This document is an excerpt from the EUR-Lex website
Document 32021R2083
Commission Implementing Regulation (EU) 2021/2083 of 26 November 2021 suspending commercial policy measures concerning certain products originating in the United States of America imposed by Implementing Regulations (EU) 2018/886 and (EU) No 2020/502
Regolament ta’ Implimentazzjoni tal-Kummissjoni (UE) 2021/2083 tas-26 ta’ Novembru 2021 li jissospendi ċerti miżuri ta’ politika kummerċjali rigward ċerti prodotti li joriġinaw mill-Istati Uniti tal-Amerka imposti bir-Regolamenti ta’ Implimentazzjoni (UE) 2018/886 u (UE) 2020/502
Regolament ta’ Implimentazzjoni tal-Kummissjoni (UE) 2021/2083 tas-26 ta’ Novembru 2021 li jissospendi ċerti miżuri ta’ politika kummerċjali rigward ċerti prodotti li joriġinaw mill-Istati Uniti tal-Amerka imposti bir-Regolamenti ta’ Implimentazzjoni (UE) 2018/886 u (UE) 2020/502
C/2021/8479
ĠU L 426, 29.11.2021, p. 41–44
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
29.11.2021 |
MT |
Il-Ġurnal Uffiċjali tal-Unjoni Ewropea |
L 426/41 |
REGOLAMENT TA’ IMPLIMENTAZZJONI TAL-KUMMISSJONI (UE) 2021/2083
tas-26 ta’ Novembru 2021
li jissospendi ċerti miżuri ta’ politika kummerċjali rigward ċerti prodotti li joriġinaw mill-Istati Uniti tal-Amerka imposti bir-Regolamenti ta’ Implimentazzjoni (UE) 2018/886 u (UE) 2020/502
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 654/2014 tal-Parlament Ewropew u tal-Kunsill tal-15 ta’ Mejju 2014 dwar l-eżerċizzju tad-drittijiet tal-Unjoni għall-applikazzjoni u l-infurzar ta’ regoli kummerċjali internazzjonali u li jemenda r-Regolament tal-Kunsill (KE) Nru 3286/94 li jistabbilixxi l-proċeduri tal-Komunità fil-qasam ta’ politika kummerċjali komuni sabiex jiżgura l-eżerċizzju tad-drittijiet tal-Komunità skont ir-regoli internazzjonali tal-kummerċ, b’mod partikolari dawk stabbiliti taħt l-awspiċji tal-Organizzazzjoni Dinjija tal-Kummerċ (WTO) (1), u b’mod partikolari l-Artikolu 7(3) tiegħu,
Billi:
(1) |
Fl-20 ta’ Ġunju 2018, il-Kummissjoni adottat ir-Regolament ta’ Implimentazzjoni (UE) 2018/886 (2) dwar ċerti miżuri ta’ politika kummerċjali rigward ċerti prodotti li joriġinaw mill-Istati Uniti tal-Amerka li jipprevedi l-applikazzjoni ta’ dazji doganali addizzjonali fuq l-importazzjonijiet fl-Unjoni ta’ għadd ta’ prodotti li joriġinaw mill-Istati Uniti kif ġej:
|
(2) |
Fis-7 ta’ April 2020, il-Kummissjoni adottat ir-Regolament ta’ Implimentazzjoni (UE) 2020/502 (3) li jipprevedi l-applikazzjoni ta’ dazji doganali addizzjonali fuq l-importazzjonijiet fl-Unjoni ta’ ċerti prodotti li joriġinaw mill-Istati Uniti, kif ġej:
|
(3) |
Fil-31 ta’ Mejju 2021, wara d-Dikjarazzjoni Konġunta bejn l-UE u l-Istati Uniti ppubblikata fis-17 ta’ Mejju 2021, il-Kummissjoni adottat ir-Regolament ta’ Implimentazzjoni (UE) 2021/866 (4) dwar miżuri ta’ politika kummerċjali li jikkonċernaw ċerti prodotti li joriġinaw mill-Istati Uniti tal-Amerka, li ssospenda l-applikazzjoni tad-dazji ad valorem addizzjonali fuq il-prodotti elenkati fl-Anness II tar-Regolament ta’ Implimentazzjoni (UE) 2018/886 sat-30 ta’ Novembru 2021. |
