32022R1254

This document is an excerpt from the EUR-Lex website

EUROPA
EUR-Lex home
Regolament implimentattiv - 2022/1254 - EN - EUR-Lex

Help

Search tips

Need more search options? Use the Advanced search

Document 32022R1254

Help

Regolament ta’ Implimentazzjoni tal-Kummissjoni (UE) 2022/1254 tad-19 ta’ Lulju 2022 li jemenda r-Regolament (UE) 2015/640 fir-rigward tal-introduzzjoni ta’ rekwiżiti addizzjonali ġodda tal-ajrunavigabbiltà

C/2022/4946

ĠU L 191, 20.7.2022, pp. 47–57 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/reg_impl/2022/1254/oj

HTML

PDF

Official Journal

20.7.2022

Il-Ġurnal Uffiċjali tal-Unjoni Ewropea

L 191/47

REGOLAMENT TA’ IMPLIMENTAZZJONI TAL-KUMMISSJONI (UE) 2022/1254

tad-19 ta’ Lulju 2022

li jemenda r-Regolament (UE) 2015/640 fir-rigward tal-introduzzjoni ta’ rekwiżiti addizzjonali ġodda tal-ajrunavigabbiltà

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) 2018/1139 tal-Parlament Ewropew u tal-Kunsill tal-4 ta’ Lulju 2018 dwar regoli komuni fil-qasam tal-avjazzjoni ċivili u li jistabbilixxi Aġenzija tas-Sikurezza tal-Avjazzjoni tal-Unjoni Ewropea, u li jemenda r-Regolamenti (KE) Nru 2111/2005, (KE) Nru 1008/2008, (UE) Nru 996/2010, (UE) Nru 376/2014 u d-Direttivi 2014/30/UE u 2014/53/UE tal-Parlament Ewropew u tal-Kunsill, u li jħassar ir-Regolamenti (KE) Nru 552/2004 u (KE) Nru 216/2008 tal-Parlament Ewropew u tal-Kunsill u r-Regolament tal-Kunsill (KEE) Nru 3922/91 (1), u b’mod partikolari l-Artikolu 17(1)(h) tiegħu,

Billi:

(1)

Skont l-Artikolu 76(3) tar-Regolament (UE) 2018/1139, l-Aġenzija tas-Sikurezza tal-Avjazzjoni tal-Unjoni Ewropea (l-“Aġenzija”) toħroġ speċifikazzjonijiet taċ-ċertifikazzjoni (“CSs”) u taġġornahom regolarment sabiex tiżgura li s-CSs jibqgħu adattati għall-iskop tagħhom. Madankollu, inġenju tal-ajru li d-disinn tiegħu jkun diġà ġie ċċertifikat mhuwiex meħtieġ jikkonforma mal-verżjoni aġġornata tas-CSs applikabbli meta jiġi prodott jew waqt li jkun fis-servizz. Sabiex jiġu appoġġati l-kontinwità tal-ajrunavigabbiltà u t-titjib fis-sikurezza, jenħtieġ li tiġi introdotta l-konformità ta’ inġenji tal-ajru bħal dawn mar-rekwiżiti addizzjonali tal-ajrunavigabbiltà li ma kinux inklużi fis-CSs inizjali fiż-żmien taċ-ċertifikazzjoni tad-disinn. Ir-Regolament tal-Kummissjoni (UE) 2015/640 (2) jistabbilixxi rekwiżiti addizzjonali tal-ajrunavigabbiltà bħal dawn.

(2)

B’effett mis-26 ta’ Awwissu 2023, ir-Regolament ta’ Implimentazzjoni tal-Kummissjoni (UE) 2020/1159 (3) daħħal il-punt 26.157 ġdid fl-Anness I (il-Parti-26) tar-Regolament (UE) 2015/640. F’konformità ma’ dik id-dispożizzjoni, l-ajruplani kbar kollha fis-servizz iċċertifikati mill-Aġenzija u użati fit-trasport kummerċjali bl-ajru fis-26 ta’ Awwissu 2023 jew wara għandhom jikkonformaw mar-rekwiżiti addizzjonali tal-ajrunavigabbiltà għall-konverżjoni tal-kompartimenti tal-merkanzija jew tal-bagalji tal-Klassi D. Madankollu, analiżi ulterjuri wriet li għal ċerti tipi ta’ operazzjonijiet, inklużi operazzjonijiet primarjament kummerċjali, ċerti ajruplani kbar b’okkupanza baxxa jippreżentaw riskju aktar baxx ta’ nirien waqt it-titjira li jaqbdu fil-kompartiment tagħhom tal-merkanzija jew tal-bagalji tal-Klassi D u jiżviluppaw f’nirien inkontrollabbli. Għalhekk, sabiex tiġi evitata l-impożizzjoni ta’ piżijiet mhux proporzjonati u mhux kosteffiċjenti fuq l-operaturi tagħhom, jenħtieġ li l-operaturi ta’ dawk it-tipi ta’ ajruplani jiġu eżentati mill-obbligu li jikkonformaw mal-punt 26.157.

