(1)

Huwa essenzjali li jiġu żgurati l-indipendenza, il-kwalità xjentifika għolja, it-trasparenza u l-effiċjenza tal-Awtorità Ewropea dwar is-Sigurtà fl-Ikel (EFSA). Huwa wkoll indispensabbli li tiġi żgurata l-kooperazzjoni tal-EFSA mal-Istati Membri.

(2)

L-Artikolu 25(1) tar-Regolament (KE) Nru 178/2002 jirrikjedi li kull Stat Membru jinnomina membru u membru supplenti bħala r-rappreżentanti tiegħu għall-Bord ta’ Ġestjoni tal-EFSA. Il-membri u l-membri supplenti hekk innominati jinħatru mill-Kunsill għal perjodu ta’ erba’ snin, li jista’ jiġġedded, u għandhom id-dritt tal-vot.

(3)

Il-Kunsill, permezz tad-Deċiżjoni tiegħu tas-7 ta’ April 2022 (2), ħatar rappreżentanti tal-Istati Membri bħala membri u membri supplenti tal-Bord ta’ Ġestjoni tal-EFSA għall-perjodu mill-1 ta’ Lulju 2022 sat-30 ta’ Ġunju 2026.

(4)

Fl-1 ta’ Mejju 2022, ġie nieqes is-Sur Georgi GEORGIEV, il-membru għall-Bulgarija.

(5)

Permezz ta’ ittra datata t-23 ta’ Awwissu 2022, is-Sa Patricia REILLY, il-membru supplenti għall-Irlanda, tat ir-riżenja tagħha.

(6)

Permezz ta’ ittra datata l-15 ta’ Settembru 2022, is-Sa Jitka GÖTZOVÁ, il-membru supplenti għaċ-Ċekja, tat ir-riżenja tagħha.

(7)

Għalhekk jenħtieġ li jinħatru tliet rappreżentanti ġodda biex iservu għall-bqija tal-mandat tal-predeċessuri rispettivi tagħhom.

(8)

Ir-rappreżentanti li ġew innominati mill-Bulgarija, iċ-Ċekja u l-Irlanda għandhom esperjenza u għarfien espert rilevanti u estensivi fil-qasam tal-liġi u l-politika tal-katina alimentari, inkluż il-valutazzjoni tar-riskju, kif ukoll fl-oqsma ta’ kwistjonijiet maniġerjali, amministrattivi, finanzjarji u legali. Għaldaqstant, il-ħatra tagħhom tiżgura l-ogħla standards ta’ kompetenza u l-aktar firxa wiesgħa ta’ esperjenza rilevanti disponibbli fi ħdan il-Bord ta’ Ġestjoni tal-EFSA,

—

Is-Sur Koycho Koev (il-Bulgarija).

—

Is-Sur Martin ŠTĚPÁNEK (iċ-Ċekja),

—

Is-Sa Geraldine DUFFY (l-Irlanda).