This document is an excerpt from the EUR-Lex website
Document 32022D0948
Commission Decision (EU) 2022/948 of 1 March 2022 endorsing the resolution scheme for Sberbank d.d. (notified under document C(2022) 1403) (Only the English text is authentic)
Deċiżjoni tal-Kummissjoni (UE) 2022/948 tal-1 ta’ Marzu 2022 dwar l-approvazzjoni tal-iskema ta’ riżoluzzjoni għal Sberbank d.d. (notifikata bid-dokument C(2022)1403) (It-test bl-Ingliż biss huwa awtentiku)
Deċiżjoni tal-Kummissjoni (UE) 2022/948 tal-1 ta’ Marzu 2022 dwar l-approvazzjoni tal-iskema ta’ riżoluzzjoni għal Sberbank d.d. (notifikata bid-dokument C(2022)1403) (It-test bl-Ingliż biss huwa awtentiku)
C/2022/1403
ĠU L 164, 20.6.2022, p. 65–65
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
20.6.2022 |
MT |
Il-Ġurnal Uffiċjali tal-Unjoni Ewropea |
L 164/65 |
DEĊIŻJONI TAL-KUMMISSJONI (UE) 2022/948
tal-1 ta’ Marzu 2022
dwar l-approvazzjoni tal-iskema ta’ riżoluzzjoni għal Sberbank d.d.
(notifikata bid-dokument C(2022)1403)
(It-test bl-Ingliż biss huwa awtentiku)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 806/2014 tal-Parlament Ewropew u tal-Kunsill tal-15 ta’ Lulju 2014 li jistabbilixxi regoli uniformi u proċedura uniformi għar-riżoluzzjoni tal-istituzzjonijiet ta’ kreditu u ċerti ditti tal-investiment fil-qafas ta’ Mekkaniżmu Uniku ta’ Riżoluzzjoni u Fond Uniku għar-Riżoluzzjoni u li jemenda r-Regolament (UE) Nru 1093/2010 (1), u b’mod partikolari t-tieni subparagrafu tal-Artikolu 18(7) tiegħu,
Billi:
|
(1) |
Fl-1 ta’ Marzu 2022 fil-17:26 il-Bord Uniku ta’ Riżoluzzjoni (SRB) ittrażmetta skema ta’ riżoluzzjoni għal.Sberbank d.d stabbilit fil-Kroazja lill-Kummissjoni f’konformità mal-Artikolu 18(7) tar-Regolament (UE) Nru 806/2014. |
|
(2) |
Fl-iskema ta’ riżoluzzjoni, l-SRB jiddikjara li l-kundizzjonijiet kollha għar-riżoluzzjoni stipulati fl-ewwel subparagrafu tal-Artikolu 18(1) tar-Regolament (UE) Nru 806/2014 huma rispettati minn Sberbank d.d. u jevalwa għaliex hemm bżonn azzjoni ta’ riżoluzzjoni fl-interess pubbliku. |
|
(3) |
L-iskema ta’ riżoluzzjoni, skont l-Artikolu 18(6) tar-Regolament (UE) Nru 806/2014, tqiegħed lil Sberbank d.d. taħt riżoluzzjoni u tiddetermina l-applikazzjoni tal-bejgħ ta’ għodda ta’ negozju lill-istituzzjoni taħt riżoluzzjoni. L-iskema ta’ riżoluzzjoni tipprovdi wkoll ir-raġunijiet li minħabba fihom dawk l-elementi huma adegwati. |
|
(4) |
Il-Kummissjoni taqbel mal-iskema ta’ riżoluzzjoni. B’mod partikulari taqbel mar-raġunijiet mogħtiija mill-SRB li minħabba fihom hi neċessarja r-riżoluzzjoni fl-interess pubbliku skont l-Artikolu 18(5) tar-Regolament (UE) Nru 806/2014. |
|
(5) |
Jenħtieġ li l-iskema ta’ riżoluzzjoni kif ippreżentata mill-SRB għaldaqstant tiġi approvata, |
ADOTTAT DIN ID-DEĊIŻJONI:
Artikolu 1
Ir-riżoluzzjoni tal-iskema ta’ riżoluzzjoni għal Sberbank d.d hija approvata.
Artikolu 2
Din id-Deċiżjoni hija indirizzata lill-Bord Uniku ta’ Riżoluzzjoni.
Magħmul fi Brussell, l-1 ta’ Marzu 2022.
Għall-Kummissjoni
Mairead MCGUINNESS
Membru tal-Kummissjoni
(1) Ippubblikat fil-Ġurnal Uffiċjali – it-30 ta’ Lulju 2014 – L 225:pp1 sa 90: http://eur-lex.europa.eu/legal-content/EN/TXT/PDF/?uri=CELEX:32014R0806&from=EN