(3)

B’effett mit-22 ta’ Ġunju 2021, l-Aġenzija emendat l-Ispeċifikazzjonijiet taċ-Ċertifikazzjoni għal Ajruplani Kbar (CS-25) biex tintroduċi speċifikazzjoni ġdida li tirrikjedi l-istabbiliment ta’ mezzi biex jiġi minimizzat ir-riskju li tajer ikun taħt il-pressjoni ta’ nfiħ minima tiegħu waqt it-tħaddim. Madankollu, dik l-ispeċifikazzjoni ġdida tapplika biss għall-ajruplani kbar li għalihom l-applikazzjoni għall-approvazzjoni tad-disinn saret wara t-22 ta’ Ġunju 2021. Meta wieħed iqis li ċerti ajruplani kbar jistgħu ma jikkonformawx ma’ dik l-ispeċifikazzjoni ġdida, jenħtieġ li jiġu introdotti rekwiżiti addizzjonali tal-ajrunavigabbiltà. Wara kunsiderazzjoni xierqa tan-natura u tar-riskji ta’ operazzjonijiet b’ajruplani kbar, u filwaqt li jinżamm livell uniformi għoli ta’ sikurezza tal-avjazzjoni ċivili fl-Unjoni, ikun proporzjonat u kosteffiċjenti li dawk ir-rekwiżiti addizzjonali tal-ajrunavigabbiltà jiġu introdotti għall-ajruplani kbar kollha fis-servizz li ġew prodotti fuq il-bażi ta’ disinn li jkun diġà ġie ċċertifikat mill-Aġenzija.

(4)

L-Aġenzija emendat l-Ispeċifikazzjonijiet taċ-Ċertifikazzjoni għal Inġenji tal-Ajru bir-Rotors Zgħar (CS-27) u għal Inġenji tal-Ajru bir-Rotors Kbar (CS-29) rispettivament biex tintroduċi speċifikazzjonijiet ġodda għal inġenji tal-ajru bir-rotors maħsuba għall-użu f’operazzjonijiet lil hinn mill-kosta. F’konformità mal-ispeċifikazzjonijiet il-ġodda, l-inġenji tal-ajru bir-rotors huma meħtieġa li jiġu ċċertifikati għall-inżul ta’ emerġenza fuq l-ilma jew huma meħtieġa li jkollhom sistemi għaż-żamma f’wiċċ l-ilma f’emerġenza installati fuqhom. Filwaqt li jitqiesu kif xieraq in-natura u r-riskju tal-operazzjonijiet lil hinn mill-kosta bil-ħelikopter u l-ħtieġa li jinżamm livell uniformi għoli ta’ sikurezza tal-avjazzjoni ċivili fl-Unjoni, ikun proporzjonat u kosteffiċjenti li wħud minn dawk l-ispeċifikazzjonijiet isiru applikabbli għall-ħelikopters eżistenti operati fl-Unjoni u għal dawk li jiġu prodotti wara d-dħul fis-seħħ ta’ dan ir-Regolament abbażi ta’ disinn li diġà ġie ċċertifikat mill-Aġenzija.

(5)	Il-miżuri previsti f’dan ir-Regolament huma skont l-opinjoni tal-Kumitat stabbilit bl-Artikolu 127 tar-Regolament (UE) 2018/1139,

ADOTTAT DAN IR-REGOLAMENT:

Artikolu 1

Ir-Regolament (UE) 2015/640 huwa emendat kif ġej:

(1)

fl-Artikolu 2, jiddaħħlu l-punti (ca), (cb) u (cc) li ġejjin:

“(ca)

“ħelikopter żgħir” tfisser ħelikopter li jkollu l-Ispeċifikazzjonijiet taċ-Ċertifikazzjoni għal Inġenji tal-Ajru bir-Rotors Żgħar (CS-27) jew ekwivalenti fil-bażi taċ-ċertifikazzjoni tiegħu;

(cb)

“ħelikopter żgħir tal-kategorija A” tfisser ħelikopter żgħir li jkollu l-karatteristiċi kollha tal-kategorija A kif definit fil-punt (17) tal-Anness I tar-Regolament (UE) Nru 965/2012 u li fil-bażi taċ-ċertifikazzjoni tiegħu jkollu l-ispeċifikazzjonijiet addizzjonali stabbiliti fl-Ispeċifikazzjonijiet taċ-Ċertifikazzjoni għal Inġenji tal-Ajru bir-Rotors Kbar (CS-29) li huma applikabbli bis-saħħa tar-referenza fl-Appendiċi C għal CS-27, jew ekwivalenti;

(cc)

“Kundizzjonijiet tal-baħar sostanzjati” tfisser dawk il-kundizzjonijiet tal-baħar li ntgħażlu mill-applikant għal ċertifikat tat-tip jew għal ċertifikat tat-tip supplimentari li għalihom tkun ġiet ipprovata ir-reżistenza tal-inġenju tal-ajru bir-rotors milli jinqaleb, u sussegwentement jiġi ċċertifikat għad-dispożizzjonijiet rigward l-inżul ta’ emerġenza fuq l-ilma u s-sistemi għaż-żamma f’wiċċ l-ilma f’emerġenza.”

