This document is an excerpt from the EUR-Lex website
Document 32021R2002
Council Regulation (EU) 2021/2002 of 15 November 2021 amending Regulation (EU) 2021/90 fixing for 2021 the fishing opportunities for certain fish stocks and groups of fish stocks applicable in the Mediterranean and Black Seas
Regolament tal-Kunsill (UE) 2021/2002 tal-15 ta’ Novembru 2021 li jemenda r-Regolament (UE) 2021/90 li jistabbilixxi l-opportunitajiet tas-sajd għal ċerti stokkijiet tal-ħut u għal ċerti gruppi ta’ stokkijiet tal-ħut applikabbli fil-Mediterran u fil-Baħar l-Iswed għall-2021
Regolament tal-Kunsill (UE) 2021/2002 tal-15 ta’ Novembru 2021 li jemenda r-Regolament (UE) 2021/90 li jistabbilixxi l-opportunitajiet tas-sajd għal ċerti stokkijiet tal-ħut u għal ċerti gruppi ta’ stokkijiet tal-ħut applikabbli fil-Mediterran u fil-Baħar l-Iswed għall-2021
ST/13125/2021/INIT
ĠU L 407, 17.11.2021, pp. 1–3
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 31/12/2021
|
17.11.2021 |
MT |
Il-Ġurnal Uffiċjali tal-Unjoni Ewropea |
L 407/1 |
REGOLAMENT TAL-KUNSILL (UE) 2021/2002
tal-15 ta’ Novembru 2021
li jemenda r-Regolament (UE) 2021/90 li jistabbilixxi l-opportunitajiet tas-sajd għal ċerti stokkijiet tal-ħut u għal ċerti gruppi ta’ stokkijiet tal-ħut applikabbli fil-Mediterran u fil-Baħar l-Iswed għall-2021
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 43(3) tiegħu,
Wara li kkunsidra l-proposta tal-Kummissjoni Ewropea,
Billi:
|
(1) |
Ir-Regolament tal-Kunsill (UE) 2021/90 (1) jiffissa, għall-2021, l-opportunitajiet tas-sajd għal ċerti stokkijiet tal-ħut u għal ċerti gruppi ta’ stokkijiet tal-ħut applikabbli fil-Mediterran u fil-Baħar l-Iswed. Dak ir-Regolament jimplimenta fil-liġi tal-Unjoni l-pjan ta’ ġestjoni pluriennali għall-barbun imperjali fil-Baħar l-Iswed (subżona ġeorgrafika 29) adottat mir-Rakkomandazzjoni GFCM/41/2017/4 tal-Kummissjoni Ġenerali għas-Sajd fil-Mediterran (GFCM), kif emendata mir-Rakkomandazzjoni GFCM/43/2019/3 tal-GFCM. |
|
(2) |
Fl-44 laqgħa annwali tagħha fl-2021, il-GFCM adottat deċiżjoni fejn osservat li matul is-sena 2020, l-Unjoni Ewropea ma kinitx sfruttat biżżejjed il-kwota tagħha għall-barbun imperjali u approvat riport tal-kwota mhux użata fid-dawl tas-sitwazzjoni eċċezzjonali maħluqa mill-pandemija tal-COVID-19. Jenħtieġ li d-deċiżjoni tal-GFCM tiġi implimentata fil-liġi tal-Unjoni. |
|
(3) |
Għalhekk jenħtieġ li d-distribuzzjoni tal-opportunitajiet tas-sajd fil-Baħar l-Iswed stabbilita fir-Regolament (UE) 2021/90 tiġi emendata biex tirrifletti l-aġġustamenti għall-kwoti tal-Unjoni stabbiliti mill-GFCM. Jenħtieġ li d-distribuzzjoni tal-opportunitajiet tas-sajd li jirriżultaw ms-sottoutilizzazzjoni titwettaq abbażi tal-kontribuzzjoni rispettiva ta’ kull Stat Membru lejn is-sottoutilizzazzjoni, mingħajr ma jinbidel il-koeffiċjent ta’ distribuzzjoni stabbilit fir-Regolament (UE) 2021/90 dwar l-allokazzjoni annwali tal-qabdiet totali permissibbli (total allowable catches - TACs). |
|
(4) |
Għalhekk, jenħtieġ li r-Regolament (UE) 2021/90 jiġi emendat skont dan. |
|
(5) |
Il-limiti tal-qbid previsti fir-Regolament (UE) 2021/90 japplikaw mill-1 ta’ Jannar 2021. Għalhekk jenħtieġ li d-dispożizzjonijiet li jdaħħal dan ir-Regolament marbutin ma’ dawk il-limiti tal-qbid jiddaħħlu fis-seħħ malajr kemm jista’ jkun u japplikaw b’mod retroattiv mill-1 ta’ Jannar 2021. Tali applikazzjoni retroattiva ma taffettwax il-prinċipji taċ-ċertezza legali u tal-protezzjoni tal-aspettattivi leġittimi, billi l-opportunitajiet tas-sajd ikkonċernati żdiedu u għadhom ma ġewx eżawriti. Minħabba l-urġenza, jenħtieġ li dan ir-Regolament jidħol fis-seħħ minnufih wara li jiġi ppubblikat, |
ADOTTA DAN IR-REGOLAMENT:
Artikolu 1
Emendar tar-Regolament tal-Kunsill (UE) 2021/90
L-Anness VII għar-Regolament (UE) 2021/90 huwa emendat kif jinsab fl-Anness ta’ dan ir-Regolament.
Artikolu 2
Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu jibda japplika mill-1 ta’ Jannar 2021.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-15 ta’ Novembru 2021.
Għall-Kunsill
Il-President
J. PODGORŠEK
(1) Ir-Regolament tal-Kunsill (UE) 2021/90 tat-28 ta’ Jannar 2021 li jistabbilixxi l-opportunitajiet tas-sajd għal ċerti stokkijiet ta’ ħut u għal ċerti gruppi ta’ stokkijiet ta’ ħut applikabbli fil-Mediterran u fil-Baħar l-Iswed għall-2021 (ĠU L 31, 29.1.2021, p. 1).
ANNESS
Fl-Anness VII għar-Regolament (UE) 2021/90, it-tabella tal-opportunitajiet tas-sajd għall-barbun imperjali fl-ilmijiet tal-Unjoni fil-Baħar l-Iswed hija sostitwita b’dan li ġej:
|
“Speċi: |
Barbun imperjali |
Żona: |
L-ilmijiet tal-Unjoni li jinsabu fil-Baħar l-Iswed — is-subżona ġeografika 29 |
|
|
Scophthalmus maximus |
(TUR/F3742C) |
|||
|
Il-Bulgarija |
87,825 |
|
TAC analitika Ma għandux japplika l-Artikolu 3 tar-Regolament (KE) Nru 847/96. Ma għandux japplika l-Artikolu 4 tar-Regolament (KE) Nru 847/96 |
|
|
Ir-Rumanija |
80,116 |
|
||
|
L-Unjoni |
167,941 |
|||
|
TAC |
857 |
|||
(*1) L-ebda attività tas-sajd, inkluż it-trażbord, iż-żamma abbord, il-ħatt l-art u l-ewwel bejgħ ma għandha tkun permessa mill-15 ta’ April sal-15 ta’ Ġunju 2021.”