(4) |
Il-Kummissjoni, f’isem l-Unjoni, tista’ temenda r-Regolamenti ta’ Implimentazzjoni (UE) 2018/886 (5) u (UE) 2020/502 (6), jekk tqis li dan ikun xieraq, biex tieħu kont ta’ kwalunkwe modifika jew emenda tal-miżuri ta’ salvagwardja tal-Istati Uniti. |
(5) |
Fil-31 ta’ Ottubru 2021, l-Istati Uniti ħabbru l-emendi li ġejjin għall-miżuri ta’ salvagwardja rispettivi tagħhom, li għandhom jidħlu fis-seħħ mill-1 ta’ Jannar 2022:
|
(6) |
Għaldaqstant, jenħtieġ li l-Unjoni tissospendi l-applikazzjoni tad-dazji ad valorem addizzjonali imposti mir-Regolamenti ta’ Implimentazzjoni (UE) 2018/886 u (UE) 2020/502 għall-perjodu sal-31 ta’ Diċembru 2023. Is-sospensjoni jenħtieġ li ssir kif ġej:
|
(7) |
Din is-sospensjoni tippermetti lill-Unjoni u lill-Istati Uniti javvanzaw b’mod sinifikanti l-kooperazzjoni kontinwa tagħhom, inkluż bil-ħsieb li jiġu eliminati t-tariffi rispettivi. Madankollu, ta’ min jinnota li l-applikazzjoni tal-esklużjonijiet mill-miżuri tal-Istati Uniti se ddum biss sal-31 ta’ Diċembru 2023. Esklużjonijiet bħal dawn mogħtija lill-importaturi fl-Istati Uniti meta jimportaw prodotti tal-Unjoni jnaqqsu b’mod sinifikanti l-impatt negattiv tal-miżuri ta’ salvagwardja tal-Istati Uniti. Għalhekk, sospensjoni sal-31 ta’ Diċembru 2023 titqies bħala perjodu suffiċjenti u raġonevoli u tqis kif xieraq l-avviżi tal-Istati Uniti tal-31 ta’ Ottubru 2021. |
(8) |
L-Artikolu 4(2)(c) tar-Regolament (UE) Nru 654/2014 jirrikjedi li l-azzjoni tal-Unjoni tkun sostanzjalment ekwivalenti għal-livell ta’ konċessjonijiet jew obbligi oħra affettwati mill-miżuri ta’ salvagwardja tal-pajjiż terz. |
(9) |
Jenħtieġ li l-Kummissjoni żżomm is-sospensjoni taħt rieżami fid-dawl ta’ żviluppi ġodda, pereżempju żviluppi li jistgħu jiddeterjoraw is-sitwazzjoni għall-esportazzjonijiet tal-Unjoni li jibqgħu soġġetti għall-miżuri ta’ salvagwardja tal-Istati Uniti, inkluż kwalunkwe impediment li jaffettwa l-esportazzjonijiet tal-Unjoni. Il-Kummissjoni tista’ temenda dan ir-Regolament biex tqis dawn l-iżviluppi, kwalunkwe modifika jew emenda għall-miżuri ta’ salvagwardja tal-Istati Uniti. |
(10) |
Is-sospensjoni hija mingħajr preġudizzju għall-pożizzjoni tal-Unjoni li l-miżuri ta’ salvagwardja mill-Istati Uniti jibqgħu inkompatibbli mal-Ftehim tad-WTO. |
(11) |
Il-miżuri previsti f’dan ir-Regolament huma skont l-opinjoni tal-Kumitat dwar l-Ostakli għall-Kummerċ, imwaqqaf permezz tar-Regolament (UE) 2015/1843 tal-Parlament Ewropew u tal-Kunsill (7), |
ADOTTAT DAN IR-REGOLAMENT:
Artikolu 1
L-applikazzjoni ta’ dazji ad valorem addizzjonali bir-rata ta’ 10 % u 25 % fuq l-importazzjonijiet tal-prodotti elenkati fl-Anness I tar-Regolament ta’ Implimentazzjoni (UE) 2018/886 għandha tiġi sospiża mill-1 ta’ Jannar 2022 sal-31 ta’ Diċembru 2023.
L-applikazzjoni ta’ dazji ad valorem addizzjonali bir-rata ta’ 10 %, 25 %, 35 % u 50 % fuq l-importazzjonijiet tal-prodotti elenkati fl-Anness II tar-Regolament ta’ Implimentazzjoni (UE) 2018/886 għandha tiġi sospiża mill-1 ta’ Diċembru 2021 sal-31 ta’ Diċembru 2023.