(2)	L-Anness I (il-Parti-26) huwa emendat f’konformità mal-Anness ta’ dan ir-Regolament.”

Artikolu 2

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Għandu japplika mid-9 ta’ Settembru 2022, għajr għal:

(a)	il-punti 2 u 6 tal-Anness, li għandhom japplikaw mis-26 ta’ Awwissu 2023;

(b)	il-punt 4 u l-punt 5 tal-Anness fir-rigward taż-żieda tal-punti 26.410, 26.415, il-punti 26.420(a) u (b), u l-punt 26.425 tal-Anness I (il-Parti-26) tar-Regolament (UE) 2015/640, li għandhom japplikaw mid-9 ta’ Awwissu 2023;

(c)	il-punt 5 tal-Anness fir-rigward taż-żieda tal-punt 26.420(c) u l-punt 26.435(a) tal-Anness I (il-Parti-26) tar-Regolament (UE) 2015/640, li għandu japplika mid-9 ta’ Awwissu 2024;

(d)	il-punt 5 tal-Anness fir-rigward taż-żieda tal-punt 26.435(b) tal-Anness I (il-Parti-26) tar-Regolament (UE) 2015/640, li għandu japplika mid-9 ta’ Awwissu 2026.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, id-19 ta’ Lulju 2022.

Għall-Kummissjoni

Il-President

Ursula VON DER LEYEN

(1) ĠU L 212, 22.8.2018, p. 1.

(2) Ir-Regolament tal-Kummissjoni (UE) 2015/640 tat-23 ta’ April 2015 dwar l-ispeċifikazzjonijiet addizzjonali tal-ajrunavigabbiltà għal tip partikolari ta’ operazzjonijiet u li jemenda r-Regolament (UE) Nru 965/2012 (ĠU L 106, 24.4.2015, p. 18).

(3) Ir-Regolament ta’ Implimentazzjoni tal-Kummissjoni (UE) 2020/1159 tal-5 ta’ Awwissu 2020 li jemenda r-Regolamenti (UE) Nru 1321/2014 u (UE) 2015/640 fir-rigward tal-introduzzjoni ta’ rekwiżiti addizzjonali ġodda tal-ajrunavigabbiltà (ĠU L 257, 6.8.2020, p. 14).

ANNESS

L-Anness I għar-Regolament (UE) 2015/640 (il-Parti-26) huwa emendat kif ġej:

(1)

il-werrej huwa sostitwit b’dan li ġej:

“WERREJ

SUBPARTI A — DISPOŻIZZJONIJIET ĠENERALI

26.10

Awtorità kompetenti

26.20

Tagħmir temporanjament mhux operattiv

26.30

Dimostrazzjoni tal-konformità

SUBPARTI B — AJRUPLANI KBAR

26.50

Is-sits, il-kuċċetti, iċ-ċintorini tas-sikurezza, u ċ-ċineg

26.60

L-inżul ta’ emerġenza — kundizzjonijiet dinamiċi

26.100

Il-lok tal-ћruġ ta’ emerġenza

26.105

Aċċess għall-ћruġ ta’ emerġenza

26.110

Sinjali tal-ћruġ ta’ emerġenza

26.120

Dawl tal-emerġenza intern u tħaddim tad-dawl ta’ emerġenza

26.150

L-arredamenti interni tal-kompartimenti

26.155

Il-fjammabbiltà tal-inforri tal-kompartiment tal-merkanzija

26.156

Il-materjali ta’ iżolament termali jew akustiku

26.157

Il-konverżjoni tal-kompartimenti tal-Klassi D

26.160

Protezzjoni kontra n-nar fit-tojlits

26.170

Estinturi tan-nar

26.200

Ħoss ta’ twissija fit-tagħmir għall-inżul

26.201

Pressjoni tal-infiħ tat-tajers

26.205

Is-sistemi ta’ għarfien u ta’ twissija tal-ħruġ mir-runway

26.250

Is-sistemi tat-tħaddim tal-bibien tal-kompartiment tal-ekwipaġġ tat-titjira — inkapaċità singola

26.300

Il-programm ta’ integrità strutturali kontinwu għall-istrutturi ta’ ajruplani li qed jeqdiemu — rekwiżiti ġenerali

