(1)

F’konformità mal-Artikolu 12 tad-Direttiva 2014/35/UE tal-Parlament Ewropew u tal-Kunsill (2), it-tagħmir elettriku konformi ma’ standards armonizzati jew ma’ partijiet minnhom, li r-referenzi tagħhom ikunu ġew ippubblikati f’Il-Ġurnal Uffiċjali tal-Unjoni Ewropea, irid ikun preżunt konformi mal-objettivi tas-sikurezza msemmija fl-Artikolu 3 ta’ dik id-Direttiva u stabbiliti fl-Anness I ta’ dik id-Direttiva, koperti b’dawk l-istandards armonizzati jew partijiet minnhom.

(2)

Bl-ittra M/511 tat-8 ta’ Novembru 2012, il-Kummissjoni talbet lill-Kumitat Ewropew għall-Istandardizzazzjoni (CEN), lill-Kumitat Ewropew għall-Istandardizzazzjoni Elettroteknika (CENELEC) u lill-Istitut Ewropew tal-Istandards tat-Telekomunikazzjoni (ETSI) biex jipprovdu l-ewwel lista sħiħa tat-titoli tal-istandards armonizzati u jwettqu abbozzar, reviżjoni u tlestija ta’ standards armonizzati, għat-tagħmir elettriku ddisinjat għall-użu fi ħdan ċerti limiti tal-voltaġġ b’appoġġ għad-Direttiva 2014/35/UE (“it-talba”). L-objettivi tas-sikurezza msemmija fl-Artikolu 3 tad-Direttiva 2014/35/UE u stabbiliti fl-Anness I ta’ dik id-Direttiva ma nbidlux minn meta saret it-talba lis-CEN, lis-CENELEC u lill-ETSI.

(3)

Abbażi tat-talba, is-CEN u s-CENELEC abbozzaw l-istandard armonizzat EN IEC 61010-2-012:2022 u l-emenda tiegħu EN IEC 61010-2-012:2022/A11:2022, għat-tagħmir tal-ittestjar klimatiku u ambjentali u tagħmir ieħor tal-kundizzjonament tat-temperatura.

(4)

Abbażi tat-talba, is-CEN u s-CENELEC irrevedew l-istandard armonizzat EN 60598-2-22:2014, kif emendat bl-EN 60598-2-22:2014/A1:2020 u kkoreġut bl-EN 60598-2-22:2014/AC:2015, bl-EN 60598-2-22:2014/AC:2016-05 u bl-EN 60598-2-22:2014/AC:2016-09, għal-luminarji tat-tidwil ta’ emerġenza, li r-referenzi tagħhom ġew ippubblikati mid-Deċiżjoni ta’ Implimentazzjoni tal-Kummissjoni (UE) 2019/1956 (3). Dan wassal għall-adozzjoni tal-istandard armonizzat EN IEC 60598-2-22:2022.

(5)

Abbażi tat-talba, is-CEN u s-CENELEC irrevedew ukoll l-istandards armonizzati li ġejjin, li r-referenzi tagħhom ġew ippubblikati mill-Komunikazzjoni tal-Kummissjoni (4): EN 61557-12:2008, għat-tagħmir tal-kejl u l-monitoraġġ tal-prestazzjoni; u EN 60598-1:2015, kif emendat bl-EN 60598-1:2015/A1:2018 u kkoreġut bl-EN 60598-1:2015/AC:2015, EN 60598-1:2015/AC:2016 u EN 60598-1:2015/AC:2017-05, għal-luminarji. Dan wassal għall-adozzjoni tal-istandards armonizzati li ġejjin: EN IEC 61557-12:2022; u EN IEC 60598-1:2021 u l-emenda tiegħu EN IEC 60598-1:2021/A11:2022.

(6)

Abbażi tat-talba, is-CEN u s-CENELEC emendaw l-istandard armonizzat EN 61347-2-7:2012, kif emendat bl-EN 61347-2-7:2012/A1:2019, għat-tagħmir tal-kontroll tal-bozoz, li r-referenzi tiegħu ġew ippubblikati mid-Deċiżjoni ta’ Implimentazzjoni (UE) 2019/1956. Dan wassal għall-adozzjoni tal-istandard armonizzat emendatorju EN 61347-2-7:2012/A2:2022.

(7)

Il-Kummissjoni, flimkien mas-CEN u s-CENELEC, ivvalutat jekk dawk l-istandards armonizzati u l-emendi tagħhom jikkonformawx mat-talba.

