This document is an excerpt from the EUR-Lex website
Document 32022D1682
Council Decision (CFSP) 2022/1682 of 29 September 2022 amending Decision (CFSP) 2020/1465 on a European Union action in support of the United Nations Verification and Inspection Mechanism in Yemen
Deċiżjoni tal-Kunsill (PESK) 2022/1682 tad-29 ta’ Settembru 2022 li temenda d-Deċiżjoni (PESK) 2020/1465 dwar azzjoni tal-Unjoni Ewropea b’appoġġ għall-Mekkaniżmu ta’ Verifika u Spezzjoni tan-Nazzjonijiet Uniti fil-Jemen
Deċiżjoni tal-Kunsill (PESK) 2022/1682 tad-29 ta’ Settembru 2022 li temenda d-Deċiżjoni (PESK) 2020/1465 dwar azzjoni tal-Unjoni Ewropea b’appoġġ għall-Mekkaniżmu ta’ Verifika u Spezzjoni tan-Nazzjonijiet Uniti fil-Jemen
ST/12389/2022/INIT
ĠU L 252, 30.9.2022, p. 76–77
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
30.9.2022 |
MT |
Il-Ġurnal Uffiċjali tal-Unjoni Ewropea |
L 252/76 |
DEĊIŻJONI TAL-KUNSILL (PESK) 2022/1682
tad-29 ta’ Settembru 2022
li temenda d-Deċiżjoni (PESK) 2020/1465 dwar azzjoni tal-Unjoni Ewropea b’appoġġ għall-Mekkaniżmu ta’ Verifika u Spezzjoni tan-Nazzjonijiet Uniti fil-Jemen
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea, u b’mod partikolari l-Artikolu 28(1) tiegħu,
Wara li kkunsidra l-proposta mir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà,
Billi:
(1) |
Fit-18 ta’ Settembru 2018, abbażi ta’ talba mill-Mekkaniżmu ta’ Verifika u Spezzjoni tan-Nazzjonijiet Uniti għal Jemen (UNVIM), il-Kunsill adotta d-Deċiżjoni (PESK) 2018/1249 (1) dwar azzjoni tal-Unjoni Ewropea b’appoġġ tal-UNVIM. |
(2) |
Fit-12 ta’ Ottubru 2020, abbażi ta’ talba mill-UNVIM, il-Kunsill adotta Deċiżjoni (PESK) 2020/1465 (2) u ġedded azzjoni tal-Unjoni b’appoġġ tal-UNVIM għal perjodu ta’ 12-il xahar. |
(3) |
Fil-15 ta’ Novembru 2021, abbażi ta’ talba oħra mill-UNVIM, il-Kunsill emenda d-Deċiżjoni (PESK) 2020/1465 permezz tad-Deċiżjoni (PESK) 2021/1991 (3) sabiex iġedded ulterjorment l-azzjoni tal-Unjoni b’appoġġ tal-UNVIM għal perjodu ta’ 12-il xahar, sat-30 ta’ Settembru 2022. |
(4) |
I-r-Riżoluzzjoni tal-Kunsill tas-Sigurtà tan-Nazzjonijiet Uniti (UNSCR) 2643 (2022) estendiet il-mandat tal-Missjoni tan-Nazzjonijiet Uniti li tappoġġa l-Ftehim ta’ Hodeidah sabiex tiġi appoġġata l-implimentazzjoni tal-ftehim dwar il-belt ta’ Hodeidah u l-portijiet ta’ Hodeidah, Saleef u Ras Issa kif stabbilit fil-Ftehim ta’ Stokkolma konkluż fit-13 ta’ Diċembru 2018 mill-partijiet fil-kunflitt fil-Jemen, u approvata mill-UNSCR 2451 (2018) u l-UNSCR 2452 (2019). |
(5) |
Il-UNVIM talab appoġġ ulterjuri mill-Unjoni għal sena. |
(6) |
Jenħtieġ li l-Unjoni ġġedded għal sena l-appoġġ tagħha lill-UNVIM għall-implimentazzjoni tal-mandat tiegħu. |
(7) |
Jenħtieġ għalhekk li d-Deċiżjoni (PESK) 2020/1465 tiġi emendata skont dan, |
ADOTTA DIN ID-DEĊIŻJONI:
Artikolu 1
Id-Deċiżjoni (PESK) 2020/1465 hija b’dan emendata kif ġej:
(1) |
fl-Artikolu 3, il-paragrafu 1 huwa sostitwit b’dan li ġej: “1. L-ammont ta’ referenza finanzjarja għall-implimentazzjoni tal-proġett imsemmi fl-Artikolu 1 għandu jkun ta’:
Il-Kunsill għandu jirrevedi l-ammont ta’ referenza finanzjarja sal-1 ta’ Marzu 2023 abbażi, fost l-oħrajn, tar-rata ta’ assorbiment u ta’ valutazzjoni tal-ħtiġijiet mis-SEAE u mill-Kummissjoni.”; |
(2) |
fl-Artikolu 5, it-tielet paragrafu huwa sostitwit b’dan li ġej: “Hija għandha tiskadi fit-30 ta’ Settembru 2023.”. |
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Għandha tapplika mill-1 ta’ Ottubru 2022.
Magħmul fi Brussell, id-29 ta’ Settembru 2022.
Għall-Kunsill
Il-President
J. SÍKELA
(1) Id-Deċiżjoni tal-Kunsill (PESK) 2018/1249 tat-18 ta’ Settembru 2018 dwar azzjoni tal-Unjoni Ewropea b’appoġġ għall-Mekkaniżmu ta’ Verifika u Spezzjoni tan-Nazzjonijiet Uniti fil-Jemen (ĠU L 235, 19.9.2018, p. 14).
(2) Id-Deċiżjoni tal-Kunsill (PESK) 2020/1465 tat-12 ta’ Ottubru 2020 dwar azzjoni tal-Unjoni Ewropea b’appoġġ għall-Mekkaniżmu ta’ Verifika u Spezzjoni tan-Nazzjonijiet Uniti fil-Jemen (ĠU L 335, 13.10.2020, p. 13).
(3) Id-Deċiżjoni tal-Kunsill (PESK) 2021/1991 tal-15 ta’ Novembru 2021 li temenda d-Deċiżjoni (PESK) 2020/1465 dwar azzjoni tal-Unjoni Ewropea b’appoġġ għall-Mekkaniżmu ta’ Verifika u Spezzjoni tan-Nazzjonijiet Uniti fil-Jemen (UNVIM)(ĠU L 405, 16.11.2021, p. 12).