26.301

Il-Pjan ta’ Konformità għad-detenturi tal-(R)TC

26.302

L-evalwazzjoni tat-tolleranza għad-danni u għar-reħja

26.303

Il-Limitu ta’ Validità

26.304

Il-programm tal-prevenzjoni u l-kontroll tal-korrużjoni

26.305

Il-validità tal-programm ta’ integrità strutturali kontinwa

26.306

L-istruttura tal-linja bażi kritika f’każ ta’ reħja

26.307

Id-data tat-tolleranza għad-danni għall-bidliet eżistenti fi struttura kritika f’każ ta’ reħja

26.308

Id-data tat-tolleranza għad-danni għat-tiswijiet eżistenti għal struttura kritika f’każ ta’ reħja

26.309

Il-linji gwida għall-evalwazzjoni ta’ tiswija

26.330

Id-data tat-tolleranza għad-danni għaċ-ċertifikati tat-tip supplimentari (STCs) eżistenti, għal bidliet kbar oħra eżistenti u għal tiswijiet li jaffettwaw lil dawk il-bidliet jew l-STCs

26.331

Il-Pjan ta’ Konformità għad-detenturi tal-STCs

26.332

L-identifikazzjoni tal-bidliet li jaffettwaw l-istruttura kritika f’każ ta’ reħja

26.333

Id-data tat-tolleranza għad-danni għall-STCs u t-tiswijiet f’dawk l-STCs approvati fl-1 ta’ Settembru 2003 jew wara

26.334

Id-data tat-tolleranza għad-danni għall-STCs u għal bidliet oħra u tiswijiet f’dawk il-bidliet approvati qabel l-1 ta’ Settembru 2003

26.370

Il-kompiti tal-kontinwità tal-ajrunavigabbiltà u l-programm ta’ manutenzjoni tal-inġenji tal-ajru

SUBPARTI C — ĦELIKOPTERS

26.400

Estinturi tan-nar

26.410

Kontrolli ta’ emerġenza mħaddma taħt l-ilma

26.415

Ħruġ ta’ emerġenza taħt l-ilma

26.420

Tagħmir ta’ emerġenza għal titjira fuq l-ilma

26.425

Provvediment ta’ kundizzjonijiet tal-baħar sostanzjati

26.430

Reżistenza għad-danni tas-sistema għaż-żamma f’wiċċ l-ilma f’emerġenza

26.431

Determinazzjoni tar-robustezza tad-disinni tas-sistema għaż-żamma f’wiċċ l-ilma f’emerġenza

26.435

Tħaddim awtomatiku ta’ sistema għaż-żamma f’wiċċ l-ilma f’emerġenza

Appendiċi 1 — Lista ta’ mudelli ta’ ajruplani li mhumiex soġġetti għal ċerti dispożizzjonijiet tal-Anness I (il-Parti-26)”;

(2)

il-punt 26.157 huwa sostitwit b’dan li ġej:

“26.157 Il-konverżjoni tal-kompartimenti tal-Klassi D

L-operaturi ta’ ajruplani kbar użati fit-trasport kummerċjali bl-ajru, b’ċertifikazzjoni tat-tip fl-1 ta’ Jannar 1958 jew wara, ħlief għall-operaturi ta’ xi mudell ta’ ajruplan elenkat fit-Tabella A.1 tal-Appendiċi 1 ta’ dan l-Anness, għandhom jiżguraw li:

(a)	għall-ajruplani li t-tħaddim tagħhom jinvolvi t-trasport tal-passiġġieri, kull kompartiment tal-merkanzija jew tal-bagalji tal-Klassi D, irrispettivament mill-volum tiegħu, ikun jikkonforma mal-ispeċifikazzjonijiet taċ-ċertifikazzjoni applikabbli għal kompartiment tal-Klassi C;

(b)	għall-ajruplani li t-tħaddim tagħhom jinvolvi t-trasport tal-merkanzija biss, kull kompartiment tal-merkanzija tal-Klassi D, irrispettivament mill-volum tiegħu, ikun jikkonforma mal-ispeċifikazzjonijiet taċ-ċertifikazzjoni applikabbli jew għal kompartiment tal-Klassi C jew tal-Klassi E.”;

(3)	jiddaħħal il-punt 26.201 li ġej: “26.201 Pressjoni tal-infiħ tat-tajers L-operaturi ta’ ajruplani kbar għandhom jimminimizzaw ir-riskju li tajer ikun taħt il-pressjoni ta’ nfiħ minima tiegħu waqt it-tħaddim.”;

(4)	it-titolu tas-Subparti C huwa sostitwit b’dan li ġej: “SUBPARTI C — ĦELIKOPTERS”;

