Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32022L2100

    Direttiva Delegata tal-Kummissjoni (UE) 2022/2100 tad-29 ta’ Ġunju 2022 li temenda d-Direttiva 2014/40/UE tal-Parlament Ewropew u tal-Kunsill fir-rigward tal-irtirar ta’ ċerti eżenzjonijiet fir-rigward tal-prodotti tat-tabakk imsaħħan (Test b’relevanza għaż-ŻEE)

    C/2022/4367

    ĠU L 283, 3.11.2022, p. 4–6 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

    Legal status of the document In force

    ELI: http://data.europa.eu/eli/dir_del/2022/2100/oj

    3.11.2022   

    MT

    Il-Ġurnal Uffiċjali tal-Unjoni Ewropea

    L 283/4

    DIRETTIVA DELEGATA TAL-KUMMISSJONI (UE) 2022/2100

    tad-29 ta’ Ġunju 2022

    li temenda d-Direttiva 2014/40/UE tal-Parlament Ewropew u tal-Kunsill fir-rigward tal-irtirar ta’ ċerti eżenzjonijiet fir-rigward tal-prodotti tat-tabakk imsaħħna

    (Test b’relevanza għaż-ŻEE)

    IL-KUMMISSJONI EWROPEA,

    Wara li kkunsidrat it-Trattat dwar il-Funzjonament tal-Unjoni Ewropea,

    Wara li kkunsidrat id-Direttiva 2014/40/UE tal-Parlament Ewropew u tal-Kunsill tat-3 ta’ April 2014 dwar l-approssimazzjoni tal-liġijiet, ir-regolamenti u d-dispożizzjonijiet amministrattivi tal-Istati Membri rigward il-manifattura, il-preżentazzjoni u l-bejgħ tat-tabakk u prodotti relatati u li tħassar id-Direttiva 2001/37/KE (1), u b’mod partikolari l-Artikoli 7(12) u 11(6) tagħha,

    Billi:

    (1)

    L-Artikoli 7(1) u (7) tad-Direttiva 2014/40/UE jipprojbixxu t-tqegħid fis-suq ta’ prodotti tat-tabakk b’togħma karatterizzanti jew prodotti tat-tabakk li fihom aromi fi kwalunkwe wieħed mill-komponenti tagħhom bħal filtri, karti, pakketti, kapsuli jew kwalunkwe karatteristika teknika li tippermetti l-modifika tar-riħa jew tat-togħma tal-prodotti tat-tabakk ikkonċernati jew l-intensità ta’ duħħan tagħhom.

    (2)

    Skont l-Artikolu 7(12) tad-Direttiva 2014/40/UE, il-prodotti tat-tabakk għajr is-sigaretti u t-tabakk tal-brim huma eżentati mill-projbizzjonijiet stabbiliti fil-paragrafi 1 u 7.

    (3)

    L-Artikolu 11(1) tad-Direttiva 2014/40/UE jippermetti lill-Istati Membri li jeżentaw lill-prodotti tat-tabakk għat-tipjip għajr is-sigaretti, it-tabakk tal-brim u t-tabakk tal-pipi tal-ilma mill-obbligu li jintwerew il-messaġġ tal-informazzjoni stabbilit skont l-Artikolu 9(2) u t-twissijiet tas-saħħa kkombinati stipulati fl-Artikolu 10.

    (4)

    Prodott tat-tabakk imsaħħan huwa prodott tat-tabakk ġdid li jissaħħan biex jipproduċi emissjoni li fiha n-nikotina u sustanzi kimiċi oħra, li mbagħad tinġibed man-nifs mill-utent(i) u li, skont il-karatteristiċi tiegħu, huwa prodott tat-tabakk li ma jdaħħanx jew prodott tat-tabakk għat-tipjip.

    (5)

    Fir-Rapport dwar l-istabbiliment ta’ bidla sostanzjali taċ-ċirkustanzi għall-prodotti tat-tabakk imsaħħan (2), il-Kummissjoni stabbiliet bidla sostanzjali fiċ-ċirkostanzi rigward il-prodotti tat-tabakk imsaħħan. Ir-rapport jipprovdi informazzjoni u statistika dwar l-iżviluppi tas-suq li juru li kien hemm żieda fil-volumi tal-bejgħ ta’ prodotti tat-tabakk imsaħħna b’mill-anqas 10 % f’mill-inqas ħames Stati Membri u li l-volum tal-bejgħ ta’ prodotti tat-tabakk imsaħħna fil-livell tal-bejgħ bl-imnut qabeż il-2,5 % tal-bejgħ totali tal-prodotti tat-tabakk fil-livell tal-Unjoni.

    (6)

    Fid-dawl ta’ dik il-bidla sostanzjali fiċ-ċirkostanzi rigward il-prodotti tat-tabakk imsaħħna, l-Artikolu 7(12) tad-Direttiva 2014/40/UE jenħtieġ li jiġi emendat sabiex tiġi estiża l-projbizzjoni tat-tqegħid fis-suq ta’ prodotti tat-tabakk b’togħma karatterizzanti jew li fihom aromi fi kwalunkwe wieħed mill-komponenti tagħhom bħal filtri, karti, pakketti, kapsuli jew kwalunkwe karatteristika teknika li tippermetti l-modifika tar-riħa jew tat-togħma tal-prodotti tat-tabakk ikkonċernati jew l-intensità tad-duħħan tagħhom, li diġà teżisti għas-sigaretti u u għat-tabakk tal-brim, għall-prodotti tat-tabakk imsaħħna.

