This document is an excerpt from the EUR-Lex website
Document 32021R2244
Commission Delegated Regulation (EU) 2021/2244 of 7 October 2021 supplementing Regulation (EU) 2017/625 of the European Parliament and of the Council with specific rules on official controls as regards sampling procedures for pesticides residues in food and feed (Text with EEA relevance)
Regolament Delegat tal-Kummissjoni (UE) 2021/2244 tas-7 ta’ Ottubru 2021 li jissupplimenta r-Regolament (UE) 2017/625 tal-Parlament Ewropew u tal-Kunsill b’regoli speċifiċi dwar il-kontrolli uffiċjali fir-rigward tal-proċeduri tat-teħid ta’ kampjuni għar-residwi tal-pestiċidi fl-ikel u fl-għalf (Test b’rilevanza għaż-ŻEE)
Regolament Delegat tal-Kummissjoni (UE) 2021/2244 tas-7 ta’ Ottubru 2021 li jissupplimenta r-Regolament (UE) 2017/625 tal-Parlament Ewropew u tal-Kunsill b’regoli speċifiċi dwar il-kontrolli uffiċjali fir-rigward tal-proċeduri tat-teħid ta’ kampjuni għar-residwi tal-pestiċidi fl-ikel u fl-għalf (Test b’rilevanza għaż-ŻEE)
C/2021/7133
ĠU L 453, 17.12.2021, p. 1–2
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
17.12.2021 |
MT |
Il-Ġurnal Uffiċjali tal-Unjoni Ewropea |
L 453/1 |
REGOLAMENT DELEGAT TAL-KUMMISSJONI (UE) 2021/2244
tas-7 ta’ Ottubru 2021
li jissupplimenta r-Regolament (UE) 2017/625 tal-Parlament Ewropew u tal-Kunsill b’regoli speċifiċi dwar il-kontrolli uffiċjali fir-rigward tal-proċeduri tat-teħid ta’ kampjuni għar-residwi tal-pestiċidi fl-ikel u fl-għalf
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2017/625 tal-Parlament Ewropew u tal-Kunsill tal-15 ta’ Marzu 2017 dwar il-kontrolli uffiċjali u attivitajiet uffiċjali oħra mwettqa biex jiżguraw l-applikazzjoni tal-liġi tal-ikel u tal-għalf, ta’ regoli dwar is-saħħa u t-trattament xieraq tal-annimali, dwar is-saħħa tal-pjanti u dwar prodotti għall-protezzjoni tal-pjanti, li jemenda r-Regolamenti (KE) Nru 999/2001, (KE) Nru 396/2005, (KE) Nru 1069/2009, (KE) Nru 1107/2009, (UE) Nru 1151/2012, (UE) Nru 652/2014, (UE) 2016/429 u (UE) 2016/2031 tal-Parlament Ewropew u tal-Kunsill, ir-Regolamenti tal-Kunsill (KE) Nru 1/2005 u (KE) Nru 1099/2009 u d-Direttivi tal-Kunsill 98/58/KE, 1999/74/KE, 2007/43/KE, 2008/119/KE u 2008/120/KE, u li jħassar ir-Regolamenti (KE) Nru 854/2004 u (KE) Nru 882/2004 tal-Parlament Ewropew u tal-Kunsill, id-Direttivi tal-Kunsill 89/608/KEE, 89/662/KEE, 90/425/KEE, 91/496/KEE, 96/23/KE, 96/93/KE u 97/78/KE u d-Deċiżjoni tal-Kunsill 92/438/KEE (Regolament dwar il-Kontrolli Uffiċjali) (1), u b’mod partikolari il-punt (a) tal-Artikolu 19(2) tiegħu,
Billi
|
(1) |
Ir-Regolament (UE) 2017/625 jistabbilixxi regoli dwar il-kontrolli u attivitajiet uffiċjali oħra mwettqa mill-awtoritajiet kompetenti tal-Istati Membri sabiex tiġi vverifikata l-konformità mal-leġiżlazzjoni tal-Unjoni, inter alia fil-qasam tas-sikurezza tal-ikel f’kull stadju tal-produzzjoni, tal-ipproċessar u tad-distribuzzjoni. Dan jipprevedi regoli speċifiċi dwar kontrolli uffiċjali b’rabta ma’ sustanzi li l-użu tagħhom jista’ jwassal għal residwi ta’ dawk is-sustanzi fl-ikel u fl-għalf. |