(5)

jiżdiedu l-punti 26.410, 26.415, 26.420, 26.425, 26.430, 26.431 u 26.435 li ġejjin:

“26.410 Kontrolli ta’ emerġenza mħaddma taħt l-ilma

L-operaturi ta’ ħelikopters żgħar u ta’ ħelikopters kbar li huma meħtieġa, f’konformità mal-punt CAT.IDE.H.320(a) tal-Anness IV tar-Regolament (UE) Nru 965/2012, li jkunu ddisinjati għall-inżul fuq l-ilma jew iċċertifikati għall-inżul ta’ emerġenza fuq l-ilma, għandhom jiżguraw li l-kontrolli kollha ta’ emerġenza li jeħtieġ li jitħaddmu taħt l-ilma jkunu mmarkati bil-metodu ta’ tħaddim kif ukoll bi strixxi sofor u suwed.

26.415 Ħruġ ta’ emerġenza taħt l-ilma

(a)

(1)	ikun possibbli għall-okkupanti li jidentifikaw faċilment il-mezzi biex iħaddmu kull ħruġ ta’ emerġenza taħt l-ilma biex jiffaċilitaw il-ħruġ fil-każ ta’ nżul ta’ emerġenza fuq l-ilma jew fil-każ li l-ħelikopter jinqaleb;

(2)	ikun disponibbli ħruġ ta’ emerġenza taħt wiċċ l-ilma fuq kull naħa tal-ħelikopter għal kull unità (jew parti minn unità), ta’ erba’ sits tal-passiġġieri sakemm il-ħruġ ta’ emerġenza taħt l-ilma ma jkunx kbir biżżejjed li jippermetti l-ħruġ simultanju ta’ żewġ passiġġieri;

(3)	is-sits tal-passiġġieri jkunu f’tali pożizzjoni, fir-rigward tal-ħruġ ta’ emerġenza ta’ taħt l-ilma msemmi fil-punt (2), li tiffaċilita l-evakwazzjoni tal-passiġġieri f’każ li l-ħelikopter jinqaleb u l-kabina timtela bl-ilma.

(b)

(1)	kull ħruġ ta’ emerġenza, inkluż il-ħruġ ta’ emerġenza tal-ekwipaġġ tat-titjira, u kwalunkwe bieb, tieqa jew ftuħ ieħor fil-kompartiment tal-passiġġieri addattati għall-iskop ta’ evakwazzjoni taħt l-ilma, jkunu jistgħu jintużaw f’każ ta’ emerġenza;

(2)

jiġi pprovdut mezz awtomatiku għall-identifikazzjoni faċli tal-periferija tal-aperturi tal-ħruġ kollu ta’ emerġenza taħt l-ilma, fil-kundizzjonijiet kollha tad-dawl; dawn il-marki jridu jkunu ddisinjati b’tali mod li jibqgħu jidhru f’każ li l-ħelikopter jinqaleb jew il-kabina tkun taħt wiċċ il-baħar.

26.420 Tagħmir ta’ emerġenza għal titjira fuq l-ilma

(a)

L-operaturi ta’ ħelikopters żgħar u ta’ ħelikopters kbar li huma meħtieġa jikkonformaw mar-rekwiżiti tal-punt CAT.IDE.H.300 tal-Anness IV, tal-punt NCC.IDE.H.227 tal-Anness VI jew tal-punt SPO.IDE.H.199 tal-Anness VIII tar-Regolament (UE) Nru 965/2012, għandhom jiżguraw li kull ċattra tas-salvataġġ minfuħa jkollha mezz biex iżommha qrib il-ħelikopter, u mezz addizzjonali biex iżomm iċ-ċattra tas-salvataġġ minfuħa marbuta mal-ħelikopter f’distanza li ma tkunx ta’ periklu għaċ-ċattra tas-salvataġġ innifisha u lanqas għall-persuni abbord. F’każ li l-ħelikopter jinżel taħt l-ilma għalkollox, iż-żewġ mezzi ta’ żamma taċ-ċattra ta’ salvataġġ għandhom jinqatgħu qabel ma l-ħelikopter jinżel taħt l-ilma, anki meta ċ-ċattra ta’ salvataġġ tkun vojta.

(b)

L-operaturi ta’ ħelikopters żgħar u ta’ ħelikopters kbar li huma meħtieġa, f’konformità mal-punt CAT.IDE.H.320(a) tal-Anness IV tar-Regolament (UE) Nru 965/2012, li jkunu ddisinjati għall-inżul fuq l-ilma jew iċċertifikati għall-inżul ta’ emerġenza fuq l-ilma, għandhom jiżguraw li jkun hemm mezzi ta’ stivar li jesgħu baga tas-salvataġġ għal kull okkupant tal-ħelikopter li tista’ tintlaħaq minn kull okkupant waqt li jkun bilqiegħda, sakemm l-okkupanti ma jkunux meħtieġa li jilbsuhom il-ħin kollu waqt li jkunu abbord il-ħelikopter.

