EUR-Lex Access to European Union law
This document is an excerpt from the EUR-Lex website
Document 32022R2260
Commission Implementing Regulation (EU) 2022/2260 of 14 November 2022 concerning the classification of certain goods in the Combined Nomenclature
Regolament ta’ Implimentazzjoni tal-Kummissjoni (UE) 2022/2260 tal-14 ta’ Novembru 2022 dwar il-klassifikazzjoni ta’ ċerti oġġetti fin-Nomenklatura Magħquda
Regolament ta’ Implimentazzjoni tal-Kummissjoni (UE) 2022/2260 tal-14 ta’ Novembru 2022 dwar il-klassifikazzjoni ta’ ċerti oġġetti fin-Nomenklatura Magħquda
C/2022/8332
ĠU L 299, 18.11.2022, p. 17–19
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
18.11.2022 |
MT |
Il-Ġurnal Uffiċjali tal-Unjoni Ewropea |
L 299/17 |
REGOLAMENT TA’ IMPLIMENTAZZJONI TAL-KUMMISSJONI (UE) 2022/2260
tal-14 ta’ Novembru 2022
dwar il-klassifikazzjoni ta’ ċerti oġġetti fin-Nomenklatura Magħquda
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 952/2013 tal-Parlament Ewropew u tal-Kunsill tad-9 ta’ Ottubru 2013 li jistabbilixxi l-Kodiċi Doganali tal-Unjoni (1), u b’mod partikolari l-Artikolu 57(4) u l-Artikolu 58(2) tiegħu,
Billi:
(1) |
Sabiex tiġi żgurata l-applikazzjoni uniformi tan-Nomenklatura Magħquda annessa mar-Regolament tal-Kunsill (KEE) Nru 2658/87 (2), huwa neċessarju li jiġu adottati miżuri li jikkonċernaw il-klassifikazzjoni tal-oġġetti msemmija fl-Anness ta’ dan ir-Regolament. |
(2) |
Ir-Regolament (KEE) Nru 2658/87 stipula r-regoli ġenerali għall-interpretazzjoni tan-Nomenklatura Magħquda. Dawk ir-regoli japplikaw ukoll għal kwalunkwe nomenklatura oħra li hija totalment jew parzjalment ibbażata fuqha jew li żżid xi suddiviżjoni addizzjonali magħha u li hija stabbilita minn dispożizzjonijiet speċifiċi tal-Unjoni, bl-għan li jiġu applikati tariffi u miżuri oħra relatati mal-kummerċ tal-oġġetti. |
(3) |
Skont dawk ir-regoli ġenerali, l-oġġetti deskritti fil-kolonna (1) tat-tabella stabbilita fl-Anness jenħtieġ li jiġu kklassifikati skont il-kodiċi NM indikat fil-kolonna (2), minħabba r-raġunijiet stabbiliti fil-kolonna (3) ta’ dik it-tabella. |
(4) |
Huwa xieraq li jiġi previst li l-informazzjoni vinkolanti dwar it-tariffi maħruġa fir-rigward tal-oġġetti kkonċernati minn dan ir-Regolament li ma tikkonformax ma’ dan ir-Regolament, għal ċertu perjodu tkun tista’ tibqa’ tiġi invokata mid-detentur, f’konformità mal-Artikolu 34(9) tar-Regolament (UE) Nru 952/2013. Jenħtieġ li dak il-perjodu jkun ta’ tliet xhur. |
(5) |
Il-miżuri previsti f’dan ir-Regolament huma skont l-opinjoni tal-Kumitat tal-Kodiċi Doganali, |
ADOTTAT DAN IR-REGOLAMENT:
Artikolu 1
L-oġġetti deskritti fil-kolonna (1) tat-tabella stabbilita fl-Anness għandhom jiġu kklassifikati fin-Nomenklatura Magħquda skont il-kodiċi NM indikat fil-kolonna (2) ta’ dik it-tabella.
Artikolu 2
L-informazzjoni vinkolanti dwar it-tariffi li mhijiex konformi ma’ dan ir-Regolament tista’ tibqa’ tiġi invokata f’konformità mal-Artikolu 34(9) tar-Regolament (UE) Nru 952/2013 għal perjodu ta’ tliet xhur mid-data tad-dħul fis-seħħ ta’ dan ir-Regolament.
