This document is an excerpt from the EUR-Lex website
Document 32022R2203
Commission Implementing Regulation (EU) 2022/2203 of 11 November 2022 amending Regulation (EU) No 965/2012 as regards the applicability of the requirements for locating an aircraft in distress
Regolament ta’ Implimentazzjoni tal-Kummissjoni (UE) 2022/2203 tal-11 ta’ Novembru 2022 li jemenda r-Regolament (UE) Nru 965/2012 fir-rigward tal-applikabbiltà tar-rekwiżiti għal-lokalizzazzjoni ta’ inġenju tal-ajru f’diffikultà
Regolament ta’ Implimentazzjoni tal-Kummissjoni (UE) 2022/2203 tal-11 ta’ Novembru 2022 li jemenda r-Regolament (UE) Nru 965/2012 fir-rigward tal-applikabbiltà tar-rekwiżiti għal-lokalizzazzjoni ta’ inġenju tal-ajru f’diffikultà
C/2022/7934
ĠU L 293, 14.11.2022, p. 3–4
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
14.11.2022 |
MT |
Il-Ġurnal Uffiċjali tal-Unjoni Ewropea |
L 293/3 |
REGOLAMENT TA’ IMPLIMENTAZZJONI TAL-KUMMISSJONI (UE) 2022/2203
tal-11 ta’ Novembru 2022
li jemenda r-Regolament (UE) Nru 965/2012 fir-rigward tal-applikabbiltà tar-rekwiżiti għal-lokalizzazzjoni ta’ inġenju tal-ajru f’diffikultà
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2018/1139 tal-Parlament Ewropew u tal-Kunsill tal-4 ta’ Lulju 2018 dwar regoli komuni fil-qasam tal-avjazzjoni ċivili u li jistabbilixxi Aġenzija tas-Sikurezza tal-Avjazzjoni tal-Unjoni Ewropea, u li jemenda r-Regolamenti (KE) Nru 2111/2005, (KE) Nru 1008/2008, (UE) Nru 996/2010, (UE) Nru 376/2014 u d-Direttivi 2014/30/UE u 2014/53/UE tal-Parlament Ewropew u tal-Kunsill, u li jħassar ir-Regolamenti (KE) Nru 552/2004 u (KE) Nru 216/2008 tal-Parlament Ewropew u tal-Kunsill u r-Regolament tal-Kunsill (KEE) Nru 3922/91 (1), u b’mod partikolari l-Artikolu 31 tiegħu,
Billi:
|
(1) |
L-Istandard 6.18.1 tal-ICAO ġie inkorporat fil-punt CAT.GEN.MPA.210 tal-Anness IV (il-Parti-CAT) tar-Regolament tal-Kummissjoni (UE) Nru 965/2012 (2), li jirrikjedi li ċerti ajruplani jkunu mgħammra b’mezzi robusti u awtomatiċi, biex wara aċċident li matulu l-ajruplan ikollu ħsara serja jiddeterminaw b’mod akkurat fejn inkun jinsab il-punt tat-tmiem tat-titjira. |
|
(2) |
Il-Kunsill tal-ICAO adotta l-Emenda 48 għall-Parti I tal-Anness 6 tal-ICAO fis-16-il Laqgħa tal-226 Sessjoni tiegħu fit-18 ta’ Lulju 2022. Dik l-emenda tipposponi d-data tal-applikabbiltà tal-Istandard 6.18.1 tal-ICAO għall-1 ta’ Jannar 2025 u tirrestrinġi l-applikabbiltà tiegħu għal ajruplani li nħarġilhom Ċertifikat tal-Ajrunavigabbiltà (ĊtA) individwali għall-ewwel darba fl-1 ta’ Jannar 2024 jew wara. |
|
(3) |
Dik l-emenda għandha l-għan (i) li tindirizza d-dewmien sinifikanti, iffaċċjat mill-manifatturi kollha tal-inġenji tal-ajru kkonċernati madwar id-dinja, fl-installazzjoni tat-tagħmir meħtieġ fl-ajruplani, u fl-istabbiliment tal-infrastruttura tal-komunikazzjoni meħtieġa bejn il-partijiet ikkonċernati rilevanti kollha (inkluż il-fornituri tas-servizzi tat-traffiku tal-ajru (ATS) u ċ-ċentri ta’ koordinazzjoni tas-salvataġġ (RCCs)), u (ii) li tipprovdi iktar żmien għall-RCCs u għall-unitajiet tal-ATS biex iħejju u jadattaw il-proċeduri tagħhom. |
|
(4) |
Għaldaqstant, jenħtieġ li r-Regolament (UE) Nru 965/2012 jiġi emendat skont dan. |
|
(5) |
L-Aġenzija tas-Sikurezza tal-Avjazzjoni tal-Unjoni Ewropea ħejjiet abbozz ta’ regoli ta’ implimentazzjoni u ppreżentatu lill-Kummissjoni Ewropea flimkien mal-Opinjoni Nru 5/2022 f’konformità mal-Artikolu 76(1) tar-Regolament (UE) 2018/1139. |
|
(6) |
Ir-rekwiżiti stipulati f’dan ir-Regolament huma konformi mal-opinjoni tal-Kumitat għall-applikazzjoni ta’ regoli komuni tas-sikurezza fil-qasam tal-avjazzjoni ċivili stabbiliti mill-Artikolu 127 tar-Regolament (UE) 2018/1139, |
ADOTTAT DAN IR-REGOLAMENT:
Artikolu 1
Il-punt CAT.GEN.MPA.210 tal-Anness IV (il-Parti-CAT) tar-Regolament (UE) Nru 965/2012 huwa sostitwit b’dan li ġej:
“CAT.GEN.MPA.210 Fejn ikun jinsab inġenju tal-ajru f’diffikultà — Ajruplani
Mill-1 ta’ Jannar 2025, l-ajruplani li ġejjin għandhom ikunu mgħammra b’mezzi robusti u awtomatiċi, biex wara aċċident li matulu l-ajruplan ikollu ħsara serja jiddeterminaw b’mod akkurat fejn ikun jinsab il-punt tat-tmiem tat-titjira:
|
(a) |
l-ajruplani kollha b’MCTOM ta’ iktar minn 27 000 kg, b’MOPSC ta’ iktar minn 19 u li jkun inħarġilhom ĊtA individwali għall-ewwel darba fl-1 ta’ Jannar 2024 jew wara; u |
|
(b) |
l-ajruplani kollha b’MCTOM ta’ iktar minn 45 500 kg u li jkun inħarġilhom ĊtA individwali għall-ewwel darba fl-1 ta’ Jannar 2024 jew wara.” |
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-11 ta’ Novembru 2022.
Għall-Kummissjoni
Il-President
Ursula VON DER LEYEN
(2) Ir-Regolament tal-Kummissjoni (UE) Nru 965/2012 tal-5 ta’ Ottubru 2012 li jistabbilixxi rekwiżiti tekniċi u proċeduri amministrattivi relatati mal-operazzjonijiet bl-ajru skont ir-Regolament (KE) Nru 216/2008 tal-Parlament Ewropew u tal-Kunsill. (ĠU L 296, 25.10.2012, p. 1).