(c)

L-operaturi ta’ ħelikopters kbar li huma meħtieġa, f’konformità mal-punt SPA.HOFO.165(d) tal-Anness V tar-Regolament (UE) Nru 965/2012, li jkollhom ċattra tas-salvataġġ waħda jew aktar installati, għandhom jiżguraw li ċ-ċattri tas-salvataġġ:

(1)	ikunu jistgħu jintużaw mill-bogħod, filwaqt li l-mezzi għall-użu taċ-ċattri tas-salvataġġ ikunu jinsabu fejn jintlaħqu faċilment mill-ekwipaġġ tat-titjira, mill-okkupanti tal-kabina tal-passiġġieri u minn kwalunkwe superstitu fl-ilma, x’ħin il-ħelikopter ikun wieqaf fuq wiċċ l-ilma jew maqlub;

(2)	ikunu jistgħu jintużaw b’mod affidabbli x’ħin il-ħelikopter ikun fi kwalunkwe pożizzjoni f’wiċċ l-ilma raġonevolment prevedibbli, inkluż bil-maqlub, u fil-kundizzjonijiet tal-baħar sostanzjati għar-reżistenza għall-qlib.

26.425 Provvediment ta’ kundizzjonijiet tal-baħar sostanzjati

(a)

Detentur ta’ ċertifikat tat-tip għal ħelikopter żgħir jew għal ħelikopter kbir għandu jiżgura li l-kundizzjonijiet tal-baħar sostanzjati għar-reżistenza għall-qlib u kwalunkwe informazzjoni assoċjata relatata maċ-ċertifikazzjoni tal-inżul ta’ emerġenza fuq l-ilma jew mad-dispożizzjonijiet dwar is-sistema għaż-żamma f’wiċċ l-ilma f’emerġenza jkunu inklużi fil-manwal tat-titjir tal-inġenju tal-ajru bir-rotors (RFM) u pprovduti lill-operaturi kollha.

(b)

Detentur ta’ ċertifikat tat-tip supplimentari għal sistema għaż-żamma f’wiċċ l-ilma f’emerġenza installata fuq ħelikopter żgħir jew fuq ħelikopter kbir għandu jiżgura li l-kundizzjonijiet tal-baħar sostanzjati għar-reżistenza għall-qlib u kwalunkwe informazzjoni assoċjata relatata maċ-ċertifikazzjoni tal-inżul ta’ emerġenza fuq l-ilma jew mad-dispożizzjonijiet dwar is-sistema għaż-żamma f’wiċċ l-ilma f’emerġenza jkunu inklużi fl-RFM u pprovduti lill-operaturi kollha.

26.430 Reżistenza għad-danni tas-sistema għaż-żamma f’wiċċ l-ilma f’emerġenza

(a)

L-operaturi ta’ ħelikopters żgħar jew ta’ ħelikopters kbar li jkollhom l-ewwel ċertifikat individwali tal-ajrunavigabbiltà tagħhom maħruġ fid-9 ta’ Awwissu 2025 jew wara, u li huma meħtieġa, f’konformità mal-punt CAT.IDE.H.320(a) tal-Anness IV tar-Regolament (UE) Nru 965/2012, li jkunu ddisinjati għall-inżul fuq l-ilma jew iċċertifikati għall-inżul ta’ emerġenza fuq l-ilma, għandhom jiżguraw li jekk il-ħelikopter jinkludi sistema għaż-żamma f’wiċċ l-ilma f’emerġenza stivata, l-effetti fuq l-użu u ż-żamma tajbin tas-sistema għaż-żamma f’wiċċ l-ilma f’emerġenza bħala riżultat ta’ danni possibbli minn impatt tal-ilma jiġu minimizzati kemm jista’ jkun fl-istadju tad-disinn.

(b)

L-operaturi ta’ ħelikopters żgħar jew ta’ ħelikopters kbar b’sistemi għaż-żamma f’wiċċ l-ilma f’emerġenza stivati installati għall-ewwel darba fid-9 ta’ Awwissu 2025 jew wara, u li huma meħtieġa, f’konformità mal-punt CAT.IDE.H.320(a) tal-Anness IV tar-Regolament (UE) Nru 965/2012, li jkunu ċċertifikati għall-inżul ta’ emerġenza fuq l-ilma, għandhom jiżguraw li l-effetti fuq l-użu u ż-żamma tajbin tas-sistemi għaż-żamma f’wiċċ l-ilma f’emerġenza bħala riżultat ta’ danni possibbli minn impatt tal-ilma jiġu minimizzati kemm jista’ jkun fl-istadju tad-disinn.

