This document is an excerpt from the EUR-Lex website
Document 32022D1437
Commission Decision (EU) 2022/1437 of 30 August 2022 confirming the participation of Ireland in Regulation (EU) 2021/2260 of the European Parliament and of the Council amending Regulation (EU) 2015/848 on insolvency proceedings to replace its Annexes A and B
Deċiżjoni tal-Kummissjoni (UE) 2022/1437 tat-30 ta’ Awwissu 2022 li tikkonferma l-parteċipazzjoni tal-Irlanda fir-Regolament (UE) 2021/2260 tal-Parlament Ewropew u tal-Kunsill li jemenda r-Regolament (UE) 2015/848 dwar proċedimenti ta’ insolvenza biex jiġu sostitwiti l-Annessi A u B tiegħu
Deċiżjoni tal-Kummissjoni (UE) 2022/1437 tat-30 ta’ Awwissu 2022 li tikkonferma l-parteċipazzjoni tal-Irlanda fir-Regolament (UE) 2021/2260 tal-Parlament Ewropew u tal-Kunsill li jemenda r-Regolament (UE) 2015/848 dwar proċedimenti ta’ insolvenza biex jiġu sostitwiti l-Annessi A u B tiegħu
C/2022/6100
ĠU L 225, 31.8.2022, p. 3–4
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
31.8.2022 |
MT |
Il-Ġurnal Uffiċjali tal-Unjoni Ewropea |
L 225/3 |
DEĊIŻJONI TAL-KUMMISSJONI (UE) 2022/1437
tat-30 ta’ Awwissu 2022
li tikkonferma l-parteċipazzjoni tal-Irlanda fir-Regolament (UE) 2021/2260 tal-Parlament Ewropew u tal-Kunsill li jemenda r-Regolament (UE) 2015/848 dwar proċedimenti ta’ insolvenza biex jiġu sostitwiti l-Annessi A u B tiegħu
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat il-Protokoll (Nru 21) dwar il-pożizzjoni tar-Renju Unit u l-Irlanda fir-rigward tal-ispazju ta’ libertà, sigurtà u ġustizzja, anness mat-Trattat dwar l-Unjoni Ewropea u mat-Trattat dwar il-Funzjonament tal-Unjoni Ewropea, u b’mod partikolari l-Artikolu 4 tiegħu,
Billi:
|
(1) |
Permezz ta’ ittra lill-Kummissjoni tal-31 ta’ Mejju 2022, l-Irlanda nnotifikat ix-xewqa tagħha, f’konformità mal-Artikolu 4 tal-Protokoll (Nru 21), li taċċetta u tkun marbuta bir-Regolament (UE) 2021/2260 tal-Parlament Ewropew u tal-Kunsill (1). |
|
(2) |
Ma hemm l-ebda kundizzjoni speċifika marbuta mal-parteċipazzjoni tal-Irlanda fir-Regolament (UE) 2021/2260, u mhumiex meħtieġa miżuri tranżitorji. Il-Kummissjoni tinnota li l-Irlanda hija marbuta bir-Regolament (UE) 2015/848 tal-Parlament Ewropew u tal-Kunsill (2), u l-miżura kkonċernata min-notifika attwali tal-Irlanda sempliċiment taġġorna l-Annessi A u B ta’ dak ir-Regolament li fihom il-lista ta’ proċedimenti ta’ insolvenza nazzjonali u l-lista ta’ prattikanti nazzjonali fl-insolvenza, rispettivament. |
|
(3) |
Jenħtieġ li l-parteċipazzjoni tal-Irlanda fir-Regolament (UE) 2021/2260 tiġi kkonfermata. |
|
(4) |
Sabiex l-Irlanda tkun tista’ tapplika r-Regolament (UE) 2021/2260 kemm jista’ jkun malajr, jenħtieġ li din id-Deċiżjoni tidħol fis-seħħ fil-jum li jiġi wara dak tal-pubblikazzjoni tagħha, |
ADOTTA DIN ID-DEĊIŻJONI:
Artikolu 1
Il-parteċipazzjoni tal-Irlanda fir-Regolament (UE) 2021/2260 hija kkonfermata.
Artikolu 2
Din id-Deċiżjoni għandha tidħol fis-seħħ l-għada tal-jum tal-pubblikazzjoni tagħha f’Il-Ġurnal Uffiċjali tal-Unjoni Ewropea.
Magħmul fi Brussell, it-30 ta’ Awwissu 2022.
Għall-Kummissjoni
Il-President
Ursula VON DER LEYEN
(1) Ir-Regolament (UE) 2021/2260 tal-Parlament Ewropew u tal-Kunsill tal-15 ta’ Diċembru 2021 li jemenda r-Regolament (UE) 2015/848 dwar proċedimenti ta’ insolvenza biex jiġu sostitwiti l-Annessi A u B tiegħu (ĠU L 455, 20.12.2021, p. 4).
(2) Ir-Regolament (UE) 2015/848 tal-Parlament Ewropew u tal-Kunsill tal-20 ta’ Mejju 2015 dwar proċedimenti ta’ insolvenza (ĠU L 141, 5.6.2015, p. 19).