Artikolu 3
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-14 ta’ Novembru 2022.
Għall-Kummissjoni
Gerassimos THOMAS
Direttur Ġenerali
Direttorat Ġenerali għat-Tassazzjoni u l-Unjoni Doganali
(1) ĠU L 269, 10.10.2013, p. 1.
(2) Ir-Regolament tal-Kunsill (KEE) Nru 2658/87, tat-23 ta’ Lulju, 1987, dwar in-nomenklatura tat-tariffa u l-istatistika u dwar it-Tariffa Doganali Komuni ta’ Dwana (ĠU L 256, 7.9.1987, p. 1).
ANNESS
Deskrizzjoni tal-oġġetti |
Klassifikazzjoni (Kodiċi NM) |
Raġunijiet |
||||||
(1) |
(2) |
(3) |
||||||
Sistema ta’ boroż għall-friskaturi, ippreżentata f’sett għall-bejgħ bl-imnut, li tikkonsisti minn:
Il-friskatur, il-boroż u d-distributur huma imprenjati b’kompost antimikrobiku li jipprevjeni l-firxa tal-patoġeni. Ir-romblu tal-boroż irid jiġi mmuntat fid-distributur. Is-sistema hija mfassla biex tipprevjeni l-kontaminazzjoni kroċjata li twassal għat-tixrid ta’ patoġeni meta jinħaslu l-pazjenti fl-isptarijiet, fil-faċilitajiet tal-kura tas-saħħa u f’dawk mhux tal-kura tas-saħħa. |
3924 90 00 |
Il-klassifikazzjoni hija determinata bir-Regoli Ġenerali 1, 3(b) u 6 għall-interpretazzjoni tan-Nomenklatura Magħquda kif ukoll bil-kliem tal-Kodiċijiet NM 3924 u 3924 90 00 . Il-prodott huwa ppreżentat f’sett għall-bejgħ bl-imnut skont it-tifsira tar-Regola Ġenerali 3(b). Il-karattru essenzjali tal-prodott jingħata mill-friskatur tal-plastik li jista’ jerġa’ jintuża. Il-klassifikazzjoni taħt l-intestatura 9018 bħala strument jew apparat mediku hija eskluża peress li l-prodott ma jintużax għat-trattament mediku ta’ kundizzjoni ta’ pazjent. Il-fatt li l-friskatur, il-boroż u d-distributur huma imprenjati bil-kompost antimikrobiku, li jservi biss biex jipprevjeni l-kontaminazzjoni kroċjata u t-tixrid ta’ patoġeni, ma jwassalx biex il-prodott jitqies bħala strument jew apparat mediku użat għad-dijanjożi, jew biex jipprevjeni jew jikkura marda, jew għall-operazzjoni, eċċ. Barra minn hekk, in-Nota ta’ Spjegazzjoni tas-Sistema Armonizzata (NSSA) tal-intestatura 9018 teskludi oġġetti għall-kamra tal-banju ta’ metall komuni (ara l-NSSA tal-intestatura 9018 , it-tieni paragrafu, il-punt (e)). L-interpretazzjoni tista’ tiġi estiża għal prodotti analogi tal-plastik. Il-klassifikazzjoni fl-intestatura 3922 hija eskluża peress li l-friskatur ma għandux il-karattru tal-oġġetti għall-kamra tal-banju ta’ din l-intestatura minħabba d-dimensjonijiet tiegħu, l-istruttura mhux permanenti tiegħu u li mhuwiex imfassal biex jitqabbad ma’ sistema tal-ilma jew tad-dranaġġ. Il-friskatur għandu l-karattru ta’ oġġett għall-kamra tal-banju żgħir u li jinġarr tal-intestatura 3924 (ara wkoll l-NSSA tal-intestatura 3922 , it-tielet paragrafu, il-punt (a) u l-intestatura 3924 , il-punt (D)). Għaldaqstant, il-prodott irid jiġi kklassifikat taħt il-kodiċi NM 3924 90 00 , bħala oġġett tal-iġjene jew tat-twaletta tal-plastik. |