|
(2) |
Ir-Regolament (UE) 2017/625 iħassar l-Artikolu 27(1) tar-Regolament (KE) Nru 396/2005 tal-Parlament Ewropew u tal-Kunsill (2), li madanakollu jibqa’ applikabbli sal-14 ta’ Diċembru 2022, diment li ma tiġix stabbilita data iżjed bikrija minn att delegat. Dak l-Artikolu 27(1) jistabbilixxi rekwiżiti speċifiċi għat-twettiq ta’ kontrolli uffiċjali fir-rigward ta’ proċeduri ta’ teħid ta’ kampjuni għall-analiżi ta’ residwi ta’ pestiċidi fl-ikel u fl-għalf. |
|
(3) |
L-Artikolu 19(1) tar-Regolament (UE) 2017/625 jistabbilixxi r-rekwiżiti speċifiċi dwar il-kontrolli uffiċjali fir-rigward tar-residwi ta’ sustanzi rilevanti fl-ikel u fl-għalf li għandhom jitwettqu fi kwalunkwe stadju tal-produzzjoni, l-ipproċessar u d-distribuzzjoni. |
|
(4) |
L-għan tal-monitoraġġ tar-residwi tal-pestiċidi fl-ikel u fl-għalf huwa li tiġi żgurata l-konformità mal-livelli massimi ta’ residwi stabbiliti bir-Regolament (KE) Nru 396/2005 kif ukoll li jiġi vvalutat l-esponiment tal-konsumatur għar-residwi tal-pestiċidi. Dan jirrikjedi li l-kampjuni tal-ikel u tal-għalf jittieħdu f’għadd u firxa suffiċjenti biex jiġi żgurat li huma rappreżentattivi tas-suq. Dan jirrikjedi wkoll li dawk il-kampjuni jittieħdu fil-punt ta’ kampjunar l-aktar xieraq fil-katina alimentari. |
|
(5) |
Għalhekk huwa xieraq li jiġi ssupplimentat l-Artikolu 19(1) tar-Regolament (UE) 2017/625 billi jiġu stabbiliti regoli għat-twettiq tal-kontrolli uffiċjali fir-rigward tal-proċeduri rilevanti ta’ teħid ta’ kampjuni għar-residwi tal-pestiċidi fl-ikel u fl-għalf. |
|
(6) |
Peress li r-regoli stabbiliti fl-Artikolu 27(1) tar-Regolament (KE) Nru 396/2005 dwar il-kontrolli uffiċjali għat-teħid ta’ kampjuni mhux se jibqgħu japplikaw mill-15 ta’ Diċembru 2022, dan ir-Regolament jenħtieġ japplika minn dik id-data, |
ADOTTAT DAN IR-REGOLAMENT:
L-Artikolu 1
Għall-finijiet tal-kontrolli uffiċjali fuq ir-residwi tal-pestiċidi, kif previst fl-Artikolu 19(1) tar-Regolament (UE) 2017/625, kull Stat Membru għandu jieħu għadd u firxa suffiċjenti ta’ kampjuni ta’ ikel u għalf biex jiżgura li r-riżultati jkunu rappreżentattivi tas-suq, filwaqt li jitqiesu r-riżultati tal-programmi nazzjonali pluriennali preċedenti ta’ kontroll.
Il-kampjunar previst fl-ewwel paragrafu għandu jitwettaq qrib il-punt tal-provvista kif ikun raġonevoli.
L-Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mill-15 ta’ Diċembru 2022.
Dan ir-Regolament għandu jorbot fl-intier tiegħu u jkun direttament applikabbli f’kull Stat Membru.
Magħmul fi Brussell, is-7 ta’ Ottubru 2021.
Għall-Kummissjoni
Il-President
Ursula VON DER LEYEN
(2) Ir-Regolament (KE) Nru 396/2005 tal-Parlament Ewropew u tal-Kunsill tat-23 ta’ Frar 2005 dwar il-livelli massimi ta’ residwu ta’ pestiċidi fi jew fuq ikel u għalf li joriġina minn pjanti u annimali u jemenda d-Direttiva tal-Kunsill 91/414/KEE (ĠU L 70, 16.3.2005, p. 1).