26.431 Determinazzjoni tar-robustezza tad-disinni tas-sistema għaż-żamma f’wiċċ l-ilma f’emerġenza

(a)

Operatur ta’ ħelikopter żgħir jew ta’ ħelikopter kbir li jkun meħtieġ, f’konformità mal-punt CAT.IDE.H.320(a) tal-Anness IV tar-Regolament (UE) Nru 965/2012, li jkun iddisinjat għall-inżul fuq l-ilma jew iċċertifikat għall-inżul ta’ emerġenza fuq l-ilma, jista’ jitlob lill-persuna msemmija fil-punt (b) biex tipprovdi s-servizzi msemmija fil-punt (c), meta jiġu ssodisfati ż-żewġ kundizzjonijiet li ġejjin:

(1)	l-operatur ikun meħtieġ juri l-konformità mal-punt 26.430 ta’ dan l-Anness;

(2)	ir-robustezza tas-sistema għaż-żamma f’wiċċ l-ilma f’emerġenza f’każ ta’ impatt tal-ilma ma tkunx intweriet bħala parti miċ-ċertifikat tat-tip jew miċ-ċertifikat tat-tip supplimentari ta’ dak il-ħelikopter.

(b)

Il-persuni li għandhom jipprovdu s-servizzi msemmija fil-punt (c) huma:

(1)	id-detentur taċ-ċertifikat tat-tip, jekk is-sistema għaż-żamma f’wiċċ l-ilma f’emerġenza tkun inkluża fid-disinn tat-tip;

(2)	id-detentur taċ-ċertifikat tat-tip supplimentari, jekk is-sistema għaż-żamma f’wiċċ l-ilma f’emerġenza tkun iċċertifikata permezz ta’ ċertifikat tat-tip supplimentari.

(c)

Il-persuna msemmija fil-punt (b) għandga:

(1)	tiddetermina li l-effetti fuq l-użu u ż-żamma tajbin tas-sistema għaż-żamma f’wiċċ l-ilma f’emerġenza bħala riżultat ta’ danni possibbli minn impatt tal-ilma jiġu minimizzati kemm jista’ jkun;

(2)	tiddetermina li l-effetti msemmija fil-punt (c)(1) jitqiesu fid-disinn tas-sistema għaż-żamma f’wiċċ l-ilma f’emerġenza;

(3)	tipprovdi valutazzjoni lill-operatur.

26.435 Tħaddim awtomatiku ta’ sistema għaż-żamma f’wiċċ l-ilma f’emerġenza

(a)

L-operaturi ta’ ħelikopters żgħar li huma meħtieġa, f’konformità mal-punt CAT.IDE.H.320(a) tal-Anness IV tar-Regolament (UE) Nru 965/2012, li jkunu ddisinjati għall-inżul fuq l-ilma jew iċċertifikati għall-inżul ta’ emerġenza fuq l-ilma, għandhom jiżguraw li jekk waqt it-titjira tiġi installata u stivata sistema għaż-żamma f’wiċċ l-ilma f’emerġenza, din għandha tiġi attivata awtomatikament mad-dħul tal-ħelikopter fl-ilma.

(b)

L-operaturi ta’ ħelikopters żgħar tal-kategorija A u ta’ ħelikopters kbar li huma meħtieġa, f’konformità mal-punt CAT.IDE.H.320(a) tal-Anness IV tar-Regolament (UE) Nru 965/2012, li jkunu ddisinjati għall-inżul fuq l-ilma jew iċċertifikati għall-inżul ta’ emerġenza fuq l-ilma, għandhom jiżguraw li jekk waqt it-titjira tiġi installata u stivata sistema għaż-żamma f’wiċċ l-ilma f’emerġenza, din għandha tiġi attivata awtomatikament mad-dħul tal-ħelikopter fl-ilma u ma għandha tiddependi fuq l-ebda azzjoni tal-bdot waqt it-titjira.”;

(6)

L-Appendiċi 1 huwa sostitwit b’dan li ġej:

“Appendiċi 1

Lista ta’ mudelli ta’ ajruplani li mhumiex soġġetti għal ċerti dispożizzjonijiet tal-Anness I (il-Parti-26)

