This document is an excerpt from the EUR-Lex website
Document 32022D0997
Council Decision (EU) 2022/997 of 7 April 2022 on the position to be taken on behalf of the European Union at the tenth meeting of the Conference of the Parties to the Stockholm Convention on Persistent Organic Pollutants as regards the proposal for amendment of Annex A to that Convention
Deċiżjoni tal-Kunsill (UE) 2022/997 tas-7 ta’ April 2022 dwar il-pożizzjoni li għandha tittieħed, f’isem l-Unjoni Ewropea, fl-għaxar laqgħa tal-Konferenza tal-Partijiet għall-Konvenzjoni ta’ Stokkolma dwar Materjal Organiku Persistenti li Jniġġes fir-rigward tal-proposta għall-emendi tal-Anness A għal dik il-Konvenzjoni
Deċiżjoni tal-Kunsill (UE) 2022/997 tas-7 ta’ April 2022 dwar il-pożizzjoni li għandha tittieħed, f’isem l-Unjoni Ewropea, fl-għaxar laqgħa tal-Konferenza tal-Partijiet għall-Konvenzjoni ta’ Stokkolma dwar Materjal Organiku Persistenti li Jniġġes fir-rigward tal-proposta għall-emendi tal-Anness A għal dik il-Konvenzjoni
ST/7009/2022/INIT
ĠU L 168, 27.6.2022, p. 63–64
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
27.6.2022 |
MT |
Il-Ġurnal Uffiċjali tal-Unjoni Ewropea |
L 168/63 |
DEĊIŻJONI TAL-KUNSILL (UE) 2022/997
tas-7 ta’ April 2022
dwar il-pożizzjoni li għandha tittieħed, f’isem l-Unjoni Ewropea, fl-għaxar laqgħa tal-Konferenza tal-Partijiet għall-Konvenzjoni ta’ Stokkolma dwar Materjal Organiku Persistenti li Jniġġes fir-rigward tal-proposta għall-emendi tal-Anness A għal dik il-Konvenzjoni
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 192(1) flimkien mal-Artikolu 218(9) tiegħu,
Wara li kkunsidra l-proposta mill-Kummissjoni Ewropea,
Billi:
(1) |
Il-Konvenzjoni ta’ Stokkolma dwar Materjal Organiku Persistenti li Jniġġes (“il-Konvenzjoni”) daħlet fis-seħħ fis-17 ta’ Mejju 2004 u ġiet konkluża f’isem l-Unjoni permezz tad-Deċiżjoni tal-Kunsill 2006/507/KE (1). |
(2) |
Ir-Regolament (UE) 2019/1021 tal-Parlament Ewropew u tal-Kunsill (2) jimplimenta l-Konvenzjoni fi ħdan l-Unjoni. |
(3) |
Skont l-Artikolu 8 tal-Konvenzjoni, il-Konferenza tal-Partijiet għall-Konvenzjoni tista’ telenka prodotti kimiċi fl-Annessi A, B u/jew C għall-Konvenzjoni kif ukoll tispeċifika miżuri ta’ kontroll marbuta ma’ tali prodotti kimiċi. |
(4) |
Fl-għaxar laqgħa tagħha, il-Konferenza tal-Partijiet għall-Konvenzjoni hija mistennija tadotta deċiżjoni biex telenka aktar prodotti kimiċi fl-Anness A għall-Konvenzjoni. |
(5) |
Biex jiġu mħarsa saħħet il-bniedem u l-ambjent minn aktar rilaxxi ta’ aċidu sulfoniku perfluworoeżan (PFHxS), tal-imlieħ tiegħu u tal-komposti relatati mal-PFHxS, hemm bżonn li jitnaqqsu jew jiġu eliminati l-produzzjoni u l-użu ta’ dawk il-prodotti kimiċi fil-livell globali u li jiġi appoġġat l-elenkar tagħhom fl-Annessi rilevanti għall-Konvenzjoni. |
(6) |
Ikun xieraq li tiġi stabbilita l-pożizzjoni li trid tittieħed f’isem l-Unjoni fl-għaxar laqgħa tal-Konferenza tal-Partijiet fir-rigward tal-emendi għall-Anness A għall-Konvenzjoni, billi dawk l-emendi ser ikunu vinkolanti fuq l-Unjoni. |
ADOTTA DIN ID-DEĊIŻJONI:
Artikolu 1
Il-pożizzjoni li għandha tittieħed f’isem l-Unjoni fl-għaxar laqgħa tal-Konferenza tal-Partijiet għall-Konvenzjoni ta’ Stokkolma dwar Materjal Organiku Persistenti li Jniġġes għandha tkun, li jiġi appoġġat l-elenkar tal-aċidu sulfoniku perfluworoeżan (PFHxS), l-imlieħ tiegħu u l-komposti relatati mal-PFHxS fl-Anness A tal-Konvenzjoni, b’kont meħud tar-rakkomandazzjonijiet rilevanti tal-Kumitat għall-Analiżi tal-Materjal Organiku Persistenti li Jniġġes mingħajr eżenzjonijiet speċifiċi.
Artikolu 2
L-irfinar tal-pożizzjoni msemmija fl-Artikolu 1, fid-dawl tal-iżviluppi fl-għaxar laqgħa tal-Konferenza tal-Partijiet għall-Konvenzjoni, jista’ jintlaħaq ftehim dwaru mir-rappreżentanti tal-Unjoni, wara konsultazzjoni mal-Istati Membri, waqt laqgħat ta’ koordinazzjoni fuq il-post mingħajr deċiżjoni ulterjuri tal-Kunsill.
Artikolu 3
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fil-Lussemburgu, is-7 ta’ April 2022.
Għall-Kunsill
Il-President
J. DENORMANDIE
(1) Id-Deċiżjoni tal-Kunsill 2006/507/KE tal-14 ta’ Ottubru 2004 dwar il-konklużjoni, f’isem il-Komunità Ewropea, tal-Konvenzjoni ta’ Stokkolma dwar Materjal Organiku Persistenti li Jniġġes (ĠU L 209, 31.7.2006, p. 1).
(2) Ir-Regolament (UE) 2019/1021 tal-Parlament Ewropew u tal-Kunsill tal-20 ta’ Ġunju 2019 dwar il-pollutanti organiċi persistenti (ĠU L 169, 25.6.2019, p. 45).