(a)

maħsuba esklussivament għall-appoġġ ta’ jew l-użu mill-Missjoni Multidimensjonali Integrata tan-Nazzjonijiet Uniti għall-Istabbilizzazzjoni fir-Repubblika Ċentru-Afrikana (MINUSCA), il-missjonijiet tal-Unjoni u l-forzi Franċiżi skjerati fir-Repubblika Ċentru-Afrikana, kif ukoll forzi ta’ Stati Membri oħra tan-Nazzjonijiet Uniti li jipprovdu taħriġ u assistenza kif notifikati f’konformità mal-punt (b);

(b)

relatati mal-provvista ta’ tagħmir mhux letali u l-għoti ta’ assistenza, inkluż taħriġ operattiv u mhux operattiv lill-forzi tas-sigurtà tar-Repubblika Ċentru-Afrikana, inkluż istituzzjonijiet statali tal-infurzar tal-liġi ċivili, maħsuba biss bħala sostenn jew għall-użu fil-proċess ta’ Riforma tas-Settur tas-Sigurtà (RSS) tar-Repubblika Ċentru-Afrikana, f’koordinazzjoni mal-MINUSCA, sakemm il-provvediment ta’ assistenza u servizzi jkun ġie nnotifikat bil-quddiem lill-Kumitat tas-Sanzjonijiet;

(c)

relatati mal-provvista ta’ tagħmir militari mhux letali maħsub biss għal użu umanitarju jew ta’ protezzjoni, dment li l-għoti ta’ tali assistenza jew servizzi jkun ġie nnotifikat minn qabel lill-Kumitat tas-Sanzjonijiet;

(d)

relatati mal-ilbies protettiv, inkluż ġkieket rinfurzati u elmi militari, esportati temporanjament lejn ir-Repubblika Ċentru-Afrikana minn persunal tan-Nazzjonijiet Uniti, persunal tal-Unjoni jew tal-Istati Membri tagħha, rappreżentanti tal-midja u ħaddiema umanitarji u fil-qasam tal-iżvilupp u persunal assoċjat, għall-użu personali tagħhom biss;

(e)

relatati mal-provvista ta’ armi u munizzjon, vetturi u tagħmir militari lill-forzi tas-sigurtà tar-RĊA, inkluż istituzzjonijiet statali tal-infurzar tal-liġi ċivili, meta tali armi, munizzjon, vetturi jew tagħmir ikunu maħsuba biss għall-appoġġ tal-proċess tar-RĊA tar-RSS jew għal użu fih, dment li l-provvediment ta’ tali assistenza jew servizzi jkun ġie nnotifikat minn qabel lill-Kumitat tas-Sanzjonijiet.”.