Tabella A.1

Detentur tat-TC	Tip	Mudelli	Numru tas-serje tal-manifattur	Dispożizzjonijiet tal-Anness I (il-Parti-26) li ma japplikawx
The Boeing Company	707	Kollha		26.301 sa 26.334
The Boeing Company	720	Kollha		26.301 sa 26.334
The Boeing Company	DC-10	DC-10-10 DC-10-30 DC-10-30F	Kollha	26.301 sa 26.334
The Boeing Company	DC-8	Kollha		26.301 sa 26.334
The Boeing Company	DC-9	DC-9-11, DC-9-12, DC-9-13, DC-9-14, DC-9-15, DC-9-15F, DC-9-21, DC-9-31, DC-9-32, DC-9-32 (VC-9C), DC-9-32F, DC-9-32F (C-9 A, C-9B), DC-9-33F, DC-9-34, DC-9-34F, DC-9-41, DC-9-51	Kollha	26.301 sa 26.334
The Boeing Company	MD-90	MD-90-30	Kollha	26.301 sa 26.334
FOKKER SERVICES B.V.	F27	Mark 100, 200, 300, 400, 500, 600, 700	Kollha	26.301 sa 26.334
FOKKER SERVICES B.V.	F28	Mark 1000, 1000C, 2000, 3000, 3000C, 3000R, 3000RC, 4000	Kollha	26.301 sa 26.334
GULFSTREAM AEROSPACE CORP.	G-159	G-159 (Gulfstream I)	Kollha	26.301 sa 26.334
GULFSTREAM AEROSPACE CORP.	G-II_III_IV_V	G-1159 A (GIII) G-1159B (GIIB) G-1159 (GII)	Kollha	26.301 sa 26.334
KELOWNA FLIGHTCRAFT LTD.	CONVAIR 340/440	440	Kollha	26.301 sa 26.334
LEARJET INC.	Learjet 24/25/31/36/35/55/60	24, 24 A, 24B, 24B-A, 24D,24D-A, 24F, 24F-A, 25, 25B, 25C, 25D, 25F	Kollha	26.301 sa 26.334
LOCKHEED MARTIN CORPORATION	1329	Kollha		26.301 sa 26.334
LOCKHEED MARTIN CORPORATION	188	Kollha		26.301 sa 26.334
LOCKHEED MARTIN CORPORATION	382	382, 382B, 382E, 382F, 382G	Kollha	26.301 sa 26.334
LOCKHEED MARTIN CORPORATION	L-1011	Kollha		26.301 sa 26.334
PT. DIRGANTARA INDONESIA	CN-235	Kollha		26.301 sa 26.334
SABRELINER CORPORATION	NA-265	NA-265-65	Kollha	26.301 sa 26.334
VIKING AIR LIMITED	SD3	SD3-30 Sherpa SD3 Sherpa	Kollha	26.301 sa 26.334
VIKING AIR LIMITED	DHC-7	Kollha		26.301 sa 26.334
VIKING AIR LIMITED	CL-215	CL-215-6B11	Kollha	26.301 sa 26.334
TUPOLEV PUBLIC STOCK COMPANY	TU-204	204-120CE	Kollha	26.301 sa 26.334
AIRBUS	Serje A320	A320-251N, A320-271N	10033, 10242, 10281 u 10360	26.60
AIRBUS	Serje A321	A321-271NX	10257, 10371 u 10391	26.60
AIRBUS	Serje A330	A330-243, A330-941	1844, 1861, 1956, 1978, 1982, 1984, 1987, 1989, 1998, 2007, 2008 u 2011	26.60
ATR-GIE Avions de Transport Régional	Serje ATR 72	ATR72-212 A	1565, 1598, 1620, 1629, 1632, 1637, 1640, 1642, 1649, 1657, 1660, 1661	26.60
The Boeing Company	Serje 737	737-8 u 737-9	43299, 43304, 43305, 43310, 43321, 43322, 43332, 43334, 43344, 43348, 43391, 43579, 43797, 43798, 43799, 43917, 43918, 43919, 43921, 43925, 43927, 43928, 43957, 43973, 43974, 43975, 43976, 44867, 44868, 44873, 60009, 60010, 60040, 60042, 60056, 60057, 60058, 60059, 60060, 60061, 60063, 60064, 60065, 60066, 60068, 60194, 60195, 60389, 60434, 60444, 60455, 61857, 61859, 61862, 61864, 62451, 62452, 62453, 62454, 62533, 63358, 63359, 63360, 64610, 64611, 64612, 62613, 64614, 65899, 66147, 66148, 66150	26.60
GULFSTREAM AEROSPACE LP.	Serje Gulfstream G100	1125 Astra 1125 Astra SP G100/Astra SPX	Kollha	26.157
GULFSTREAM AEROSPACE LP.	Serje Gulfstream G100	Gulfstream G150	Kollha	26.157
GULFSTREAM AEROSPACE LP.	Serje GALAXY G200	Gulfstream 200/Galaxy	Kollha	26.157
TEXTRON AVIATION INC.	Serje 650	650	Kollha	26.157
TEXTRON AVIATION INC.	Serje Cessna 500/550/S550/560/560XL	500 550 560 560XL S550	Kollha	26.157
TEXTRON AVIATION INC.	Serje Hawker	Serje BAe.125 Hawker 750 Hawker 800XP	Kollha	26.157
TEXTRON AVIATION INC.	Serje CESSNA 750 (Citation X)	750	Kollha	26.157

”

Top

Choose the experimental features you want to try