(8)

L-istandards armonizzati li ġejjin jissodisfaw l-objettivi tas-sikurezza li għandhom l-għan li jkopru u li huma stabbiliti fid-Direttiva 2014/35/UE: EN IEC 61010-2-012:2022, kif emendat bl-EN IEC 61010-2-012:2022/A11:2022; EN IEC 61557-12:2022; EN IEC 60598-1:2021, kif emendat bl-EN IEC 60598-1:2021/A11:2022; EN IEC 60598-2-22:2022; u EN 61347-2-7:2012, kif emendat bl-EN 61347-2-7:2012/A1:2019 u bl-EN 61347-2-7:2012/A2:2022. Għalhekk jixraq li r-referenzi ta’ dawk l-istandards u tal-emendi tagħhom jiġu ppubblikati f’Il-Ġurnal Uffiċjali tal-Unjoni Ewropea.

(9)

L-Anness I tad-Deċiżjoni ta’ Implimentazzjoni (UE) 2019/1956 jipprevedi r-referenzi tal-istandards armonizzati li jikkonferixxu preżunzjoni ta’ konformità mad-Direttiva 2014/35/UE. Biex ikun żgurat li r-referenzi tal-istandards armonizzati abbozzati b’appoġġ għad-Direttiva 2014/35/UE jkunu elenkati f’att wieħed, ir-referenzi ta’ dawk l-istandards jenħtieġ li jiġu inklużi f’dak l-Anness.

(10)

Għalhekk jeħtieġ jiġu rtirati r-referenzi tal-istandards armonizzati EN 60598-2-22:2014 u EN 61347-2-7:2012, flimkien mar-referenzi ta’ kull standard emendatorju jew ta’ korrezzjoni tagħhom ippubblikati fis-Serje L ta’ Il-Ġurnal Uffiċjali tal-Unjoni Ewropea, peress li dawn ġew riveduti jew emendati. Għalhekk jixraq li dawk ir-referenzi jitħassru mill-Anness I tad-Deċiżjoni ta’ Implimentazzjoni (UE) 2019/1956.

(11)

Jeħtieġ ukoll jiġu rtirati r-referenzi tal-istandards armonizzati EN 61557-12:2008 u EN 60598-1:2015, flimkien mar-referenzi ta’ kull standard emendatorju jew ta’ korrezzjoni tagħhom ippubblikat fis-Serje C ta’ Il-Ġurnal Uffiċjali tal-Unjoni Ewropea, peress li dawn ġew riveduti. L-Anness II tad-Deċiżjoni ta’ Implimentazzjoni (UE) 2019/1956 jelenka r-referenzi tal-istandards armonizzati abbozzati b’appoġġ għad-Direttiva 2014/35/UE li ġew irtirati mis-Serje C ta’ Il-Ġurnal Uffiċjali tal-Unjoni Ewropea. Għalhekk jixraq li dawk ir-referenzi jiddaħħlu f’dak l-Anness.

(12)

Biex il-manifatturi jkollhom żmien biżżejjed biex jadattaw it-tagħmir elettriku tagħhom kopert bl-istandards armonizzati: EN 61557-12:2008; EN 60598-1:2015, kif emendat bl-EN 60598-1:2015/A1:2018 u kkoreġut bl-EN 60598-1:2015/AC:2015, EN 60598-1:2015/AC:2016 u EN 60598-1:2015/AC:2017-05; EN 60598-2-22:2014 kif emendat bl-EN 60598-2-22:2014/A1:2020 u kkoreġut bl-EN 60598-2-22:2014/AC:2015, EN 60598-2-22:2014/AC:2016-05 u EN 60598-2-22:2014/AC:2016-09; u EN 61347-2-7:2012 kif emendat bl-EN 61347-2-7:2012/A1:2019, l-irtirar tar-referenzi ta’ dawk l-istandards armonizzati jeħtieġ jiġi diferit.

(13)

Għalhekk, id-Deċiżjoni ta’ Implimentazzjoni (UE) 2019/1956 jenħtieġ li tiġi emendata skont dan.

(14)

Il-konformità ma’ standard armonizzat tikkonferixxi preżunzjoni ta’ konformità mar-rekwiżiti essenzjali korrispondenti, inkluż l-objettivi tas-sikurezza, stabbiliti fil-leġiżlazzjoni tal-Unjoni dwar l-armonizzazzjoni, mid-data tal-pubblikazzjoni tar-referenza ta’ tali standard f’Il-Ġurnal Uffiċjali tal-Unjoni Ewropea. Għalhekk, din id-Deċiżjoni jenħtieġ li tidħol fis-seħħ fil-jum tal-pubblikazzjoni tagħha,