    (7)

    Għall-istess raġunijiet, l-Artikolu 11(1) tad-Direttiva 2014/40/UE jenħtieġ li jiġi emendat sabiex tiġi rtirata l-possibbiltà għall-Istati Membri li jagħtu eżenzjonijiet għal prodotti tat-tabakk imsaħħna, sa fejn huma prodotti tat-tabakk għat-tipjip, mill-obbligi li jġorru l-messaġġ ta’ informazzjoni stabbilit fl-Artikolu 9(2) u t-twissijiet tas-saħħa kkombinati stabbiliti fl-Artikolu 10.

    (8)

    Għaldaqstant, jenħtieġ li d-Direttiva 2014/40/UE tiġi emendata skont dan,

    ADOTTAT DIN ID-DIRETTIVA:

    Artikolu 1

    Emendi għad-Direttiva 2014/40/UE

    Id-Direttiva 2014/40/UE hija emendata kif ġej:

    (1)

    L-Artikolu 7(12) huwa sostitwit b’dan li ġej:

    “12.   Il-prodotti tat-tabakk għajr is-sigaretti u t-tabakk tal-brim għandhom ikunu eżentati mill-projbizzjonijiet stabbiliti fil-paragrafi 1 u 7. Il-Kummissjoni għandha tadotta atti delegati f’konformità mal-Artikolu 27, sabiex tirtira dik l-eżenzjoni għal kategorija partikolari ta’ prodott jekk ikun hemm bidla sostanzjali taċ-ċirkustanzi kif stabbilit f’rapport tal-Kummissjoni.

    Għall-finijiet tal-ewwel subparagrafu, ‘prodott tat-tabakk imsaħħan’ tfisser prodott tat-tabakk ġdid li jissaħħan biex jipproduċi emissjoni li jkun fiha n-nikotina u sustanzi kimiċi oħra, li mbagħad tinġibed man-nifs mill-utent(i), u li, skont il-karatteristiċi tiegħu, huwa prodott tat-tabakk li ma jdaħħanx jew prodott tat-tabakk għat-tipjip.”

    (2)

    L-Artikolu 11 huwa emendat kif ġej:

    (a)

    l-intestatura hija sostitwita b’dan li ġej:

    “Artikolu 11

    It-tikkettar tal-prodotti tat-tabakk għat-tipjip għajr sigaretti, it-tabakk tal-brim, it-tabakk tal-pipi tal-ilma u t-tabakk imsaħħna”;

    (b)

    fil-paragrafu 1, l-ewwel subparagrafu huwa sostitwit b’dan li ġej:

    “L-Istati Membri jistgħu jeżentaw lill-prodotti tat-tabakk għat-tipjip għajr is-sigaretti, it-tabakk tal-brim, it-tabakk tal-pipi tal-ilma u t-tabakk imsaħħna kif definit fl-Artikolu 7(12), it-tieni subparagrafu mill-obbligi li jintwera l-messaġġ tal-informazzjoni stabbilit skont l-Artikolu 9(2) u t-twissijiet tas-saħħa kkombinati stipulati fl-Artikolu 10. F’dak il-każ, u flimkien mat-twissija ġenerali prevista fl-Artikolu 9(1), kull pakkett individwali u kwalunkwe ppakkjar estern ta’ tali prodotti għandhom juru waħda mill-kitbiet ta’ twissijiet elenkati fl-Anness I. It-twissija ġenerali speċifikata fl-Artikolu 9(1) għandha tinkludi referenza għas-servizzi ta’ waqfien mit-tipjip imsemmija tal-Artikolu 10(1)(b).”

    Artikolu 2

    Traspożizzjoni

    1.   L-Istati Membri għandhom jadottaw u jippubblikaw, sa mhux iktar tard mit-23 ta’ Lulju 2023, il-liġijiet, ir-regolamenti, u d-dispożizzjonijiet amministrattivi meħtieġa għall-konformità ma’ din id-Direttiva. Huma għandhom jikkomunikaw minnufih it-test ta’ dawk id-dispożizzjonijiet lill-Kummissjoni.

    Huma għandhom japplikaw dawk id-dispożizzjonijiet mit-23 ta’ Ottubru 2023.

    Meta l-Istati Membri jadottaw dawk id-dispożizzjonijiet, fihom għandu jkun hemm referenza għal din id-Direttiva jew għandhom ikunu akkumpanjati minn dik ir-referenza meta ssir il-pubblikazzjoni uffiċjali tagħhom. L-Istati Membri għandhom jiddeċiedu kif għandha ssir it-tali referenza.

    2.   L-Istati Membri għandhom jikkomunikaw lill-Kummissjoni t-test tad-dispożizzjonijiet ewlenin tal-liġi nazzjonali li huma jadottaw fil-qasam kopert minn din id-Direttiva.

    Artikolu 3

    Dħul fis-seħħ

    Din id-Direttiva għandha tidħol fis-seħħ fl-għoxrin jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.

    Artikolu 4

    Destinatarji

    Din id-Direttiva hija indirizzata lill-Istati Membri.

    Magħmul fi Brussell, id-29 ta’ Ġunju 2022.

    Għall-Kummissjoni

    Il-President

    Ursula VON DER LEYEN

    (1)  ĠU L 127, 29.4.2014, p. 1.

    (2)  Rapport tal-Kummissjoni dwar l-istabbiliment ta’ bidla sostanzjali taċ-ċirkustanzi għall-prodotti tat-tabakk imsaħħan f’konformità mad-Direttiva 2014/40/UE, COM/2022/279 final.

    Top