpensatorji definittivi fuq l-importazzjonijiet ta' bijodiżil li joriġinaw fl-Arġentina (ĠU L 40, 12.2.2019, p. 71).
(5) Ir-Regolament ta’ Implimentazzjoni tal-Kummissjoni (UE) 2023/592 tas-16 ta’ Marzu 2023 li jemenda r-Regolament ta’ Implimentazzjoni (UE) 2019/244 li jimponi dazju kompensatorju definittiv fuq l-importazzjonijiet ta' bijodiżil li joriġinaw mill-Arġentina (ara l-paġna 51 ta’ dan il-Ġurnal Uffiċjali).