Mingħajr preġudizzju għal kull sospensjoni jew modifika ulterjuri, inkluża riintegrazzjoni bikrija, id-dazji previsti fir-Regolament ta’ Implimentazzjoni (UE) 2018/886 għandhom japplikaw b’effett mill-1 ta’ Jannar 2024.
Artikolu 2
L-applikazzjoni tar-Regolament ta’ Implimentazzjoni (UE) 2020/502 għandha tiġi sospiża sal-31 ta’ Diċembru 2023, kif ġej:
(a) |
id-dazji ad valorem addizzjonali ta’ rata ta’ 20 % u 7 % fuq l-importazzjonijiet tal-prodotti speċifikati fil-punt (a) tal-Artikolu 1(2) tar-Regolament ta’ Implimentazzjoni (UE) 2020/502 mill-1 ta’ Jannar 2022; |
(b) |
id-dazju ad valorem addizzjonali ta’ rata ta’ 4,4 % fuq l-importazzjonijiet tal-prodott speċifikat fil-punt (b) tal-Artikolu 1(2) tar-Regolament ta’ Implimentazzjoni (UE) 2020/502 mit-8 ta’ Frar 2023. |
Mingħajr preġudizzju għal kull sospensjoni jew modifika ulterjuri, inkluża riintegrazzjoni bikrija, id-dazji previsti fir-Regolament ta’ Implimentazzjoni (UE) 2020/502 għandhom japplikaw b’effett mill-1 ta’ Jannar 2024.
Artikolu 3
Dan ir-Regolament għandu jidħol fis-seħħ fit-30 ta’ Novembru 2021.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-26 ta’ Novembru 2021.
Għall-Kummissjoni
Il-President
Ursula VON DER LEYEN
(1) ĠU L 189, 27.6.2014, p. 50; emendat bir-Regolament (UE) 2015/1843 tal-Parlament Ewropew u tal-Kunsill tas-6 ta’ Ottubru 2015 (ĠU L 272, 16.10.2015, p. 1) u bir-Regolament (UE) 2021/167 tal-Parlament Ewropew u tal-Kunsill tal-10 ta’ Frar 2021 (ĠU L 49, 12.2.2021, p. 1).
(2) Ir-Regolament ta’ Implimentazzjoni tal-Kummissjoni (UE) 2018/886 tal-20 ta’ Ġunju 2018 dwar ċerti miżuri ta’ politika kummerċjali rigward ċerti prodotti li joriġinaw mill-Istati Uniti tal-Amerka u li jemenda r-Regolament ta’ Implimentazzjoni (UE) 2018/724 (ĠU L 158, 21.6.2018, p. 5).
(3) Ir-Regolament ta’ Implimentazzjoni tal-Kummissjoni (UE) 2020/502 tas-6 ta’ April 2020 dwar ċerti miżuri ta’ politika kummerċjali li jikkonċernaw ċerti prodotti li joriġinaw fl-Istati Uniti tal-Amerka (ĠU L 109, 7.4.2020, p. 10).
(4) Ir-Regolament ta’ Implimentazzjoni tal-Kummissjoni (UE) 2021/866 tat-28 ta’ Mejju 2021 li jissospendi ċerti miżuri ta’ politika kummerċjali rigward ċerti prodotti li joriġinaw mill-Istati Uniti tal-Amerka imposti bir-Regolament ta’ Implimentazzjoni (UE) 2018/886 (ĠU L 190, 31.5.2021, p. 94).
(5) Il-premessa 7 tar-Regolament ta’ Implimentazzjoni (UE) 2018/886.
(6) Il-premessa 19 tar-Regolament ta’ Implimentazzjoni (UE) 2020/502.
(7) Ir-Regolament (UE) 2015/1843 tal-Parlament Ewropew u tal-Kunsill tas-6 ta’ Ottubru 2015 li jistabbilixxi l-proċeduri tal-Unjoni fil-qasam tal-politika kummerċjali komuni sabiex jiżgura l-eżerċizzju tad-drittijiet tal-Unjoni skont ir-regoli internazzjonali tal-kummerċ, b’mod partikolari dawk stabbiliti taħt l-awspiċji tal-Organizzazzjoni Dinjija tal-Kummerċ (ĠU L 272, 16.10.2015, p. 1).